India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 23, 2024
అనంత్ అంబానీ పెళ్లిలో కరీంనగర్ ఫిలిగ్రీ ఉత్పత్తులు
TG: ముఖేశ్ అంబానీ కుమారుడు అనంత్ అంబానీ పెళ్లి వేడుకకు కరీంనగర్ ఫిలిగ్రీ ఉత్పత్తులు వెళ్లనున్నాయి. అతిథులకు ప్రసిద్ధి చెందిన హస్తకళారూపాలను ఇవ్వాలని అంబానీ కుటుంబం నిర్ణయించింది. దీంతో ఇక్కడి నుంచి జ్యూయలరీ బాక్సులు, ట్రేలు, పర్సులు వంటి వస్తువులకు ఆర్డర్ ఇచ్చారు. వెండి తీగతో ఇక్కడి కళాకారులు వస్తువుల్ని రూపొందిస్తారు. గతేడాది జీ20 సదస్సుకు అశోకచక్రంతో కూడిన బ్యాడ్జీలను ఇక్కడి నుంచే పంపారు.
News May 23, 2024
ఇంటర్ సప్లిమెంటరీ పరీక్షలు.. 5 నిమిషాలు లేటైనా అనుమతి
TG: రేపటి నుంచి జూన్ 3 వరకు జరగనున్న ఇంటర్ అడ్వాన్స్‌డ్ సప్లిమెంటరీ పరీక్షల కోసం 900 పరీక్షా కేంద్రాలను ఏర్పాటు చేశారు. ఉ.9 నుంచి మ.12 వరకు ఫస్టియర్, మ.2:30 నుంచి సా.5:30 వరకు సెకండియర్ పరీక్షలు జరగనున్నాయి. 5 నిమిషాలు ఆలస్యంగా వచ్చినా పరీక్షకు అనుమతించనున్నట్లు అధికారులు తెలిపారు. https://tsbie.cgg.gov.in/ వెబ్‌సైట్ నుంచి హాల్ టికెట్లు డౌన్‌లోడ్ చేసుకోవచ్చన్నారు.
News May 23, 2024
నేడు కర్నూలులో APERC కార్యాలయం ప్రారంభం
రాష్ట్ర విభజన నుంచి HYDలోనే కొనసాగుతున్న APERC(ఆంధ్రప్రదేశ్ విద్యుత్ నియంత్రణ మండలి) ప్రధాన కార్యాలయం APకి తరలిరానుంది. కర్నూలు శివారు దిన్నెదేవరపాడులో 2 ఎకరాల విస్తీర్ణంలో శాశ్వత భవనాన్ని నిర్మించారు. ఇవాళ అధికారులు ప్రారంభోత్సవం చేయనున్నారు. వారంలో కార్యకలాపాలు జరిగేలా ఏర్పాట్లు చేస్తున్నారు. కాగా అమరావతిలో కాకుండా కర్నూలులో ఆఫీస్ నెలకొల్పడంపై హైకోర్టులో విచారణ సాగుతోంది.
News May 23, 2024
జులైలో పూర్తిస్థాయి బడ్జెట్?
TG: 2024-25 ఆర్థిక సంవత్సరానికి పూర్తిస్థాయి బడ్జెట్‌ను జులైలో అసెంబ్లీలో ప్రవేశపెట్టేందుకు రాష్ట్ర ప్రభుత్వం కసరత్తు చేస్తోంది. లోక్‌సభ ఎన్నికల నేపథ్యంలో ఫిబ్రవరి 10న తాత్కాలిక బడ్జెట్‌ను ప్రవేశపెట్టింది. జూన్ 4న ఎన్నికల ప్రక్రియ ముగియనుండడంతో పూర్తిస్థాయి బడ్జెట్‌పై కసరత్తు చేస్తోంది. అటు కేంద్ర ప్రభుత్వం జూన్ ఆఖరు లేదా జులై రెండో వారంలో పూర్తిస్థాయి బడ్జెట్‌ను ప్రవేశపెట్టనుంది.
News May 23, 2024
పాల్వాయిగేటు ఎన్నికల సిబ్బందిపై వేటు?
AP: మాచర్ల నియోజకవర్గంలోని రెంటచింతల(M) పాల్వాయిగేటు గ్రామంలోని పోలింగ్ కేంద్రం పీవో, సిబ్బందిని సస్పెండ్ చేసినట్లు సమాచారం. పోలింగ్ రోజున ఎమ్మెల్యే పిన్నెల్లి రామకృష్ణారెడ్డి ఈవీఎంను ధ్వంసం చేస్తున్నా అడ్డుకోకపోవడం సీసీ ఫుటేజీలో రికార్డయింది. దీంతో విధుల్లో నిర్లక్ష్యంగా వ్యవహరించిన వారిపై చర్యలు తీసుకోవాలని ఆర్వోని EC ఆదేశించింది. కాగా MLA పిన్నెల్లి కోసం పోలీసులు గాలిస్తున్నారు.
