India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 9, 2024
‘రెడ్డి-బీసీ’ ఫ్యాక్ట‌ర్‌పై బీజేపీ దృష్టి?
TG: రాష్ట్ర అధ్య‌క్షుడి ఎంపికలో బీజేపీ అధిష్ఠానం సామాజిక స‌మీక‌ర‌ణాల‌కు పెద్ద‌పీట వేస్తోంది. ఇప్ప‌టికే అసెంబ్లీలో ఫ్లోర్ లీడ‌ర్‌గా రెడ్డి సామాజిక వ‌ర్గానికి చెందిన ఏలేటి మ‌హేశ్వ‌ర్ రెడ్డిని నియ‌మించిన హైకమాండ్, అధ్యక్ష బాధ్య‌త‌ల‌ను బీసీలకు ఇవ్వాల‌ని నిర్ణ‌యించిన‌ట్టు పార్టీ వ‌ర్గాలు చెబుతున్నాయి. ఈ లెక్కన అధ్యక్ష పదవి రేసులో ఎంపీలు ఈట‌ల, అర‌వింద్‌ ముందువరసలో ఉన్నట్లు తెలుస్తోంది.
News August 9, 2024
‘లాపతా లేడీస్’ సినిమాలో ఏముంది?
<<13811383>>లాపతా లేడీస్<<>> అంటే ‘తప్పిపోయిన స్త్రీలు’. చదువుకోవాలనే కోరిక ఉన్నా ఇష్టంలేని పెళ్లి చేసుకున్న ఓ యువతి, కట్టుకున్న వాడి ఊరు, పేరు తెలియని మరో అమాయకురాలి కథ ఇది. రైలులో ప్రయాణిస్తూ భార్యల తలపై కొంగు వల్ల ఓ వ్యక్తి మరో మహిళను ఇంటికి తీసుకెళ్తాడు. అసలు భార్య స్టేషన్‌లో ఉండిపోతుంది. వాళ్లు మళ్లీ ఎలా కలిశారు? మనసులు కలవని, మనుషులు తెలియని మనువులతో ఇబ్బందులు, లింగ సమానత్వ అవసరాన్ని చక్కగా చూపించారు.
News August 9, 2024
కరుడుగట్టిన టెర్రరిస్ట్ అరెస్ట్
స్వాతంత్య్ర దినోత్స‌వానికి కొన్ని రోజుల ముందు ఢిల్లీ పోలీసులు కరుడుగట్టిన ఐసిస్ మాడ్యూల్ టెర్రరిస్టు రిజ్వాన్ అబ్దుల్ హాజీ అలీని అరెస్టు చేశారు. అతనిపై NIA గత ఏడాది అరెస్టు వారెంట్ జారీ చేసి రూ.3 లక్షల రివార్డు ప్రకటించింది. గ‌తంలో పూణె పోలీస్‌ కస్టడీ నుంచి తప్పించుకున్న రిజ్వాన్ తాజాగా ఢిల్లీలోని దర్యాగంజ్‌లో ప‌ట్టుబడ్డాడు. అతని వద్ద నుంచి పోలీసులు ఆయుధాలను స్వాధీనం చేసుకున్నారు.
News August 9, 2024
OTTలోకి వచ్చేసిన ‘భారతీయుడు 2’
కమల్ హాసన్ హీరోగా నటించిన‘ భారతీయుడు 2’ మూవీ ఓటీటీలోకి వచ్చేసింది. ప్రముఖ ఓటీటీ నెట్‌ఫ్లిక్స్‌లో ఈ సినిమా స్ట్రీమింగ్ అవుతోంది. తెలుగుతోపాటు తమిళ, కన్నడ, మలయాళ భాషల్లో ప్రసారమవుతోంది. శంకర్ రూపొందించిన ఈ మూవీలో రకుల్ ప్రీత్ సింగ్, ప్రియా భవానీ శంకర్, సిద్ధార్థ్ కీలకపాత్రలు పోషించారు. అనిరుధ్ సంగీతం అందించారు. కాగా ఈ సినిమా బాక్సాఫీస్ వద్ద ఆశించినంత కలెక్షన్లు రాబట్టలేదని తెలుస్తోంది.
News August 9, 2024
Hatsoff: రాష్ట్రానికి మాజీ సీఎం అయినా..
నిన్న కన్నుమూసిన బుద్ధదేవ్ భట్టాచార్య 11ఏళ్ల పాటు పశ్చిమ బెంగాల్‌ సీఎంగా పనిచేశారు. జీవితమంతా కమ్యూనిజం విలువలతో బతికిన ఆయన మరణానంతరమూ వాటినే అనుసరించారు. ఎటువంటి అంతిమ సంస్కారాలూ వద్దని ముందుగానే నిర్ణయించుకున్నారు. అవయవాలను దానానికి, శరీరాన్ని పరిశోధనలకు ఇచ్చేశారు. దీంతో ఆయన నిర్ణయాన్ని గౌరవిస్తూ కుటుంబీకులు NRS మెడికల్ కాలేజీ-ఆస్పత్రికి బుద్ధదేవ్ మృతదేహాన్ని ఈరోజు అప్పగించనున్నారు.
