India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 29, 2024
ఆ సెంటిమెంట్ కొనసాగిస్తున్న ఎన్టీఆర్?
దేవర హిట్ కొట్టడంతో నెట్టింట తారక్ ఫ్యాన్స్ సందడి చేస్తున్నారు. ఫ్లాప్ చూసిన దర్శకుడికి వెంటనే హిట్ ఇవ్వాలంటే తారక్ తర్వాతేనని కొనియాడుతున్నారు. బాబీకి సర్దార్ గబ్బర్ సింగ్ తర్వాత జై లవకుశ, అజ్ఞాతవాసి తర్వాత త్రివిక్రమ్‌కు అరవింద సమేత, హార్ట్‌ఎటాక్ మూవీ తర్వాత టెంపర్‌తో పూరీకి, నేనొక్కడినే తర్వాత సుకుమార్‌కు నాన్నకు ప్రేమతో, ఆచార్య తర్వాత కొరటాలకు దేవరతో హిట్స్ ఇచ్చారని గుర్తుచేసుకుంటున్నారు.
News September 29, 2024
మూసీ ధన దాహానికి లక్షల జీవితాలు బలి: KTR
TG: సీఎం రేవంత్ రెడ్డి రూ.1.50 లక్షల కోట్ల మూసీ ధన దాహానికి లక్షల జీవితాలు బలవుతున్నాయని మాజీ మంత్రి కేటీఆర్ విమర్శించారు. ‘రెక్కలు ముక్కలు చేసి కలల కుటీరాలను నిర్మించి కన్న బిడ్డలకు ఇవ్వలేకపోతున్నామని తల్లిదండ్రులు గుండెలు బాదుకుంటున్నారు. భార్య కడుపుతో ఉంది కనికరించరా అని ఒంటిపై పెట్రోల్ పోసుకుంటున్నారు. తొందరపడి మీ ప్రాణాలు బలితీసుకోవద్దు. న్యాయస్థానాలు ఉన్నాయి. మేమూ ఉన్నాం’ అని ట్వీట్ చేశారు.
News September 29, 2024
సిట్‌పై మాకు నమ్మకం లేదు: గుడివాడ అమర్నాథ్
AP: తిరుమల ప్రతిష్ఠను సీఎం చంద్రబాబు దెబ్బ తీశారని వైసీపీ నేత గుడివాడ అమర్నాథ్ ఆరోపించారు. ‘కుల, మతాల మధ్య చిచ్చుపెట్టేలా చంద్రబాబు వ్యవహరిస్తున్నారు. హామీల అమలులో విఫలమై తిరుమల లడ్డూ అంశాన్ని తెర మీదకు తీసుకువచ్చారు. చంద్రబాబు తప్పు చేశారు కాబట్టే సీబీఐ విచారణ కోరలేదు. దమ్ముంటే లడ్డూ వ్యవహారంపై సీబీఐతో విచారణ జరిపించాలి. ఆయన ఏర్పాటు చేసిన సిట్‌పై మాకు నమ్మకం లేదు’ అని ఆయన వ్యాఖ్యానించారు.
News September 29, 2024
పేరుకే రిచెస్ట్.. కానీ పిచ్ కూడా ఆరబెట్టలేరు!
వరల్డ్ రిచెస్ట్ క్రికెట్ బోర్డు బీసీసీఐ పరిస్థితి పేరు గొప్ప, ఊరు దిబ్బ అన్న చందంగా ఉంది. భారత్-బంగ్లా రెండో టెస్టులో వర్షం పడకపోయినా నిన్న, ఇవాళ ఒక్క బంతి పడకుండానే ఆట రద్దయింది. చాలా మైదానాల్లో వర్షపు నీరు బయటకు వెళ్లేందుకు సరైన డ్రైనేజీ వ్యవస్థల్లేవు. పిచ్ ఆరబెట్టేందుకు ఇంగ్లండ్, ఆస్ట్రేలియా.. ఆఖరుకు పాకిస్థాన్ సైతం హెలికాప్టర్లు వాడుతుంటే మనోళ్లు ఐరన్ బాక్సులు, హెయిర్ డ్రైయర్లు వాడుతున్నారు.
News September 29, 2024
భయంతోనే చంద్రబాబు సిట్ ఏర్పాటు: సజ్జల
AP: తిరుమల లడ్డూ వ్యవహారంపై YCP కోర్టుకు వెళ్లడంతో CM చంద్రబాబు భయపడి సిట్ వేశారని ఆ పార్టీ నేత సజ్జల రామకృష్ణారెడ్డి అన్నారు. లడ్డూపై తాను చెప్పింది నిజమైతే సుప్రీంకోర్టు విచారణను కోరాల్సిందని చెప్పారు. ‘లడ్డూపై CM తప్పుడు ఆరోపణలు చేయలేదనుకుంటే కూటమి ప్రభుత్వమే సుప్రీం విచారణను కోరుతూ అఫిడవిట్ వేయాల్సింది. ఎలాంటి ఆధారాలు, ధైర్యం లేకనే సిట్ విచారణ అంటూ హడావుడి చేస్తున్నారు’ అని ఆయన మండిపడ్డారు.
