India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 8, 2025
ఇవాళ ఈ వ్రతం చేస్తే వైవాహిక సమస్యలుండవు!
ఇవాళ ‘కామదా ఏకాదశి’. ఈరోజు వివాహితులు లక్ష్మీ నారాయణులను ఆరాధిస్తే మంచిదని పురోహితులు చెబుతున్నారు. అలాగే విధిగా ‘కామదా ఏకాదశి వ్రతం’ చేస్తే పాపాలు పోవడం, వైవాహిక సమస్యలు తొలగడం తథ్యమని సూచిస్తున్నారు. శాపం కారణంగా ఓ గంధర్వుడు రాక్షసుడి రూపంలో జీవితం కొనసాగిస్తే, అతని భార్య ఈ వ్రతం చేయడంతో శాపం తొలగిపోతుంది. భార్యాభర్తలు విడిపోకుండా చూసే శక్తి ఈ వ్రతానికి ఉందని వివరిస్తున్నారు.
News April 8, 2025
ఆ బిల్లులను గవర్నర్ పెండింగ్‌లో ఉంచలేరు: సుప్రీంకోర్టు
తమిళనాడు గవర్నర్ వ్యవహారంపై సుప్రీంకోర్టు కీలక తీర్పు వెల్లడించింది. అసెంబ్లీ ఆమోదించిన బిల్లులను గవర్నర్ శాశ్వతంగా తమ వద్ద ఉంచుకోలేరని స్పష్టం చేసింది. అసెంబ్లీ రెండోసారి ఆమోదించాక గవర్నర్ వాటిని రాష్ట్రపతికి నివేదించలేరని పేర్కొంది. గవర్నర్ బిల్లులను ఆమోదించడం లేదని తమిళనాడు ప్రభుత్వం వేసిన పిటిషన్‌పై జస్టిస్ పార్దివాలా ధర్మాసనం తాజాగా తీర్పు ఇచ్చింది.
News April 8, 2025
lola VFX గురించి తెలుసా?
ఐకాన్ స్టార్ అల్లు అర్జున్ ప్రకటించిన కొత్త చిత్రంలో VFXకు ప్రాధాన్యత ఉన్నట్లుగా తెలుస్తోంది. USలోని ప్రముఖ lola VFX కార్యాలయాన్ని దర్శకుడు అట్లీ, అల్లు అర్జున్ సందర్శించారు. ఇండియా నుంచి కల్కి, GOAT, ఇండియన్-3, హాలీవుడ్‌లో కెప్టెన్ అమెరికా, హ్యారీ పోటర్, అవెంజర్స్:ఎండ్ గేమ్ వంటి చిత్రాలకు ఈ సంస్థ పనిచేసింది. దీంతో అల్లు అర్జున్ ఈ సారి ఏదో గట్టిగానే ప్లాన్ చేశారని ఫ్యాన్స్ చర్చించుకుంటున్నారు.
News April 8, 2025
ఈ ఫ్యాన్సీ నంబర్‌కు రూ.45.99 లక్షలు
తమ వాహనానికి ఫ్యాన్సీ నంబర్ ఉండాలనే కోరిక చాలా మందికి ఉంటుంది. అలాంటి ఓ వ్యక్తి ఫ్యాన్సీ నంబర్ కోసం ఏకంగా రూ.45 లక్షలు ఖర్చు చేశాడు. కేరళలోని ఎర్నాకుళం ఆర్టీవో కార్యాలయంలో వేలానికి ఉంచిన KL 07 DG 0007 నంబర్‌కు పోటీ నెలకొంది. ఐదుగురు దీనిని దక్కించుకునేందుకు పోటీ పడగా ఓ సాఫ్ట్‌వేర్ కంపెనీకి చెందినవారు దీనిని రూ.45.99లక్షలకు కొనడం గమనార్హం. ఇండియాలో ఇదే రికార్డ్ ధర అని సమాచారం.
News April 8, 2025
సరిగా ఆడలేకపోయినందుకు ఏడ్చాను: శ్రేయస్
IPL: PBKS కెప్టెన్ శ్రేయస్ అయ్యర్ తాను చివరిసారిగా ఏడ్చిన సంఘటన గురించి వెల్లడించారు. ఇవాళ CSKతో మ్యాచ్ సందర్భంగా ఓ ఇంటర్వ్యూలో మాట్లాడారు. ‘CT-2025 తొలి ప్రాక్టీస్ సెషన్‌లో బాగా ఆడలేకపోయా. ప్రాక్టీస్‌కు ఎక్స్‌ట్రా టైమ్ కూడా దొరకలేదు. నాపై నాకే చాలా కోపం వచ్చి ఏడ్చాను’ అని తెలిపారు. కాగా CTలో 243రన్స్‌తో IND తరఫున లీడింగ్ రన్ స్కోరర్‌గా నిలిచిన విషయం తెలిసిందే. IPLలోనూ అదే ఫామ్ కొనసాగిస్తున్నారు.
