India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 27, 2024
ఒలింపిక్స్‌లో ‘మహిళా జ్యోతి’! – 2/2
1976 వరకు 20%లోపే ఉన్న మహిళల సంఖ్య క్రమంగా పెరిగింది. 2020 టోక్యో ఒలింపిక్స్‌లో ఈ సంఖ్య 48%కు చేరింది. 11,420 అథ్లెట్లలో 5,457 మంది మహిళలు ఉన్నారు. ఇప్పుడు పారిస్ ఒలింపిక్స్‌లో వీరి సంఖ్య దాదాపు 50% (5,416)కు చేరడంతో ఇది లింగ సమానత్వం సాధించిన తొలి ఒలింపిక్స్ అని నిర్వహకులు చెబుతున్నారు. ఇక భారత్ విషయానికొస్తే అబలలే మనల్ని ప్రపంచం ముందు తలెత్తుకునేలా చేసిన సందర్భాలు ఎన్నో! <<-se>>#Olympics2024<<>>
News July 27, 2024
మధ్యప్రదేశ్‌లో పట్టుబడిన ఉన్మాది
బెంగళూరులో కృతి అనే యువతిని కత్తితో <<13716657>>పొడిచి<<>> పారిపోయిన ఉన్మాదిని పోలీసులు పట్టుకున్నారు. బెంగళూరు పోలీసులు ప్రత్యేక బృందాలుగా ఏర్పడి సెర్చ్ చేయగా మధ్యప్రదేశ్‌లో నిందితుడు పట్టుబడ్డాడు. విచారణ వేగవంతం చేసి నిందితుడికి శిక్షపడేలా చూస్తామని కమిషనర్ దయానంద్ తెలిపారు. దాడి ఘటనలో బిహార్‌కు చెందిన బాధితురాలు కృతి చనిపోయిన విషయం తెలిసిందే.
News July 27, 2024
జగన్.. అందుకే మీ ధర్నాకు దూరం: షర్మిల
AP: ఢిల్లీలో ధర్నాకు కాంగ్రెస్ ఎందుకు రాలేదనే జగన్ ప్రశ్నకు షర్మిల ఘాటుగా స్పందించారు. ‘మీ ధర్నాకు ఎందుకు సంఘీభావం ప్రకటించాలి? పార్టీ ఉనికి కోసం కపట నాటకం ఆడినందుకా? వ్యక్తిగత హత్యను రాజకీయం చేసినందుకా?’ అని ఆమె ప్రశ్నించారు. YCP నిరసనలో స్వలాభం తప్ప, నిజం లేదన్నారు. ఆ ధర్నాతో రాష్ట్రానికి ప్రయోజనం శూన్యమని తెలిసి కాంగ్రెస్ దూరంగా ఉందని ఆమె ట్వీట్ చేశారు.
News July 27, 2024
SLvsIND: సంజూకు చోటు కష్టమే?
SLvsIND టీ20 సిరీస్‌ ఈరోజు రాత్రి నుంచి మొదలుకానున్న సంగతి తెలిసిందే. తుది జట్టు అంచనా చూస్తే సంజూ శాంసన్‌కు చోటు కష్టంలాగే కనిపిస్తోంది. కీపర్‌గా పంత్‌వైపే భారత్ మొగ్గు చూపడం, మిగిలిన స్థానాలకు కూడా తగిన ఆటగాళ్లుండటంతో శాంసన్‌ను ఆడించకపోవచ్చని క్రీడావిశ్లేషకులు అంచనా వేస్తున్నారు. దీంతో సంజూ ఫ్యాన్స్ నుంచి ఆగ్రహం వ్యక్తమవుతోంది. అతడిపై ఎందుకీ వివక్ష అంటూ పలువురు ప్రశ్నిస్తున్నారు.
News July 27, 2024
గత ఐదేళ్లలో విదేశాల్లో చనిపోయిన విద్యార్థుల సంఖ్య ఎంతంటే?
గత ఐదేళ్లలో 633 మంది విద్యార్థులు విదేశాల్లో చనిపోయినట్లు విదేశాంగ శాఖ వెల్లడించింది. పార్లమెంటు సమావేశాల్లో కేరళ ఎంపీ కొడికున్నిల్ సురేశ్ అడిగిన ప్రశ్నకు మంత్రి కీర్తి వర్ధన్ సింగ్ సమాధానమిచ్చారు. అత్యధికంగా కెనడా(172), యూఎస్(108)లో చనిపోయారని పేర్కొన్నారు. పలు హింసాత్మక ఘటనల్లో 19 మంది కన్నుమూసినట్లు తెలిపారు. అవాంఛనీయ ఘటనల్లో ఆతిథ్య దేశాలు దర్యాప్తు చేసి బాధ్యులను శిక్షిస్తున్నాయన్నారు.
