India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 17, 2024
గణేశ్ నిమజ్జనోత్సవంలో పాల్గొననున్న CM
ఖైరతాబాద్ మహా గణపతి నిమజ్జన కార్యక్రమంలో సీఎం రేవంత్ రెడ్డి పాల్గొననున్నారు. ప్రజాపాలన కార్యక్రమం ముగిసిన వెంటనే మరి కాసేపట్లో ఆయన ట్యాంక్బండ్కు చేరుకోనున్నారు. ప్రస్తుతం ఖైరతాబాద్ సప్తముఖ వినాయకుడి శోభాయాత్ర అంగరంగ వైభవంగా కొనసాగుతోంది.
News September 17, 2024
తెలంగాణ విమోచన దినోత్సవంలో పాల్గొన్న కిషన్ రెడ్డి, బండి
TG: కేంద్ర ప్రభుత్వ ఆధ్వర్యంలో తెలంగాణ విమోచన దినోత్సవం ఘనంగా నిర్వహించారు. SECBAD పరేడ్ గ్రౌండ్లో కేంద్రమంత్రులు కిషన్ రెడ్డి, బండి సంజయ్ పాల్గొన్నారు. కిషన్ రెడ్డి జాతీయ జెండా ఎగురవేశారు. అమర జవాన్ల స్తూపానికి, వల్లభాయ్ పటేల్ విగ్రహానికి నివాళి అర్పించారు. మరోవైపు రాష్ట్ర ప్రభుత్వ ఆధ్వర్యంలో తెలంగాణ ప్రజాపాలన దినోత్సవం జరుగుతోంది. అసెంబ్లీ ప్రాంగణం వద్ద స్పీకర్ ప్రసాద్ జెండా ఆవిష్కరించారు.
News September 17, 2024
కొత్త రేషన్ కార్డుల అంశంపై ప్రజల్లో సందేహాలు
TG: రేషన్ కార్డులను విభజించి స్మార్ట్ రేషన్ కార్డులు, స్మార్ట్ హెల్త్ కార్డులు ఇస్తామని మంత్రులు ఉత్తమ్, పొంగులేటి ప్రకటించిన విషయం తెలిసిందే. అయితే కార్డుల జారీకి లబ్ధిదారుల ఆదాయ పరిమితి, అర్హతలపై నిబంధనలను పున:సమీక్షిస్తామని చెప్పడంతో ప్రజల్లో సందేహాలు నెలకొన్నాయి. బియ్యం అవసరం లేని వారికి స్మార్ట్ హెల్త్ కార్డులు ఇస్తామని చెప్పడంపైనా అనుమానాలున్నాయి. ఈ నెల 21న ఈ అంశంపై తుది నిర్ణయం రానుంది.
News September 17, 2024
జానీని ‘మాస్టర్’ అని పిలవొద్దు: హీరోయిన్
డాన్స్ కొరియోగ్రాఫర్ జానీపై లైంగిక వేధింపుల ఆరోపణల నేపథ్యంలో హీరోయిన్ పూనమ్ కౌర్ స్పందించారు. ‘ఆరోపణలు ఎదుర్కొంటున్న షేక్ జానీని ఇక నుంచి మాస్టర్ అని పిలవొద్దు. ‘మాస్టర్’ అనే పదానికి కాస్త గౌరవం ఇవ్వండి’ అని ట్వీట్ చేశారు. జానీ దగ్గర అసిస్టెంట్ కొరియోగ్రాఫర్గా పనిచేస్తున్న ఓ యువతి ఆయన తనను లైంగికంగా వేధించాడని, అత్యాచారం చేశాడని రాయదుర్గం పీఎస్లో ఫిర్యాదు చేసిన సంగతి తెలిసిందే.
News September 17, 2024
నేడు సమీక్షలతో బిజీగా సీఎం చంద్రబాబు
AP: సీఎం చంద్రబాబు ఇవాళ పలు శాఖలపై సమీక్షలు నిర్వహించనున్నారు. నూతన ఎక్సైజ్ పాలసీ, బీసీ వెల్ఫేర్, హ్యాండ్లూమ్స్, టెక్స్ టైల్స్ శాఖలపై మంత్రులు, అధికారులతో సమీక్షించనున్నారు. అలాగే భారీ వర్షాలు, వరదలతో నష్టపోయిన ప్రజలకు అందించే సాయంపై నేడు సాయంత్రం కీలక ప్రకటన చేయనున్నట్లు సమాచారం.
