India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 31, 2024
మెడికల్ కాలేజీల్లో 5,819 పోస్టుల భర్తీకి ఈసీ అనుమతి
TG: రాష్ట్రంలోని 34 ప్రభుత్వ మెడికల్ కాలేజీల్లో 5,819 ఉద్యోగాల భర్తీకి ఈసీ అనుమతి ఇచ్చింది. ప్రొఫెసర్, అసోసియేట్ ప్రొఫెసర్, అసిస్టెంట్ ప్రొఫెసర్, స్టాఫ్ నర్సుల పోస్టులను కాంట్రాక్ట్ ప్రాతిపదికన భర్తీ చేస్తారు. వెంటనే నియామక ప్రక్రియ ప్రారంభించాలని ఆరోగ్యశాఖ కార్యదర్శి క్రిస్టినా ఆదేశాలు జారీ చేశారు. జిల్లా కలెక్టర్ల ఆధ్వర్యంలోనే నియామకాలు జరగాలని స్పష్టం చేశారు.
News March 31, 2024
సత్తెనపల్లి గడ్డపై సత్తా చాటేదెవరో?
AP: రాజకీయ చైతన్యం పుష్కలంగా ఉన్న నియోజకవర్గం పల్నాడు(D) సత్తెనపల్లి. ఇక్కడ అభ్యర్థికి ఎక్కువ ప్రాధాన్యం ఇస్తుంటారు. స్వాతంత్ర్య సమరయోధుడు వావిలాల గోపాలకృష్ణయ్య ఇక్కడి నుంచే 2సార్లు ఇండిపెండెంట్‌గా గెలిచారు. కాంగ్రెస్ 4సార్లు, స్వతంత్రులు 3సార్లు, CPM, TDP 2సార్లు, CPI, YCP ఒక్కోసారి నెగ్గాయి. ఈసారి రాజకీయాల్లో తలపండిన అంబటి రాంబాబు (YCP), కన్నా లక్ష్మీనారాయణ(TDP) ఢీకొంటున్నారు.
#ELECTIONS2024
News March 31, 2024
ఉద్యోగులకు రేపు ఆప్షనల్ సెలవు
TG: షహదత్ హజ్రత్ అలీ సందర్భంగా ఉద్యోగులకు ఏప్రిల్ 1న ఆప్షనల్ సెలవును ఇస్తూ రాష్ట్ర ప్రభుత్వం ఉత్తర్వులిచ్చింది. గతంలో మార్చి 31న సెలవును(ఇవాళ) ప్రకటించగా, తాజాగా దాన్ని సవరించింది.
News March 31, 2024
యుద్ధప్రాతిపదికన పెన్షన్లు పంపిణీ చేయాలి: అచ్చెన్నాయుడు
AP: సచివాలయ సిబ్బంది, ఇతర ప్రభుత్వ ఉద్యోగుల ద్వారా ఒకటో తేదీనే యుద్ధప్రాతిపదికన పెన్షన్లు పంపిణీ చేయాలని టీడీపీ రాష్ట్ర అధ్యక్షుడు అచ్చెన్నాయుడు డిమాండ్ చేశారు. వాలంటీర్లను వైసీపీ ప్రచారానికి వాడుకోవడం వల్లే వారిని పింఛన్ల పంపిణీకి దూరంగా ఉంచాలని ఈసీ ఆదేశించిందన్నారు. వారు సస్పెన్షన్‌కు గురి కావడానికి సీఎం జగన్ కారణమయ్యారని విమర్శించారు.
News March 31, 2024
విమానం ఒక రోజు ఆలస్యం.. ఎయిర్ ఇండియాకు రూ.85,000 ఫైన్
విమాన ఆలస్యంపై ఓ ప్రయాణికుడు చేసిన ఫిర్యాదుపై ముంబై వినియోగదారుల కోర్టు కీలక ఆదేశాలిచ్చింది. అతనికి రూ.85,000 పరిహారం చెల్లించాలని ఎయిర్ ఇండియాకు స్పష్టం చేసింది. 2018లో బ్యాంకాక్ నుంచి ముంబై బయలుదేరాల్సిన విమానం ఒక రోజు ఆలస్యమైంది. సంస్థ నిర్లక్ష్యానికి తాను మానసిక వేదనకు గురయ్యానని, ఒక వర్క్ డే‌ను కోల్పోయానని మోహిత్ నిగమ్(33) ఫిర్యాదు చేశారు. సుదీర్ఘంగా విచారించిన కోర్టు తాజాగా తీర్పునిచ్చింది.
