India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 20, 2024
లోక్ సభ ఎలక్షన్స్: భువనగిరి నుంచి సీపీఎం పోటీ?
TG: లోక్ సభ ఎన్నికల్లో భువనగిరి నుంచి పోటీ చేయాలని సీపీఎం యోచిస్తోంది. మల్లు లక్ష్మి, నంద్యాల నర్సింహారెడ్డి, చెరుపల్లి సీతారాములు, జూలకంటి రంగారెడ్డిలలో ఒకరిని బరిలో నిలపనున్నట్లు సమాచారం. అభ్యర్థి ఎంపికతో పాటు రాష్ట్రంలోని మిగతా స్థానాల్లో ఏ పార్టీకి మద్దతివ్వాలనే అంశంపై పొలిట్‌బ్యూరో తుది నిర్ణయం తీసుకోనున్నట్లు పార్టీ వర్గాలు తెలిపాయి. ఇవాళ దీనిపై స్పష్టత వచ్చే అవకాశముంది.
News March 20, 2024
4,660 ఉద్యోగాల భర్తీకి నోటిఫికేషన్
రైల్వే ప్రొటెక్షన్ ఫోర్స్ (RPF)లో 4660 ఎస్ఐ, కానిస్టేబుల్ పోస్టుల భర్తీకి భారతీయ రైల్వే షార్ట్ నోటిఫికేషన్ ఇచ్చింది. వీటిలో ఎస్ఐ పోస్టులు 452, కానిస్టేబుల్ పోస్టులు 4,208 ఉన్నాయి. ఏప్రిల్ 15 నుంచి దరఖాస్తుల స్వీకరణ ప్రారంభమై.. మే 14 వరకు కొనసాగనుంది. ఎస్ఐ పోస్టులకు డిగ్రీ, కానిస్టేబుల్ పోస్టులకు టెన్త్ పాసై ఉండాలి. CBT, ఫిజికల్ ఎఫిషియన్సీ టెస్ట్, ఫిజికల్ మెజర్‌మెంట్ టెస్టుల ద్వారా ఎంపిక చేస్తారు.
News March 20, 2024
నేను మా ఆయన భార్యను!
దేశంలో తొలి లోక్‌సభ ఎన్నికల్లో అధికారులకు విచిత్ర పరిస్థితి ఎదురైంది. ఓటర్ల జాబితా తయారు చేసేటప్పుడు మహిళలు తమ అసలు పేరు చెప్పలేదు. ఫలానా వ్యక్తి భార్యననో, ఫలానా వ్యక్తి కూతురుననో అని చెప్పారు. అప్పటి ఆచారాలు, సంప్రదాయాల ప్రకారం ఆ మహిళలు అలా ప్రవర్తించారు. ఈ సమస్య ఎక్కువగా బిహార్, యూపీ, మధ్యప్రదేశ్, రాజస్థాన్‌లో ఎదురైంది. కాగా సరైన పేర్లు చెప్పని 28 లక్షల ఓటర్లను అధికారులు తొలగించారు.
News March 20, 2024
ISROకి ప్రతిష్ఠాత్మక అవార్డు
భారత అంతరిక్ష పరిశోధనా సంస్థ(ఇస్రో) ప్రతిష్ఠాత్మకంగా చేపట్టిన చంద్రయాన్-3 మిషన్‌ సాధించిన విజయాలకు ఏవియేషన్ వీక్ లారియేట్స్ అవార్డు వరించింది. ఇస్రో తరఫున అమెరికాలోని ఇండియన్ ఎంబసీలో డిప్యూటీ అంబాసిడర్ శ్రీప్రియా రంగనాథన్ ఈ అవార్డును అందుకున్నారు. ఏరోస్పేస్ ఇండస్ట్రీలో అసాధారణ విజయాలను సాధించినందుకు ‘ఏవియేషన్ వీక్’ అవార్డులు అందిస్తుంది.
News March 20, 2024
ఉస్తాద్ భగత్ సింగ్, హరిహర వీరమల్లు వచ్చేది ఈ ఓటీటీలోనే
ఈ ఏడాదితో పాటు వచ్చే ఏడాది విడుదల కానున్న పలు సినిమాల డిజిటల్ హక్కులను సొంతం చేసుకున్నట్లు అమెజాన్ ప్రైమ్ వీడియో తెలిపింది. పవన్ కళ్యాణ్ నటించిన ఉస్తాద్ భగత్ సింగ్, హరిహర వీరమల్లు, రామ్‌చరణ్ ‘గేమ్ ఛేంజర్’, సూర్య ‘కంగువా’, విజయ్ దేవరకొండ ‘ఫ్యామిలీ స్టార్’, నితిన్ ‘తమ్ముడు’, అనుష్క ‘ఘాటి’, శ్రీవిష్ణు ‘ఓం భీమ్ బుష్’ ఈ లిస్టులో ఉన్నాయి. ఈ మూవీలు థియేటర్లలో రిలీజైన కొన్ని రోజులకు OTTలోకి వస్తాయి.
