India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 11, 2024
తమిళనాడులో రోడ్డు ప్రమాదం.. ఐదుగురు ఏపీ స్టూడెంట్స్ మృతి
తమిళనాడులోని తిరువళ్లూరు సమీపంలో జరిగిన ఘోర రోడ్డు ప్రమాదంలో ఏపీలోని ఒంగోలుకు చెందిన ఐదుగురు విద్యార్థులు ప్రాణాలు కోల్పోయారు. చెన్నైలోని SRM కాలేజీలో చదువుతున్న ఏడుగురు విద్యార్థులు నిన్న సెలవు కావడంతో తిరువళ్లూరు వెళ్లారు. ఇవాళ చెన్నైకి తిరిగివస్తుండగా వారు ప్రయాణిస్తున్న కారు లారీని ఢీకొట్టింది. ప్రమాదంలో నితీశ్ వర్మ, రామ్, చేతన్, నితీశ్, యుకేశ్‌ మరణించారు. మరో ఇద్దరు తీవ్రంగా గాయపడ్డారు.
News August 11, 2024
క్లీంకార ఆయా సంపాదన రూ.2 లక్షలు!
సెలబ్రిటీల పిల్లలకు కేర్‌టేకర్‌గా పేరు తెచ్చుకున్నారు లలితా డిసిల్వా. ఇటీవల పెళ్లైన అనంత్ అంబానీ మొదలు, సైఫ్-కరీనాల తనయుడు తైమూర్, రామ్ చరణ్-ఉపాసనల తనయ క్లీంకార వరకు ఎంతోమంది ప్రముఖుల పిల్లలకు ఆమె ఆయాగా ఉన్నారు. ప్రస్తుతం మెగా మనుమరాలి పట్ల శ్రద్ధ తీసుకుంటూ నెలకు రూ.2 లక్షల వరకు సంపాదిస్తున్నట్లు ఓ ఇంటర్వ్యూలో ఆమె వెల్లడించారు. చరణ్ దంపతులు తన పట్ల చాలా ప్రేమ చూపిస్తారని తెలిపారు.
News August 11, 2024
తొలిసారి.. సినిమాలో డబ్బింగ్ చెప్పిన శునకం
సినీ చరిత్రలో తొలిసారి ఓ కుక్క తన పాత్రకు డబ్బింగ్ చెప్పింది. కన్నడ మూవీ ‘నాను మత్తు గుండ-2’లో నటుడు రాకేశ్ అడిగతో పాటు లాబ్రాడర్ జాతికి చెందిన శునకం ‘సింబా’ పాత్రలో లీడ్ రోల్ పోషిస్తోంది. రఘు హాసన్ దర్శకత్వం వహిస్తున్న ఈ మూవీ షూటింగ్ పూర్తి కాగా ప్రస్తుతం డబ్బింగ్ వర్క్ జరుగుతోంది. సింబా పాత్రకు శునకం సొంతంగా డబ్బింగ్ చెప్పుకోవడం విశేషం. ఈ మూవీ కన్నడ, తెలుగు, హిందీ తదితర భాషల్లో రిలీజ్ కానుంది.
News August 11, 2024
ట్రైనీ డాక్టర్‌పై హత్యాచారం, సంచలన విషయాలు
కోల్‌కతా ట్రైనీ డాక్టర్(31)పై హత్యాచార <<13822185>>ఘటనలో<<>> సంచలన విషయాలు వెలుగులోకి వస్తున్నాయి. అత్యాచారానికి ముందు నిందితుడు సంజయ్ రాయ్ ఆసుపత్రి వెనకాల మద్యం తాగుతూ పోర్న్ వీడియోలు చూశాడు. అత్యంత దారుణంగా ఆమెను రేప్ చేయడంతో ప్రైవేట్ భాగాల నుంచి బ్లీడింగ్ అయినట్లు పోస్ట్‌మార్టం రిపోర్ట్‌లో తేలింది. ఇక సంజయ్‌కి ఇప్పటికే 4 పెళ్లిళ్లు కాగా అతడి టార్చర్ భరించలేక ముగ్గురు భార్యలు వదిలిపెట్టి వెళ్లిపోయారు.
News August 11, 2024
అదానీ స్టాక్స్‌లో రూపాయి కూడా పెట్టలేదు: 360 వన్
2013లో మొదలైన IPE- ప్లస్ ఫండ్ వన్ అదానీ స్టాక్స్‌లో అసలు పెట్టుబడే పెట్టలేదని 360 వన్ (గతంలో IIFL వెల్త్) వెల్లడించింది. హిండెన్‌బర్గ్ ఆరోపణలపై స్పందించింది. 2019లో క్లోజ్ చేసే సమయానికి ఫండ్ AUM $48 మిలియన్లకు చేరిందని, ఇందులో 90% బాండ్లలోనే మదుపు చేశామంది. ఈ వ్యవహారాలను ఇన్వెస్ట్‌మెంట్ మేనేజర్ చూశారని, ఇతరుల జోక్యానికి తావులేదని స్పష్టం చేసింది. మాధబీ, ధవళ్‌కు ఫండ్‌లో1.5% వాటా ఉండేదని పేర్కొంది.
