India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 2, 2025
దీప్తి ఎవరో తెలుసా?
TG: పారాలింపిక్స్‌లో కాంస్యం సాధించిన అథ్లెట్ జివాంజి దీప్తికి కేంద్రం <<15045760>>అర్జున అవార్డును<<>> ప్రకటించింది. WGL కల్లెడకు చెందిన దీప్తి చిన్నతనం నుంచే మానసిక ఎదుగుదల సమస్యతో ఇబ్బందిపడ్డారు. కోచ్ రమేశ్ ఆమెలోని టాలెంట్‌ను గుర్తించి హైదరాబాద్ తీసుకొచ్చి శిక్షణ ఇప్పించారు. ఈ క్రమంలో ప్రపంచ వేదికల్లో సత్తాచాటారు. పారాలింపిక్స్‌లో పతకం సాధించిన తొలి తెలంగాణ ప్లేయర్ దీప్తి.
News January 2, 2025
GOOD NEWS: వారికి రూ.20,000
AP: మత్స్యకారులకు ఏప్రిల్‌లో రూ.20వేలు ఇవ్వాలని మంత్రివర్గం నిర్ణయించింది. వేట నిలిచిన సమయంలో గత ప్రభుత్వం రూ.10వేలు ఇస్తే తాము రూ.20 వేలు ఇవ్వనున్నట్లు మంత్రి పార్థసారథి తెలిపారు. ఇక రైతులకు పెట్టుబడి సాయం కోసం పీఎం కిసాన్ మొత్తంతో కలిపి ‘అన్నదాత సుఖీభవ’ సాయం అందిస్తామన్నారు. వచ్చే విద్యాసంవత్సరం నాటికి మెగా డీఎస్సీ ద్వారా పోస్టులు భర్తీ చేస్తామని వివరించారు.
News January 2, 2025
CMR కాలేజీ ఘటనపై విచారణకు ఆదేశించిన మహిళా కమిషన్
TG: మేడ్చల్ (D) కండ్లకోయలోని CMR కాలేజీ <<15044312>>హాస్టల్ ఘటనపై<<>> మహిళా కమిషన్ విచారణకు ఆదేశించింది. వెంటనే విచారణ జరిపి నివేదిక సమర్పించాలని సైబరాబాద్ సీపీకి సూచించింది. అమ్మాయిలు బాత్ రూమ్‌లో ఉన్నప్పుడు వీడియోలు తీస్తున్నారని విద్యార్థినులు ఆందోళనకు దిగిన సంగతి తెలిసిందే. ఈ కేసులో ఐదుగురిని అదుపులోకి తీసుకున్న పోలీసులు, సీజ్ చేసిన ఫోన్లలో ఎలాంటి ఆధారాలు లేవని వెల్లడించారు.
News January 2, 2025
పెళ్లి చేసుకున్న స్టార్ సింగర్
సింగర్ అర్మాన్ మాలిక్ తన ప్రేయసి, సోషల్ మీడియా ఇన్‌ఫ్లుయెన్సర్ ఆశ్న ష్రాఫ్‌ను పెళ్లి చేసుకున్నారు. కుటుంబ సభ్యులు, అతికొద్ది మంది సన్నిహితుల సమక్షంలో వీరి వివాహం జరిగింది. పెళ్లి ఫొటోలను అర్మాన్ సోషల్ మీడియాలో పోస్ట్ చేశారు. బాలీవుడ్, టాలీవుడ్‌తో పాటు ఇతర భాషల సినిమాలకు ఆయన పాటలు పాడారు. తెలుగులో బుట్ట బొమ్మ, అనగనగనగా అరవిందట తన పేరు, బ్యూటిఫుల్ లవ్ వంటి సాంగ్స్ ఆలపించారు.
News January 2, 2025
CM, Dy.CM న్యూఇయర్ విషెస్
AP: క్యాబినెట్ భేటీ సందర్భంగా ఆసక్తికర సంఘటన జరిగింది. సీఎం చంద్రబాబు, డిప్యూటీ సీఎం పవన్ కళ్యాణ్ ఒకరికొకరు నూతన సంవత్సర శుభాకాంక్షలు చెప్పుకున్నారు. అనంతరం మంత్రులు కూడా వీరిద్దరికి విషెస్ చెప్పారు. కాగా ఇవాళ అమరావతిలో జరిగిన మంత్రిమండలి సమావేశంలో పలు కీలక నిర్ణయాలు తీసుకున్నట్లు తెలుస్తోంది.
News January 2, 2025
పరిమితి లేకుండా సాగు చేసే అందరికీ రైతుభరోసా!
