India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 28, 2024
టీడీపీ రీపోలింగ్ ఎందుకు అడగలేదు?: సజ్జల
AP: ఎన్నికల్లో అక్రమాలు జరిగాయని ఆరోపిస్తున్న టీడీపీ ఎందుకు రీపోలింగ్ కోరలేదని వైసీపీ ప్రధాన కార్యదర్శి సజ్జల రామకృష్ణారెడ్డి నిలదీశారు. తమ అభ్యర్థులకు అన్యాయం జరిగింది కాబట్టే రీపోలింగ్ అడుగుతున్నామన్నారు. CBN వైరస్‌తో ఈసీ ఇన్‌ఫెక్ట్ అయిందని, అందుకే ఏకపక్ష నిర్ణయాలు తీసుకుంటోందని మండిపడ్డారు. టీడీపీ నేతలు ఈవీఎంలను ధ్వంసం చేసిన వీడియోలను ఎందుకు బయటపెట్టలేదని ప్రశ్నించారు.
News May 28, 2024
ప్లీజ్.. ఇప్పటికైనా విమర్శలు ఆపండి: పీటర్సన్
సోషల్ మీడియాలో కొందరు భారత ప్లేయర్లకు వ్యతిరేకంగా చేసే విమర్శలు ఇప్పటికైనా తగ్గించాలని ఇంగ్లండ్ మాజీ ప్లేయర్ కెవిన్ పీటర్సన్ ట్వీట్ చేశారు. ఫైనల్లో తాను చేసిన వ్యాఖ్యలనుద్దేశించి సోషల్ మీడియాలో <<13329161>>రాయుడి<<>>పై జరుగుతున్న ట్రోలింగ్‌ను ఆయన తప్పు బట్టారు. దయచేసి ఇకనైనా ఇలాంటివి ఆపాలని ఆయన కోరారు.
News May 28, 2024
డిఫరెంట్ లుక్‌లో అల్లరి నరేశ్
అల్లరి నరేశ్ కొత్త మూవీ ‘బచ్చలమల్లి’ నుంచి పోస్టర్‌ను ట్వీట్ చేశారు. పోస్టర్‌లో నరేశ్ కొత్త లుక్ డిఫరెంట్‌గా ఉంది. మాస్ లుక్‌లో రిక్షాపై బీడి తాగుతున్నట్లుగా ఉన్న పోజ్ ఆకట్టుకుంటోంది. కాగా ఆయన హీరోగా నటించిన ‘ఆ ఒక్కటీ అడక్కు’ మూవీ ఇటీవల థియేటర్లలో విడుదలై నిరాశపర్చింది.
News May 28, 2024
కేటీఆర్‌ను విమర్శించినవారి ఫోన్లను ట్యాప్ చేశాం: భుజంగరావు
TG: పేపర్ లీకేజీపై కేటీఆర్‌ను విమర్శించినవారి ఫోన్లను కూడా ట్యాప్ చేశామని తన వాంగ్మూలంలో అప్పటి ఇంటెలిజెన్స్ ASP భుజంగరావు వెల్లడించారు. కామారెడ్డి అసెంబ్లీ ఎన్నిక కోసం ప్రత్యేక ఏర్పాట్లు చేశామని తెలిపారు. బీజేపీ అభ్యర్థి వెంకటరమణారెడ్డి, రేవంత్ రెడ్డి సోదరుడు కొండల్‌రెడ్డిపై నిఘా పెట్టామని భుజంగరావు పేర్కొన్నారు.
News May 28, 2024
విపక్ష, విద్యార్థి నేతలు, జర్నలిస్టుల ఫోన్లు ట్యాప్ చేశాం: భుజంగరావు
TG: BRSకు వ్యతిరేకంగా పనిచేసే వారి ఫోన్లను ట్యాప్ చేశామని సస్పెండైన ఇంటెలిజెన్స్ ASP భుజంగరావు వాంగ్మూలం ఇచ్చారు. ‘విపక్ష, విద్యార్థి నేతలు, జర్నలిస్టుల ఫోన్లు ట్యాప్ చేశాం. వారి వాహనాలను ట్రాక్ చేశాం. GHMC, మూడు ఉపఎన్నికల సమయంలో, మునుగోడులో బీజేపీ, కాంగ్రెస్ మద్దతుదారుల ఫోన్లను ట్యాప్ చేశాం. ఇదంతా మాజీ డీఎస్పీ ప్రణీత్‌రావు, ఎస్‌వోటీ, టాస్క్‌ఫోర్స్ సాయంతోనే చేశాం’ అని ఆయన వెల్లడించారు.
