India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 2, 2024
పిన్నెల్లిని పరామర్శించనున్న జగన్
AP: ఈ నెల 4న మాజీ సీఎం వైఎస్ జగన్ నెల్లూరు వెళ్లనున్నారు. అక్కడ సెంట్రల్ జైల్లో ఉన్న మాచర్ల మాజీ ఎమ్మెల్యే పిన్నెల్లి రామకృష్ణారెడ్డిని ఆయన పరామర్శించనున్నారు. ఇందుకు సంబంధించిన ఏర్పాట్లను మాజీ మంత్రి కాకాణి గోవర్ధన్ రెడ్డి పర్యవేక్షిస్తున్నారు. కాగా టీడీపీ ఏజెంట్, సీఐపై దాడి కేసుల్లో పిన్నెల్లి జైలుకు వెళ్లిన సంగతి తెలిసిందే.
News July 2, 2024
కస్టమర్‌కు నష్టపరిహారం చెల్లించండి: AIRTELకు NCDRC ఆదేశం
డూప్లికేట్ సిమ్‌ను జారీ చేసినందుకు కస్టమర్‌కు పరిహారం చెల్లించాలని AIRTELను NCDRC ఆదేశించింది. ఓ ఆర్మీ ఉద్యోగి మొబైల్ నంబర్‌పై గుర్తు తెలియని వ్యక్తి మోసపూరితంగా సిమ్ కార్డు పొంది అతని బ్యాంకు అకౌంట్ నుంచి 2017లో ₹2,87,630 డ్రా చేశాడు. దీనిపై కంప్లైంట్ ఇవ్వగా నిందితుడిని గుర్తించడంలో కంపెనీ విఫలమైందని కమిషన్ తేల్చింది. ఫిర్యాదుదారు శ్యామ్ కుమార్‌కు ₹2.8 లక్షలతో పాటు ₹లక్ష పరిహారం చెల్లించాలంది.
News July 2, 2024
భోలే బాబా ఎవరంటే?
UPలోని సత్సంగ్‌లో <<13551764>>తొక్కిసలాటతో<<>> భోలే బాబా అలియాస్ నారాయణ్ సకర్ విశ్వ హరి గురించి చర్చ మొదలైంది. ఆయన UP ఎటా జిల్లాలోని బహదూర్ నగరి గ్రామానికి చెందినవారు. గతంలో ఇంటెలిజెన్స్ విభాగంలో పనిచేశారు. ‘మానవ్ మంగళ్ మిలన్ సద్భావన సమాగం’ పేరుతో ఆయన చేపట్టే ప్రవచన కార్యక్రమానికి నిత్యం వేల మంది వస్తుంటారు. కరోనా విజృంభిస్తోన్న సమయంలోనూ 50 మందికి అనుమతిస్తే 50వేల మందికిపైగా హాజరవడంతో విమర్శలు ఎదుర్కొన్నారు.
News July 2, 2024
పాలనలో మార్పు కనిపించాలి: చంద్రబాబు
AP: పాలనలో మార్పు స్పష్టంగా కనిపించేలా అధికారులు పని చేయాలని CM చంద్రబాబు ఆదేశించారు. సచివాలయంలో మంత్రులు, అధికారులతో సీఎం సమీక్ష నిర్వహించారు. ‘గత ప్రభుత్వ విధానాల వల్ల ప్రజలు సమస్యల్లో కూరుకుపోయారు. వాటి పరిష్కారానికి అధికారులు కృషి చేయాలి. తక్షణమే ప్రజలకు ఇసుక అందుబాటులో ఉంచాలి. అలాగే రాష్ట్రవ్యాప్తంగా రోడ్లను బాగుచేయాలి. నిత్యావసర సరకుల ధరల నియంత్రణకు చర్యలు తీసుకోవాలి’ అని ఆయన పేర్కొన్నారు.
News July 2, 2024
రేపు ఈ జిల్లాల్లో వర్షాలు
AP: మహారాష్ట్ర, కేరళ తీరాల వెంబడి ద్రోణి విస్తరించి ఉందని APSDMA వెల్లడించింది. దీని ప్రభావంతో రేపు శ్రీకాకుళం, మన్యం, అల్లూరి, కాకినాడ, కోనసీమ, తూ. గో, ప. గో, ఏలూరు, కృష్ణా, NTR, తిరుపతి, విశాఖపట్నం, అనకాపల్లి, కృష్ణా, బాపట్ల, పల్నాడు, ప్రకాశం, నెల్లూరు, నంద్యాల, YSR, అన్నమయ్య జిల్లాల్లో అక్కడక్కడ పిడుగులతో కూడిన తేలికపాటి నుంచి మోస్తరు వర్షాలు కురిసే అవకాశం ఉందని తెలిపింది.