News September 17, 2024
మోదీ @ 74: పుట్టినరోజు శుభాకాంక్షల వెల్లువ
ప్రధాని నరేంద్రమోదీ నేడు 74వ వసంతంలోకి అడుగుపెట్టారు. ఆయా రాష్ట్రాల CMలు, కేంద్ర మంత్రులు, BJP నేతలు, ఫ్యాన్స్ ఆయనకు శుభాకాంక్షలు తెలియజేస్తున్నారు. ‘భరతమాత ముద్దుబిడ్డ, విజనరీ లీడర్, పీఎం మోదీకి పుట్టినరోజు శుభాకాంక్షలు. బలమైన, సంపన్నమైన భారత్ను నిర్మించాలన్న మీ విజన్ అందరి హృదయాల్లో ధ్వనిస్తోంది. అంకితభావంతో దేశాన్ని అభివృద్ధి చేసి భవిష్యత్తు తరాలకు ప్రేరణనివ్వాలి’ అంటూ ట్వీట్లు చేస్తున్నారు.
News September 17, 2024
ఆర్టికల్ 370పై కాంగ్రెస్ సైలెంట్!
ఆర్టికల్ 370 అమలుపై కాంగ్రెస్ సైలెంట్ అయింది. పార్టీ అభ్యర్థులు, నేతలు మాట్లాడుతున్నా జమ్మూకశ్మీర్ ఎన్నికల మ్యానిఫెస్టోలో మాత్రం ప్రస్తావించలేదు. పూర్తిస్థాయి రాష్ట్ర హోదా, ప్రభుత్వ ఉద్యోగాలు, టెండర్లు, భూమి, వనరుల కేటాయింపుల్లో స్థానికులకు ప్రయారిటీ ఇస్తామంది. స్త్రీలకు నెలకు రూ.3000, నిరుద్యోగులకు రూ.3500, రూ.25 లక్షల బీమా, లక్ష ఉద్యోగాల కల్పన, KG ఆపిల్ మద్దతు ధర రూ.72 వంటి హామీలిచ్చింది.
News September 17, 2024
రేవంత్ ‘కంప్యూటర్’ కామెంట్స్పై KTR సెటైర్లు
TG: CM రేవంత్ <<14117106>>వ్యాఖ్యలపై<<>> చిట్టినాయుడు సుభాషితాలు అంటూ KTR సెటైర్లు వేశారు. ‘కంప్యూటర్ కనిపెట్టింది రాజీవ్ కాదు చార్లెస్ బాబేజీ. దేశానికి కంప్యూటర్ పరిచయం చేసిందీ రాజీవ్ కాదు. TIFRAC వారు 1956లో ఇక్కడ కంప్యూటర్ సేవలు ప్రారంభించారు. రాజీవ్కు అప్పటికి 12ఏళ్లు. నోటికొచ్చింది వాగి దొరికిపోవడం ఎందుకు? నీకు బాగా తెలిసిన రియల్టీ దందాలు, బ్లాక్ మెయిల్కి పరిమితమైతే మంచిదమ్మా చిట్టి’ అని ట్వీట్ చేశారు.
News September 17, 2024
రిలీజ్కు ముందే చరిత్ర సృష్టించిన ‘దేవర’
జూ.ఎన్టీఆర్, జాన్వీ జంటగా నటించిన ‘దేవర’ మూవీ చరిత్ర సృష్టించింది. అమెరికా అడ్వాన్స్ ప్రీమియర్ టికెట్ సేల్స్లో అత్యంత వేగంగా $1.75M సాధించిన తొలి భారతీయ చిత్రంగా నిలిచినట్లు మేకర్స్ వెల్లడించారు. అలాగే 10 రోజుల్లోనే 45 వేలకు పైగా టికెట్లు అమ్ముడుపోయినట్లు తెలిపారు. కొరటాల శివ దర్శకత్వం వహించిన ఈ చిత్రం ఈ నెల 27న విడుదల కానున్న విషయం తెలిసిందే. ట్రైలర్, పాటలు మూవీపై అంచనాలను పెంచేశాయి.
News September 17, 2024
వడ్డీరేటును ఎంత తగ్గిస్తుందో?
ప్రపంచ వ్యాప్తంగా ఇన్వెస్టర్లు వేయికళ్లతో ఎదురుచూస్తున్న తరుణం రానే వచ్చింది. US ఫెడ్ వడ్డీరేటును ఎంతమేర తగ్గిస్తుందోనని ఆత్రుతగా చూస్తున్నారు. బుధవారం ముగిసే సమావేశాల్లో ఫెడ్ ఛైర్ జెరోమ్ పావెల్ వడ్డీరేటును 50 బేసిస్ పాయింట్ల మేర తగ్గిస్తారని రాయిటర్స్ అంచనా వేసింది. కనీసం 25 బేసిస్ పాయింట్ల కోత కచ్చితంగా ఉంటుందని అనలిస్టుల మాట. అదే జరిగితే గ్లోబల్ స్టాక్ మార్కెట్లు రాకెట్లలా దూసుకెళ్లడం ఖాయం.
Featured News
Sorry, no posts matched your criteria.