News May 28, 2024
BRS నేతల సూచనలతో సెటిల్‌మెంట్లు చేశాం: భుజంగరావు
TG: బీఆర్ఎస్‌ను మళ్లీ అధికారంలోకి తెచ్చేందుకు ప్రణాళిక సిద్ధం చేశామని అప్పటి ఇంటెలిజెన్స్ ASP భుజంగరావు వాంగ్మూలం ఇచ్చారు. ‘BRS నేతల సూచనలతో సెటిల్‌మెంట్లు చేశాం. 2 ప్రైవేట్ ఆసుపత్రుల నుంచి భారీగా డబ్బు తరలించాం. టాస్క్‌ఫోర్స్ వాహనాల్లోనే డబ్బు తీసుకెళ్లాం. రియల్టర్ సంధ్యాశ్రీధర్ రావు రూ.13కోట్ల ఎలక్ట్రోరల్ బాండ్స్ కొనేలా చేశాం. మాట వినకపోతే కేసులతో ఇబ్బంది పెడతామని హెచ్చరించాం’ అని వివరించారు.
News May 28, 2024
ప్రజా భవన్‌కు బాంబు బెదిరింపు
హైదరాబాద్‌లో ప్రజా భవన్(ప్రగతి భవన్)లో బాంబు పెట్టానంటూ ఓ ఆగంతకుడు ఫోన్ చేశాడు. కాసేపట్లో బిల్డింగ్ పేలిపోతుందంటూ హెచ్చరించాడు. దీంతో పోలీసులు అప్రమత్తమయ్యారు. బాంబ్ స్క్వాడ్‌తో తనిఖీలు చేయిస్తున్నారు. ఫోన్ చేసిన వ్యక్తిని ట్రేస్ చేయడానికి ప్రయత్నిస్తున్నారు.
News May 28, 2024
వెట్రిమారన్ డైరెక్షన్‌లో రామ్ చరణ్?
తమిళ విలక్షణ డైరెక్టర్ వెట్రిమారన్, రామ్ చరణ్ కాంబోలో మూవీ తెరకెక్కనుందని సమాచారం. ఇటీవల దర్శకుడిని చెర్రీ కలిశారని తెలుస్తోంది. ఆయన చెప్పిన ఓ గ్రిప్పింగ్ స్టోరీ లైన్ గ్లోబల్ స్టార్‌కు విపరీతంగా నచ్చిందట. అయితే సినిమా చేయడంపై ఇంకా నిర్ణయం తీసుకోలేదని టాలీవుడ్ వర్గాలు వెల్లడించాయి. వడా చెన్నై, అసురన్, విడుదలై లాంటి హార్ట్ హిట్టింగ్ చిత్రాలతో వెట్రిమారన్ గుర్తింపు తెచ్చుకున్నారు.
News May 28, 2024
దేశంలో ఎక్కడా లేని సడలింపు ఇక్కడెందుకు?: పేర్ని నాని
AP: ఇటీవల కొత్తగా తీసుకొచ్చిన పోస్టల్ బ్యాలెట్ <<13318497>>లెక్కింపు<<>> సడలింపు నిబంధనలపై ఈసీకి వైసీపీ నేత పేర్ని నాని ఫిర్యాదు చేశారు. ‘పోస్టల్ బ్యాలెట్‌పై గెజిటెడ్ అధికారి సంతకం పెట్టి స్టాంప్ వేయాలని 13A, 13B రూల్స్ గతంలో చెప్పారు. ఇప్పుడు స్టాంప్ వేయకపోయినా ఆమోదించాలంటున్నారు. దేశంలో ఎక్కడా లేని సడలింపు ఇక్కడే ఎందుకు? దీనివల్ల కౌంటింగ్ సమయంలో ఘర్షణలు తలెత్తే అవకాశం ఉంది’ అని చెప్పారు.
News May 28, 2024
టాటూలతో బ్లడ్ క్యాన్సర్ ముప్పు!
టాటూలతో లింఫోమా అనే బ్లడ్ క్యాన్సర్ వచ్చే ముప్పు 21% అధికంగా ఉందని స్వీడన్ సైంటిస్టులు వెల్లడించారు. 20-60 ఏళ్ల వయసున్న 11,905 మందిపై వారు అధ్యయనం చేశారు. ‘చర్మంపై టాటూ ఇంక్ పడగానే రోగ నిరోధక వ్యవస్థ ప్రభావానికి గురవుతుంది. చర్మం ద్వారా ఇంక్ lymph nodesలో పేరుకుపోతుంది. దీంతో లింఫోమా క్యాన్సర్ రావొచ్చు. టాటూ సైజును బట్టి తీవ్రత పెరగొచ్చు. దీనిపై మరిన్ని పరిశోధనలు జరగాలి’ అని వారు తెలిపారు.
Featured News
Sorry, no posts matched your criteria.