News August 11, 2024
రెండు రోజులు వర్షాలు
ఉపరితల ఆవర్తనం, బలమైన నైరుతి రుతుపవనాల వల్ల తెలంగాణలోని పలు జిల్లాల్లో రాబోయే 2 రోజులు వర్షాలు కురుస్తాయని హైదరాబాద్ వాతావరణ కేంద్రం తెలిపింది. నిర్మల్, భూపాలపల్లి, ములుగు, ఆదిలాబాద్, ఆసిఫాబాద్, మంచిర్యాల, కొత్తగూడెం జిల్లాల్లో ఉరుములు, మెరుపులతో కూడిన వర్షం కురిసే ఛాన్స్ ఉందని ఎల్లో అలర్ట్ జారీ చేసింది. ఇక హైదరాబాద్‌లో సాయంత్రం వేళ చిరుజల్లులు పడే ఆస్కారం ఉందని పేర్కొంది.
News August 11, 2024
పెళ్లిలో యువతి హల్‌చల్.. మండపంలో వరుడిపై దాడి
AP: అన్నమయ్య(D) నందలూరు(మ) అరవపల్లిలో ఓ పెళ్లి మండపంలో యువతి హల్‌చల్ చేసింది. తనను ప్రేమించి మరొకరిని పెళ్లి చేసుకుంటున్నాడని ఆరోపిస్తూ వరుడు సయ్యద్‌పై యాసిడ్ పోసేందుకు ప్రయత్నించి, కత్తితో దాడి చేసింది. ఈ ఘటనలో వరుడికి స్వల్పంగా గాయాలయ్యాయి. పెళ్లి పందిరిలో యువతి దాడి నేపథ్యంలో సయ్యద్ వివాహం నిలిచిపోగా.. వ్యవహారం పోలీసుల వరకూ చేరింది. దాడి చేసిన యువతిని వారు అదుపులోకి తీసుకున్నారు.
News August 11, 2024
పతకానికి వినేశ్ ఫొగట్ అర్హురాలు: గంగూలీ
ఒలింపిక్స్‌లో పతకాన్ని పొందేందుకు వినేశ్ ఫొగట్ పూర్తి అర్హురాలని మాజీ క్రికెటర్ గంగూలీ అభిప్రాయపడ్డారు. ‘రూల్స్ ఏంటో నాకు స్పష్టంగా తెలియదు కానీ ఆమె ఫైనల్స్‌కు వెళ్లారంటే కచ్చితంగా మెడల్‌ పొందేందుకు అర్హత సాధించినట్లే. అది ఏ పతకమైనా ఓకే. అనర్హత సరైనదా కాదా అనేది పక్కన పెడితే, మెడల్‌కు వినేశ్ పూర్తి అర్హురాలు’ అని పేర్కొన్నారు. కాగా వినేశ్ అనర్హతపై ఆర్బిట్రేషన్ కోర్టు ఈ నెల 13న తీర్పు ఇవ్వనుంది.
News August 11, 2024
కుప్పకూలిన పిరమిడ్.. యుగాంతమేనంటున్న మెక్సికన్లు!
ఇటీవల వచ్చిన తుఫాను కారణంగా మెక్సికోలో పురాతనమైన యకాటా పిరమిడ్లలో ఒకటి కుప్పకూలింది. మెకొవాకాన్ రాష్ట్రంలో ఉన్న ఈ పిరమిడ్ల వద్ద తమ పూర్వీకులు వందల ఏళ్ల క్రితం మనుషుల్ని బలిచ్చేవారని స్థానిక పురెపెచ్చా జాతివారు చెబుతున్నారు. వాటిలో ఒకటి ధ్వంసం కావడమంటే ప్రపంచానికి ఏదో పెద్ద విపత్తు రాబోతోందని వారు ఆందోళన వ్యక్తం చేస్తున్నారు. కాగా పిరమిడ్‌ను పునరుద్ధరిస్తామని మెక్సికో పురావస్తు శాఖ తెలిపింది.
News August 11, 2024
నాకు తెలుగు ప్రజలంటే ఇష్టం: మాళవిక
తెలుగు ప్రజలంటే తనకు ఇష్టమని నటి మాళవిక మోహనన్ తెలిపారు. తెలుగువారికి ఆమె సమాధానం ఇవ్వడం లేదంటూ ఓ నెటిజన్ చేసిన ఆరోపణను ఆమె తోసిపుచ్చారు. ‘అది నిజంకాదు. నా బెస్ట్ ఫ్రెండ్స్‌లో కొంతమంది తెలుగువాళ్లే. నాకు ఇక్కడి ప్రజలంటే చాలా ఇష్టం. అందుకే తెలుగు సినిమా చేస్తున్నా. మీరు నాకు చాలా ప్రేమను ఇస్తుంటారు’ అని పేర్కొన్నారు. ప్రస్తుతం రాజాసాబ్‌లో ప్రభాస్ సరసన ఆమె నటిస్తున్న సంగతి తెలిసిందే.
Featured News
Sorry, no posts matched your criteria.