India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 6, 2024
బంగ్లా సంక్షోభం వెనుక జమాతే ఇస్లామీ?
జమాతే ఇస్లామీ పాక్-బంగ్లాలో ప్రాబల్యం కలిగిన ఇస్లామిక్ రాజకీయ పార్టీ. 1941లో మౌలానా మౌదూది దీన్ని స్థాపించారు. బంగ్లాలో దీని విద్యార్థి విభాగం ఛాత్ర శిబిర్‌కు ఐఎస్ఐ అండ ఉందని, విద్యార్థి ఉద్యమం కాస్త రాజకీయ ఉద్యమంగా మారడం వెనుక ఇదే కీలకంగా తెలుస్తోంది. బంగ్లా అల్ల‌ర్ల వెనుక ఈ పార్టీ హ‌స్తం ఉందని షేక్ హసీనా ఆగస్టు 1న జమాతే ఇస్లామీని ఉగ్ర‌వాద సంస్థ‌గా ప్ర‌క‌టించి నిషేధించారు.
News August 6, 2024
YCP ప్రభుత్వం చేపట్టిన ప్రాజెక్టులను కొనసాగిస్తాం: సీఎం
AP: వైసీపీ ప్రభుత్వం ప్రారంభించిన అభివృద్ధి ప్రాజెక్టులను విధ్వంసం చేయాలన్న ఆలోచన తమకు లేదని సీఎం చంద్రబాబు స్పష్టం చేశారు. ‘గతంలో టీడీపీ సర్కారు PPP విధానంలో పోర్టులను పూర్తిచేయాలనుకుంది. వైసీపీ ప్రభుత్వం వాటిని EPC(ఇంజినీరింగ్, ప్రొక్యూర్‌మెంట్, కన్‌స్ట్రక్షన్) విధానానికి మార్చింది. ఆ నిబంధనలు మారిస్తే ప్రాజెక్టులు నిలిచిపోయే ప్రమాదం ఉంది. అందువల్ల యథావిధిగా కొనసాగిస్తాం’ అని తెలిపారు.
News August 6, 2024
ఇకపై టీచర్లు, లెక్చరర్ల బదిలీలకు ప్రత్యేక కమిటీ
TG: ప్రభుత్వ పాఠశాలలు, కళాశాలల టీచర్లు, లెక్చరర్ల బదిలీల కోసం ప్రభుత్వం ప్రత్యేక కమిటీని నియమించనుంది. ట్రాన్స్‌ఫర్ల వినతులను ఈ కమిటీ పరిశీలించి నిర్ణయం తీసుకుంటుంది. పైరవీలకు తావు లేకుండా నేరుగా లేదా ఆన్‌లైన్‌ ద్వారా ప్రత్యేక వెబ్‌పోర్టల్‌లో దరఖాస్తు చేసుకోవాల్సి ఉంటుంది. వీటిపై కమిటీ తీసుకునే నిర్ణయాలకు అనుగుణంగా బదిలీలు, ఆన్ డ్యూటీ, డిప్యుటేషన్‌లపై ఆయా శాఖల ఉన్నతాధికారులు చర్యలు తీసుకుంటారు.
News August 6, 2024
భూముల మార్కెట్ ధరల పెంపు ఎప్పుడంటే?
TG: రాష్ట్రంలో భూముల మార్కెట్ ధరల పెంపు సెప్టెంబర్‌లో ఉండొచ్చని రిజిస్ట్రేషన్ శాఖ వర్గాలు తెలిపాయి. ఎంత మేర ధరలు పెంచవచ్చనే దానిపై రిజిస్ట్రేషన్ల శాఖ కసరత్తు చేస్తోంది. అనంతరం ప్రభుత్వానికి నివేదిక ఇవ్వనుంది. ఆ తర్వాత రెవెన్యూ మంత్రి సమీక్షించి తుది నిర్ణయం తీసుకుంటారు. ధరల పెంపు ప్రతిపాదనను సంబంధిత వెబ్‌సైట్‌లో ఉంచి, ప్రజాభిప్రాయం సేకరిస్తారు. ఈ ప్రక్రియకు మరో 30రోజులు పట్టే ఛాన్స్ ఉంది.
News August 6, 2024
సీఎం చంద్రబాబు కీలక నిర్ణయాలు
✒ చిన్న సమస్యల పరిష్కారానికి ప్రతి జిల్లాకు రూ.5 కోట్లు కేటాయింపు
✒ వైసీపీ ప్రభుత్వంలో మంజూరైన ఇళ్లపై సమగ్ర సర్వే
✒ ఇళ్లులేని పేదలను PMAY2.O పథకానికి ఎంపిక
✒ రేషన్ దుకాణాల్లో జొన్నలు, రాగులు, సజ్జలు
✒ ఏడాదిలో గ్రామాల్లో 6,721KM మేర కొత్త రోడ్లు
✒ ఎక్కడైనా సాగునీటి ప్రాజెక్టుల గేట్లు కొట్టుకుపోతే ఈఈ, ఏఈలపై వేటు
✒ త్వరలో రాష్ట్రవ్యాప్తంగా నెలరోజులపాటు వన మహోత్సవం
News August 6, 2024
హసీనా రాజీనామా.. భారత్‌కు తలనొప్పి!
