India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 5, 2024
సభలో ప్రతిపక్షం ఉందా? లేదా? అన్నదే చూడాలి: తమ్మినేని
AP: అసెంబ్లీలో ప్రతిపక్ష సభ్యులు ఎంతమంది ఉన్నారన్నది ముఖ్యం కాదని మాజీ స్పీకర్ తమ్మినేని సీతారాం అన్నారు. ప్రతిపక్షం ఉందా? లేదా? అన్నదే కీలకమని, స్పీకర్ దాన్ని గుర్తించి నిర్ణయం తీసుకోవాలని వ్యాఖ్యానించారు. ఇక్కడ న్యాయం జరగలేదు కాబట్టే జగన్ కోర్టుకు వెళ్లారని తెలిపారు. ఇక ప్రజాప్రతినిధులపైనే దాడులు చేస్తుంటే రాష్ట్రంలో సామాన్యులకు రక్షణ ఎక్కడుంటుందని తమ్మినేని ప్రశ్నించారు.
News August 5, 2024
ఆగస్టు 15: ఏ సినిమా కోసం ఎదురుచూస్తున్నారు?
స్వాతంత్ర్య దినోత్సవం రోజున ప్రేక్షకులను 4 కొత్త సినిమాలు అలరించనున్నాయి. హరీశ్ శంకర్ డైరెక్షన్‌లో రవితేజ నటించిన మిస్టర్ బచ్చన్, పూరీ-రామ్ కాంబోలో తెరకెక్కిన డబుల్ ఇస్మార్ట్, రంజిత్ దర్శకత్వంలో విక్రమ్ హీరోగా రూపొందిన తంగలాన్ రిలీజ్ కానున్నాయి. అలాగే గతేడాది మ్యాడ్ మూవీతో క్రేజీ హిట్ కొట్టిన నార్నే నితిన్ ఆయ్ సినిమాతో అదృష్టాన్ని పరీక్షించుకోనున్నారు. వీటిలో ఏ చిత్రం కోసం మీరు ఎదురుచూస్తున్నారు?
News August 5, 2024
శెభాష్ తెలంగాణ పోలీస్: NRI హర్షం
TG: తెలంగాణ పోలీసుల పనితీరు అద్భుతమని ప్రకాశ్ పొట్లూరి అనే NRI ట్విటర్‌లో కొనియాడారు. ఈ నెల 1న పోచారం ఐటీ కారిడార్ పరిధిలో తనను కొంతమంది అపహరించేందుకు చూశారని ఆయన వెల్లడించారు. వారి నుంచి తప్పించుకుని పోలీసులకు సమాచారమిచ్చానని తెలిపారు. అధికారులు వెంటనే స్పందించడమే కాక చాలా త్వరగా నిందితుడిని గుర్తించారని ఆయన హర్షం వ్యక్తం చేశారు. పోలీసు వ్యవస్థ ఇలా ఉంటే ప్రజలకు రక్షణ ఉంటుందని పేర్కొన్నారు.
News August 5, 2024
అదానీ వార‌సులు ఆన్ ద వే
అదానీ గ్రూప్ ఛైర్మ‌న్ గౌత‌మ్ అదానీ 70 ఏళ్లకు రిటైర్ అవ్వాల‌ని నిర్ణ‌యించుకున్నారు. 62 ఏళ్ల అదానీ తన త‌రువాతి తరం కోసమే ఈ నిర్ణయం తీసుకున్న‌ట్టు బ్లూమ్‌బర్గ్‌కు తెలిపారు. ఆయన కుమారులు క‌ర‌ణ్‌, జీత్‌ల‌తోపాటు వీరి క‌జిన్స్ ప్ర‌ణవ్, సాగ‌ర్‌లు ఆ బాధ్య‌త‌లు తీసుకుంటార‌ని వెల్లడించారు. Infra, Ports, సిమెంట్‌, షిప్పింగ్‌, గ్రీన్ ఎన‌ర్జీ, ఎయిర్‌పోర్ట్స్ రంగాల్లో గ్రూప్ విస్త‌రించింది.
News August 5, 2024
ఫేక్ న్యూస్ ఫ్యాక్టరీలకు షాడో యజమాని చంద్రబాబు: YCP
AP: బాపట్ల(D) భట్టిప్రోలులో SI చొక్కా పట్టుకున్న టీడీపీ కార్యకర్త <<13777587>>ఫొటో ఫేక్<<>> అని ట్వీట్ చేసిన CM చంద్రబాబుపై YCP విమర్శలు గుప్పించింది. ‘నువ్వు వచ్చాక రాష్ట్రంలో ప్రభుత్వం, ప్రజాస్వామ్యం, పోలీసు వ్యవస్థ, శాంతి భద్రతలు, నీ హామీలు ఫేక్. CMగా నువ్వే ఫేక్. ఫేక్ న్యూస్ ఫ్యాక్టరీలకు షాడో యజమానివి నువ్వు. నకిలీ గురించి నువ్వు మాట్లాడితే ఎలా? ఆ వీడియో చూస్తే ఎవరు ఫేకో అర్థమవుతుంది’ అని Xలో రాసుకొచ్చింది.
