• Download our app

news

News May 2, 2024

RRతో మ్యాచ్.. SRH బ్యాటింగ్

image

HYD వేదికగా రాజస్థాన్ రాయల్స్‌తో జరుగుతోన్న మ్యాచ్‌లో టాస్ గెలిచిన సన్ రైజర్స్ హైదరాబాద్ బ్యాటింగ్ ఎంచుకుంది.
SRH: ట్రావిస్ హెడ్, అభిషేక్, అన్మోల్‌ప్రీత్, క్లాసెన్, నితీష్ రెడ్డి, సమద్, షాబాజ్, జాన్సెన్, పాట్ కమిన్స్, భువనేశ్వర్, నటరాజన్
RR: జైస్వాల్, శాంసన్, పరాగ్, జురెల్, పావెల్, హెట్మెయర్, అశ్విన్, ట్రెంట్ బౌల్ట్, అవేశ్ ఖాన్, చాహల్, సందీప్ శర్మ

News May 2, 2024

మళ్లీ పెరిగిన బంగారం, వెండి ధరలు

image

హైదరాబాద్ బులియన్ మార్కెట్‌లో మూడు రోజులు తగ్గిన బంగారం, వెండి ధరలు ఇవాళ మళ్లీ పెరిగాయి. 22 క్యారెట్ల 10 గ్రాముల గోల్డ్ రేటు రూ.700 పెరగడంతో రూ.66,250 పలుకుతోంది. 24 క్యారెట్ల 10 గ్రాముల పసిడి ధర రూ.760 పెరిగి రూ.72,270కి చేరింది. కేజీ సిల్వర్ రేటు రూ.500 పెరగడంతో రూ.87,000 పలుకుతోంది.

News May 2, 2024

ముంబై కెప్టెన్సీపై తొలిసారి స్పందించిన రోహిత్ శర్మ

image

ముంబై ఇండియన్స్ కెప్టెన్‌గా లేకపోవడంపై రిపోర్టర్లు అడిగిన ప్రశ్నకు రోహిత్ శర్మ తొలిసారి స్పందించారు. ‘నేను ఇప్పుడు టీమ్ఇండియా కెప్టెన్‌గా ఉన్నా. రేపు ఉండకపోవచ్చు. ఇదంతా జీవితంలో ఒక భాగం. అన్నీ మనం అనుకున్నట్లు జరగవు. గతంలోనూ నేను ఇతరుల నాయకత్వంలో ఆడా. ఒక ప్లేయర్‌గా రాణించేందుకు ఎల్లప్పుడూ ప్రయత్నిస్తా. గత నెల రోజులుగా అదే చేస్తున్నా’ అని హిట్‌మ్యాన్ చెప్పారు.

News May 2, 2024

ఇంటర్ సప్లిమెంటరీ ఫీజు గడువు పెంపు

image

TG: ఇంటర్ బోర్డు కీలక నిర్ణయం తీసుకుంది. విద్యార్థుల వినతి మేరకు సప్లిమెంటరీ పరీక్ష ఫీజు చెల్లింపు గడువును ఈనెల 4 వరకు పెంచుతున్నట్లు ప్రకటించింది. షెడ్యూల్ ప్రకారం ఇవాళ్టితో గడువు ముగియగా.. తాజాగా దాన్ని పొడిగించింది. కాగా ఈ నెల 24 నుంచి జూన్ 3 వరకు ఇంటర్ సప్లిమెంటరీ పరీక్షలు నిర్వహించనున్నారు. ఉదయం ఫస్టియర్, మధ్యాహ్నం సెకండ్ ఇయర్ విద్యార్థులకు పరీక్షలు జరగనున్నాయి.

News May 2, 2024

ఈ దశలో గుర్తు మార్చలేం: ఈసీ

image

AP: స్వతంత్ర అభ్యర్థులకు గాజు గ్లాసు గుర్తు కేటాయించడంపై టీడీపీ వేసిన పిటిషన్‌పై హైకోర్టులో విచారణ జరిగింది. దీని వల్ల తమ కూటమికి నష్టం కలుగుతుందని టీడీపీ తరఫు లాయర్ కోర్టు దృష్టికి తీసుకెళ్లారు. అయితే ఇప్పటికే పోలింగ్ ప్రక్రియ ప్రారంభమైందని, ఈ దశలో గుర్తు మార్చలేమని ఈసీ తరఫు లాయర్ వాదించారు. దీంతో తదుపరి విచారణను ధర్మాసనం సోమవారానికి వాయిదా వేసింది.

