India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 2, 2024
చంద్రబాబు, పవన్‌పై చర్యలు తీసుకోవాలని వైసీపీ ఫిర్యాదు
AP: చంద్రబాబు, పవన్ కళ్యాణ్‌లపై కఠిన చర్యలు తీసుకోవాలని ఈసీని YCP నేతలు డిమాండ్ చేశారు. తెనాలి, దెందులూరు సభల్లో చంద్రబాబు ఉద్దేశపూర్వకంగా జగన్ వ్యక్తిత్వాన్ని హననం చేశారని YCP MLA మల్లాది విష్ణు ఆరోపించారు. YCP అభ్యర్థులపై పవన్ అనుచిత వ్యాఖ్యలు చేశారని.. నియమావళిని ఉల్లంఘించిన వారిపై చర్యలు తీసుకోవాలని కోరారు. అటు ల్యాండ్ టైట్లింగ్ యాక్ట్‌పైనా వారు అసత్య ప్రచారం చేస్తున్నారని విష్ణు మండిపడ్డారు.
News May 2, 2024
నేడు ఉమ్మడి ఆదిలాబాద్‌లో రేవంత్ పర్యటన
TG: సార్వత్రిక ఎన్నికల ప్రచారంలో భాగంగా ఇవాళ సీఎం రేవంత్ రెడ్డి ఉమ్మడి ఆదిలాబాద్ జిల్లాలో పర్యటించనున్నారు. జిల్లాలోని ఆసిఫాబాద్, కాగజ్‌నగర్‌లో జరిగే బహిరంగ సభల్లో ఆయన ప్రసంగించనున్నారు. అనంతరం సిద్దిపేటలో జరిగే కార్నర్ మీటింగ్‌లో ఆయన పాల్గొననున్నారు. మెదక్ ఎంపీ అభ్యర్థి నీలం మధు తరఫున ఆయన ప్రచారం చేయనున్నారు.
News May 2, 2024
SRH-RR హెడ్ టూ హెడ్ ఇలా..
ఇవాళ ఉప్పల్ వేదికగా సన్ రైజర్స్, రాజస్థాన్ మధ్య మరో రసవత్తర పోరు జరగనుంది. ఇరు జట్ల మధ్య ఇప్పటివరకు 18 మ్యాచులు జరగ్గా.. చెరో తొమ్మిది మ్యాచుల్లో విజయం సాధించాయి. టేబుల్ టాపర్‌గా ఉన్న RR జట్టు టాపార్డర్ భీకరమైన ఫామ్‌లో ఉంది. మరోవైపు SRH టాపార్డర్ నిలదొక్కుకుంటే హోంటీమ్‌కు అడ్డే ఉండదు. ఈ క్రమంలో టాపార్డర్ తిరిగి ఫామ్‌లోకి వచ్చి సన్‌రైజర్స్ గెలుపు బాట పట్టాలని అభిమానులు కోరుకుంటున్నారు.
News May 2, 2024
కొవిషీల్డ్ సురక్షితమే.. ఆందోళన వద్దు: ఆస్ట్రాజెనెకా
కొవిషీల్డ్ వ్యాక్సిన్ సురక్షితమైందేనని ఆస్ట్రాజెనెకా పేర్కొంది. కాగా.. ఈ వ్యాక్సిన్‌తో సైడ్ ఎఫెక్ట్స్ ఉంటాయని ఇటీవల ఆస్ట్రాజెనెకా అంగీకరించడంతో టీకా తీసుకున్న వారిలో ఆందోళన మొదలైంది. తాజాగా ఈ విషయంపై ఆస్ట్రాజెనెకా మళ్లీ స్పందించింది. కొవిషీల్డ్ వ్యాక్సిన్ తీసుకున్నవారు ఆందోళన చెందాల్సిన అవసరం లేదని తెలిపింది. ప్రయోగ పరీక్షల్లో కొవిషీల్డ్ మంచి ఫలితాలు ఇచ్చిందని పేర్కొంది.
News May 2, 2024
ఇద్దరు BRS ఎమ్మెల్యేలకు హైకోర్టు నోటీసులు
TG: మేడ్చల్, జనగామ BRS MLAలు మల్లారెడ్డి, పల్లా రాజేశ్వర్‌రెడ్డికి హైకోర్టు నోటీసులు జారీ చేసింది. వారి ఎన్నికలను సవాల్ చేస్తూ దాఖలైన పిటిషన్లను విచారించిన కోర్టు సమాధానం చెప్పాలని తదుపరి విచారణను జూన్‌కు వాయిదా వేసింది. బ్యాంక్ ఖాతా లేకపోయినా IT రిటర్న్స్ ఎలా దాఖలు చేశారని మల్లారెడ్డి ఎన్నికను కాంగ్రెస్ నేత వజ్రేశ్ సవాల్ చేశారు. జనగామ MLA పల్లా ఎన్నికపై కొమ్మూరి ప్రతాప్‌రెడ్డి పిటిషన్ వేశారు.
