India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 30, 2024
పారిస్ పారాలింపిక్స్‌: భారత్‌కు మరో పతకం
పారిస్‌లో జరుగుతున్న పారాలింపిక్స్‌లో భారత్‌ ఖాతాలో 3 పతకాలు చేరాయి. 100 మీటర్ల రన్నింగ్‌లో ప్రీతి పాల్‌ బ్రాంజ్ మెడల్ సాధించారు. 10 మీటర్ల ఎయిర్ రైఫిల్ విభాగంలో అవని లేఖరా గోల్డ్, మోనా అగర్వాల్‌ బ్రాంజ్ మెడల్ <<13976672>>గెలిచారు.<<>>
News August 30, 2024
60 లక్షల మొక్కలు నాటారా? నిరూపిస్తే రాజీనామా: స్పీకర్ అయ్యన్న
AP: వనమహోత్సవ కార్యక్రమంలో స్పీకర్ అయ్యన్నపాత్రుడు అటవీ శాఖ అధికారులకు సవాల్ విసిరారు. ‘5 నెలల్లోనే 60 లక్షల మొక్కలు నాటామని అధికారులు చెబుతున్నారు. సోషల్ ఆడిట్‌లో దీన్ని నిరూపిస్తే రాజీనామాకు సిద్ధం’ అని పేర్కొన్నారు. ‘రైతులు పొలంలో పెంచుకున్న వేప, టేకు చెట్లు కొట్టుకోవాలంటే అనుమతులు తీసుకోవాలంటున్నారు. మరి జగన్ పర్యటనలలో రోడ్లకు ఇరువైపులా చెట్లను ఎందుకు నరికేశారో చెప్పాలి’ అని డిమాండ్ చేశారు.
News August 30, 2024
ఒకేచోట సచిన్, మను ఫ్యామిలీ
పారిస్ ఒలింపిక్స్‌లో రెండు మెడల్స్ సాధించిన షూటర్ మనూ భాకర్ కుటుంబంతో సహా సచిన్ టెండూల్కర్ ఫ్యామిలీని కలిశారు. ఈ సందర్భంగా ఇరు కుటుంబాలు కాసేపు ముచ్చటించుకున్నట్టు తెలిపారు. సంబంధిత ఫొటోలను ఆమె ట్విటర్‌లో పంచుకున్నారు. ‘క్రికెట్ ఐకాన్ సచిన్ టెండూల్కర్ సార్‌తో ఈ ప్రత్యేక క్షణాన్ని పంచుకోవడం ఆశీర్వాదంగా భావిస్తున్నా. ఆయన ప్రయాణం నన్ను, ఎంతోమందిని ప్రేరేపించింది. థాంక్యూ సార్’ అని పేర్కొన్నారు.
News August 30, 2024
MPP, ZPTCలను చూసి MPలు బుద్ధి తెచ్చుకోవాలి: అంబటి
AP: పార్టీలు మారే ఎంపీలు MPP, ZPTCలను చూసి బుద్ధి తెచ్చుకోవాలని YCP నేత అంబటి రాంబాబు విమర్శించారు. అధికారంలో లేకపోయినా స్థానిక సంస్థల ప్రజా ప్రతినిధులు పార్టీకి అండగా నిలిచారని చెప్పారు. ‘ఎవరు పోయినా పార్టీకి వచ్చిన నష్టమేమీ లేదు. నిజాయితీగా ఉన్నవారు పార్టీలు మారరు. జెత్వానీ కేసులో సజ్జలను ఏదో చేయాలని ప్రభుత్వం అనుకుంటోంది. ఈ కేసు విషయంలో ప్రభుత్వానికి బూమరాంగ్ తప్పదు’ అని ఆయన ఫైర్ అయ్యారు.
News August 30, 2024
KL రాహుల్‌తో వాగ్వాదంపై స్పందించిన గోయెంకా
IPL-2024లో SRHతో జరిగిన మ్యాచ్‌లో KL రాహుల్‌తో వాగ్వాదంపై LSG ఓనర్ సంజీవ్ గోయెంకా తాజాగా స్పందించారు. ‘జట్టులో ఒకరు విఫలమైతే అర్థముంది. కానీ 11 మందీ విఫలం కావడం ఏంటి? అందుకే దీనిపై నేను KLను ప్రశ్నించా. ఎవరైనా వచ్చి ఈ రోజు చెత్తగా ఆడాం అంటే నాకు నచ్చదు. మనపై మనకు నమ్మకం ఉండాలి. లేదంటే ఎప్పటికీ విజయం సాధించలేం. ముంబై ఇండియన్స్ లాగా ఓటమిని ఒక పట్టాన అంగీకరించకూడదు’ అని ఆయన వ్యాఖ్యానించారు.
