India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 10, 2024
ఈసీ ఏ అధికారంతో క్లారిఫికేషన్ అడిగింది?: హైకోర్టు
AP: హైకోర్టు కన్నా తామే ఎక్కువని EC భావిస్తున్నట్లుందని డివిజన్ బెంచ్ మండిపడింది. DBT నిధుల విడుదలకు తాము ఆదేశాలిచ్చిన తర్వాత EC ఏ అధికారంతో క్లారిఫికేషన్ అడిగిందని ప్రశ్నించింది. నవతరం పార్టీ హౌస్ మోషన్ పిటిషన్‌పై విచారణ సందర్భంగా న్యాయమూర్తి మాట్లాడుతూ.. ‘రిట్ అప్పీల్ చేయకుండా హైకోర్టు ఆదేశాలను EC ఎలా పక్కన పెడుతుంది?’ అని నిలదీశారు. నిధుల విడుదలకు సమయం లేనందున విచారణను జూన్‌కు వాయిదా వేశారు.
News May 10, 2024
‘ల్యాండ్ టైటిలింగ్ చట్టం’ కర్త, కర్మ బీజేపీనే: IYR
AP: రాష్ట్రంలోని విపక్షాలు విమర్శిస్తోన్న ల్యాండ్ టైటిలింగ్ యాక్ట్‌కు కర్త, కర్మ BJPనేనని మాజీ సీఎస్ IYR కృష్ణారావు వెల్లడించారు. ఆ చట్టాన్ని విమర్శిస్తూ కూటమి నేతలు కొన్ని పత్రికల్లో ఇచ్చిన ప్రకటనను ఆయన ఖండించారు. ‘ఆ యాడ్ ఇచ్చింది TDP తరఫునా లేక కూటమి తరఫునా? ఇలాంటి ప్రకటనలకు కమలం పార్టీ భాగస్వామ్యం ఎలా తీసుకుంటుంది? AP BJP నిద్రావస్థలో ఉందా? ఇంకో కారణం ఉందా?’ అని Xలో <
News May 10, 2024
తెలంగాణలో RRR టాక్స్: మోదీ
తెలంగాణలో కొత్తగా RRR టాక్స్ కూడా మొదలైందని ప్రధాని మోదీ ఆరోపించారు. ‘RR టాక్స్ విషయంలో నేను ఎవరి పేరు చెప్పలేదు. కానీ ఇక్కడి సీఎం దీనిపై భుజాలు తడుముకున్నారు. RRR టాక్స్‌లో 3వ ఆర్ అంటే రజాకార్ టాక్స్ అని అర్థం. మతపరమైన రిజర్వేషన్లు ఉండకూడదనేది బీజేపీ సిద్ధాంతం. ముస్లింల రిజర్వేషన్లు తీసేస్తామని మాత్రమే బీజేపీ చెప్పింది. దానికి కట్టుబడి ఉన్నాం’ అని వెల్లడించారు.
News May 10, 2024
కేజ్రీవాల్ బెయిల్ న్యాయానికి ప్రతీక: స్టాలిన్
ఢిల్లీ సీఎం కేజ్రీవాల్‌కు సుప్రీం కోర్టు మధ్యంతర బెయిల్ మంజూరు చేయడాన్ని తమిళనాడు సీఎం స్టాలిన్ స్వాగతించారు. దీన్ని అన్యాయానికి వ్యతిరేకంగా చేస్తున్న పోరాటంలో సాధించిన విజయంగా అభివర్ణించారు. ఈ నిర్ణయం ప్రజాస్వామ్యాన్ని బలపరుస్తుందని అన్నారు. అరవింద్ కేజ్రీవాల్ విడుదలతో ఇండియా కూటమి పుంజుకొని ఈ ఎన్నికల్లో క్లీన్ స్వీప్ చేస్తుందని ధీమా వ్యక్తం చేశారు.
News May 10, 2024
దేశంలో శాకాహారుల శాతం ఎంతంటే?
దేశవ్యాప్తంగా 29 శాతం మంది శాకాహారులు ఉన్నట్లు తాజా నివేదిక వెల్లడించింది. అయితే, రాష్ట్రాల వారిగా వీరి సంఖ్య భిన్నంగా ఉంది. దేశంలో అధికంగా రాజస్థాన్‌లో 75శాతం మంది శాకాహారులున్నారు. టాప్-5లో హర్యానాలో 70శాతం, పంజాబ్‌లో 67శాతం, గుజరాత్‌లో 61శాతం, హిమాచల్ ప్రదేశ్ 53శాతం ఉన్నాయి. లక్షద్వీప్‌లో ఒక్కరూ కూడా శాకాహారులు లేకపోవడం గమనార్హం. ఇక TGలో 1.3%, APలో 1.7% మంది మాత్రమే వెజిటేరియన్స్ ఉన్నారు.
