India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 18, 2024
ప్రేమ పెళ్లి చేసుకున్న టాలీవుడ్ సింగర్
టాలీవుడ్ సింగర్ హారికా నారాయణ్ పెళ్లి చేసుకున్నారు. గత ఏడేళ్లుగా ప్రేమిస్తున్న పృథ్వీ వెంపటితో మార్చి 6న నిశ్చితార్థం చేసుకున్న ఆమె.. నిన్న వివాహ బంధంలోకి అడుగుపెట్టారు. స్టార్ సింగర్ రేవంత్ తన ఇన్‌స్టాలో కొత్త జంట ఫొటోలు పోస్ట్ చేశారు. నిహారిక ‘సూర్యకాంతం’ సినిమాతో గాయనిగా కెరీర్ ప్రారంభించిన హారిక.. RRR, సర్కారు వారి పాట, బింబిసారతో పాటు పలువురు స్టార్ హీరోల సినిమాల్లో పాటలు పాడారు.
News March 18, 2024
ఓటర్లకు ఫొటో గుర్తింపు కార్డుల హిస్టరీ ఇదే!
దేశంలోని ఎన్నికల్లో ఓటర్లకు తొలుత కేవలం పేరుతో ఉండే స్లిప్పులు ఇచ్చేవారు. ఫొటో గుర్తింపు కార్డులు ఇవ్వడంపై 1957లో ఆలోచన చేశారు. 1960లో కోల్‌కతా నైరుతి పార్లమెంటరీ ఎన్నికలో ప్రయోగాత్మకంగా ఈ ప్రయత్నం చేయగా, విఫలమైంది. 1979లో సిక్కిం ఎన్నికల్లో, ఆ తర్వాత ఈశాన్య రాష్ట్రాల్లో ఐడెంటిటీ కార్డు ప్రవేశపెట్టారు. 1994లో దేశవ్యాప్తంగా అమలు చేశారు. 1997లో ఓటర్ల జాబితా కంప్యూటరీకరణ మొదలైంది.
<<-se>>#ELECTIONS2024<<>>
News March 18, 2024
ఒకసారే గ్రూప్-1 మూల్యాంకనం: APPSC
AP: గ్రూప్-1(2018) మెయిన్స్ పరీక్ష జవాబుపత్రాల మూల్యాంకనం ఒకసారి మాత్రమే జరిగిందని APPSC ఛైర్మన్ గౌతమ్ సవాంగ్ వెల్లడించారు. ‘ఈ పరీక్షలను హైకోర్టు రద్దు చేయడంపై అప్పీల్‌కు వెళ్తాం. కమిషన్‌పై వచ్చిన ఆరోపణలకు సరైన సమయంలో, సరైన వివరణ ఇస్తాం. పరీక్షలు, నియామకాలు పారదర్శకంగా జరిగాయి. CCTV నిఘాలో జరిగిన మూల్యాంకనం ఆధారాలు మా వద్ద ఉన్నాయి. ఈ విషయంలో మాపై మచ్చ పడిందని అనుకోవడం లేదు’ అని స్పష్టం చేశారు.
News March 18, 2024
రేపు కాంగ్రెస్ లోక్‌సభ అభ్యర్థుల ప్రకటన!
TG: లోక్‌సభ అభ్యర్థుల పూర్తి జాబితాను కాంగ్రెస్ పార్టీ రేపు విడుదల చేయనున్నట్లు తెలుస్తోంది. నిన్న రాత్రి ముంబైలో ఆ పార్టీ స్క్రీనింగ్ కమిటీ భేటీ జరిగింది. ఈ సమావేశంలో కమిటీ ఛైర్మన్ హరీశ్ చౌదరి, సీఎం రేవంత్, డిప్యూటీ సీఎం భట్టి విక్రమార్క పాల్గొని లోక్‌సభ అభ్యర్థుల ఎంపికపై చర్చించారు. కాగా, రాష్ట్రంలో 17 స్థానాలకు గాను ఇప్పటికే 4 స్థానాలకు ఏఐసీసీ అభ్యర్థులను ప్రకటించిన సంగతి తెలిసిందే.
News March 18, 2024
నగరిలో రోజాకు గడ్డు పరిస్థితులు?
AP: వచ్చే ఎన్నికల్లో నగరిలో మంత్రి రోజా గడ్డు పరిస్థితులు ఎదుర్కోనున్నట్లు విశ్లేషకులు భావిస్తున్నారు. ఆమె దూకుడుతో సొంత పార్టీ నేతలే ఆమెకు దూరమవుతున్నట్లు చెబుతున్నారు. నియోజకవర్గంలోని ఐదు మండలాల్లోనూ ఆమెకు వ్యతిరేక గాలి వీస్తోందని విశ్లేషిస్తున్నారు. గతంలో రెండు సార్లు స్వల్ప ఆధిక్యంతో (2014లో 1,000, 2019లో2,000 ఓట్లు) గెలిచిన రోజా ఈ సారి విజయం కోసం తీవ్రంగా శ్రమించాల్సిందేనని చెబుతున్నారు.
