India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 27, 2024
3 రోజుల్లో రూ.5,000 తగ్గిన బంగారం ధరలు
దిగుమతి సుంకం (కస్టమ్స్ డ్యూటీ) తగ్గింపుతో బంగారు ఆభరణాలకు గిరాకీ పెరుగుతోందని వ్యాపారులు చెబుతున్నారు. మంగళవారం నుంచి గురువారం వరకు మూడు రోజుల్లోనే 10 గ్రాముల గోల్డ్, సిల్వర్ ధరలు వరుసగా రూ.5వేలు, రూ.7వేల మేరకు దిగొచ్చాయి. తగ్గిన ధరల నుంచి లాభం పొందేందుకు ఇన్వెస్టర్లు బంగారంలో పెట్టుబడులవైపు ఆసక్తి చూపే అవకాశం ఉందంటున్నారు.
News July 27, 2024
SLvsIND: నేడే తొలి టీ20
కొత్త కోచ్ గంభీర్, కొత్త కెప్టెన్ సూర్య కాంబోలో టీమ్ ఇండియా నేడు శ్రీలంకతో తొలి T20 మ్యాచ్ ఆడనుంది. రా.7గంటలకు మ్యాచ్ ప్రారంభమవుతుంది. సోనీ ఛానల్స్‌లో లైవ్ ప్రసారం కానుంది. IND తుది జట్టులో జైస్వాల్, గిల్, పంత్, సూర్య, హార్దిక్, దూబే, అక్షర్, అర్షదీప్, సిరాజ్ పేర్లు లాంఛనమే. మిగిలిన 2స్థానాల్లో వాషింగ్టన్, బిష్ణోయ్‌, ఖలీల్‌లో ఇద్దరు ఆడొచ్చు. అటు గాయాలతో శ్రీలంక పలువురు ఆటగాళ్లను మిస్ కానుంది.
News July 27, 2024
తెలంగాణలో 1.65 కోట్ల వాహనాలు
తెలంగాణలో ఈ ఏడాది మే నాటికి 1,65,65,130 వాహనాలు ఉన్నట్లు ప్రభుత్వం వెల్లడించింది. ఈ మేరకు సోషియో ఎకనమిక్ ఔట్లుక్ నివేదికను విడుదల చేసింది. గతేడాది ఇదే సమయానికి 1.54 కోట్ల వాహనాలు ఉంటే.. ఏడాది కాలంలోనే ఏకంగా 10.88 లక్షల వెహికల్స్ రోడ్లపైకి చేరాయని తెలిపింది. మొత్తం 1.65 కోట్ల వాహనాల్లో అత్యధికంగా 1,21,74,353 బైకులు ఉన్నాయని వివరించింది.
News July 27, 2024
అబార్షన్‌పై తుది నిర్ణయం బాధిత మహిళలదే: అలహాబాద్ హైకోర్టు
అత్యాచార బాధితులకు అబార్షన్‌పై అలహాబాద్ హైకోర్టు కీలక వ్యాఖ్యలు చేసింది. ప్రెగ్నెన్సీ కొనసాగించడం లేక అబార్షన్ చేయించుకోవడం అనే దానిపై బాధిత మహిళలే తుది నిర్ణయం తీసుకోవాలని సూచించింది. అబార్షన్‌కు అనుమతించాలని ఓ మైనర్ కోర్టును ఆశ్రయించిన సందర్భంగా ఈ వ్యాఖ్యలు చేసింది. ఒకవేళ బాధితురాలు బిడ్డకు జన్మనిచ్చి దత్తతు ఇవ్వాలని భావిస్తే ఆ ప్రక్రియను పూర్తిచేసే బాధ్యత ప్రభుత్వానిదేనని పేర్కొంది.
News July 27, 2024
విజయ్ మాల్యాపై సెబీ నిషేధం
విదేశాల్లో తలదాచుకుంటున్న విజయ్ మాల్యాకు సెబీ మరో షాక్ ఇచ్చింది. భారత సెక్యూరిటీ మార్కెట్‌లో (స్టాక్స్, బాండ్స్ మొదలైనవి) ట్రేడింగ్ చేయకుండా మూడేళ్ల పాటు నిషేధం విధించింది. విదేశీ బ్యాంక్ అకౌంట్ల నుంచి అక్రమంగా భారత మార్కెట్‌లోకి నిధులు మళ్లించిన నేపథ్యంలో ఈ నిర్ణయం తీసుకుంది. 2006-2008 మధ్య మాల్యా ఈ అవకతవకలకు పాల్పడ్డారు. కాగా ఇలాంటి కేసులోనే 2018-2021 మధ్య కూడా సెబీ మాల్యాపై బ్యాన్ విధించింది.
