India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 12, 2024
మే 13న వారికి సెలవు
AP: ఈ సారి ఎన్నికల్లో కొత్తగా 10.30 లక్షల మంది యువ ఓటర్లు నమోదైనట్లు రాష్ట్ర ప్రధాన ఎన్నికల అధికారి ముకేశ్ కుమార్ మీనా వెల్లడించారు. యువ ఓటర్లు ఓటేసేందుకు వీలుగా పోలింగ్ రోజు, తర్వాతి రోజు కూడా సెలవులు ఇవ్వాలని, పరీక్షలు నిర్వహించకూడదని విద్యాసంస్థలను ఆదేశించినట్లు ఆయన పేర్కొన్నారు. అటు ప్రైవేట్ రంగంలో పనిచేస్తున్న వారికి కూడా రేపు పెయిడ్ హాలిడే ఇవ్వాలని సూచించినట్లు స్పష్టం చేశారు.
News May 12, 2024
పోలింగ్ బూత్‌లో ఇలా చేస్తే నేరం..
➦ బూత్ వద్ద 144 సెక్షన్ అమల్లో ఉంటుంది.. ఎలాంటి ప్రచారాలు, అల్లర్లు సృష్టించకూడదు ➦ ఎన్నికల అధికారి విధులకు ఆటంకం కలిగించడం ➦ పరికరాలను ధ్వంసం చేయడం ➦ ఓటు వేసేటప్పుడు ఫొటోలు తీయడం.. ఏ పార్టీకి ఓటు వేశారో బయటపెట్టడం ➦ ఎవరైనా ఓటు వేస్తున్నప్పుడు ఫొటోలు, వీడియోలు తీయడం ➦ దొంగ ఓట్లు వేయడం ➦ ఒకటి కంటే ఎక్కువ ఓట్లు ఉంటే ఒక ఓటు మాత్రమే వినియోగించాలి.
News May 12, 2024
ఊబకాయంతో క్యాన్సర్ ముప్పు!
ప్రస్తుత రోజుల్లో ఎంతోమందిని వేధిస్తున్న సమస్య ఊబకాయం. ఇది పలు రకాల అనారోగ్యాలకు దారితీస్తోంది. కాగా ఊబకాయంతో క్యాన్సర్ ముప్పు సైతం పెరుగుతోందనే భయంకర విషయాన్ని తాజాగా పరిశోధకులు వెల్లడించారు. స్వీడన్‌లోని లండ్ వర్సిటీ పరిశోధకులు 3.32లక్షల క్యాన్సర్ కేసులను కొన్నేళ్ల పాటు అధ్యయనం చేశారు. వీటిలో 40% కేసులకు అధిక బరువుతో సంబంధం ఉందని తేల్చారు. 32 రకాల క్యాన్సర్లకు ఊబకాయం కారణమవుతోందని గుర్తించారు.
News May 12, 2024
రోహిత్ శర్మ ఆటపై ఆందోళన
పొట్టి ప్రపంచ కప్ ముంగిట భారత కెప్టెన్ రోహిత్ శర్మ ఫామ్ అభిమానుల్లో ఆందోళన కలిగిస్తోంది. ఐపీఎల్‌లో తొలి అర్ధభాగంలో సెంచరీతో సహా భారీగా పరుగులు చేసిన శర్మ, సెకండాఫ్‌లో తేలిపోయారు. నిన్న కేకేఆర్ జరిగిన మ్యాచ్‌లో సైతం 24 బంతులాడి 19 రన్స్ చేశారు. దీంతో రోహిత్ ఇలా ఆడుతున్నారేంటంటూ నెట్టింట చర్చ నడుస్తోంది. టెస్టు ఛాంపియన్‌షిప్‌కు సిద్ధమవుతున్నారంటూ పలువురు ట్రోల్ చేస్తున్నారు.
News May 12, 2024
ఉక్రెయిన్ అధ్యక్షుడి హత్యకు కుట్ర
ఉక్రెయిన్ అధ్యక్షుడు జెలెన్‌స్కీ హత్యకు రష్యా చేసిన కుట్రను భగ్నం చేసినట్లు ఆ దేశ ఉన్నతాధికారులు ప్రకటించారు. జెలెన్‌స్కీతో సహా మరికొందరు సైనిక అధికారులు, రాజకీయ నేతల హత్యకు యత్నించారని ఆరోపించారు. ఈ ఘటనలో స్టేట్ ప్రొటెక్షన్ డిపార్ట్‌మెంట్ అధిపతిని తొలగించామని, మరో ఇద్దరిని అదుపులోకి తీసుకున్నట్లు పేర్కొన్నారు. కాగా రష్యా తమ వాంటెడ్ లిస్ట్‌లో జెలెన్‌స్కీని చేర్చినట్లు ఇటీవల వెలుగులోకి వచ్చింది.
