India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 27, 2024
ఫారిన్ ఫండ్స్‌లో ఇండియానే టాప్
విదేశీ పెట్టుబడులకు సంబంధించి ఆసియా మార్కెట్లలో భారత్ అగ్రస్థానంలో నిలిచింది. ఈనెలలో భారత్ ఏకంగా $3.63 బిలియన్ల విదేశీ పెట్టుబడులను ఆకర్షించింది. 2023 డిసెంబరు తర్వాత ఈ స్థాయి పెట్టుబడులు రావడం ఇదే తొలిసారి. భారత్ తర్వాతి స్థానాల్లో దక్షిణ కొరియా ($2.9 బిలియన్లు), తైవాన్ ($1.1 బిలియన్లు), ఇండోనేషియా ($584 మిలియన్లు) ఉన్నాయి. ఇక జపాన్, థాయ్‌లాండ్, మలేషియా తదితర దేశాల్లో FII భారీగా తగ్గాయి.
News March 27, 2024
దానంపై చర్యలు తీసుకోవాలని హైకోర్టులో పిటిషన్
TG: బీఆర్ఎస్ నుంచి కాంగ్రెస్‌లో చేరిన ఖైరతాబాద్ ఎమ్మెల్యే దానం నాగేందర్‌కు వ్యతిరేకంగా హైకోర్టులో పిటిషన్ దాఖలైంది. ఒక పార్టీ నుంచి ఎమ్మెల్యేగా గెలిచి రాజీనామా చేయకుండా వేరే పార్టీ నుంచి ఎంపీగా పోటీ చేయడం చట్టవిరుద్ధమని పిటిషన్‌లో పేర్కొన్నారు. దానంపై అనర్హత వేటు వేసేలా స్పీకర్‌కు హైకోర్టు ఆదేశాలివ్వాలని కోరారు. దీనిపై రేపు విచారణ జరిగే అవకాశం ఉంది.
News March 27, 2024
అసత్య ప్రచారాలను అడ్డుకుందాం
Way2News లోగోతో కొందరు అసత్య ప్రచారాలు చేస్తున్నారు. మీరు ఈ ఫేక్ ఉచ్చులో పడకుండా, ఇతరులూ మోసపోకుండా ఆపడం చాలా సులువు. మా ప్రతి ఆర్టికల్‌కు ప్రత్యేక కోడ్ ఉంటుంది. Way2News పేరుతో స్క్రీన్ షాట్ వస్తే అందులోని కోడ్‌ను fc.way2news.comలో ఎంటర్ చేయండి. మీకు వచ్చిన స్క్రీన్‌షాట్ వార్త కన్పిస్తే ఆ పోస్టు మేము పబ్లిష్ చేశామని అర్థం. ఆ వార్త రాలేదంటే మీకు ఫేక్ స్క్రీన్‌షాట్ వచ్చిందని గ్రహించాలి.
News March 27, 2024
కాంగ్రెస్ ఎంపీ టికెట్లు.. రేసులో ఉంది వీరేనా?
తెలంగాణలో 8 ఎంపీ సీట్లకు కాంగ్రెస్ అభ్యర్థులను ప్రకటించాల్సి ఉంది. ఈరోజు సాయంత్రం కాంగ్రెస్ సెంట్రల్ ఎలక్షన్ కమిటీ దీనిపై భేటీ కానుంది.
*కరీంనగర్- ప్రవీణ్ రెడ్డి/తీన్మార్ మల్లన్న
*ఖమ్మం- నందిని (భట్టి విక్రమార్క సతీమణి)
*భువనగిరి- కోమటిరెడ్డి లక్ష్మి/చామల కిరణ్
*వరంగల్- దొమ్మాటి సాంబయ్య/డాక్టర్ పరమేశ్వర్
*నిజామాబాద్- టి.జీవన్ రెడ్డి
*మెదక్- నీలం మధు
News March 27, 2024
సీఎం రేవంత్‌ను కలిసిన వీహెచ్
TG: సీఎం రేవంత్‌తో కాంగ్రెస్ సీనియర్ నేత వి.హనుమంతరావు భేటీ అయ్యారు. తనకు పార్లమెంటు టికెట్ ఇచ్చే అవకాశం లేదని గతకొన్ని రోజులుగా ఆయన అసంతృప్తితో ఉన్నారు. పార్టీ కార్యక్రమాలకూ దూరంగా ఉంటున్నారు. దీంతో మహేశ్ కుమార్ గౌడ్ ఆయన్ను సీఎం రేవంత్ వద్దకు తీసుకెళ్లారు. ఈ సందర్భంగా అన్ని విధాలా అండగా ఉంటానని వీహెచ్‌కు సీఎం హామీ ఇచ్చారు.