News July 27, 2024
నేడు నీతి ఆయోగ్ సమావేశం
ప్రధాని మోదీ అధ్యక్షతన నేడు ఢిల్లీలో నీతి ఆయోగ్ 9వ పాలకమండలి సమావేశం జరగనుంది. ‘వికసిత భారత్ 2047’పై ప్రధానంగా ఈ సమావేశంలో చర్చించనున్నారు. ఈ సమావేశానికి కాంగ్రెస్ పాలిత రాష్ట్రాల ముఖ్యమంత్రులు (రేవంత్ రెడ్డి-TG, సిద్దరామయ్య-KN, సుఖ్విందర్ సింగ్- HP) గైర్హాజరు కానున్నారు. తమిళనాడు సీఎం ఎంకే స్టాలిన్, కేరళ సీఎం పినరయి విజయన్, పంజాబ్ సీఎం భగవంత్ మాన్ కూడా ఈ సమావేశానికి దూరంగా ఉండనున్నట్లు సమాచారం.
News July 27, 2024
నింగికెగిసిన ఒలింపిక్ జ్యోతి!
పారిస్‌ ఒలింపిక్స్ ప్రారంభోత్సవ వేడుకలు గ్రాండ్‌గా ముగిశాయి. ఫ్రాన్స్ అధ్యక్షుడు మెక్రాన్ గేమ్స్ ప్రారంభమైనట్లు ప్రకటించిన అనంతరం జ్యోతి ప్రజ్వలన జరిగింది. పలువురు అథ్లెట్ల చేతులు మారుతూ ఫైనల్ టార్చ్ ఐఫిల్ టవర్ నుంచి కౌల్‌డ్రోన్‌కు చేరింది. టెడ్డీ రినర్, మేరీ (ఫ్రెంచ్ అథ్లెట్లు) ఆ టార్చ్‌తో హాట్ ఎయిర్ బెలూన్ రూపంలోని జ్యోతిని వెలిగించారు. నింగికెగిసిన ఆ జ్యోతి చూపరులను ఆకట్టుకుంది. <<-se>>#Olympics2024<<>>
News July 27, 2024
మరో నాలుగు రోజులు భారీ వర్షాలు
TG: రాష్ట్రంలో మరో 4 రోజులు భారీ వర్షాలు కురుస్తాయని హైదరాబాద్ వాతావరణ కేంద్రం తెలిపింది. బంగాళాఖాతంలో ఏర్పడిన అల్పపీడనం కారణంగా రాష్ట్రవ్యాప్తంగా కుండపోత వర్షాలు కురుస్తాయని అంచనా వేసింది. నిజామాబాద్, కామారెడ్డి, ఆదిలాబాద్, నిర్మల్, ఆసిఫాబాద్, మెదక్ జిల్లాల్లో భారీ నుంచి అతి భారీ వర్షాలు పడతాయని పేర్కొంది. ఈ మేరకు ఆయా జిల్లాలకు రెడ్ అలర్ట్ జారీ చేసింది. ప్రజలు అప్రమత్తంగా ఉండాలని సూచించింది.
News July 27, 2024
IPL: పంజాబ్ కోచ్‌గా వసీం జాఫర్?
పంజాబ్ కింగ్స్ కొత్త కోచ్‌గా మాజీ క్రికెటర్ వసీం జాఫర్‌ను నియమించాలని యాజమాన్యం యోచిస్తున్నట్లు ఇండియన్ ఎక్స్‌ప్రెస్ వెల్లడించింది. త్వరలోనే అధికారిక ప్రకటన రానుందని తెలిపింది. ఇప్పటి వరకు ఆ జట్టు కోచ్‌గా ఉన్న బేలిస్ <<13700156>>కాంట్రాక్ట్<<>> ఈ ఏడాదితో ముగిసింది. జాఫర్ 2019-21 మధ్య పంజాబ్ బ్యాటింగ్ కోచ్‌గా పనిచేశారు. కాగా ఇటీవల పాంటింగ్‌ను DC కోచ్ పదవి నుంచి <<13623417>>తొలగించిన<<>> విషయం తెలిసిందే.
News July 27, 2024
శ్రీలంకకు మరో ఎదురుదెబ్బ
టీమ్ ఇండియాతో నేడు టీ20 సిరీస్ ప్రారంభం కానుండగా శ్రీలంకకు మరో ఎదురుదెబ్బ తగిలింది. ఆ జట్టు పేసర్ బినుర ఫెర్నాండో ఛాతి ఇన్‌ఫెక్షన్ బారిన పడ్డట్లు శ్రీలంక క్రికెట్ తెలిపింది. దీంతో తొలి మ్యాచ్‌కు ఆయన దూరం కానున్నట్లు పేర్కొంది. ఫెర్నాండో స్థానంలో ఆల్‌రౌండర్ రమేశ్ మెండిస్ స్టాండ్ బై ప్లేయర్‌గా ఎంపికయ్యారు. ఇప్పటికే నువాన్ తుషారా, దుష్మంత చమీరా గాయాలతో బాధపడుతూ సిరీస్ నుంచి తప్పుకున్నారు.
Featured News
Sorry, no posts matched your criteria.