News May 10, 2024
దేశాన్ని విభజించి పాలించాలనేది కాంగ్రెస్ కుట్ర: మోదీ
భారతీయుల పట్ల కాంగ్రెస్ నేతలు జాతి వివక్ష వ్యాఖ్యలు చేస్తున్నారని ప్రధాని మోదీ మండిపడ్డారు. ‘కాంగ్రెస్ రాకుమారుడి గురువు మనల్ని ఆఫ్రికన్లు అని మాట్లాడారు. దేశాన్ని విభజించి పాలించాలనేది కాంగ్రెస్ కుట్ర. శ్రీరామనవమి జరుపుకోవడం కూడా తప్పే అన్నట్లు వారు మాట్లాడుతున్నారు. రాముడిని పూజించడం దేశద్రోహమా? బుద్ధం శరణం గచ్చామి ఇండియా సిద్ధాంతం. అహింసో పరమోధర్మో అనేది భారత్ సిద్ధాంతం’ అని స్పష్టం చేశారు.
News May 10, 2024
సోలార్ స్టాక్స్ జోరు.. ఏడాదిలో 1,318% రిటర్న్స్! – 2/2
పునరుత్పాదక శక్తికి పెరుగుతున్న డిమాండే ఈ సోలార్ స్టాక్స్ వృద్ధికి కారణమనేది నిపుణుల మాట. వారీ రెన్యూవబుల్ ఏడాదిలో 1318% రిటర్న్స్ ఇస్తే తర్వాతి స్థానాల్లో WAA సోలార్ (561%), జోడియాక్ ఎనర్జీ (393%), SJVN (236%), KP ఎనర్జీ (214%), అదానీ పవర్ (154%) ఉన్నాయి. 2030కి 340 గిగావాట్ల గ్రీన్ ఎనర్జీ ఉత్పత్తి సాధనకు కేంద్రం చర్యలు చేపడుతున్న నేపథ్యంలో ఈ ‘సోలార్’ డిమాండ్ కొనసాగుతుందంటున్నారు నిపుణులు.
News May 10, 2024
సోలార్ స్టాక్స్ జోరు.. ఏడాదిలో 1,318% రిటర్న్స్! – 1/2
దేశీయ స్టాక్ మార్కెట్లలో సోలార్ స్టాక్స్ దూసుకెళ్తున్నాయి. ఏడాది వ్యవధిలో వారీ రెన్యూవబుల్ అనే సంస్థ షేర్లు ఏకంగా 1,318% పెరిగాయి. గత నాలుగేళ్లలో అయితే 49,900% పెరిగింది. 2020లో కనిష్ఠంగా రూ.5కు పడిపోయిన షేర్ విలువ ఇప్పుడు రూ.2,600కు చేరింది. అప్పుడు రూ.100 కోట్లు ఉన్న మార్కెట్ క్యాప్ ఇప్పుడు రూ.27వేల కోట్లకు చేరింది. దేశీయ, విదేశీ సంస్థాగత పెట్టుబడుల ప్రమేయం లేకుండానే ఈ వృద్ధి సాధించడం విశేషం.
News May 10, 2024
కాంగ్రెస్ పాలనలో HYDలో బాంబు పేలుళ్లు: మోదీ
దేశాన్ని లూటీ చేయడమే కాంగ్రెస్ ట్రాక్ రికార్డు అని ప్రధాని మోదీ ఎద్దేవా చేశారు. ‘కాంగ్రెస్ పాలనలో HYDలో ఎన్నో చోట్ల బాంబు పేలుళ్లు జరిగాయి. దిల్‌సుఖ్‌నగర్ సాయిబాబా గుడి వద్ద బాంబు పేలింది. వారి పాలనలో పార్కు, గుడికి వెళ్లాలన్నా, బస్సు ఎక్కాలన్నా భయపడాల్సిన పరిస్థితి ఉండేది. కానీ NDAలో ఇలాంటివి ఎప్పుడైనా వినిపించాయా? గత పదేళ్లలో ఎన్నో సమస్యలకు పరిష్కారం చూపించాం’ అని HYD సభలో వెల్లడించారు.
News May 10, 2024
WONDER: చంద్రుడిపై రైల్వే స్టేషన్
ఎవరి ఊహకూ అందని విధంగా చంద్రుడిపై రైల్వే స్టేషన్‌ను నిర్మించేందుకు నాసా ప్లాన్ చేస్తోంది. చంద్రుడి ఉపరితలంపై సమర్థవంతమైన రవాణా అందించేలా పూర్తిస్థాయిలో పనిచేసే మొదటి రైల్వే స్టేషన్‌ను నిర్మించేందుకు ప్రణాళికలు రచిస్తోంది. ఈ రైలు భూమిపై నడిచే దానికంటే కొంచెం భిన్నంగా ఉంటుందని తెలిపింది. చంద్రుడిపైకి వెళ్లేందుకు వివిధ దేశాలు ఆసక్తి చూపుతుండటంతో నాసా ఈ నిర్ణయం తీసుకున్నట్లు తెలుస్తోంది.
Featured News
Sorry, no posts matched your criteria.