India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 15, 2024
‘ZOMATO’లో ఈ ఫీచర్ ఎందుకొచ్చిందంటే?
ఫుడ్ డెలివరీ యాప్ ‘జొమాటో’లో కొత్తగా ‘డిలీట్’ ఆప్షన్ అందుబాటులోకి వచ్చింది. అయితే, దీన్ని తీసుకురావడానికి గల కారణాన్ని సంస్థ CEO దీపిందర్ గోయల్ తెలిపారు. ఆర్డర్స్ హిస్టరీ వల్ల లేట్ నైట్ బుక్ చేసుకుని తింటున్నట్లు తన భార్య తెలుసుకుంటోందని, డిలీట్ చేసే ఆప్షన్ ఉంటే బాగుండేదని ఓ నెటిజన్ ట్విటర్‌లో CEOకు ఫిర్యాదు చేశారు. దీంతో ఈ సమస్యను చాలా మంది ఎదుర్కొంటున్నారని దీన్ని తీసుకొచ్చినట్లు తెలిపారు.
News July 15, 2024
ట్రంప్‌పై కాల్పులు.. ధ్రువ్ రాఠి ట్వీట్ వైరల్
అమెరికా మాజీ అధ్యక్షుడు డొనాల్డ్ ట్రంప్‌పై కాల్పులు జరపడంపై యూట్యూబర్ ధ్రువ్ రాఠి స్పందించారు. ‘డొనాల్డ్ ట్రంప్ దాదాపు హత్యకు గురైన పరిస్థితి. ఎందుకంటే అమెరికాలో ఎవరైనా సెమీ ఆటోమేటిక్ రైఫిల్‌ను పొందవచ్చు. అమెరికాలో ప్రతి సంవత్సరం 40,000 మంది కాల్పుల కారణంగా మరణిస్తున్నారు. అయినా దీనిని ఎవరూ పట్టించుకోవట్లేదు. ఆయుధ మాఫియాను నియంత్రించేందుకు ట్రంప్, బైడెన్ పెద్దగా కృషి చేయలేదు’ అని ట్వీట్ చేశారు.
News July 15, 2024
గ్రాండ్ స్లామ్ అంటే ఏంటో తెలుసా?
టెన్నిస్‌లో <<13629724>>గ్రాండ్ స్లామ్<<>> అంటే ఏడాది కాలంలో 4 మేజర్ ఛాంపియన్షిప్స్ గెలవడం. ఒక గ్రాండ్ స్లామ్ సాధించాలంటే ఏడాదిలో ఆస్ట్రేలియన్ ఓపెన్, ఫ్రెంచ్ ఓపెన్, వింబుల్డన్, US ఓపెన్ గెలవాలి. టెన్నిస్‌లో ఇదే అతి పెద్ద ఫీట్. డబుల్స్‌లో ఒక ప్లేయర్ వేర్వేరు పార్ట్‌నర్స్‌తో దీన్ని సాధించవచ్చు. ఆస్ట్రేలియాకు చెందిన రాడ్ లావర్(11) అత్యధిక గ్రాండ్ స్లామ్స్ గెలిచారు. IND ఖాతాలో 4 డబుల్స్ గ్రాండ్ స్లామ్స్ ఉన్నాయి.
News July 15, 2024
పాక్‌లో ఇమ్రాన్ ఖాన్ పార్టీపై నిషేధం!
అవినీతి కేసుల్లో జైలు శిక్ష అనుభవిస్తున్న పాకిస్థాన్ మాజీ ప్రధాని ఇమ్రాన్ ఖాన్‌కు ఆ దేశ ప్రభుత్వం మరో షాక్ ఇచ్చింది. ఖాన్‌కు చెందిన పాకిస్థాన్ తెహ్రీక్ ఇన్సాఫ్ పార్టీని నిషేధించే దిశగా చర్యలు చేపట్టనున్నట్లు ప్రకటించింది. దేశద్రోహానికి పాల్పడినట్లు ఆరోపణలు రావడమే కారణం. ఆ పార్టీపై ఆంక్షలు విధించేందుకు తమ వద్ద తగిన ఆధారాలు ఉన్నాయని ప్రభుత్వం చెబుతోంది. కాగా ప్రభుత్వ ప్రకటనను PTI ఖండించింది.
News July 15, 2024
40,000 మంది ఫ్రెషర్లకు ఉద్యోగాలు: TCS
ఈ ఆర్థిక సంవత్సరంలో 40,000 మంది ఫ్రెషర్లకు ఉద్యోగాలిస్తామని <<13630881>>TCS<<>> ప్రకటించింది. APR1-JUN30 మధ్య నియమించుకున్న 5,452 మంది కంపెనీ వృద్ధిలో కీలకపాత్ర పోషించారంది. ఉద్యోగులకు 4.5%-7% ఇంక్రిమెంట్ ఇచ్చామని, మరింత మెరుగ్గా పని చేసినవారు 10%-12% అందుకున్నట్లు వివరించింది. కొత్త టాలెంట్‌కు భారత్ గమ్యస్థానంగా ఉందని, సమీప భవిష్యత్తులో ఇది మారదని పేర్కొంది.