TG: సాగు చేసే రైతులందరికీ రైతుభరోసా ఇవ్వాలని క్యాబినెట్ సబ్ కమిటీ నిర్ణయించింది. ఐటీ చెల్లింపు, భూమి పరిమితి పెట్టవద్దని అభిప్రాయపడింది. సర్వే, శాటిలైట్ మ్యాపింగ్ ద్వారా సాగుభూములను ప్రభుత్వం గుర్తించనుంది. రైతుభరోసా కోసం జనవరి 5 నుంచి 7 వరకు దరఖాస్తులు స్వీకరించే అవకాశం ఉంది. సంక్రాంతి (జనవరి 14) నుంచి ఈ స్కీంను అమలు చేయాలని క్యాబినెట్ సబ్ కమిటీ నిర్ణయించినట్లు సమాచారం.
News January 2, 2025
రోహిత్ శర్మ ఫ్యాన్స్‌కు బ్యాడ్‌న్యూస్!
ఆస్ట్రేలియాతో రేపటి నుంచి జరిగే ఐదో టెస్టు నుంచి టీమ్ ఇండియా కెప్టెన్ రోహిత్ శర్మ తప్పుకున్నట్లు తెలుస్తోంది. ఈ మ్యాచులో కెప్టెన్‌గా బుమ్రా వ్యవహరిస్తారని క్రీడా వర్గాలు తెలిపాయి. ఈ మ్యాచుకు తాను దూరంగా ఉంటానని హెడ్ కోచ్ గంభీర్, చీఫ్ సెలక్టర్ అగార్కర్‌కు స్వయంగా రోహితే చెప్పినట్లు సమాచారం. దీనిపై రేపు స్పష్టత రానుంది. ఈ సిరీస్‌లో హిట్‌మ్యాన్ స్థాయికి తగ్గట్లుగా ఆడకపోవడంపై విమర్శలొస్తున్నాయి.
News January 2, 2025
క్రీడల్లో ప్రతిభకు ప్రతిష్ఠాత్మక పురస్కారం
క్రీడల్లో అత్యుత్తమ ప్రతిభకు గుర్తింపుగా మేజర్ ధ్యాన్ చంద్ ఖేల్ రత్న అవార్డును ప్రదానం చేస్తారు. 1991-92 నుంచి ఈ పురస్కారాన్ని ప్రకటిస్తున్నారు. నాలుగేళ్ల వ్యవధిలో క్రీడాకారుల ప్రదర్శన ఆధారంగా క్రీడల మంత్రిత్వ శాఖ అవార్డులకు ఎంపిక చేస్తుంది. ఎంపికైన వారికి మెడ‌ల్‌, స‌ర్టిఫికెట్‌తోపాటు ₹25 ల‌క్ష‌ల న‌గ‌దు బ‌హుమ‌తిని అందిస్తారు. ఈ <<15045667>>ఏడాది<<>> మనూభాకర్, గుకేశ్, ప్రవీణ్ కుమార్, హర్మన్‌ప్రీత్‌లను వరించింది.
News January 2, 2025
బుల్స్ జోరు.. కొత్త ఏడాది హుషారు
కొత్త ఏడాది ఇన్వెస్ట‌ర్ల‌లో జోష్ నింపిన‌ట్టు క‌నిపిస్తోంది. దేశీయ స్టాక్ మార్కెట్లు గురువారం భారీ లాభాలు గ‌డించాయి. Sensex 1,436 పాయింట్ల లాభంతో 79,943 వ‌ద్ద, Nifty 445 పాయింట్లు ఎగ‌సి 24,188 వ‌ద్ద స్థిర‌ప‌డ్డాయి. అన్ని రంగాల షేర్ల‌కు కొనుగోళ్ల మ‌ద్ద‌తు ల‌భించింది. ఆటో రంగ షేర్లు అత్య‌ధికంగా 3.79% లాభ‌ప‌డ్డాయి. బ్యాంకు, ఫైనాన్స్‌, ఐటీ, ఎఫ్ఎంసీజీ, మెట‌ల్‌, ఫార్మా, రియ‌ల్టీ రంగ షేర్లు రాణించాయి.
News January 2, 2025
‘పుష్ప’ను అరెస్టు చేసి రేవంత్ పాన్ ఇండియా సీఎం అయ్యారు: MP
TG: అల్లు అర్జున్ అరెస్టుపై కాంగ్రెస్ ఎంపీ చామల కిరణ్ కుమార్ రెడ్డి కీలక వ్యాఖ్యలు చేశారు. ‘పుష్ప’ను అరెస్టు చేసి రేవంత్ రెడ్డి పాన్ ఇండియా సీఎం అయ్యారని వ్యాఖ్యానించారు. ఇక KCRలా తాము ప్రతిపక్షాన్ని లేకుండా చేయాలనుకోవడం లేదని, బలమైన ప్రతిపక్షం ఉండాలనుకుంటున్నామని చెప్పారు.
Featured News
Sorry, no posts matched your criteria.