News July 27, 2024
యువతిపై భర్త అత్యాచారం.. వీడియో తీసిన భార్య!
విద్యావంతులైన భార్యాభర్తలు గంజాయికి బానిసలై దారుణానికి ఒడిగట్టారు. తిరుపతి పద్మావతి వర్సిటీలో న్యాయవిద్య చదివిన యువతి, ప్రణవ కృష్ణ ఫ్రెండ్స్. ప్రణవ ఇంటికి యువతి తరచూ వెళ్లేది. ఈ క్రమంలో ప్రణవ, ఆమె భర్త కిశోర్‌ యువతికి గంజాయి అలవాటు చేశారు. ఆమెను భర్త రేప్ చేయగా భార్యే వీడియోలు తీసింది. ఆమెను బెదిరించి రూ.5లక్షలు తీసుకున్నారు. ఇటీవల కాబోయే భర్తకు వీడియోలు పంపడంతో యువతి పోలీసులకు ఫిర్యాదు చేసింది.
News July 27, 2024
‘మేడిగడ్డ’ రాజకీయం: కాంగ్రెస్ vs బీఆర్‌ఎస్
‘ఆగస్టు 2 నాటికి మేడిగడ్డ సమీపంలోని కన్నేపల్లి పంప్ హౌస్ ద్వారా నీళ్లను లిఫ్ట్ చేయకపోతే 50 వేల మంది రైతులతో మోటార్లు ఆన్ చేస్తాం’ అని కేటీఆర్.. ‘మేడిగడ్డలో నీరు నిల్వ చేస్తే ప్రమాదం. నేషనల్ డ్యామ్ సేఫ్టీ అథారిటీ చెబితేనే నిల్వ చేస్తాం’ అని మంత్రి ఉత్తమ్. తెలంగాణలో ఇదే ఇప్పుడు హాట్ టాపిక్. మేడిగడ్డలో సమస్యలు లేకున్నా KCRపై కాంగ్రెస్ దుష్ప్రచారం చేస్తోందని కేటీఆర్ ఆరోపిస్తున్నారు. దీనిపై మీ కామెంట్?
News July 27, 2024
BEAUTIFUL: ‘ఇండియా కోచర్ వీక్’లో బాలీవుడ్ భామలు
న్యూఢిల్లీలోని తాజ్ ప్యాలెస్‌లో ‘ఇండియా కోచర్ వీక్’ రెండో రోజు అట్టహాసంగా జరిగింది. రోజ్‌రూమ్‌కు చెందిన డిజైనర్లు సునీత్ వర్మ, ఇషా జజోడియా రెండో రోజు తమ కలెక్షన్లను ప్రదర్శించారు. వర్మ తన స్పెషల్ కలెక్షన్ అయిన ‘నజ్మ్’ని ప్రదర్శించారు. బాలీవుడ్ బ్యూటీ జాక్వెలిన్ ఫెర్నాండెజ్ ప్రత్యేక ఆకర్షణగా నిలిచారు. ఫారెస్ట్ థీమ్‌లా రూపొందించిన స్టేజీ, ఇంటీరియర్ వీక్షకులను మంత్రముగ్ధులను చేశాయి.
News July 27, 2024
శ్రీవారి దర్శనానికి 14 గంటల సమయం
AP: తిరుమలలో శ్రీవారి సర్వదర్శనానికి 14 గంటల సమయం పడుతోంది. 26 కంపార్ట్‌మెంట్లలో భక్తులు వేచి ఉన్నారు. నిన్న శ్రీవారిని 65,980 మంది దర్శించుకోగా 27,441 మంది భక్తులు తలనీలాలు సమర్పించారు. హుండీకి రూ.4.21 కోట్ల ఆదాయం సమకూరింది.
News July 27, 2024
భద్రాచలం వద్ద పెరిగిన గోదావరి నీటిమట్టం
గోదావరి పరివాహక ప్రాజెక్టుల్లో వరద ప్రవాహం పెరుగుతోంది. శ్రీరాంసాగర్‌కు 27 వేలు, నిర్మల్(D) కడెం ప్రాజెక్టుకు 8,153 క్యూసెక్కుల ప్రవాహం ఉంది. ఎల్లంపల్లికి 14,349 క్యూసెక్కుల ఇన్ ఫ్లో కొనసాగుతోంది. మరోవైపు భద్రాచలం వద్ద గోదావరి ప్రవాహం పెరిగింది. రెండో ప్రమాద హెచ్చరిక కొనసాగుతుండగా ప్రస్తుత నీటిమట్టం 50.9 అడుగులకు చేరింది. పోలవరం నుంచి 11,19,463 క్కూసెక్కుల నీరు దిగువకు వెళ్తోంది.
Featured News
Sorry, no posts matched your criteria.