News July 15, 2024
ఆగస్టు 15 లోగా రుణమాఫీ: మంత్రి ఉత్తమ్
TG: ఆగస్టు 15 లోగా రైతులకు రూ.2 లక్షల వరకు ఉన్న పంట రుణాలను మాఫీ చేస్తామని మంత్రి ఉత్తమ్ కుమార్ రెడ్డి తెలిపారు. ఆ ప్రక్రియ ఇప్పటికే ప్రారంభమైందని, ఒకే దఫాలో రుణాలన్నీ మాఫీ చేస్తామన్నారు. కాళేశ్వరం ప్రాజెక్టుకు గత KCR ప్రభుత్వం రూ.లక్ష కోట్లకు పైగా ఖర్చు చేసి లక్ష ఎకరాలకు కూడా నీరందించలేకపోయిందని ఆరోపించారు. రుణాల మాఫీ సహా పలు కీలక అంశాలపై రానున్న అసెంబ్లీ సమావేశాల్లో చర్చిస్తామని పేర్కొన్నారు.
News July 15, 2024
టెన్నిస్ సింగిల్స్లో భారత్ ఎందుకు వీక్?
<<13629724>>వింబుల్డన్<<>> వంటి అంతర్జాతీయ టెన్నిస్ టోర్నీల్లో సింగిల్స్లో భారత్ ప్రవేశించలేకపోవడానికి అనేక కారణాలున్నాయి. సింగిల్స్లో రాణించాలంటే ఫిట్నెస్ ముఖ్యం. యురోపియన్ ప్లేయర్లతో పోల్చితే మనవాళ్లు ఫిట్నెస్‌లో కాస్త వీక్ అని కొన్ని వాదనలున్నాయి. మన దగ్గర క్రికెట్‌లా నాణ్యమైన కోచ్‌లు, ఆర్థిక మద్దతు, సౌకర్యాలు, పేరెంట్స్ ప్రోత్సాహం లేవనేది మరో వాదన. అయితే IND పలు డబుల్స్, మిక్స్‌డ్ డబుల్స్ గెలిచింది.
News July 15, 2024
వర్షం పడేటప్పుడు రైతులు ఫోన్ మాట్లాడొద్దు: పోలీసులు
రాష్ట్రవ్యాప్తంగా భారీగా వర్షాలు కురుస్తుండటంతో ప్రజలకు తెలంగాణ పోలీసులు పలు సూచనలు చేశారు. వాహనాలు స్కిడ్ అయ్యే ప్రమాదం ఉన్నందున పరిమిత వేగంతోనే నడపాలన్నారు. ‘విద్యుత్ స్తంభాలు, విద్యుత్ తీగలను ఎట్టిపరిస్థితుల్లోనూ ముట్టుకోవద్దు. రైతులు పొలాల్లో ఉంటే ఫోన్స్ మాట్లాడకండి. ఉద్ధృతంగా ప్రవహిస్తున్న కాలువలు, చెరువుల వద్దకు వెళ్లకండి. రోడ్డుపై మ్యాన్‌హోల్స్, గుంతల పట్ల జాగ్రత్త వహించండి’ అని తెలిపారు.
News July 15, 2024
రుణమాఫీ: రూ.2 లక్షలకు పైగా లోన్ ఉంటే..?
TG: ఒక రైతు కుటుంబానికి రూ.2 లక్షల వరకు ఉన్న రుణాలను ప్రభుత్వం నేరుగా మాఫీ చేస్తుంది. ఏ కుటుంబానికైతే రూ.2 లక్షలకు మించి రుణం ఉంటుందో ఆ రైతులు రూ.2 లక్షలకు పైబడి ఉన్న మొత్తాన్ని మొదట బ్యాంకుకు చెల్లించాలి. ఆ తర్వాత అర్హతగల రూ.2 లక్షలను రైతు కుటుంబీకుల రుణ ఖాతాలకు ప్రభుత్వం బదిలీ చేస్తుంది. ఉదాహరణకు మీకు రూ.2.50లక్షల లోన్ ఉంటే రూ.50వేలను మీరు కట్టాల్సి ఉంటుంది. మిగతా రూ.2 లక్షలు మాఫీ అవుతాయి.
News July 15, 2024
ట్రంప్‌పై కాల్పులు.. నిందితుడిని చూసినా భయంతో వదిలేసిన పోలీస్?
డొనాల్డ్ ట్రంప్‌పై కాల్పుల ఘటన చర్చనీయాంశమైన వేళ మరిన్ని కీలక వివరాలు వెలుగు చూశాయి. పెన్సిల్‌వేనియాలో ట్రంప్‌ను హతమార్చేందుకు ఓ భవనంపై నక్కి ఉన్న నిందితుడు క్రూక్‌ను కాల్పులకు ముందే ఓ పోలీస్ కనిపెట్టినట్లు అసోసియేటెడ్ ప్రెస్ వెల్లడించింది. భవనం పైకప్పువైపు ఆ అధికారి వెళ్లగా క్రూక్స్ రైఫిల్ చూపి బెదిరించడంతో వెనక్కు తగ్గినట్లు తెలిపింది. అనంతరం క్రూక్‌ ట్రంప్‌పై కాల్పులకు తెగబడ్డాడని పేర్కొంది.
Featured News
Sorry, no posts matched your criteria.