India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News February 4, 2025
ఓటీటీలోకి వచ్చేస్తోన్న ‘గేమ్ ఛేంజర్’
రామ్ చరణ్, శంకర్ కాంబినేషన్లో తెరకెక్కిన చిత్రం ‘గేమ్ ఛేంజర్’ ఈ నెల 7 నుంచి అమెజాన్ ప్రైమ్‌లో తెలుగు, తమిళ, కన్నడ భాషల్లో స్ట్రీమింగ్ కానుంది. ఈ విషయాన్ని అమెజాన్ ప్రైమ్ ట్వీట్ చేసింది. JAN 10న విడుదలైన ఈ మూవీ బాక్సాఫీస్ వద్ద మిక్స్‌డ్ టాక్ సొంతం చేసుకుంది. సినిమాలో రామ్ చరణ్ నటనకు ప్రశంసలు వెల్లువెత్తాయి. కాగా విడుదలైన 28 రోజుల్లోనే ఈ చిత్రం OTTలోకి రానుండటం గమనార్హం.
News February 4, 2025
తిరుపతి డిప్యూటీ మేయర్‌గా టీడీపీ అభ్యర్థి
AP: తిరుపతి కార్పొరేషన్ డిప్యూటీ మేయర్‌గా టీడీపీ అభ్యర్థి మునికృష్ణ ఎన్నికయ్యారు. ఆయనకు 26 మంది కార్పొరేటర్లు మద్దతు తెలిపారు. వైసీపీ అభ్యర్థి భాస్కర్ రెడ్డికి 21 మంది సభ్యులు ఓటు వేశారు. అటు నందిగామ మున్సిపల్ ఛైర్ పర్సన్‌గా TDP అభ్యర్థి, పదో వార్డు కౌన్సిలర్ మండవ కృష్ణ కుమారి ఎన్నికయ్యారు. ఎంపీ, ఎమ్మెల్యే సూచించిన అభ్యర్థులను కాదని ఈమెకు పార్టీ అధిష్ఠానం అవకాశం ఇచ్చింది.
News February 4, 2025
నేడు వరల్డ్ క్యాన్సర్ డే!
కాన్సర్‌పై అవగాహన, దాని నివారణ, గుర్తింపు, చికిత్సను ప్రోత్సహించేందుకు ప్రతియేటా ఫిబ్రవరి 4న ప్రపంచ క్యాన్సర్ దినోత్సవాన్ని నిర్వహిస్తారు. దీనిని ముందుగా గుర్తిస్తే ప్రాణాపాయం నుంచి బయటపడొచ్చు. భారతదేశంలో ఏటా సగటున 11 లక్షల మందికి ఇది సోకుతుండగా 2023లో 14.96లక్షల మందికి పైగా చనిపోయారు. రొమ్ము, గర్భాశయ, లంగ్, బ్లడ్, నోటి క్యాన్సర్ వంటివి ఎక్కువగా సోకుతున్నాయి. చెడు అలవాట్లకు దూరంగా ఉండటం మంచిది.
News February 4, 2025
అవసరమైతే జైలుకైనా పోతా: ఎమ్మెల్యే దానం
TG: పేదల ఇళ్లు కూల్చుతా అంటే ఊరుకోబోమని ఖైరతాబాద్ ఎమ్మెల్యే దానం నాగేందర్ చెప్పారు. హైడ్రా విషయంలో వెనక్కి తగ్గేది లేదని స్పష్టం చేశారు. అవసరమైతే జైలుకు వెళ్లేందుకు సిద్ధమన్నారు. కూల్చివేతల విషయమై తనకు ఎలాంటి సమాచారం రాలేదన్నారు. తన ఇంట్లో అభిమానించే వైఎస్సార్, కేసీఆర్ ఫొటోలు ఉంటే తప్పేంటని ప్రశ్నించారు.
News February 4, 2025
రిటైర్మెంట్ ప్రకటించిన శ్రీలంక క్రికెటర్
శ్రీలంక క్రికెటర్ దిముత్ కరుణరత్నే(36) ఇంటర్నేషనల్ క్రికెట్‌కు రిటైర్మెంట్ ప్రకటించారు. ఈనెల 6 నుంచి AUSతో జరిగే రెండో టెస్ట్ మ్యాచే తనకు చివరిదని తెలిపారు. SL తరఫున 99 టెస్టుల్లో 7,172 పరుగులు, 50 ODIల్లో 1,316 రన్స్ చేశారు. టెస్టుల్లో 16 సెంచరీలు, 39 హాఫ్ సెంచరీలతో ఓపెనర్‌గా అద్భుతంగా రాణించారు. 30 టెస్టులకు కెప్టెన్‌గానూ వ్యవహరించారు. ఇటీవల ఫామ్ కోల్పోవడంతో రిటైర్ అవ్వాలని డిసైడ్ అయ్యారు.
