India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 5, 2024
బంగ్లా అల్లర్లు: పార్లమెంటులో మోదీ వద్దకు జైశంకర్
ప్రధాని నరేంద్ర మోదీని విదేశీ వ్యవహారాల మంత్రి జైశంకర్ పార్లమెంటులో అత్యవసరంగా కలిశారు. బంగ్లాదేశ్‌లో అల్లర్లు, షేక్ హసీనా రాజీనామా, సైనిక ప్రభుత్వ ఏర్పాట్ల గురించి ఆయనకు వివరించారని తెలిసింది. సరిహద్దుల్లో రెట్టింపు భద్రత, బలగాల మోహరింపు గురించీ మాట్లాడినట్టు సమాచారం. కేంద్రం రెండ్రోజుల కిందటే BSF చీఫ్‌ను మార్చిన సంగతి తెలిసిందే. రాహుల్ సైతం బంగ్లా వ్యవహారాలపై జైశంకర్‌తో మాట్లాడారని తెలిసింది.
News August 5, 2024
పోరాడి ఓడిన లక్ష్యసేన్
పారిస్ ఒలింపిక్స్‌లో భారత బ్యాడ్మింటన్ యువ సంచలనం లక్ష్యసేన్ చరిత్ర సృష్టించే అవకాశాన్ని త్రుటిలో కోల్పోయారు. బ్రాంజ్ మెడల్ కోసం జరిగిన మ్యాచ్‌లో మలేషియా షట్లర్ లీ జీ జియా చేతిలో 2-1 తేడాతో లక్ష్యసేన్ పరాజయం పొందారు. ఈ మ్యాచ్‌ గెలిచి ఉంటే ఒలింపిక్స్‌లో బ్రాంజ్ మెడల్ సాధించిన భారత తొలి పురుష షట్లర్‌గా నిలిచేవారు. #Olympics2024
News August 5, 2024
Airtel అదుర్స్: నికర లాభం డబుల్
భారతీ ఎయిర్‌టెల్ అదరగొట్టింది. అంచనాలను మించి ఫలితాలను విడుదల చేసింది. Q1 FY25లో నికర లాభం 128% వృద్ధిచెంది రూ.2068 కోట్ల నుంచి రూ.4717 కోట్లకు పెరిగింది.
* ఆదాయం రూ.37,599 కోట్ల నుంచి రూ.38,506 కోట్లకు పెరిగింది.
* ఎబిటా 1.8% వృద్ధితో రూ.19,365 కోట్ల నుంచి రూ.19,708 కోట్లకు పెరిగింది.
* ఎబిటా మార్జిన్ 51.5 నుంచి 52.2 శాతానికి తగ్గింది.
* మొబైల్ సర్వీసెస్ ARPU రూ.209 నుంచి రూ.211కు పెరిగింది.
News August 5, 2024
భారత్, బంగ్లా భాగస్వామ్యం ఇదీ
* ద్వైపాక్షిక వాణిజ్యం విలువ $14 బిలియన్లు
* ప్రధానులు, మంత్రులు, అధికారుల మధ్య నిత్యం చర్చలు
* రోడ్డు, రైలు, జల, ఆకాశ మార్గాల ద్వారా కనెక్టివిటీ
* బంగ్లాకు 1,160 MW విద్యుత్ బదిలీ. 2 దేశాలకు JV ఉన్నాయి
* గంగా, తీస్తా సహా నదీ జలాల ఒప్పందాలు
* ఉగ్రవాదం, సరిహద్దు నిర్వహణ, రక్షణ రంగాల్లో జాయింట్ ఆపరేషన్స్
* అభివృద్ధి ప్రాజెక్టుల కోసం బంగ్లాకు $8 బిలియన్ల అప్పు
* SAARC, BIMSTEC, BBIN పరస్పర సహకారం
News August 5, 2024
ఈ 3 జిల్లాల్లో కాసేపట్లో వర్షం
తెలంగాణలోని సిద్దిపేట, వనపర్తి, సూర్యాపేట జిల్లాల్లో రానున్న 3 గంటల్లో మోస్తరు వర్షం కురిసే అవకాశం ఉందని HYD వాతావరణ కేంద్రం తెలిపింది. గంటకు 40కి.మీ వేగంతో గాలులు వీయడంతోపాటు పిడుగులు పడే ఛాన్స్ ఉందని వెల్లడించింది. ఇక రానున్న 5 రోజులు రాష్ట్రంలో వర్షాలు పడతాయని ఇప్పటికే వాతావరణ కేంద్రం పేర్కొంది.
