India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 11, 2024
నో.. నో: రాహుల్‌కు షాకిచ్చిన కేజ్రీవాల్
కాంగ్రెస్, రాహుల్ గాంధీకి ఆమ్‌ఆద్మీ షాకిచ్చింది. ఢిల్లీ ఎన్నికల్లో హస్తం పార్టీతో పొత్తు పెట్టుకోవడం లేదని స్పష్టం చేసింది. సొంత బలంతోనే పోరాడతామని వెల్లడించింది. ‘ఢిల్లీ ఎన్నికల్లో కాంగ్రెస్, ఆప్ పొత్తు తుదిదశకు చేరుకుంది. కాంగ్రెస్ 15, ఇండియా కూటమిలోని ఇతర పార్టీలకు 1-2, మిగిలిన వాటిలో ఆప్ పోటీచేస్తుందని సన్నిహిత వర్గాల సమాచారం’ అంటూ ANI చేసిన ట్వీటుకు అరవింద్ కేజ్రీవాల్ పైవిధంగా బదులిచ్చారు.
News December 11, 2024
నటుడు ముస్తాక్ ఖాన్ కిడ్నాప్.. చివరికి!
స్త్రీ-2, వెల్‌కమ్ చిత్రాల్లో నటించిన ముస్తాక్ ఖాన్‌ను దుండగులు కిడ్నాప్ చేశారు. గతనెల 20న జరిగిన ఈ ఘటన ఆలస్యంగా వెలుగులోకి వచ్చింది. ‘ఓ అవార్డ్ ఫంక్షన్‌కు హాజరయ్యేందుకు ఢిల్లీ వెళ్లిన ఆయనను కిడ్నాప్ చేసి UP తీసుకెళ్లారు. గన్నుతో బెదిరించి 12 గంటలు టార్చర్ పెట్టారు. అతడి కొడుకుకి ఫోన్ చేసి రూ.కోటి డిమాండ్ చేశారు. ఇంతలో కిడ్నాపర్ల చెర నుంచి ముస్తాక్ తప్పించుకొన్నాడు’ అని ఆయన ఫ్రెండ్ శివమ్ తెలిపారు.
News December 11, 2024
‘సరైన తిండి’ తినాలనుకోవడమూ ఓ రోగమేనట!
Orthorexia పేరెప్పుడైనా విన్నారా? గ్రీకులోorthos అంటే right. ఇక orexis అంటే appetite. సింపుల్‌గా కరెక్ట్ డైట్‌ అని పిలుచుకోవచ్చు. స్వచ్ఛమైన, నాణ్యమైన ఫుడ్ తినాలనే అందరికీ ఉంటుంది. కొందరిలో మాత్రం అతిగా ఉంటుంది. తెలియకుండానే ఒక పొసెసివ్‌నెస్ వచ్చేసింది. దీనినే Orthorexia అంటారు. ఆరోగ్యంగా ఉండాలనుకొంటూ తిండి తగ్గించేయడం, కొన్ని ఆహారాలను అస్యహించుకోవడం, కొన్నిటినే తింటూ బక్కచిక్కిపోవడం దీని లక్షణం.
News December 11, 2024
హిందువులు సహా మైనారిటీలపై 88 దాడులు: బంగ్లాదేశ్
హిందువులు సహా మైనారిటీలపై మత హింస కేసుల వివరాలను బంగ్లాదేశ్ వెల్లడించింది. ఆగస్టులో షేక్ హసీనా వెళ్లినప్పటి నుంచి 88 హింసాత్మక ఘటనలు జరిగాయంది. ఈ కేసుల్లో 70 మందిని అరెస్టు చేసినట్టు యూనస్ ప్రెస్ సెక్రటరీ ఆలమ్ తెలిపారు. సునమ్ గంజ్, గాజీపూర్, ఇతర ప్రాంతాల దాడుల్లో అరెస్టులు కొనసాగుతాయన్నారు. దాడులపై ఫారిన్ సెక్రటరీ విక్రమ్ మిస్రీ ఆందోళన వ్యక్తంచేసిన మరుసటి రోజే వివరాలు వెల్లడించడం గమనార్హం.
News December 11, 2024
నేడు ఆ ల్యాండ్ మార్క్ దాటనున్న పుష్ప-2?
పుష్ప-2 విడుదలైన 5 రోజుల్లో(నిన్నటి వరకు) రూ.922 కోట్ల వరల్డ్ వైడ్ గ్రాస్ సాధించింది. బాక్సాఫీస్ ట్రాకింగ్ వెబ్‌సైట్ శాక్‌నిల్క్ ప్రకారం మూవీ నిన్న రూ.52.50 కోట్లు వసూలు చేసింది. ఆ ట్రెండ్ కొనసాగితే ఈరోజు ముగిసేసరికి ఆ మూవీ గ్రాస్ రూ.1000 కోట్లు దాటేస్తుందని ట్రేడ్ విశ్లేషకులు అంచనా వేస్తున్నారు. అదే జరిగితే విడుదలైన వారంలోనే ఆ ఘనత సాధించిన తొలి భారత సినిమాగా పుష్ప-2 రికార్డు సృష్టిస్తుంది.