News July 2, 2024
ఎస్సీ, ఎస్టీలను కాంగ్రెస్ మోసం చేసింది: మోదీ
ఎస్సీ, ఎస్టీ సహా అణగారిన వర్గాలను కాంగ్రెస్ మోసం చేసిందన్నారు ప్రధాని మోదీ. కాంగ్రెస్ ఎస్సీ, ఎస్టీల వ్యతిరేక పార్టీ అని అంబేడ్కర్ చెప్పారని, నెహ్రూ ప్రభుత్వ విధానాలు నచ్చక ఆయన రాజీనామా చేసినట్లు తెలిపారు. కాంగ్రెస్ పార్టీ ఎన్నికల్లో అంబేడ్కర్‌ను ఓడించిందని విమర్శించారు. జగ్జీవన్‌రామ్ ప్రధాని కాకుండా ఆ పార్టీ అడ్డుకుందన్నారు. రిజర్వేషన్లకు కాంగ్రెస్ మొదటి నుంచి వ్యతిరేకమన్నారు.
News July 2, 2024
ఆ గ్రామాలను తిరిగి TGలో కలపాలంటూ రేవంత్‌కు తుమ్మల లేఖ
ఈనెల 6న తెలుగు రాష్ట్రాల సీఎంల భేటీ నేపథ్యంలో సీఎం రేవంత్‌కు మంత్రి తుమ్మల నాగేశ్వరరావు లేఖ రాశారు. భద్రాచలం నుంచి ఏపీలో విలీనమైన గ్రామ పంచాయతీలపై ప్రత్యేక చొరవ తీసుకోవాలని కోరారు. గుండాల, పురుషోత్తమపట్నం, ఏటపాక, కన్నాయిగూడెం, పిచుకులపాడును తిరిగి భద్రాచలంలో కలపాలని పేర్కొన్నారు. రాష్ట్ర విభజన సమయంలో ఈ గ్రామాలను ఏపీలో విలీనం చేసిన సంగతి తెలిసిందే.
News July 2, 2024
ఈ దేశం వారిని ఎప్పటికీ క్షమించదు: మోదీ
హిందువులపై అసత్య ఆరోపణలు చేయడం సరికాదని ప్రధాని మోదీ అన్నారు. దీనిని సమర్థించేందుకు కుట్ర జరుగుతోందని, ఇది తీవ్రంగా పరిగణించాల్సిన విషయమని తెలిపారు. ‘కాంగ్రెస్ హిందూ ఉగ్రవాదం వంటి పదాలను ఉపయోగించింది. గతంలో వారి మిత్రపక్షం హిందూ మతాన్ని డెంగీతో పోల్చింది. ఈ దేశం వీరిని ఎప్పటికీ క్షమించదు. విపక్ష నేతల ప్రవర్తన సభ హుందాతనానికి మంచిది కాదు’ అని మండిపడ్డారు.
News July 2, 2024
ప్రభుత్వ వెబ్‌సైట్లలో ముఖ్యమైన సమాచారం అదృశ్యం: KTR
TG: రాష్ట్ర ప్రభుత్వ వెబ్‌సైట్లు, సోషల్ మీడియా ఖాతాల్లో ముఖ్యమైన సమాచారం అదృశ్యం అయిందని KTR ట్వీట్ చేశారు. ఈ విషయంలో జోక్యం చేసుకుని, విలువైన సమాచారాన్ని భద్రపరచాలని CS శాంతికుమారికి విజ్ఞప్తి చేశారు. ‘కాంగ్రెస్ ప్రభుత్వం వచ్చాక కొన్ని వెబ్‌సైట్లు తొలగించారు. ముఖ్యమైన సమాచారాన్ని కనిపించకుండా చేశారు. కేసీఆర్ ప్రభుత్వ హయాంలోని ఫొటోలు, వీడియోలను లేకుండా చేశారు’ అని ఆరోపించారు.
News July 2, 2024
ఛత్తీస్‌గఢ్‌లో భారీ ఎన్‌కౌంటర్.. 11మంది మావోయిస్టుల హతం
ఛత్తీస్‌గఢ్‌లోని నారాయణ్‌పూర్ జిల్లాలో భారీ ఎన్‌కౌంటర్ చోటుచేసుకుంది. కొహకమెట్ పోలీస్ స్టేషన్ పరిధిలోని ధనంది-కుర్రేవాయ్ మధ్య అటవీ ప్రాంతంలో జల్లెడ పడుతున్న భద్రతాబలగాలకు మావోయిస్టులు ఎదురుపడ్డారు. ఈక్రమంలో చోటుచేసుకున్న కాల్పుల్లో 11మంది మావోయిస్టులు హతమయ్యారని అధికారులు తెలిపారు. ఎస్‌టీఎఫ్, ఆర్‌జీ, బీఎస్‌ఎఫ్, ఐటీబీపీ బలగాలు ఈ ఎన్‌కౌంటర్‌లో పాలుపంచుకున్నాయని పేర్కొన్నారు.
Featured News
Sorry, no posts matched your criteria.