News August 5, 2024
GREAT: నిద్రలో నుంచి లేచొచ్చి గోల్డ్ కొట్టింది
పారిస్ ఒలింపిక్స్‌లో ఉక్రెయిన్‌ క్రీడాకారిణి యారోస్లావా మహుచిఖ్ మహిళల హై-జంప్‌లో గోల్డ్ గెలిచిన విషయం తెలిసిందే. అయితే, బరిలోకి దిగేముందు ఆమె బ్యాగ్‌పై నిద్రపోయి కనిపించారు. స్టార్ట్ అయ్యే సమయానికి లేచి అటెంప్ట్ చేసి గోల్డ్ సాధించి అందరినీ ఆశ్చర్యపరిచారు. ఎలాంటి టెన్షన్ తీసుకోకుండా, రిలాక్స్ అయ్యేందుకు తాను కాసేపు ఇలా నిద్రిస్తుంటానని ఆమె మెడల్ గెలిచాక చెప్పారు.
News August 5, 2024
స్టాక్ మార్కెట్ల పతనానికి కారణాలివే..
భార‌త్‌తో స్నేహ సంబంధాలు క‌లిగిన ఇజ్రాయెల్‌, ఇరాన్ ప్ర‌త్య‌క్ష యుద్ధానికి దిగుతున్న సంకేతాలు, అమెరికాలో మాంద్యం భ‌యాలు, జ‌పాన్ వ‌డ్డీ రేట్ల పెంపు స‌హా ఆర్బీఐ ద్ర‌వ్య ప‌ర‌ప‌తి విధాన స‌మీక్షా స‌మావేశం మంగ‌ళ‌వారం నుంచి ప్రారంభం కానున్న నేపథ్యంలో ఇన్వెస్టర్లు జాగ్రత్తపడ్డారు. దీంతో స్టాక్ మార్కెట్లు నష్టాల బాటపట్టాయి. BSEలోని సంస్థ‌ల విలువ‌లో రూ.14 ల‌క్ష‌ల కోట్లు ఆవిర‌య్యాయి.
News August 5, 2024
గత ప్రభుత్వ ఇసుక విధానంపై సీఐడీ విచారణ: సీఎం చంద్రబాబు
AP: గత ప్రభుత్వంలో అమలైన ఇసుక విధానంపై సీఎం చంద్రబాబు సీఐడీ విచారణకు ఆదేశించారు. ప్రస్తుతం తీసుకొచ్చిన ఉచిత ఇసుక పాలసీని పారదర్శకంగా అమలు చేయాలని అధికారులకు సూచించారు. ‘రవాణా ఛార్జీలు ఎక్కువగా ఉన్నాయి. వాటిని నియంత్రించాలి. రీచ్‌కు దగ్గరగా స్టాక్ పాయింట్ ఉండాలి. గ్రామ సచివాలయం కేంద్రంగా ఇసుక రవాణా సాగాలి. ఈ విషయంలో కలెక్టర్లు, అధికారులు తప్పులు చేస్తే క్షమించం’ అని హెచ్చరించారు.
News August 5, 2024
ఆర్టికల్ 370 రద్దుకు ఐదేళ్లు పూర్తి.. జమ్మూకశ్మీర్‌లో హైఅలర్ట్
జమ్మూ కశ్మీర్‌‌కు ప్రత్యేక హోదా కల్పించే ఆర్టికల్ 370ని కేంద్రం రద్దు చేసి నేటితో ఐదేళ్లు పూర్తయ్యాయి. ఈ నేపథ్యంలో కేంద్రం హైఅలర్ట్ ప్రకటించింది. సరిహద్దుల వద్ద భద్రతను కట్టుదిట్టం చేసింది. సైనికులను తరలించే కాన్వాయ్‌ల రాకపోకలనూ నిలిపేసింది. కాగా ఆర్టికల్ 370ని కేంద్రం 2019 AUG 5న రద్దు చేసింది. ఆ రాష్ట్రాన్ని 2 కేంద్రపాలిత ప్రాంతాలుగా విభజించింది. సుప్రీంకోర్టు సైతం ఈ నిర్ణయాన్ని సమర్థించింది.
News August 5, 2024
‘కన్నప్ప’ నుంచి స్పెషల్ పోస్టర్.. నెట్టింట ట్రోల్స్
మంచు విష్ణు హీరోగా భారీ బడ్జెట్‌తో తెరకెక్కుతోన్న ‘కన్నప్ప’ సినిమా నుంచి ‘ముండడు’ క్యారెక్టర్‌ పోస్టర్ రిలీజైంది. దీనిపై అభిమానులు అసంతృప్తి వ్యక్తం చేస్తున్నారు. ఈ పోస్టర్ చూస్తుంటే ‘యమదొంగ’ మూవీలో నటుడు అలీ వేసుకున్న కాస్ట్యూమ్స్ గుర్తొస్తున్నాయని సెటైర్లు వేస్తున్నారు. భారీ బడ్జెట్‌తో ప్రతిష్ఠాత్మకంగా తీసే సినిమాలో కాస్ట్యూమ్స్ గురించి పట్టించుకోరా? అని ఫైరవుతున్నారు. దీనిపై మీ కామెంట్?
Featured News
Sorry, no posts matched your criteria.