News December 11, 2024
మహ్మద్ షమీ ఆసీస్ టూర్ క్యాన్సిల్?
టీమ్ ఇండియా స్టార్ పేసర్ మహ్మద్ షమీ ఆస్ట్రేలియా పర్యటనకు వెళ్లడం లేదని తెలుస్తోంది. ఆయన 5 రోజుల మ్యాచ్ ఆడేంత ఫిట్‌నెస్ సాధించలేదని, అందుకే ఈ టూర్‌ను రద్దు చేసుకున్నట్లు సమాచారం. SMATలో భాగంగా బరోడాతో జరగబోయే క్వార్టర్ ఫైనల్లో ఆయన ఆడతారని తెలుస్తోంది. ఇందులో ఆయన ఫిట్‌నెస్‌ను మరోసారి పరీక్షిస్తారని సమాచారం. కాగా చివరి మూడు టెస్టుల కోసం షమీ ఆసీస్ వెళ్తారని ఇప్పటివరకు వార్తలు వచ్చిన విషయం తెలిసిందే.
News December 11, 2024
STOCK MARKETS: బ్యాంకు, ఫైనాన్స్ షేర్లపై సెల్లింగ్ ప్రెజర్
స్టాక్‌మార్కెట్లు ఫ్లాట్‌గా ఆరంభమయ్యాయి. నిఫ్టీ 24,625 (+12), సెన్సెక్స్ 81,536 (+27) వద్ద చలిస్తున్నాయి. బ్యాంకు నిఫ్టీ 53,396 (-181) వద్ద ట్రేడవుతోంది. నిఫ్టీ ADV/DEC రేషియో 30:19గా ఉంది. బ్యాంకు, ఫైనాన్స్ రంగాల్లో సెల్లింగ్ ప్రెజర్ నెలకొంది. ఆటో, మీడియా, రియాల్టి, ఆయిల్ అండ్ గ్యాస్ షేర్లకు డిమాండ్ పెరిగింది. HCLTECH, ICICIBANK, DRREDDY, HDFC ANK, WIPRO టాప్ లూజర్స్. అల్ట్రాటెక్ 2.21% ఎగిసింది.
News December 11, 2024
బంగ్లా హిందువులకు మద్దతుగా కెనడాలో ఆందోళన
బంగ్లాదేశ్ హిందువులకు కెనడా హిందువులు అండగా నిలిచారు. ఆ దేశంలో మైనారిటీలకు రక్షణ కల్పించాలంటూ ఒట్టావాలోని బంగ్లా హైకమిషన్ ముందు ఆందోళన చేపట్టారు. ‘షేమ్ షేమ్ బంగ్లాదేశ్’, ‘మహ్మద్ యూనస్ కూనీకోర్’, ‘హిందూలైవ్స్ మ్యాటర్’, ‘హిందువుల ఊచకోత ఆపండి’ అంటూ ప్లకార్డులు ప్రదర్శించారు. ‘హిందూ స్త్రీలు, పిల్లలను రేప్ చేస్తున్నారు. గతంలో పాక్, అఫ్గాన్‌లో జరిగినట్టే బంగ్లాలోనూ జరుగుతోంది’ అని ఒకరు వాపోయారు.
News December 11, 2024
గంటలో న్యూయార్క్ నుంచి లండన్‌కు..!
అమెరికాలోని న్యూయార్క్ నుంచి ఇంగ్లండ్‌లోని లండన్‌కు గంటలో ప్రయాణించేలా ట్రైన్ రూపొందిస్తున్నట్లు తెలుస్తోంది. 3,400 మైళ్ల దూరం ప్రస్తుతం విమానంలో వెళ్లాలంటే దాదాపు 7 గంటల సమయం పడుతుంది. అట్లాంటిక్ మహా సముద్రంలో ట్రాన్స్ అట్లాంటిక్ టన్నెల్ ద్వారా రైలులో 54 నిమిషాల్లోనే చేరుకోవచ్చు. ఈ ప్రాజెక్టుకు సుమారు 19.8 ట్రిలియన్ డాలర్లు ఖర్చు చేయనున్నట్లు సమాచారం. దీనిని నిర్మించేందుకు దశాబ్దాలు పట్టొచ్చు.
News December 11, 2024
2 గంటల్లో 12 పెగ్గులేస్తే..
యువత, మధ్య వయస్కుల్లో బింగే, హై ఇంటెన్సిటీ డ్రింకింగ్ అలవాటు ప్రమాద ఘంటికలు మోగిస్తోందని డాక్టర్లు అంటున్నారు. 2 గంటల్లోనే 6 పెగ్గులేస్తే బింగే, 10-12 వరకు తాగితే హై ఇంటెన్సిటీ డ్రింకింగ్ అంటారు. సోషల్ ఆబ్లిగేషన్స్, ఫ్రెండ్స్ వల్ల అతిగా మద్యం తాగే అలవాటు పెరుగుతోందని వారు చెప్తున్నారు. దీంతో పాంక్రియాస్, లివర్, స్టొమక్, హార్ట్, మైండ్, నెర్వస్ సిస్టమ్ రోగాలబారిన పడతాయని వార్నింగ్ ఇస్తున్నారు.
Featured News
Sorry, no posts matched your criteria.