News August 5, 2024
కేసీఆర్, హరీశ్‌రావుకు సెషన్స్ కోర్టు నోటీసులు
TG: మేడిగడ్డ పిల్లర్‌కు పగుళ్లు ఏర్పడిన వ్యవహారంలో మాజీ సీఎం కేసీఆర్, హరీశ్ రావు సహా 8 మందికి భూపాలపల్లి ప్రిన్సిపల్ సెషన్స్ కోర్టు నోటీసులు జారీ చేసింది. హైకోర్టు సూచనల మేరకు నాగవెల్లి రాజలింగమూర్తి దాఖలు చేసిన రివిజన్ పిటిషన్‌పై సెప్టెంబర్ 5న విచారణ జరపనున్నట్లు న్యాయస్థానం తెలిపింది. విచారణకు హాజరుకావాలని కేసీఆర్, తదితరులను ఆదేశించింది.
News August 5, 2024
నన్ను అంతమొందించడమే ప్రభుత్వ లక్ష్యం: YS జగన్
AP: గతంలో తనకున్న సెక్యూరిటీని కొనసాగించాలంటూ హైకోర్టులో <<13783281>>పిటిషన్<<>> వేసిన మాజీ CM జగన్ అందులో కీలక విషయాలు పొందుపర్చారు. తనను అంతమొందించడమే కూటమి ప్రభుత్వం లక్ష్యంగా పెట్టుకుందని ఆయన ఆరోపించారు. తనకు ప్రాణహాని ఉన్న అంశాన్ని పరిశీలించకుండా ప్రభుత్వం ఏకపక్షంగా వ్యవహరిస్తోందన్నారు. గతంలో ఉన్న సెక్యూరిటీని కొనసాగించేలా ఆదేశాలు జారీ చేయాలని జగన్ పిటిషన్‌లో పేర్కొన్నారు.
News August 5, 2024
పతకాలతో ఐఫిల్ టవర్ వద్ద మను
పారిస్‌కు తలమానికమైన ఐఫిల్ టవర్ ఎదుట మనూ భాకర్ తన కాంస్య పతకాలతో తాజాగా ఫొటో దిగారు. ‘పిక్ ఆఫ్ ది డే’ అంటూ క్రీడాభిమానులు ఆ ఫొటోను షేర్ చేస్తున్నారు. పారిస్ ఒలింపిక్స్‌లో భారత్‌కు ఇప్పటి వరకు 3 కాంస్య పతకాలు రాగా వాటిలో రెండు మనూ భాకర్‌వే. 124 ఏళ్ల రికార్డు బద్దలుగొట్టిన ఆమె పేరు దేశవ్యాప్తంగా మారుమోగుతోంది. పలు బ్రాండ్లు ఆమెను తమ ప్రచారకర్తగా నియమించుకునేందుకు పోటీ పడుతున్నాయి.
News August 5, 2024
కల్తీ పసుపును ఎలా గుర్తించాలి?
పసుపును కృత్రిమ రంగులు కలిపి కల్తీ చేస్తుంటారు. దీనిని గుర్తించాలంటే నీటితో నింపిన రెండు గాజు గ్లాసులను తీసుకోవాలి. మీ దగ్గర ఉన్న రెండు రకాల పసుపును వేర్వేరు గ్లాసుల్లో ఒక టీస్పూన్ చొప్పున వేయాలి. కల్తీ జరగని పసుపు వేసిన గ్లాసులో నీళ్లు లేత పసుపు రంగులోకి మారుతాయి. పసుపు అడుగు భాగంలో చేరుతుంది. కల్తీ జరిగిన పసుపు నీటిలో చాలా వరకు కరిగిపోతుంది. నీళ్లు ముదురు పసుపు రంగులోకి మారుతాయి.
News August 5, 2024
సీఎం చంద్రబాబు కీలక నిర్ణయం
AP: అమరావతిలో ఆర్5 జోన్ లబ్ధిదారుల అంశంలో సీఎం చంద్రబాబు కీలక నిర్ణయం తీసుకున్నారు. ఆర్5 జోన్‌లో విజయవాడ, గుంటూరు వాసులకు గత ప్రభుత్వం ఇళ్లు కేటాయించింది. వారికి సొంత ప్రాంతాల్లోనే స్థలం ఇవ్వాలని తాజాగా నిర్ణయించారు. అవసరమైతే టిడ్కో ఇళ్లను నిర్మించి ఇద్దామని అధికారులతో సీఎం చెప్పినట్లు సమాచారం.
Featured News
Sorry, no posts matched your criteria.