News May 2, 2024
APలో మా మద్దతు జగన్‌కే: అసదుద్దీన్
TG: ఏపీలో తమ మద్దతు సీఎం వైఎస్ జగన్‌కేనని MIM చీఫ్ అసదుద్దీన్ ఒవైసీ తెలిపారు. ‘ఆంధ్రలో టీడీపీ-జనసేన కూటమిలో నటులు ఉంటే.. దేశంలోనే మహానటుడు మోదీ. మోదీని ప్రశ్నించే దమ్ము చంద్రబాబుకు లేదు. ప్రధానిని ఢీకొట్టే సత్తా జగన్‌కే ఉంది. చంద్రబాబు గెలిస్తే మోదీ చేతిలో కీలుబొమ్మగా మారతారు. జగన్ సీఎంగా ఉంటే ఏపీలో మైనారిటీ హక్కులను పరిరక్షిస్తారు. అందుకే ఏపీలోని ప్రజలు జగన్‌కే ఓటేయాలి’ అని ఆయన విజ్ఞప్తి చేశారు.
News May 2, 2024
నీ పట్టుదల GREAT తల్లి
HYD నాంపల్లికి చెందిన కిర్పాన్ కౌర్ మృత్యువుతో పోరాడి టెన్త్ ఫలితాల్లో 8.7 GPA సాధించింది. ఓ ప్రమాదంలో గాయపడ్డ ఆమె తలలో 2 చోట్ల రక్తం గడ్డకట్టింది. వెంటిలేటర్‌పై ఉంచగా, కోమాలోకి వెళ్లి 4 రోజుల తర్వాత కోలుకుంది. రెస్ట్ తీసుకోవాలన్న డాక్టర్ల సూచనను పక్కనపెట్టి పరీక్షలకు సిద్ధమైంది. జూన్‌లో రాస్తే సప్లిమెంటరీ అని వస్తుందని, అది తనకు ఇష్టం లేదని పరీక్షలు రాసిన ఆమె పట్టుదలను అంతా ప్రశంసిస్తున్నారు.
News May 2, 2024
బ్యాలెట్ పేపర్లు తయారయ్యేది ఇక్కడే
AP: సార్వత్రిక ఎన్నికలకు అవసరమైన పత్రాలు, బ్యాలెట్ పేపర్లను కర్నూలులోని ఆంధ్ర గవర్నమెంట్ ప్రెస్‌లో తయారు చేస్తారు. ఉమ్మడి ఆంధ్రప్రదేశ్‌లో ఎన్నికలు జరిగినప్పుడూ ఇక్కడే బ్యాలెట్ పత్రాలు ముద్రించేవారు. ప్రస్తుతం నామినేషన్ల ఉపసంహరణ గడువు పూర్తైనందున అన్ని జిల్లాల నుంచి ఫైనల్ అయిన అభ్యర్థుల పేర్లు, గుర్తుల జాబితా ఇక్కడికి చేరుతుంది. దాని ప్రకారం ప్రింటింగ్ ప్రక్రియ పూర్తి చేసి పంపిణీ చేస్తారు.
News May 2, 2024
ప్రధాని మోదీ ఏపీ పర్యటన ఖరారు
AP: ప్రధాని మోదీ రాష్ట్ర పర్యటన షెడ్యూల్‌ను రాష్ట్ర BJP విడుదల చేసింది. మే 7, 8 తేదీల్లో పలు ప్రాంతాల్లో బహిరంగ సభలు, రోడ్‌షోల్లో ఆయన పాల్గొననున్నారు. 7న సా.4 గంటలకు రాజమహేంద్రవరం వేమగిరిలో బహిరంగ సభలో, అదేరోజు సా.6 గంటలకు అనకాపల్లి సభలో పాల్గొంటారు. అనంతరం 8వ తేదీ సాయంత్రం 4 గంటలకు పీలేరు సభలో పాల్గొని, రాత్రి 7 గంటలకు విజయవాడ ఇందిరాగాంధీ స్టేడియం నుంచి బెంజి సర్కిల్ వరకు రోడ్‌షో నిర్వహిస్తారు.
News May 2, 2024
నేటి నుంచి ఆర్‌సెట్ పరీక్షలు
AP: రాష్ట్రంలో ఉన్నత విద్యలోని వివిధ కోర్సుల్లో ప్రవేశాలకు నిర్వహించే ఎంట్రన్స్ పరీక్షల తేదీలను ఉన్నత విద్యా మండలి కార్యదర్శి నాజీర్ అహ్మద్ ప్రకటించారు. నేటి నుంచి 5వ తేదీ వరకు ఆర్‌సెట్(రీసెర్చ్ కామన్ ఎంట్రన్స్ టెస్ట్), 6న ఐసెట్, 8న ఈసెట్ పరీక్షలు జరగనున్నాయి. ఈ నెల 16 నుంచి 23 వరకు ఏపీఈఏపీ సెట్ పరీక్షలు జరగనుండగా.. ఈ నెల 7 నుంచి హాల్ టికెట్లు అందుబాటులో ఉండనున్నాయి.
Featured News
Sorry, no posts matched your criteria.