India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News February 14, 2025
సహకార సంఘాల కాలపరిమితి పెంపు
తెలంగాణలో ప్రాథమిక వ్యవసాయ సహకార సంఘాల పాలకవర్గ గడువును రాష్ట్ర ప్రభుత్వం పొడిగించింది. 904 సహకార సంఘాల కాలపరిమితి, 9 DCCB ఛైర్మన్ల పదవీకాలన్ని మరో 6 నెలలు పొడిగిస్తూ ఉత్తర్వులు జారీ చేసింది. రేపటితో గడువు ముగుస్తున్నా ఎన్నికల ప్రక్రియకు సంబంధించి రాష్ట్ర సహకార సంఘాల రిజిస్ట్రార్ నుంచి ఎలాంటి ప్రకటన రాలేదు. దీంతో పాలకవర్గాల గడువును ప్రభుత్వం పొడిగించింది.
News February 14, 2025
వంశీని కస్టడీకి కోరుతూ పోలీసుల పిటిషన్
AP: గన్నవరం మాజీ ఎమ్మెల్యే వల్లభనేని వంశీని 10 రోజుల కస్టడీ కోరుతూ పోలీసులు విజయవాడ కోర్టులో పిటిషన్ వేశారు. ఆయన ఫోన్ సీజ్ చేసేందుకు అనుమతి ఇవ్వాలని కూడా కోర్టులో కోరారు. సత్యవర్ధన్‌ను కిడ్నాప్ చేసిన ఘటనలో ఆయనపై పోలీసులు కేసు నమోదు చేయగా, ప్రస్తుతం విజయవాడ జిల్లా జైలులో రిమాండ్ ఖైదీగా ఉన్నారు. సోమవారం ఈ పిటిషన్‌ను కోర్టు విచారించనుంది.
News February 14, 2025
PLEASE CHECK.. ఈ లిస్టులో మీ పేరు ఉందా?
TG: ఇందిరమ్మ గృహాల కోసం అర్హుల నుంచి ప్రభుత్వం దరఖాస్తులు స్వీకరించగా, ఇల్లు మంజూరైందా? లేదా? అని తెలియక లబ్ధిదారుల్లో కొంత ఆందోళన నెలకొంది. అలాంటి వారంతా తమ ఫోన్, ఆధార్, అప్లికేషన్, రేషన్ కార్డు నంబర్లలో ఏదైనా ఒకటి ఎంటర్ చేసి అప్లికేషన్ స్టేటస్ తెలుసుకోవచ్చు. సర్వే కంప్లీట్ అయ్యిందా? ఏ జాబితా(L-1,2,3)లో ఇల్లు మంజూరైంది? అనే వివరాలు దీనిలో వస్తాయి. తెలుసుకోవడానికి ఇక్కడ <
News February 14, 2025
CM అయినా.. రేవంత్ బుద్ధి మారలేదు: హరీశ్
TG: KCRను తెలంగాణ నుంచి <<15461601>>బహిష్కరించాలన్న <<>>సీఎం రేవంత్ వ్యాఖ్యలపై హరీశ్‌రావు తీవ్ర స్థాయిలో ధ్వజమెత్తారు. ‘సీఎం పీఠం దక్కినా రేవంత్ బుద్ధి మారలేదు. ఇదే విషయంపై నీ సొంతూరులో ప్రజలను అడుగుదామా? CMగా ప్రజలు నిన్ను గుర్తించడం లేదని ఉనికి చాటుకోవడానికి KCRపై ప్రేలాపనలా? KCRను తిడితే ఒక్క రోజు హెడ్ లైన్స్‌లో ఉంటావేమో. తెలంగాణ చరిత్ర గతిని మార్చిన KCR స్థానం ప్రజల గుండెల్లో పదిలం’ అని Xలో పోస్ట్ చేశారు.
News February 14, 2025
2007 తర్వాత తొలిసారిగా లాభాల్లోకి BSNL
BSNL 2007 తర్వాత తొలిసారిగా లాభాల్ని చూసింది. ఈ ఆర్థిక సంవత్సర మూడో త్రైమాసికంలో రూ.262 కోట్ల లాభం సంపాదించినట్లు ప్రకటించింది. ‘కొత్త ఆవిష్కరణలు, వినియోగదారుల సంతృప్తి, దూకుడుగా నెట్‌వర్క్ విస్తరణ వంటివి లాభాలకు దోహదం చేశాయి. ఖర్చులు తగ్గించుకోవడం కూడా లాభించింది. ఆర్థిక సంవత్సరం ముగిసేసరికి లాభాలు 20శాతం దాటొచ్చని అంచనా వేస్తున్నాం’ అని సంస్థ సీఎండీ రాబర్ట్ జే రవి తెలిపారు.