News March 27, 2024
ధోనీ అందుకే బ్యాటింగ్‌కు రాలేదు: హస్సీ
IPL-2024లో ఇప్పటివరకు CSK ఆడిన 2 మ్యాచుల్లో ధోనీ బ్యాటింగ్‌కు రాలేదు. ఈ సీజన్‌లో ఇప్పటివరకు ఆయన ఒక్క బాల్ కూడా ఆడలేదు. దీనిపై బ్యాటింగ్ కోచ్ హస్సీ స్పందిస్తూ ‘ఇంపాక్ట్ రూల్ వల్ల బ్యాటింగ్ ఆర్డర్ లెంగ్త్ ఎక్కువైంది. అందుకే ధోనీ 8వ స్థానంలో రావాల్సి వస్తోంది. మరోవైపు ఫాస్ట్‌గా ఆడాలని బ్యాటర్లకు హెడ్ కోచ్ ఫ్లెమింగ్ సూచించారు. అందుకే ధోనీ బ్యాటింగ్‌కు రాలేదు. ఆయన మంచి ఫామ్‌లో ఉన్నారు’ అని వివరించారు.
News March 27, 2024
చెర్రీకి తారక్ విషెస్
మెగా పవర్ స్టార్ రామ్ చరణ్‌కు జూనియర్ ఎన్టీఆర్ పుట్టినరోజు శుభాకాంక్షలు తెలిపారు. ‘నా సోదరుడు రామ్ చరణ్‌కు జన్మదిన శుభాకాంక్షలు. ఈ ఏడాది నీకు సంతోషం, విజయం కలగాలని కోరుకుంటున్నా’ అని ట్వీట్ చేశారు. అటు సినీప్రముఖులు, అభిమానులు చెర్రీకి బర్త్‌డే విషెస్ చెబుతున్నారు.
News March 27, 2024
వాలంటీర్లపై ఈసీకి బీజేపీ విజ్ఞప్తి
AP: వాలంటీర్లు ఎన్నికల ప్రక్రియలో పాల్గొనకుండా చూడాలని ఎన్నికల సంఘానికి బీజేపీ విజ్ఞప్తి చేసింది. ఎన్నికలయ్యే వరకు పెన్షన్ విషయంలో వాలంటీర్ల ప్రమేయం లేకుండా చర్యలు తీసుకోవాలని కోరింది. మరోవైపు ఎన్నికల కోడ్‌ను ఉల్లంఘిస్తున్న ప్రభుత్వ సిబ్బందిపై జిల్లా కలెక్టర్లు వేటు వేస్తున్న సంగతి తెలిసిందే.
News March 27, 2024
ఆ కంటైనర్ ఎందుకు తనిఖీ చేయలేదు: లోకేశ్
AP: రోజూ తన కాన్వాయ్ తనిఖీ చేసిన పోలీసులకు ఒక్క ఎన్నికల నిబంధన ఉల్లంఘన అయినా కనిపించిందా? అని నారా లోకేశ్ ప్రశ్నించారు. ‘సీఎం ఇంట్లోకి అన్ని నిబంధనలు అతిక్రమించి వెళ్లి వచ్చిన కంటైనర్‌ను ఎందుకు తనిఖీ చేయలేదు? అందులో ఏముంది? బ్రెజిల్ సరుకా? లిక్కర్లో మెక్కిన రూ.వేల కోట్లా? లండన్ పారిపోయేందుకు ఏర్పాట్లా? ఏపీ సెక్రటేరియట్‌లో ఇన్నాళ్లు దాచిన దొంగ ఫైళ్లా? సమాధానం చెబుతారా డీజీపీ?’ అని ట్వీట్ చేశారు.
News March 27, 2024
ఛత్తీస్‌గఢ్‌లో ఎన్‌కౌంటర్.. ఆరుగురు నక్సల్స్ హతం!
ఛత్తీస్‌గఢ్‌లోని బీజాపూర్ జిల్లా చికుర్‌బట్టి-పుస్బాక అటవీ ప్రాంతంలో భారీ ఎన్‌కౌంటర్ జరిగింది. పోలీసులు మావోయిస్టుల మధ్య కాల్పులు జరగగా ఆరుగురు నక్సల్స్ హతమయ్యారు. యాంటీ నక్సల్స్ ఆపరేషన్‌లో భాగంగా ఆ ప్రాంతంలో భద్రతాబలగాలు గస్తీ కాస్తుండగా నక్సల్స్ కాల్పులకు తెగబడినట్లు తెలుస్తోంది. ఆరుగురు నక్సల్స్ మృతదేహాలను పోలీసులు స్వాధీనం చేసుకున్నారు. గాలింపు చర్యలు కొనసాగుతున్నాయి.
Featured News
Sorry, no posts matched your criteria.