News April 8, 2025
ఇంటర్ ఫలితాలు ఎప్పుడంటే?
APలో ఇంటర్ ఫలితాల విడుదలకు సర్వం సిద్ధమవుతోంది. ఈ నెల 12 లేదా 13న విడుదల చేసేందుకు బోర్డు ప్రయత్నిస్తోంది. మార్చి 1 నుంచి 19 వరకు ఫస్టియర్, మార్చి 3 నుంచి 20 వరకు సెకండియర్ పరీక్షలు జరిగాయి. ఇటీవలే వాల్యుయేషన్ ప్రక్రియ పూర్తవగా, ఫలితాల్లో తప్పులు దొర్లకుండా మరోసారి అధికారులు తనిఖీ చేస్తున్నారు. ఫలితాల విడుదలపై త్వరలో అధికారిక ప్రకటన రానుంది. bieap.gov.in, వే2న్యూస్ యాప్‌లో ఫలితాలను తెలుసుకోవచ్చు.
News April 8, 2025
ఏప్రిల్ 7తో కృనాల్‌కు కనెక్షన్.. విజృంభణే!
వాంఖడేలో ముంబైతో జరిగిన మ్యాచులో ఆర్సీబీ గెలిచిన విషయం తెలిసిందే. ఈ మ్యాచులో కృనాల్ పాండ్య నాలుగు వికెట్లతో అదరగొట్టారు. అయితే, గత మూడేళ్లుగా ఏప్రిల్ 7న జరిగే మ్యాచుల్లో కృనాల్ తన విశ్వరూపం చూపిస్తున్నారు. 2023లో సన్ రైజర్స్ హైదరాబాద్‌తో జరిగిన మ్యాచులో LSG తరఫున 3 వికెట్లు, 2024లో GTతో మ్యాచులోనూ మూడు వికెట్లు పడగొట్టి ఔరా అనిపించారు. నిన్నటి మ్యాచులోనూ సత్తాచాటారు.
News April 8, 2025
సిట్ విచారణకు హాజరైన శ్రవణ్
TG: ఫోన్ ట్యాపింగ్ కేసులో కీలక పరిణామం చోటుచేసుకుంది. HYD జూబ్లీహిల్స్ పీఎస్‌లో సిట్ విచారణకు A6గా ఉన్న శ్రవణ్ రావు హాజరయ్యారు. ఇప్పటికే రెండుసార్లు విచారణకు హాజరైన ఆయనను మరింత లోతుగా విచారించి, సమాచారం సేకరించాలని సిట్ భావిస్తోంది. గతంలో ఆయన ఎంక్వైరీకి సహకరించలేదని సిట్ వెల్లడించగా, నేటి విచారణపై ఆసక్తి నెలకొంది.
News April 8, 2025
పవన్ కుమారుడికి గాయాలు.. CBN, KTR దిగ్భ్రాంతి
ఏపీ డిప్యూటీ సీఎం పవన్ కళ్యాణ్ చిన్న కుమారుడు మార్క్ శంకర్ అగ్నిప్రమాదంలో గాయపడిన విషయం తెలిసిందే. ఈ ఘటనపై AP CM చంద్రబాబు, మంత్రి లోకేశ్, TG మాజీ మంత్రి కేటీఆర్ దిగ్భ్రాంతి వ్యక్తం చేశారు. ‘బాలుడు త్వరగా కోలుకోవాలి. ఈ కష్ట సమయంలో పవన్ కుటుంబానికి ధైర్యం ఇవ్వాలని దేవుడిని ప్రార్థిస్తున్నా’ అని చంద్రబాబు, లోకేశ్ ట్వీట్ చేశారు. మార్క్ శంకర్ క్షేమంగా ఉండాలని ప్రార్థిస్తున్నట్లు కేటీఆర్ పేర్కొన్నారు.
News April 8, 2025
సీఎం రేవంత్‌కు నటి ఊర్వశీ రిక్వెస్ట్
కంచ గచ్చిబౌలి భూముల వ్యవహారంపై నటి ఊర్వశీ రౌతేలా స్పందించారు. సీఎం రేవంత్ రెడ్డికి విజ్ఞప్తి చేస్తూ ట్వీట్ చేశారు. ‘సీఎం రేవంత్ రెడ్డిగారు కంచ గచ్చిబౌలిలోని 400 ఎకరాల్లో ఉన్న చెట్లు, అడవిని తొలగించే ప్రతిపాదనను పునఃపరిశీలించాలని నేను వేడుకుంటున్నా. ఇది అభయారణ్యమే కాదు.. మన నగరానికి జీవం పోసే శక్తిమంతమైన పర్యావరణ వ్యవస్థ’ అని ఆమె ట్వీట్‌లో రాసుకొచ్చారు.
Featured News
Sorry, no posts matched your criteria.