News May 12, 2024
టీ20 WC చరిత్రలో టాప్-5 రన్ స్కోరర్స్
➛ విరాట్ కోహ్లీ (ఇండియా) – 1141
➛ మహేల జయవర్దనే (శ్రీలంక) -1016
➛ క్రిస్ గేల్ (వెస్టిండీస్) – 965
➛ రోహిత్ శర్మ (ఇండియా) – 963
➛ దిల్షాన్ (శ్రీలంక) – 897
News May 12, 2024
BIG ALERT.. ఇవాళ భారీ వర్షాలు
ఏపీలోని పలు జిల్లాల్లో మోస్తరు నుంచి భారీ వర్షాలు పడతాయని అమరావతి వాతావరణ కేంద్రం తెలిపింది. శ్రీకాకుళం, విజయనగరం, పార్వతీపురం, మన్యం, అల్లూరి, విశాఖ, అనకాపల్లి, కాకినాడ, కోనసీమ, తూ.గో, ప.గో, ఏలూరు, కృష్ణా, ఎన్టీఆర్ జిల్లాల్లో అక్కడక్కడ పిడుగులతో కూడిన మోస్తరు నుంచి భారీ వర్షాలు పడతాయంది. అటు పల్నాడు, ప్రకాశం, కర్నూలు, నంద్యాల, అనంతపురంలో తేలికపాటి వర్షాలు కురుస్తాయంది.
News May 12, 2024
డ్యుయల్ రోల్‌లో విజయ్ దేవరకొండ?
టాక్సీవాలా, శ్యామ్ సింగరాయ్ సినిమాల దర్శకుడు రాహుల్ సంకృత్యన్‌తో విజయ్ దేవరకొండ ఓ పీరియాడికల్ మూవీ చేస్తున్న సంగతి తెలిసిందే. ఇందులో విజయ్ డ్యుయల్ రోల్‌లో నటించనున్నట్లు సమాచారం. దాదాపు రూ.120 కోట్ల భారీ బడ్జెట్ తో రూపొందనున్న ఈ మూవీలో రౌడీ బాయ్ తండ్రీకొడుకుల పాత్రల్లో కనిపిస్తారట. దీనిపై అధికారిక ప్రకటన రావాల్సి ఉంది. ప్రస్తుతం ఆయన గౌతమ్ తిన్ననూరి డైరెక్షన్‌లో చేస్తున్న మూవీతో బిజీగా ఉన్నారు.
News May 12, 2024
TS EAPCET ఫలితాలు ఎప్పుడంటే?
TS EAPCET ఫలితాలు ఈనెల 25న లేదా 27న విడుదలయ్యే అవకాశం ఉంది. ఫలితాల విడుదల కోసం జేఎన్టీయూ అధికారులు ఏర్పాట్లు చేస్తున్నారు. ఈనెల 7న ప్రారంభమైన EAPCET పరీక్షలు నిన్నటితో ముగిశాయి. గతేడాది మే 14న పరీక్షలు పూర్తవగా, అదే నెల 25న రిజల్ట్స్ వెల్లడించారు. దీంతో ఈసారి కూడా ఒకరోజు అటుఇటుగా ఫలితాలు విడుదల చేస్తారని తెలుస్తోంది. ఈసారి ఇంజినీరింగ్ విభాగం పరీక్షలకు 2.40లక్షల మంది హాజరయ్యారు.
News May 12, 2024
సివిల్ సర్వీస్ వ్యవస్థలో నిజాయతీ తగ్గింది: దువ్వూరి
భారత్‌లోని సివిల్ సర్వీసులు, IAS వ్యవస్థలో నీతి, నిజాయతీ తగ్గుతోందని RBI మాజీ గవర్నర్ దువ్వూరి సుబ్బారావు ఆరోపించారు. ఈ వ్యవస్థను సంస్కరించాల్సిన ఆవశ్యకత ఉందని అభిప్రాయపడ్డారు. ఆయన రాసిన ఓ పుస్తకంలో IAS వ్యవస్థ ప్రక్షాళనపై తన అభిప్రాయాలను రాసుకొచ్చారు. ఏనాడో బ్రిటిషు వారు తయారు చేసిన IAS అనే స్టీల్ ఫ్రేమ్ ఇప్పుడు తుప్పుపట్టిందన్నారు. దీన్ని సరిచేసి పూర్వవైభవం తేవాల్సిన అవసరం ఉందన్నారు.
Featured News
Sorry, no posts matched your criteria.