News May 2, 2024

అన్నీ ఫ్రీ.. విజన్ లేని మేనిఫెస్టోలు(1/4)

image

AP: ఎన్నికల వేళ రాష్ట్రంలోని వైసీపీ, కూటములు మేనిఫెస్టోలు ప్రకటించాయి. లోటు బడ్జెట్ ఉన్న రాష్ట్రం, ప్రతి నెలా అప్పులు తెచ్చుకోవాల్సిన పరిస్థితి ఉన్నా గుడ్డిగా హామీలు ఇచ్చేశాయి. నువ్వు రూ.10వేలు ఫ్రీగా ఇస్తే నేను రూ.20వేలు ఇస్తా అనేలా వేలంపాట రీతిలో పోటీ పడ్డాయి. రాష్ట్రంపై భారం పడకుండా పథకాలు ఎలా అమలు చేస్తాం? సంపద ఎలా సృష్టిస్తాం? అనే విజన్ ఏ మేనిఫెస్టోలోనూ కనిపించకపోవడం గమనార్హం.
<<-se>>#ELECTIONS2024<<>>

News May 2, 2024

అన్నీ ఫ్రీ.. విజన్ లేని మేనిఫెస్టోలు(2/4)

image

ఏదైనా పథకం అమలు చేశామంటే దాని ప్రస్తుత లబ్ధి కంటే భవిష్యత్తులో దాని పర్యవసానాలు ఆలోచించడమే విజన్. ఉదాహరణకు విద్యార్థులు బడికి వెళ్తే ఓ పార్టీ రూ.17,000 ఇస్తామంటే.. మరో పార్టీ రూ.20వేలు ఇస్తామని చెప్పింది. అదే ఖర్చు ప్రభుత్వ స్కూళ్ల బలోపేతం, అత్యాధునిక విద్యావిధానాలపై దృష్టి పెడితే భవిష్యత్తు బాగుంటుంది. మహిళలు, యువత, రైతుల విషయంలోనూ డబ్బు పంపకాలు కనిపిస్తున్నాయి గానీ విజన్ లేదు.
<<-se>>#ELECTIONS2024<<>>

News May 2, 2024

అన్నీ ఫ్రీ.. విజన్ లేని మేనిఫెస్టోలు(3/4)

image

ప్రస్తుత మేనిఫెస్టోల ట్రెండ్ చూస్తే బిడ్డ పుట్టినప్పటి నుంచి జీవిత చరమాంకం వరకు ప్రభుత్వమే పోషిస్తుంది అనే భావన కలుగుతోంది. ఇలా ఎన్నేళ్లు? పైగా ఆదాయాలతో సంబంధం లేకుండా కులాలు, మతాల వారీగా పంపకాలు మరింత ప్రమాదకరం. పనిచేయగలిగే వయసున్న వారికీ డబ్బులు పంచేస్తే.. శ్రమించే వారి సంఖ్య తగ్గుతుంది. అప్పుడు రాష్ట్రానికి ప్రయోజనమేముంది? యువత ప్రభుత్వ డబ్బులపై ఆధారపడితే భవిష్యత్తు అగమ్యగోచరమే.
<<-se>>#ELECTIONS2024<<>>

News May 2, 2024

అన్నీ ఫ్రీ.. విజన్ లేని మేనిఫెస్టోలు(4/4)

image

డబ్బు పంపకం ఓవైపు.. ఉచితాలు మరోవైపు రాష్ట్రాన్ని నాశనం చేస్తాయనేది కాదనలేని సత్యం. కార్మికులు, కూలీలు, రైతులు, చేనేతలు, ఉద్యోగుల ఆదాయం పెరిగేందుకు కృషి చేయకుండా, కరెంటు, గ్యాస్, పెట్రోల్ ఫ్రీగా ఇస్తామంటే పురోభివృద్ధి ఎలా సాధ్యం. కొన్నవాటిని ఉచితంగా ఇస్తే రాష్ట్రంపై డబుల్ భారం. కానీ పార్టీలు ఆ దిశగా ఆలోచన చేసినట్లు కనిపించట్లేదు. ఇలాంటి స్థితిలో ఓటర్లు ఎలా ఆలోచిస్తారో వేచి చూడాలి.
<<-se>>#ELECTIONS2024<<>>

News May 2, 2024

రైలులో భార్యకు ట్రిపుల్ తలాక్.. భర్త అరెస్ట్

image

ట్రిపుల్ తలాక్‌ను క్రిమినల్ నేరంగా పరిగణిస్తూ కేంద్రం చట్టం చేసిన తర్వాత కూడా అలాంటి ఘటనలు జరుగుతున్నాయి. తాజాగా UPలోని కాన్పూర్‌లో అదనపు కట్నం తేలేదని భార్యకు కదులుతున్న రైలులో భర్త ట్రిపుల్ తలాక్ చెప్పాడు. తర్వాత ఆమెపై దాడి చేసి రైలు నుంచి దూకి పారిపోయాడు. దీంతో బాధితురాలు CM యోగి ఆదిత్యనాథ్‌కు వీడియో ద్వారా ఫిర్యాదు చేసింది. పోలీసులు భర్తను అరెస్టు చేసి కేసు దర్యాప్తు చేస్తున్నారు.

Featured News

Sorry, no posts matched your criteria.

↑