News March 31, 2024
AP, TG సీపీఎం ఎంపీ అభ్యర్థుల ప్రకటన
దేశంలో 44 లోక్‌సభ స్థానాలకు CPM అభ్యర్థులను ప్రకటించింది. ఏపీలోని అరకుకు పాచిపెంట అప్పలనరస, TGలోని భువనగిరికి జహంగీర్‌ పేర్లను ఖరారు చేసింది. బెంగాల్‌లో 17, కేరళలో 15, తమిళనాడులో 2, మిగతా రాష్ట్రాల్లో ఒక్కో అభ్యర్థిని CPM ప్రకటించింది. బిహార్, రాజస్థాన్, బెంగాల్, త్రిపురలో INDIA కూటమిలో భాగంగా పోటీ చేస్తున్న CPM.. అండమాన్, అస్సాం, ఝార్ఖండ్, కర్ణాటక, పంజాబ్‌లోవామపక్ష కూటమితో బరిలోకి దిగుతోంది.
News March 31, 2024
ఎన్నికల్లో పోటీపై 3న నిర్ణయం: సుమలత
లోక్‌సభ ఎన్నికల్లో మండ్య స్థానం నుంచి మరోసారి పోటీపై వచ్చే నెల 3న తన నిర్ణయాన్ని వెల్లడిస్తానని సిట్టింగ్ ఎంపీ, సినీ నటి సుమలత పేర్కొన్నారు. 2019లో బీజేపీ మద్దతుతో ఇండిపెండెంట్‌గా నెగ్గిన ఈమె.. ఈసారి ఎన్డీఏ తరఫున టికెట్ ఆశించారు. అయితే పొత్తులో భాగంగా బీజేపీ ఈ స్థానాన్ని జేడీఎస్‌కు కేటాయించడంతో మాజీ సీఎం కుమారస్వామి పోటీ చేస్తున్నారు.
News March 31, 2024
2 లక్షల మంది కంపెనీ సెక్రటరీలు అవసరం: ICSI అధ్యక్షుడు నరసింహన్
కంపెనీ సెక్రటరీస్ కోర్సులు చదివే విద్యార్థులకు నాణ్యమైన విద్య అందించడంపై దృష్టిసారించినట్లు ICSI అధ్యక్షుడు నరసింహన్ వెల్లడించారు. ఓ కార్యక్రమంలో మాట్లాడుతూ.. ‘ప్రస్తుతం దేశంలో 72,000 మంది కంపెనీ సెక్రటరీలు ఉన్నారు. ప్రధాని మోదీ చెప్పినట్లుగా 2047కు భారత ఆర్థిక వ్యవస్థ 30 ట్రిలియన్ డాలర్లుగా ఎదిగితే దేశానికి 2 లక్షల మంది కంపెనీ సెక్రటరీలు అవసరం ఉంటుంది’ అని పేర్కొన్నారు.
News March 31, 2024
పెరిగిన టోల్‌ఫీజు
HYD- విజయవాడ 65వ నంబర్ జాతీయ రహదారిపై పంతంగి, కొర్లపహాడ్, చిల్లకల్లు టోల్‌ప్లాజాల వద్ద ఫీజులు పెరిగాయి. ఒక్కో వాహనానికి ఒక వైపు, ఇరు వైపులా కలిపి రూ.5 నుంచి రూ.40, స్థానికుల నెలవారీ పాసులు రూ.330 నుంచి రూ.340కి పెరిగాయి. ఆందోల్ నుంచి చిల్లకల్లు వరకు రహదారిని కాంట్రాక్ట్ సంస్థ GMR రూ.2000 కోట్లతో 4లేన్లుగా విస్తరించింది. ఈ వ్యయాన్ని రాబట్టుకునేందుకు ఫీజులు పెంచింది. ఏడాది పాటు ఇవే ఛార్జీలుంటాయి.
News March 31, 2024
విద్యార్థిని ఆత్మహత్య ఘటనపై విచారణ కమిటీ
AP: విశాఖ(D) కొమ్మాదిలోని ఓ ప్రైవేట్ పాలిటెక్నిక్ కళాశాలలో విద్యార్థిని ఆత్మహత్య ఘటనపై సాంకేతిక విద్యాశాఖ ముగ్గురు సభ్యులతో విచారణ కమిటీని నియమించింది. అధ్యాపకుని లైంగిక వేధింపులతోనే తాను ఆత్మహత్యకు పాల్పడుతున్నట్లు తండ్రికి విద్యార్థిని మెసేజ్ పెట్టినట్లు కథనాలు వెలువడ్డాయి. కాలేజీలో చాలా మంది వేధింపులు ఎదుర్కొంటున్నారని ఆమె ఆ సందేశంలో పేర్కొంది. దీంతో విద్యాశాఖ ఈ విషయాన్ని సీరియస్‌గా తీసుకుంది.
Featured News
Sorry, no posts matched your criteria.