News September 29, 2024
YELLOW ALERT: రెండు రోజులు వర్షాలు
తెలంగాణలో 2 రోజులు వానలు కురుస్తాయని HYD వాతావరణ కేంద్రం వెల్లడించింది. రేపు ఆసిఫాబాద్, సిరిసిల్ల, కరీంనగర్, పెద్దపల్లి, భూపాలపల్లి, ములుగు, వరంగల్, సిద్దిపేట, వికారాబాద్, నాగర్ కర్నూల్, గద్వాల్ జిల్లాలకు ఎల్లో అలర్ట్ జారీ చేసింది. అటు APలో రేపు శ్రీకాకుళం, విజయనగరం, మన్యం, అల్లూరి, పల్నాడు, ప్రకాశం, నంద్యాల జిల్లాల్లో మోస్తరు వర్షాలు, మిగతా జిల్లాల్లో తేలికపాటి వానలు పడతాయని APSDMA తెలిపింది.
News September 29, 2024
RCB ఆ ఒకర్ని తప్ప అందర్నీ వదిలేయాలి: ఆర్పీ సింగ్
ఐపీఎల్ వేలంలో ఆర్సీబీ ఫ్రెష్‌గా రంగంలోకి దిగాలని మాజీ క్రికెటర్ RP సింగ్ అభిప్రాయపడ్డారు. విరాట్‌ను తప్ప అందర్నీ వదిలేయాలన్నారు. ‘కోహ్లీ జట్టుతోనే ఉండాలి. అతడి చుట్టూ టీమ్ నిర్మించాలి. మిగిలిన కీలక ఆటగాళ్లను RTMతో సొంతం చేసుకుంటే చాలు. సిరాజ్, పాటీదార్ వంటి కీలక ఆటగాళ్లను తిరిగి కొనుగోలు చేయొచ్చు. ఆ జట్టులో ఇప్పుడున్న వారిలో విరాట్ తప్ప వేరెవ్వరూ రూ. 14-18 కోట్లు పలికే ఛాన్స్ లేదు’ అని తెలిపారు.
News September 29, 2024
రాష్ట్ర ఖజానా ఖాళీగా ఉన్నా పథకాల అమలు: మంత్రి నారాయణ
AP: ప్రపంచంలోని 5 ఉత్తమ రాజధానుల్లో అమరావతిని ఒకటిగా నిలపాలన్నదే CM చంద్రబాబు లక్ష్యమని మంత్రి నారాయణ తెలిపారు. 2014-19 మధ్య తమ ప్రభుత్వం 9 లక్షల గృహాలు మంజూరు చేయడం దేశంలోనే రికార్డన్నారు. టిడ్కో ఇళ్లను నిర్మించిన కాంట్రాక్టర్లకు YCP ప్రభుత్వం డబ్బులు ఇవ్వలేదని ఆరోపించారు. ప్రస్తుతం రాష్ట్ర ఖజానా ఖాళీగా ఉన్నప్పటికీ CBN చాకచక్యంతో అభివృద్ధి, సంక్షేమ పథకాలు అమలు చేస్తున్నారని పేర్కొన్నారు.
News September 29, 2024
హెజ్బొల్లాకు మరో భారీ ఎదురుదెబ్బ?
హెజ్బొల్లాకు మరో ఎదురుదెబ్బ తగిలినట్లు తెలుస్తోంది. హెజ్బొల్లా టాప్ కమాండర్ నబీల్ క్వాక్‌ను ఇజ్రాయెల్ ఎయిర్ డిఫెన్స్ ఫోర్స్ హతమార్చినట్లు సమాచారం. కాగా నబీల్ 1995 నుంచి 2010 వరకు హెజ్బొల్లా మిలిటరీ కమాండర్‌గా పని చేశారు. 2020లో అతడిని US ఉగ్రవాదిగా గుర్తించింది. కాగా నిన్న బీరుట్‌లో ఇజ్రాయెల్ జరిపిన వైమానిక దాడుల్లో హెజ్బొల్లా చీఫ్ హసన్ నస్రల్లాతోపాటు ఆయన కుమార్తె కూడా మరణించిన సంగతి తెలిసిందే.
News September 29, 2024
రాజమౌళితో సినిమా చేయాలనే ఆశ ఉంది: అశ్వనీదత్
ప్రముఖ డైరెక్టర్ రాజమౌళితో సినిమా చేయాలని ఎప్పటి నుంచో అనుకుంటున్నానని నిర్మాత అశ్వనీదత్ ఓ ఇంటర్వ్యూలో చెప్పారు. ‘జక్కన్న తొలి చిత్రం స్టూడెంట్ నం.1కు నేను ప్రజెంటర్‌గా వ్యవహరించా. మొదటి సినిమా అయినా అద్భుతంగా తెరకెక్కించారు. ఇప్పుడు ఆయన ప్రపంచవ్యాప్త గుర్తింపు తెచ్చుకున్నారు. తనతో సినిమా చేయాలని ఎప్పటి నుంచో అనుకుంటున్నా కుదరట్లేదు. ఇప్పటికీ ఆ ఆశ ఉంది’ అని తెలిపారు.
Featured News
Sorry, no posts matched your criteria.