News February 14, 2025
స్కూలు విద్యార్థులకు శుభవార్త
AP: BC విద్యార్థుల ₹110.52 కోట్ల డైట్ బకాయిలు, ₹29 కోట్ల కాస్మోటిక్ బిల్లులు చెల్లించాలని CM చంద్రబాబు అధికారులను ఆదేశించారు. ₹13.10 కోట్లతో 660 హాస్టళ్లలో చేపట్టిన మరమ్మతులు 6 వారాల్లో పూర్తి చేయాలన్నారు. విద్యార్థులకు ట్రంక్ పెట్టెలు, ప్లేట్లు, గ్లాసులు, కిచెన్ ఐటెమ్స్ అందించాలని సూచించారు. నసనకోట, ఆత్మకూరు BC సంక్షేమ బాలికల పాఠశాలలను రెసిడెన్షియల్ కాలేజీలుగా అప్‌గ్రేడ్ చేయాలని చెప్పారు.
News February 14, 2025
ఆటవిక పాలనలోనే దాడులు, హత్యలు: సీఎం
AP: నేరస్థులు రాజకీయాల్లో ఉంటే ప్రజాస్వామ్యానికి పెనుముప్పు అని CM చంద్రబాబు చెప్పారు. ఐదేళ్లు ప్రజాస్వామ్యాన్ని చంపి ఇప్పుడు కొత్తదారులు వెతుకుతున్నారని వైసీపీ నేతలను విమర్శించారు. అబద్ధాన్ని పదేపదే చెప్పి నిజమని నమ్మించాలనేది వారి తాపత్రయమన్నారు. ఆటవిక పాలనలోనే దాడులు, విధ్వంసాలు, హత్యలు జరుగుతాయని తెలిపారు. తాము ప్రజాస్వామ్యవాదులమని, చట్టబద్ధంగా పాలన చేస్తున్నామని పేర్కొన్నారు.
News February 14, 2025
నీ సంకల్పం గొప్పది బ్రో..!
సివిల్ సర్వెంట్ కావాలనేది ఎంతో మంది కల. దీనికి ఎంతో కష్టమైన UPSC పరీక్షల్లో ఉత్తీర్ణులవ్వాల్సిందే. కొందరు నాలుగైదు అటెంప్ట్స్‌లో, మరికొందరు ఒక్కసారికే సివిల్ సర్వెంట్ అయిపోతుంటారు. కానీ మధ్యప్రదేశ్‌కు చెందిన శ్రీవాస్తవ(48) ఇప్పటివరకు UPSC, MPPSC కలిపి 73 సార్లు ప్రిలిమ్స్, 43సార్లు మెయిన్స్, 8 సార్లు ఇంటర్వ్యూ వరకు వెళ్లినా ఉద్యోగం పొందలేకపోయారు. ప్రతిసారి నిరాశే ఎదురైనా ప్రిపరేషన్ కొనసాగించారు.
News February 14, 2025
కొత్త సీఈసీగా జ్ఞానేశ్ కుమార్?
చీఫ్ ఎన్నికల కమిషనర్ రాజీవ్ కుమార్ FEB 18న రిటైర్ కానున్నారు. దీంతో కొత్త CEC ఎంపిక కోసం PM మోదీ, లా మినిస్టర్ అర్జున్ మేఘ్‌వాల్, LOP రాహుల్ గాంధీలతో కూడిన కమిటీ ఈ నెల 17న భేటీ కానుంది. 480 మంది నుంచి సెర్చ్ కమిటీ ఐదుగురిని షార్ట్ లిస్టు చేయనుంది. ఈ జాబితాలో 1988 బ్యాచ్ IAS ఆఫీసర్ జ్ఞానేశ్ కుమార్ ముందువరుసలో ఉన్నారు. ఈయన గతంలో కీలక పదవుల్లో పనిచేశారు. 2024 జనవరి 31న రిటైర్ అయ్యారు.
News February 14, 2025
తెలంగాణ ఉద్యమంపై పుస్తకాలు రావాలి: CM
తెలంగాణ ఉద్యమ చరిత్రపై మరిన్ని సమగ్రమైన పుస్తకాలు రావాలని CM రేవంత్ ఆకాంక్షించారు. మాజీ MP దేవేందర్ గౌడ్ రాసిన విజయ తెలంగాణ పుస్తకాన్ని CM ఆవిష్కరించారు. ‘TG ఉద్యమంపై లోతైన చర్చ జరగాలి. ఎన్నో వర్గాలు పాల్గొన్నా, ఒక కుటుంబమే పాల్గొన్నట్లు వక్రీకరించారు. ఉద్యమం టైంలో ప్రజలంతా తమ వాహనాలు, ఆఫీసులు, గుండెలపై TG అని రాసుకున్నారు. ఇప్పుడు ప్రజలు కోరుకున్నట్లుగానే TSను TGగా మార్చాం’ అని CM వెల్లడించారు.
Featured News
Sorry, no posts matched your criteria.