షేక్ హసీనా పాలనలో భారత్-బంగ్లాదేశ్ మధ్య అనేక ఆర్థిక ఒప్పందాలు జరిగాయి. జల పంపకాల వివాదాలు పరిష్కారమయ్యాయి. ఇరు దేశాలను కలిపే రోడ్డు, రైల్వే ప్రాజెక్టులు వేగవంతమయ్యాయి. టెర్రరిజాన్ని అరికట్టేందుకు హసీనా మన దేశంతో కలిసి పని చేశారు. అయితే హసీనా రాజీనామాతో మాజీ PM ఖలీదా జియా (బంగ్లాదేశ్ నేషనలిస్ట్ పార్టీ) పగ్గాలు చేపట్టే అవకాశం ఉంది. ఆ పార్టీ చైనా, పాకిస్థాన్‌లకు అనుకూలంగా ఉండటం ఇండియాకు తలనొప్పే.
News August 6, 2024
ఎవ‌రీ ఖలీదా జియా?
BNP లీడర్ ఖలీదా జియా 1991-1996, 2001-2006 మధ్య బంగ్లా ప్రధానిగా ఉన్నారు. భార‌త వ్య‌తిరేక భావాలతో జియా బంగ్లాలో ఇన్నాళ్లు రాజ‌కీయం న‌డిపారు. గ‌త ఎన్నిక‌ల్లో షేక్ హ‌సీనాకు భారత్ స‌హ‌క‌రించి బంగ్లా ఎన్నిక‌ల్లో జోక్యం చేసుకుంద‌ని ఆరోపిస్తూ భారత్ బాయ్‌కాట్‌కు పిలుపునిచ్చింది BNP. అధికార దుర్వినియోగం, ఇతర కేసులతో జియా 2018 నుంచి జైల్లో ఉన్నారు. ఆమెను రిలీజ్ చేస్తూ ప్రెసిడెంట్ తాజాగా ఆర్డర్స్ ఇచ్చారు.
News August 6, 2024
మూడు ఎమ్మెల్సీ స్థానాల ఎన్నికలకు కసరత్తు
తెలంగాణలో ఖాళీ అవనున్న 3 MLC స్థానాల ఎన్నికలకు ఈసీ రంగం సిద్ధం చేస్తోంది. వచ్చే ఏడాది మార్చి 29తో కరీంనగర్, మెదక్, NZB, ADB జిల్లాల పట్టభద్రుల MLC, ఇవే జిల్లాల ఉపాధ్యాయ MLC, నల్లగొండ, KMM, వరంగల్ జిల్లాల టీచర్స్ నియోజకవర్గ MLCల పదవీకాలం ముగియనుంది. SEP నుంచి ఓటరు జాబితా దరఖాస్తులు స్వీకరిస్తారు. DEC 30 తుది జాబితా విడుదల చేస్తారు. ఫిబ్రవరిలో ఎన్నికల షెడ్యూల్, మార్చిలో ఎన్నికలు జరిగే అవకాశముంది.
News August 6, 2024
బంగ్లా మాజీ క్రికెటర్ మోర్తజా ఇంటిపై దాడి
బంగ్లాదేశ్ ప్రధాని, ఆవామీ పార్టీ అధినేత షేక్ హసీనా దేశం విడిచిపెట్టినప్పటికీ అక్కడి ఆందోళనకారులు వెనక్కి తగ్గడం లేదు. ఆమె పార్టీ నేతలకు చెందిన ఇళ్లను, ఆస్తుల్ని ధ్వంసం చేస్తున్నారు. తాజాగా బంగ్లా క్రికెట్ టీమ్ మాజీ కెప్టెన్ మోర్తజా ఇంటిపై దాడి చేసి తగులబెట్టారు. మోర్తజా ఆవామీ పార్టీ తరఫున నరైల్-2 నియోజకవర్గం ఎంపీగా ఉన్నారు. మరో క్రికెటర్ లిటన్ దాస్ ఇంటిపైనా దాడి జరిగినట్లు సమాచారం.
News August 6, 2024
13,326 పంచాయతీల్లో ఒకేరోజు గ్రామ సభలు: పవన్
AP: ప్రతి గ్రామ పంచాయతీని బలోపేతం చేయడానికి NDA ప్రభుత్వం కట్టుబడి ఉందని డిప్యూటీ సీఎం పవన్ చెప్పారు. రాష్ట్ర చరిత్రలో ఎవరూ చేయని విధంగా ఉపాధి హామీపై 13,326 పంచాయతీల్లో త్వరలో ఒకేరోజు గ్రామ సభలు నిర్వహించి తీర్మానాలు చేస్తున్నామన్నారు. గ్రామీణ రోడ్ల మరమ్మతులతోపాటు 4,721KMల మేర రహదారులను నిర్మిస్తామని కలెక్టర్ల సదస్సులో చెప్పారు. 5.40 కోట్ల కుళాయి కలెక్షన్లు ఇవ్వాలని లక్ష్యంగా పెట్టుకున్నామన్నారు.
Featured News
Sorry, no posts matched your criteria.