India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 14, 2024
‘కంగువ’ రిలీజ్ ఈ ఏడాదే
డిఫరెంట్ కాన్సెప్ట్ సినిమాలతో ఆకట్టుకునే సూర్య ప్రస్తుతం ‘కంగువ’ మూవీ చేస్తున్నారు. శివ దర్శకత్వం వహిస్తున్న ఈ సినిమా నుంచి ఇప్పటికే విడుదలైన పోస్టర్స్, గ్లింప్స్ అంచనాలను మరింత పెంచాయి. ఇవాళ తమిళ న్యూ ఇయర్ సందర్భంగా ఈ సినిమా రిలీజ్‌పై మేకర్స్ అప్‌డేట్ ఇచ్చారు. సూర్య ఓవైపు వారియర్‌గా కత్తి పట్టుకుని.. మరోవైపు స్టైలిష్ లుక్‌లో ఉన్న పోస్టర్ విడుదల చేసి 2024లోనే ఈ మూవీ రిలీజ్ అవుతుందని ప్రకటించారు.
News April 14, 2024
విజృంభించిన సాల్ట్.. కోల్‌కతా సూపర్ విక్టరీ
ఈడెన్ గార్డెన్స్ వేదికగా లక్నోతో జరిగిన మ్యాచ్‌లో కోల్‌కతా 8 వికెట్ల తేడాతో ఘన విజయం సాధించింది. లక్నో విధించిన 162 పరుగుల లక్ష్యాన్ని 15.4 ఓవర్లలోనే ఛేదించింది. సాల్ట్ 47 బంతుల్లో 89 పరుగులతో విరుచుకుపడగా.. శ్రేయస్ అయ్యర్ (38 బంతుల్లో 38 రన్స్) రాణించారు. లక్నో బౌలర్లలో మోహ్సిన్ ఖాన్ రెండు వికెట్లు తీశారు.
News April 14, 2024
OTTలోకి వచ్చేసిన ‘కాటేరా’ తెలుగు వెర్షన్
కన్నడ నటుడు దర్శన్ హీరోగా తెరకెక్కిన పీరియాడికల్ యాక్షన్ మూవీ ‘కాటేరా’ తెలుగు వెర్షన్ సడన్‌గా ఓటీటీలోకి వచ్చేసింది. జీ5లో స్ట్రీమింగ్ అవుతోంది. తరుణ్ సుధీర్ డైరెక్షన్ చేసిన ఈ సినిమా రూ.100 కోట్లకు పైగా కలెక్షన్లను సాధించి బ్లాక్‌బస్టర్‌గా నిలిచింది. జగపతిబాబు, వినోద్ కుమార్ కీలక పాత్రల్లో నటించారు. కన్నడ వెర్షన్ రెండు నెలల కిందటే ఓటీటీలోకి రాగా, ఇప్పుడు తెలుగు, తమిళంలో అందుబాటులో ఉంది.
News April 14, 2024
అణ్వాయుధాలపై మోదీ కీలక వ్యాఖ్యలు
దేశాన్ని రక్షించుకునేందుకు అణ్వాయుధాలు కలిగి ఉండటం తప్పనిసరి అని ప్రధాని మోదీ తేల్చి చెప్పారు. విపక్ష కూటమిలోని పార్టీలు అణు నిరాయుధీకరణ చేస్తామని ప్రమాదకర హామీలు గుప్పిస్తున్నాయని మండిపడ్డారు. శత్రుదేశాలు అణ్వాయుధ శక్తిని కలిగి ఉన్న తరుణంలో మన వద్ద అవి లేకుంటే ఎలా అని ప్రశ్నించారు. వీటిని వద్దని చెప్పేవారు దేశాన్ని ఎలా రక్షిస్తారని నిలదీశారు.
News April 14, 2024
వైసీపీ పథకాల వెనుక కుంభకోణం: చంద్రబాబు
AP: జగన్ తెచ్చిన ప్రతి పథకం వెనుక కుంభకోణం ఉందని టీడీపీ అధినేత చంద్రబాబు ఆరోపించారు. తాను వస్తే పరిశ్రమలు వస్తాయని.. జగన్ వస్తే గంజాయి వస్తుందని అన్నారు. జగన్ ప్రభుత్వంలో తొమ్మిది సార్లు కరెంట్ ఛార్జీలు, 3 సార్లు ఆర్టీసీ బస్సు ఛార్జీలు పెంచారని దుయ్యబట్టారు. తన ప్రభుత్వంలో సంపద సృష్టించి ప్రజలకు పంచుతామని తెలిపారు. కేంద్రం సాయంతో ఆకాశమే హద్దుగా రాష్ట్రాన్ని అభివృద్ధి చేస్తామని చెప్పారు.