News August 9, 2024
సుంకిశాల ఘటనకు రేవంతే బాధ్యుడు: కేటీఆర్
TG: <<13805045>>సుంకిశాల<<>> ఘటనపై ప్రభుత్వం అసత్యాలు ప్రచారం చేస్తోందని BRS వర్కింగ్ ప్రెసిడెంట్ కేటీఆర్ ఆరోపించారు. హైదరాబాద్‌లో ఆయన మీడియాతో మాట్లాడారు. ‘సుంకిశాల విపత్తు విషయం ప్రభుత్వానికి తెలియదా? తెలిస్తే ఎందుకు వారం రోజులు గోప్యత పాటించారు? తెలియకపోతే అది ప్రభుత్వానికే సిగ్గుచేటు. కాంట్రాక్టు సంస్థను బ్లాక్ లిస్టులో పెట్టాలి. దీనికి వందశాతం సీఎం రేవంత్ రెడ్డే బాధ్యత వహించాలి’ అని ఆయన డిమాండ్ చేశారు.
News August 9, 2024
OLYMPICS: పాక్ కంటే వెనుక భారత్!
పారిస్ ఒలింపిక్స్‌లో భారత్ 5 మెడల్స్ సాధించి పతకాల పట్టికలో 64వ స్థానంలో నిలవగా ఒకే ఒక్క పతకం గెలిచిన పాక్ మాత్రం 53వ స్థానంలో ఉంది. దీనికి ఓ కారణం ఉంది. గోల్డ్ మెడల్స్ ఆధారంగానే IOC పట్టికలో స్టాండింగ్స్ ఇస్తుంది. భారత్ ఖాతాలో ఒక్క స్వర్ణ పతకం కూడా లేకపోవడంతో పాక్ కన్నా వెనుకబడి ఉంది. 100 సిల్వర్, బ్రాంజ్ మెడల్స్ సాధించిన దేశమైనా, ఒక్క గోల్డ్ మెడల్ గెలిచిన దేశం తర్వాతి స్థానాల్లోనే నిలుస్తుంది.
News August 9, 2024
ఐటీ ఉద్యోగాలు పెరుగుతున్నాయ్
ఇటీవ‌ల కాలంలో కంపెనీలు ఏఐ, మెషీన్ లెర్నింగ్ (ML), బ్లాక్‌చైన్ వంటి సాంకేతికతలను వినియోగిస్తుండడంతో డెవలపర్‌ ఉద్యోగాలకు డిమాండ్ పెరుగుతున్న‌ట్టు ఇండీడ్ తెలిపింది. వ‌చ్చే ఏడాదికి ఐటీ రంగంలో 8.5 శాతం మేర ఉద్యోగావ‌కాశాలు పెరుగుతాయ‌ని ఈ హైరింగ్ సంస్థ అంచ‌నా వేసింది. అందులోనూ 70% సాఫ్ట్‌వేర్ ఆధారిత రంగాల్లోనే ఉండొచ్చ‌ని తెలిపింది.
News August 9, 2024
విజయవాడపై ఎందుకు నీకంత పగ చంద్రబాబు?: YCP
AP: విజయవాడలో అంబేడ్కర్ విగ్రహాన్ని కూల్చేందుకు సీఎం చంద్రబాబు కుట్రలు చేస్తున్నారని వైసీపీ మండిపడింది. ‘విజయవాడపై ఎందుకు నీకు ఇంత పగ చంద్రబాబు? అప్పట్లో బెజవాడ పరిసరాల్లో 40 గుడులను కూల్చావు. ఐదేళ్లలో ఎవరూ ఊహించని విధంగా జగన్ బెజవాడ రూపురేఖల్ని మార్చారు. అది జీర్ణించుకోలేకనే కదా ఇలా విధ్వంసాలకు పాల్పడుతున్నావ్?’ అని ట్వీట్ చేసింది. చంద్రబాబు, జగన్ ఫొటోలను షేర్ చేసింది.
News August 9, 2024
ఇవాళ భారీగా పెరిగిన బంగారం ధరలు
గత వారం రోజులుగా తగ్గుతూ వస్తోన్న బంగారం ధరలు ఇవాళ భారీగా పెరిగాయి. 10 గ్రాముల 24 క్యారెట్ల గోల్డ్ ధర రూ.820 పెరిగి రూ.70,090కి చేరింది. 10 గ్రా. 22 క్యారెట్ల పసిడి రేటు రూ.750 పెరిగి రూ.64,250 పలుకుతోంది. అటు కేజీ వెండి ధర రూ.1,500 పెరిగింది. ప్రస్తుతం వెండి రేటు కేజీ రూ.88,000గా ఉంది.
Featured News
Sorry, no posts matched your criteria.