India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 22, 2024
BREAKING: కవితకు అస్వస్థత.. ఆస్పత్రికి తరలింపు
తిహార్ జైలులో ఉన్న ఎమ్మెల్సీ కవిత అస్వస్థతకు గురయ్యారు. దీంతో ఆమెను ఢిల్లీ ఎయిమ్స్‌కు తరలించారు. కవిత వైరల్ ఫీవర్‌తో బాధపడుతున్నట్లు సమాచారం. కాగా రేపు కేటీఆర్, హరీశ్ రావు ఢిల్లీకి వెళ్లనున్నారు.
News August 22, 2024
సుప్రీంకోర్టుకు సీబీఐ నివేదిక.. వెలుగులోకి కీలక అంశాలు(1/2)
కోల్కతా ట్రైనీ డాక్టర్ హ‌త్యాచారం కేసులో ప్రధానంగా 24 మందిని విచారించినట్లు సుప్రీంకోర్టుకు సమర్పించిన నివేదికలో CBI పేర్కొంది. ప్రధాన నిందితుడు సంజయ్ రాయ్, మాజీ ప్రిన్సిపల్ డా. సందీప్ ఘోష్, మొదటిసారి ట్రైనీ డాక్టర్ మృత‌దేహాన్ని చూసిన వ్య‌క్తి, బాధితురాలి త‌ల్లిదండ్రులు, వారికి మొదటిసారి ఫోన్ చేసిన ఆస్ప‌త్రి అసిస్టెంట్ సూప‌రింటెండెంట్‌‌ను సీబీఐ విచారించింది.
News August 22, 2024
సీబీఐ విచారించింది వీరినే..(2/2)
ఘటనకు ముందు బాధితురాలితో భోజనం చేసిన నలుగురు స్నేహితులు, ఫుడ్ డెలివ‌రీ బాయ్‌, ప్రధాన నిందితుడు ప‌డుకున్న బ‌ర్రాక్ ఏఎస్సై, అతని స్నేహితుడు, బాధితురాలి నలుగురు అత్యంత స‌న్నిహితులు, పోస్టుమార్టం నిర్వ‌హించిన ఐదుగురు వైద్యులు, అస్ప‌త్రికి చెందిన మరో ఇద్ద‌ర్ని CBI విచారించింది. వీరితోపాటు 49 మంది గ్రౌండ్ స్టాఫ్‌, సెమినార్ హాల్ రెనోవేష‌న్ చేసిన కార్మికుల‌ను విచారించినట్లు కోర్టుకు సీబీఐ నివేదించింది.
News August 22, 2024
24 ఏళ్లకే రిటైర్మెంట్ ప్రకటించిన ఒలింపిక్ స్టార్
టేబుల్ టెన్నిస్ ప్లేయర్ అర్చనా కామత్ 24 ఏళ్లకే ఆటకు రిటైర్మెంట్ ప్రకటించారు. USలో ఉన్నత విద్య చదివేందుకు ఆమె ఈ నిర్ణయం తీసుకున్నారు. అలాగే ఆర్థిక అవసరాలు, మరో నాలుగేళ్ల తర్వాత ఒలింపిక్స్‌లో పతకం సాధించే అవకాశాలు తక్కువగా ఉండటంతో ఆటకు వీడ్కోలు పలికినట్లు సమాచారం. TT భారత జట్టు తొలిసారి పారిస్ ఒలింపిక్స్‌లో క్వార్టర్ ఫైనల్‌కు చేరిన విషయం తెలిసిందే. ఈ ఘనత సాధించడంలో అర్చనా కామత్ కీలక పాత్ర పోషించారు.
News August 22, 2024
YS జగన్ వల్లే ఎసెన్షియా ఫార్మా ప్రమాదం: టీడీపీ
AP: అచ్యుతాపురం సెజ్‌లోని ఎసెన్షియా ఫార్మాలో జరిగిన ప్రమాదానికి గత ప్రభుత్వ నిర్లక్ష్యమే కారణమని టీడీపీ ఆరోపించింది. ‘ప్రభుత్వం చేయాల్సిన సేఫ్టీ ఆడిట్‌ను థర్డ్ పార్టీ ఏజెన్సీతో చేయిస్తానన్న YS జగన్ దాన్నీ సరిగ్గా చేయించలేదు. లొసుగులు ఉన్న కంపెనీలను బెదిరించి డబ్బులు దండుకున్నారు. అందుకే ఎల్జీ పాలిమర్స్ తర్వాత కూడా వరుసగా 15 ప్రమాదాలు జరిగాయి’ అని Xలో విమర్శించింది.