News April 14, 2024
BIG BREAKING: పవన్ కళ్యాణ్‌పై రాయి విసిరిన వ్యక్తి
AP: గుంటూరు జిల్లా తెనాలిలో పర్యటిస్తున్న జనసేన అధినేత పవన్ కళ్యాణ్‌కు ప్రమాదం తప్పింది. వారాహి యాత్రలో పాల్గొన్న పవన్‌పై ఓ వ్యక్తి రాయి విసిరాడు. ఆ రాయి ఆయనకు తగలకుండా దూరంగా పడటంతో అభిమానులు ఊపిరి పీల్చుకున్నారు. రాయి విసిరిన వ్యక్తిని పట్టుకున్న జనసైనికులు పోలీసులకు అప్పగించారు.
News April 14, 2024
సీఎం జగన్‌పై దాడి.. CBI విచారణకు టీడీపీ లేఖ
AP: విజయవాడలో సీఎం జగన్‌పై జరిగిన రాయి దాడికి సంబంధించి కేంద్ర ఎన్నికల కమిషన్‌కు టీడీపీ నేత కనకమేడల రవీంద్ర కుమార్ లేఖ రాశారు. ‘సీఎం జగన్‌పై దాడి దురదృష్టకరం. ఈ ఘటనపై CBI లేదా NIAతో విచారణ జరిపించాలి. సీఎం భద్రత విషయంలో డీజీపీ రాజేంద్రనాథ్ రెడ్డి, ఇంటెలిజెన్స్ చీఫ్‌ సీతారామాంజనేయులు, విజయవాడ సీపీ కాంతి రాణా టాటా విఫలమయ్యారు. వారిని వెంటనే బదిలీ చేయాలి’ అని ఆయన లేఖలో పేర్కొన్నారు.
News April 14, 2024
పేదలకు 2 సెంట్ల స్థలం, వృద్ధులకు రూ.4వేల పెన్షన్: చంద్రబాబు
AP: తాము అధికారంలోకి వస్తే పేదలకు 2 సెంట్ల స్థలం ఇచ్చి ఇల్లు కట్టిస్తామని టీడీపీ అధినేత చంద్రబాబు హామీనిచ్చారు. జగన్ ఇచ్చిన ఇంటి స్థలాలను రద్దు చేయబోమని స్పష్టం చేశారు. వృద్ధాప్య, వితంతు పింఛన్లు రూ.4వేలను ఏప్రిల్ నుంచే కలిపి అందిస్తామని చెప్పారు. ‘తల్లికి వందనం కింద ప్రతి మహిళకు రూ.15వేలు, ఉచితంగా మూడు సిలిండర్లు, ఆర్టీసీ బస్సుల్లో ఉచిత ప్రయాణం’ హామీలు అమలు చేస్తామని పాయకరావుపేట సభలో తెలిపారు.
News April 14, 2024
బీరు ప్రియులకు బ్యాడ్ న్యూస్
TG: రాష్ట్రంలోని మద్యం షాపుల్లో బీర్ల కొరత ఏర్పడింది. సరఫరా, విక్రయాల మధ్య అంతరం పెరగడంతో ఈ కొరత ఏర్పడినట్లు తెలుస్తోంది. బ్రూవరీల యాజమాన్యాలకు సకాలంలో డబ్బులు చెల్లించడంలో బెవరేజెస్ కార్పొరేషన్ విఫలం కావడంతో బీర్ల ఉత్పత్తిపై ప్రభావం పడినట్లు సమాచారం. రాష్ట్రంలోని 6 బ్రూవరీల్లో రోజుకు 2.50 లక్షల కేసుల బీరు తయారు చేయొచ్చు. ప్రస్తుతం 1.50 లక్షల కేసుల బీరు మాత్రమే తయారవుతుండటంతో డిమాండ్ పెరిగింది.
News April 14, 2024
సీఎం జగన్‌పై దాడి ఘటన.. సిట్ ఏర్పాటు
AP: సీఎం జగన్‌పై రాయితో దాడి చేసిన ఘటనపై విచారణ కోసం పోలీసులు సిట్ ఏర్పాటు చేశారు. ఎస్పీ స్థాయి అధికారి నేతృత్వంలో సిట్‌ను ఏర్పాటు చేస్తూ సీపీ కాంతి రాణా టాటా ఉత్తర్వులు జారీ చేశారు. ఇప్పటికే ప్రత్యేక బృందాలు ఈ కేసును విచారిస్తుండగా.. ఈ బృందాల నుంచి సిట్ కేసు వివరాలను తీసుకోనుంది. అటు ఈ ఘటనపై వైసీపీ నేతలు సజ్జల, మల్లాది విష్ణు ఈసీకి ఫిర్యాదు చేశారు.
Featured News
Sorry, no posts matched your criteria.