News August 30, 2024
పాన్ మసాలా యాడ్‌కు నో చెప్పిన మాధవన్!
తమిళ స్టార్ నటుడు మాధవన్ ప్రముఖ పాన్ మసాలా బ్రాండ్‌ను ప్రమోట్ చేసేందుకు ఒప్పుకోలేదని సినీ వర్గాలు తెలిపాయి. తన ప్రభావంతో అభిమానులు వ్యసనపరులు అవుతారనే కారణంతో ఆయన ఈ ఆఫర్‌ను తిరస్కరించినట్లు పేర్కొన్నాయి. భారీగా చెల్లించేందుకు బ్రాండ్ ప్రతినిధులు ముందుకొచ్చినా తన వ్యక్తిగత విలువలకు అనుగుణంగా దీనికి నో చెప్పారని టాక్. ఐకాన్ స్టార్ అల్లు అర్జున్, యష్ సైతం ఇలాంటి ప్రకటనలకు గతంలో నో చెప్పారు.
News August 30, 2024
మిమ్మల్ని చూసి దేశం గర్విస్తోంది: మోదీ
పారిస్ పారాలింపిక్స్‌లో గోల్డ్ మెడల్ సాధించిన అవని లేఖరా, బ్రాంజ్ గెలిచిన మోనా అగర్వాల్‌‌ను ప్రధాని నరేంద్ర మోదీ అభినందించారు. 3 పారాలింపిక్ పతకాలను గెలుచుకున్న తొలి భారతీయ మహిళా అథ్లెట్‌గా అవని చరిత్ర సృష్టించారని, తన అంకితభావంతో దేశం గర్వపడేలా చేస్తున్నారని కొనియాడారు. కాంస్య పతకాన్ని గెలిచిన మోనాను చూసి భారతదేశం గర్విస్తోందని ట్వీట్ చేశారు.
News August 30, 2024
MBBS సీటు సాధించిన బోండా తెగ యువకుడు
ఒడిశాలోని బోండా తెగకు చెందిన మంగళ ముదులి (19) నీట్‌లో అర్హత సాధించి బెర్హంపూర్‌లోని మహారాజ కృష్ణచంద్ర గజపతి(MKCG) మెడికల్ కాలేజీలో అడ్మిషన్ పొందారు. బోండా తెగ నుంచి డాక్టర్‌ కాబోతున్న తొలి వ్యక్తిగా ఆయన నిలిచారు. ఆయన నీట్ కోచింగ్ కోసం ఓ టీచర్ ఆర్థిక సాయం చేశారు. ముదులి కుటుంబం అటవీ ఉత్పత్తులను అమ్ముకుంటూ జీవనం సాగిస్తోంది. తమ తెగకు మెరుగైన వైద్య సౌకర్యాలు కల్పించడమే తన లక్ష్యమని ముదులి తెలిపారు.
News August 30, 2024
భవిష్యత్‌లో ఉత్తమ్ కుమార్ రెడ్డే సీఎం: కోమటిరెడ్డి
TG: భవిష్యత్‌లో మంత్రి ఉత్తమ్ కుమార్ రెడ్డి సీఎం అవుతారని కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డి జోస్యం చెప్పారు. ఓ సభలో ఉత్తమ్‌ను ముఖ్యమంత్రి గారూ అని ఆయన సంబోధించారు. ‘గతంలోనే ఉత్తమ్‌కు సీఎం పదవి కొద్దిలో మిస్ అయ్యింది. ఈసారి మాత్రం పక్కాగా ఆయనకే ముఖ్యమంత్రి పీఠం. నా నాలుకపై నల్లమచ్చలు ఉన్నాయి. నేను ఏదంటే అది జరిగి తీరాల్సిందే’ అని సంచలన వ్యాఖ్యలు చేశారు.
News August 30, 2024
చరిత్ర లిఖించిన అవని లేఖరా
పారిస్ పారాలింపిక్స్‌ 10 మీటర్ల ఎయిర్ రైఫిల్ విభాగంలో గోల్డ్ మెడల్ సాధించిన భారత షూటర్ <<13976406>>అవని లేఖరా<<>> చరిత్ర సృష్టించారు. వరుసగా 2 ఒలింపిక్స్‌లో బంగారు పతకాలు సాధించిన తొలి భారత అథ్లెట్‌గా ఘనత సాధించారు. ఈమె 2020 టోక్యో పారాలింపిక్స్‌లో గోల్డ్, బ్రాంజ్ మెడల్స్ పొందారు. మెన్స్/ఉమెన్స్, ఒలింపిక్స్/పారా ఒలింపిక్స్‌లో ఎవరికీ ఈ ఫీట్ సాధ్యం కాలేదు.
Featured News
Sorry, no posts matched your criteria.