News February 4, 2025
అసెంబ్లీ వాయిదా.. హరీశ్ ఫైర్
TG: అసెంబ్లీ సమావేశాలను ప్రారంభించిన కాసేపటికే వాయిదా వేయడంపై BRS MLA హరీశ్‌రావు ఫైరయ్యారు. ‘అసెంబ్లీ ప్రారంభమైన 2 నిమిషాలకే వాయిదా వేయటం ఏంటి? క్యాబినెట్ సమావేశం కొనసాగుతుందని, సబ్జెక్టు నోట్స్ సిద్ధం చేయలేదని సభను వాయిదా వేయాలని శ్రీధర్ బాబు కోరడం హాస్యాస్పదం. నాడు ప్రతిపక్షంలో ఉన్నా ప్రిపేర్ కాలేదు, నేడు ప్రభుత్వంలో ఉన్నా ప్రిపేర్ కాలేదు. ఇంకెప్పుడు ప్రిపేర్ అవుతారు?’ అని ఎద్దేవా చేశారు.
News February 4, 2025
దూరమై ఒక్కటైన వేళ.. ఉద్వేగ క్షణాలు!
మహాకుంభమేళాకు కోట్లాది మంది భక్తులు తరలివెళ్లగా రద్దీ కారణంగా చాలా మంది తప్పిపోతున్నారు. అలాంటి వారికి పోలీసులు అండగా నిలుస్తున్నారు. తాజాగా ఫాఫా మౌ జంక్షన్ రైల్వే స్టేసన్‌లో ఓ మహిళ తప్పిపోగా.. ఆమెను తన భర్తతో కలిపేందుకు రైల్వే పోలీసులు అవిశ్రాంతంగా శ్రమించి, అనౌన్స్‌మెంట్స్ ఇచ్చి ఎట్టకేలకు ఒక్కటి చేశారు. ఆ సమయంలో వారు ఉద్వేగానికి లోనై అందరికీ నమస్కరిస్తూ కృతజ్ఞతలు తెలిపిన ఫొటో వైరలవుతోంది.
News February 4, 2025
అమెరికా x చైనా: యుద్ధం మొదలైంది!
రెండు అతిపెద్ద ఎకానమీస్ మధ్య ట్రేడ్ వార్ మళ్లీ మొదలైంది. అమెరికాపై చైనా ప్రతీకార టారిఫ్స్ దాడి ఆరంభించింది. అక్కడి నుంచి దిగుమతి చేసుకొనే బొగ్గు, LNG ఉత్పత్తులపై 15%, క్రూడాయిల్, వ్యవసాయ యంత్రాలు, పెద్ద కార్లు, పికప్ ట్రక్స్‌పై 10% సుంకాలు ప్రకటించింది. Feb 10 నుంచి ఇవి అమల్లోకి వస్తాయని తెలిపింది. చైనా ఉత్పత్తులపై ట్రంప్ వేసిన 10% టారిఫ్స్ శనివారం నుంచి అమల్లోకి రావడంతో ప్రతీకారానికి దిగింది.
News February 4, 2025
ప్రతి ఒక్కరూ ఇవి తెలుసుకోండి!
ఆరోగ్యకరమైన వ్యక్తి BP-120/80 ఉంటుంది. పల్స్ (70-100), టెంపరేచర్ (36.4°C-37.2°C), బ్రీతింగ్ (12-16p/m), హిమోగ్లోబిన్ (పురుషులు 13-18, మహిళలు 11.50-16g/dL), కొలస్ట్రాల్(130-200), పొటాషియం(3.50-5), సోడియం(135-145mEq/L), రక్తం (5-6L), షుగర్ (పిల్లల్లో 70-130, పెద్దల్లో 70-115mg/dL), ఐరన్ (8-15mg), తెల్ల రక్త కణాలు(4000-11000), ప్లేట్లెట్స్ (1.5L- 4L), విటమిన్ D3(20-50ng/ml), Vit-B12 (200-900pg/ml).
News February 4, 2025
UCC అమలు దిశగా గుజరాత్!
యూనిఫామ్ సివిల్ కోడ్ అమలుకు గుజరాత్ సిద్ధమవుతోంది. సీఎం భూపేంద్ర పటేల్, డిప్యూటీ సీఎం హర్ష్ సంఘ్వీ మధ్యాహ్నం దీనిపై కీలక ప్రెస్‌మీట్ నిర్వహించబోతున్నారు. 2022 ఎన్నికల మ్యానిఫెస్టోలో బీజేపీ UCCపై హామీ ఇచ్చింది. ఇప్పటికే ఉత్తరాఖండ్ దీనిని విజయవంతంగా అమలు చేయడంతో 3-5 సభ్యుల కమిటీ ఏర్పాటుపై యోచిస్తోంది. మధ్యాహ్నం మరిన్ని వివరాలు తెలియనున్నాయి. వారం కిందటే ఉత్తరాఖండ్‌లో <<15276311>>UCC<<>> అమల్లోకి వచ్చింది.
Featured News
Sorry, no posts matched your criteria.