News May 23, 2024
అమ్మాయిల దత్తత పెరుగుతోంది
AP: రాష్ట్రవ్యాప్తంగా నాలుగేళ్లలో 325 మంది చిన్నారులను దత్తత తీసుకోగా, అందులో 186 మంది బాలికలే ఉండటం విశేషం. ఏపీతోపాటు ఇతర రాష్ట్రాల దంపతులు 262 మందిని, అమెరికా, ఆస్ట్రేలియా, స్పెయిన్, యూకే తదితర దేశాల కపుల్స్ 63 మందిని దత్తత తీసుకున్నారు. ప్రస్తుతం రాష్ట్రంలోని 14 శిశుగృహాల్లో 0-6 ఏళ్లలోపు 110 మంది చిన్నారులున్నారు. వారి దత్తత కోసం 1,018 మంది దరఖాస్తు చేసుకున్నారు.
News May 23, 2024
రామగుండం-మణుగూరు రైల్వే కోల్ కారిడార్‌కు కేంద్రం గ్రీన్ సిగ్నల్
TG: రామగుండం, మణుగూరు రైల్వే స్టేషన్ల మధ్య ప్రత్యేక రైల్వే కోర్ కారిడార్ ఏర్పాటుకు కేంద్రం నోటిఫికేషన్ జారీ చేసింది. ఇందుకోసం భూసేకరణ చేపట్టాలని ఆదేశించింది. సింగరేణి గనులు విస్తరించిన ప్రాంతాల్ని కలుపుతూ నిర్మించే ఈ ప్రాజెక్టు అంచనా వ్యయం రూ.2,911కోట్లుగా ఉంది. ప్రస్తుతం బొగ్గును కాజీపేట మీదుగా రవాణా చేస్తున్నారు. ఈ కొత్త లైన్ నిర్మాణం వల్ల దూరంతో పాటు బొగ్గు రవాణా వ్యయం కూడా తగ్గనుంది.
News May 23, 2024
రేపు వాయుగుండం.. పిడుగులతో వర్షాలు
AP: బంగాళాఖాతంలో ఏర్పడిన అల్పపీడనం రేపు వాయుగుండంగా బలపడనుందని IMD వెల్లడించింది. ఇది 2 రోజుల్లో తుఫానుగా మారనుందని తెలిపింది. దీని ప్రభావంతో నేటి నుంచి 3 రోజులు పిడుగులతో కూడిన వర్షాలు కురుస్తాయని పేర్కొంది. ఇవాళ మన్యం, ఏలూరు, కృష్ణా, NTR, అన్నమయ్య, చిత్తూరు, తిరుపతి జిల్లాల్లో వానలు పడతాయంది. తీరం వెంబడి గంటకు 30-40KM వేగంతో ఈదురుగాలులు వీస్తాయని, మత్స్యకారులు వేటకు వెళ్లొద్దని హెచ్చరించింది.
News May 23, 2024
సంజూ, పరాగ్ అరుదైన ఘనతలు
రాజస్థాన్ రాయల్స్‌కు అత్యధిక విజయాలు(31) అందించిన కెప్టెన్‌గా షేన్ వార్న్ సరసన సంజూ శాంసన్ చేరారు. ఆ తర్వాతి స్థానాల్లో రాహుల్ ద్రవిడ్(18), స్టీవెన్ స్మిత్(15) ఉన్నారు. అలాగే ఈ సీజన్‌లో అత్యధిక రన్స్(567) చేసిన అన్‌క్యాప్డ్ ప్లేయర్‌గా రియాన్ పరాగ్ ఘనత సాధించారు. ఓవరాల్‌గా యశస్వి జైస్వాల్ 625 పరుగులతో అగ్రస్థానంలో ఉన్నారు. అతను 2023లో ఈ ఫీట్ నమోదు చేశారు.
News May 23, 2024
భారత్‌లో నర్సుల కొరత
విదేశాలకు నర్సులు వలస వెళ్తుండటంతో భారత్‌లో వారి సంఖ్య తగ్గిపోతోందని వైద్య నిపుణులు ఆందోళన వ్యక్తం చేస్తున్నారు. దేశంలో నమోదు చేసుకున్న నర్సింగ్ సిబ్బంది సంఖ్య 33 లక్షలుగా కాగా.. 140 కోట్ల ప్రజల ఆరోగ్య అవసరాలు తీర్చేందుకు ఈ సంఖ్య సరిపోదని చెబుతున్నారు. 1000 మంది జనాభాకు 1.96శాతం(దాదాపు 20 మంది) నర్సులు అవసరమని WHO సిఫార్సు చేసింది. కానీ భారత్‌లో ఈ జనాభాకు ముగ్గురు నర్సులు మాత్రమే ఉన్నారు.
Featured News
Sorry, no posts matched your criteria.