News March 20, 2024
వందేభారత్ టైమింగ్స్ మార్చాలని విజ్ఞప్తి
సికింద్రాబాద్-విశాఖ మధ్య ఉదయం 5.05 గంటలకు బయల్దేరే వందేభారత్ టైమింగ్స్ మార్చాలని ప్రయాణికులు కోరుతున్నారు. తెల్లవారుజామున స్టేషన్‌కు చేరుకోవడానికి ఆటోలు, క్యాబ్‌లు దొరకడం లేదని రైల్వేశాఖకు ఫిర్యాదు చేస్తున్నారు. ఉదయం 6 గంటలకు రైలు బయల్దేరితే అందరికీ అందుబాటులో ఉంటుందంటున్నారు. సికింద్రాబాద్-కాజీపేట మధ్య మూడో లైన్ పూర్తికాకపోవడంతో ఈ రైలు టైమింగ్స్ మార్చలేకపోతున్నట్లు అధికారులు చెబుతున్నారు.
News March 20, 2024
ఎకరానికి రూ.10వేలు.. ప్రభుత్వం నిర్ణయం?
TG: అకాల వర్షాలు, వడగళ్లతో పంట నష్టపోయిన రైతులకు పరిహారం ఇవ్వాలని రాష్ట్ర ప్రభుత్వం భావిస్తోంది. పంటనష్టం అంచనా వేయాలని వ్యవసాయ శాఖను ఆదేశించింది. మరో 2 రోజులు వర్షాలు కురిసే అవకాశం ఉండటంతో ఆ తర్వాత పంట నష్టంపై అంచనా వేయనుంది. ఎకరానికి రూ.10వేలు ఇవ్వాలని ప్రాథమికంగా నిర్ణయించగా.. ఎన్నికల కోడ్ ఉన్నందున EC అనుమతితో పరిహారం ప్రకటించే అవకాశం ఉంది. దాదాపుగా 50వేల ఎకరాల్లో పంట నష్టం జరిగినట్లు అంచనా.
News March 20, 2024
ఆర్సీబీ జెర్సీపై విమర్శలు
ఆర్సీబీ జట్టు నిన్న తమ జెర్సీని రివీల్ చేసింది. నీలం, ఎరుపు రంగుల్లో ఉన్న ఆ జెర్సీ డిజైన్ పట్ల నెట్టింట చాలామంది ఫ్యాన్స్ అసంతృప్తి వ్యక్తం చేస్తున్నారు. ఇప్పటికే ఢిల్లీ, పంజాబ్ కూడా నీలం, ఎరుపు కాంబోలోనే జెర్సీలు తీసుకొచ్చాయని గుర్తుచేస్తున్నారు. గత ఏడాది జెర్సీ అద్భుతంగా ఉందని, దాన్నెందుకు మార్చారంటూ అసహనం వ్యక్తం చేస్తున్నారు. మీ అభిప్రాయం ఏంటి? కామెంట్స్‌లో తెలపండి.
News March 20, 2024
మోస్ట్ హ్యాపీయెస్ట్ కంట్రీగా ఫిన్‌ల్యాండ్
అత్యంత సంతోషకరమైన దేశంగా ఫిన్‌ల్యాండ్ వరుసగా ఏడో సంవత్సరం కూడా టాప్‌లో నిలిచింది. డెన్మార్క్, ఐస్‌ల్యాండ్, స్వీడన్, ఇజ్రాయెల్ దేశాలు టాప్-5లో నిలిచాయి. ఇక తాలిబాన్ల రాజ్యం నడుస్తున్న అఫ్గానిస్థాన్ చిట్టచివరన 143వ స్థానానికి పడిపోయింది. ఆస్ట్రేలియా 10, యూకే 20, అమెరికా 23, జర్మనీ 24, చైనా 64, రష్యా 70వ స్థానాల్లో ఉన్నాయి. ఇక ఇండియా 126వ ర్యాంకులో నిలిచింది. పాకిస్థాన్ 108వ ప్లేస్ దక్కించుకుంది.
News March 20, 2024
వీళ్లందరికీ పోస్టల్ బ్యాలెట్ సదుపాయం
AP: పోలింగ్ జరిగే మే 13న అత్యవసర సేవల విభాగాల్లో పనిచేసే వారికి EC పోస్టల్ బ్యాలెట్ సౌకర్యం కల్పించింది. విద్యుత్, BSNL, పోస్టల్, టెలిగ్రామ్, దూరదర్శన్, AIR, స్టేట్ మిల్క్ యూనియన్, పాల సహకార సంఘాలు, హెల్త్, ఫుడ్ కార్పొరేషన్, RTC, అగ్నిమాపక, పోలీసులు, అంబులెన్స్, షిప్పింగ్, సమాచార, AAI, PIB, డిజాస్టర్ మేనేజ్‌మెంట్ సిబ్బంది, కవరేజీ కోసం లెటర్లు పొందిన జర్నలిస్టులకు పోస్టల్ బ్యాలెట్ సదుపాయం ఉంది.
Featured News
Sorry, no posts matched your criteria.