News August 22, 2024
నీటిని జాగ్రత్తగా వాడుకోండి.. భక్తులకు టీటీడీ విజ్ఞప్తి
AP: వర్షాభావ పరిస్థితులతో తిరుమలలో డ్యాంలు ఎండిపోతున్నాయని, నీటిని జాగ్రత్తగా వాడుకోవాలని భక్తులకు టీటీడీ సూచించింది. రిజర్వాయర్లలో 130 రోజులకు సరిపడా మాత్రమే నీటి నిల్వ ఉందని తెలిపింది. అక్టోబర్ 4 నుంచి 12 వరకు వార్షిక బ్రహ్మోత్సవాలు జరగనున్న నేపథ్యంలో నీటి వృథాను నివారించాలని విజ్ఞప్తి చేసింది. తిరుమలలో రోజూ దాదాపు 43 లక్షల గ్యాలన్ల నీటిని వినియోగిస్తున్నారు.
News August 22, 2024
వైద్యులు విధులకు హాజరుకాకపోతే గైర్హాజరుగా పరిగణిస్తాం: సుప్రీంకోర్టు
హ‌త్యాచార బాధితురాలికి న్యాయం చేయాల‌ని కోరుతూ కోల్కతా ఆర్జీ కర్ కాలేజీ వద్ద నిరసనకు దిగిన వైద్యులు విధులకు హాజరుకాకపోతే గైర్హాజరుగా ప‌రిగ‌ణించాల‌ని సుప్రీంకోర్టు స్ప‌ష్టం చేసింది. త‌మ హాజ‌రును నమోదు చేయాల్సిందిగా వారు అడ్మినిస్ట్రేష‌న్‌ను ఆదేశించ‌లేరని సీజేఐ బెంచ్ స్ప‌ష్టం చేసింది. వైద్యులు విధులకు హాజ‌రైతే గైర్హాజ‌రైన రోజుల విషయంలో సానుకూలంగా స్పందించేలా ఆదేశిస్తామని తెలిపింది.
News August 22, 2024
TMCలో మమత, మేనల్లుడి మధ్య కోల్డ్ వార్?
ట్రైనీ డాక్టర్ హ‌త్యాచార ఘటన తరువాత CM మ‌మ‌తా బెన‌ర్జీ తీరుపై ఆమె మేన‌ల్లుడు, పార్టీ ప్రధాన కార్యదర్శి అభిషేక్ బెన‌ర్జీ అసంతృప్తితో ఉన్నట్టు తెలుస్తోంది. RG కర్ మెడిక‌ల్ కాలేజీలో అక్రమాలపై మమత చర్యలు తీసుకోలేదని, ఘటన జరిగిన తరువాత ప్రిన్సిప‌ల్‌ను వెంటనే మరో కాలేజీకి బదిలీ చేయడాన్ని అభిషేక్ త‌ప్పుబ‌ట్టిన‌ట్టు తెలుస్తోంది. దీని వల్లే ఆయ‌న పార్టీ కార్యక్రమాలకు దూరంగా ఉంటున్నారని సమాచారం.
News August 22, 2024
తగ్గిన బంగారం ధరలు
హైదరాబాద్ మార్కెట్లో బంగారం ధరలు తగ్గాయి. 10 గ్రాముల 24 క్యారెట్ల గోల్డ్ రూ.330 తగ్గి రూ.72,870కి చేరింది. 10 గ్రాముల 22 క్యారెట్ల పసిడి రూ.300 తగ్గి రూ.66,800 పలుకుతోంది. వెండి ధరల్లో ఎటువంటి మార్పూ లేదు. ప్రస్తుతం కేజీ వెండి ధర రూ.92,000గా ఉంది.
News August 22, 2024
41 ఏళ్ల టెస్టు రికార్డు బద్దలు
ఇంగ్లండ్‌తో జరుగుతున్న తొలి టెస్టు మ్యాచ్‌లో శ్రీలంక ప్లేయర్ మిలన్ రత్నాయక్ ప్రపంచ రికార్డు సృష్టించారు. 9వ స్థానంలో బ్యాటింగ్‌కు దిగి అత్యధిక స్కోర్(72) చేసిన ఆటగాడిగా నిలిచారు. 1983లో భారత ప్లేయర్ బల్వీందర్ సంధు పాక్‌పై చేసిన 71 స్కోర్ రికార్డును 41 ఏళ్ల తర్వాత మిలన్ బ్రేక్ చేశారు. డెబ్యూ మ్యాచ్‌లోనే ఈ ఘనత సాధించిన తొలి ప్లేయర్‌గానూ చరిత్ర పుటల్లో తన పేరు నమోదు చేసుకున్నారు.
Featured News
Sorry, no posts matched your criteria.