News March 18, 2024
ఎలక్టోరల్ బాండ్లపై సుప్రీంకోర్టులో మరో పిటిషన్
ఇటీవల ఈసీ బయటపెట్టిన ఎలక్టోరల్ బాండ్ల వివరాలు రాజకీయవర్గాల్లో ప్రకంపనలు సృష్టిస్తోన్న వేళ.. సుప్రీంకోర్టులో మరో పిటిషన్ దాఖలైంది. 2018 మార్చి 1 నుంచి 2019 ఏప్రిల్ 11 వరకు అమ్మిన రూ.4,002 కోట్ల విలువైన బాండ్ల వివరాలను వెల్లడించేలా SBIని ఆదేశించాలని సిటిజన్స్ ఫర్ రైట్స్ ట్రస్టు కోరింది. కాగా 2019 APR 12 నుంచి 2024 FEB 15 వరకు అమ్మిన బాండ్ల వివరాలు సుప్రీం ఆదేశాలతో బహిర్గతమైన విషయం తెలిసిందే.
News March 18, 2024
నేడు వైసీపీ రీజినల్ కోఆర్డినేటర్లతో సీఎం భేటీ
AP: ఎన్నికల షెడ్యూల్ వెలువడటంతో సీఎం జగన్ ఇవాళ వైసీపీ రీజినల్ కోఆర్డినేటర్లతో కీలక సమావేశం నిర్వహించనున్నారు. మధ్యాహ్నం 3 గంటలకు తాడేపల్లి క్యాంప్ ఆఫీస్‌లో ఈ భేటీ జరగనుంది. జిల్లాలవారీగా పరిస్థితులు, మేనిఫెస్టో, ఎన్నికల ప్రచారం, అనుసరించాల్సిన వ్యూహాలపై సీఎం చర్చించనున్నారు. కాగా త్వరలోనే 175 MLA, 25 MP అభ్యర్థులతో జగన్ ప్రత్యేకంగా సమావేశం కానున్నట్లు సమాచారం.
News March 18, 2024
SSCలో 4,187 ఎస్ఐ కొలువులు
ఖాళీగా ఉన్న 4,187 ఎస్ఐ ఉద్యోగాలు భర్తీ చేసేందుకు SSC నోటిఫికేషన్ విడుదల చేసింది. BSF, CISF, CRPF, ITBP వంటి విభాగాల్లో వీటిని భర్తీ చేయనున్నారు. ఆగస్ట్ 1, 2024 నాటికి డిగ్రీ పాసై 20 నుంచి 25 ఏళ్ల మధ్య ఉండాలి. జీతం రూ.35,400 నుంచి రూ.1,12,400 వరకు అందుతుంది. పేపర్ 1, పేపర్ 2, ఫిజికల్ టెస్టులు ఉంటాయి. మే 9, 10, 13 తేదీల్లో పరీక్షలు ఉంటాయి. ఈ నెల 28లోగా https://ssc.inలో దరఖాస్తు చేసుకోవాలి.
News March 18, 2024
నేడు బీఆర్ఎస్‌లోకి ఆర్ఎస్ ప్రవీణ్ కుమార్
TG: బీఎస్పీకి గుడ్ బై చెప్పిన రిటైర్డ్ ఐపీఎస్ ఆర్ఎస్ ప్రవీణ్ కుమార్ ఇవాళ బీఆర్ఎస్ పార్టీలో చేరనున్నారు. కేసీఆర్ సమక్షంలో గులాబీ కండువా కప్పుకోనున్నారు. పార్టీలో చేరిన వెంటనే ఆయనను నాగర్ కర్నూల్ లోక్‌సభ అభ్యర్థిగా ఆ పార్టీ ప్రకటించే అవకాశముంది. రాష్ట్ర ప్రయోజనాలను దృష్టిలో ఉంచుకొని.. రాజ్యాంగ రక్షణ కోసం, బహుజనుల అభ్యున్నతి కోసం తాను బీఆర్ఎస్‌లో చేరుతున్నట్లు ఆయన నిన్న ప్రకటించిన సంగతి తెలిసిందే.
News March 18, 2024
గ్రూప్-1 ప్రిలిమ్స్‌కు 72.55% మంది హాజరు
AP: రాష్ట్రంలో 89 గ్రూప్-1 ఉద్యోగాలకు నిన్న నిర్వహించిన ప్రిలిమ్స్ పరీక్ష ప్రశాంతంగా జరిగినట్లు APPSC వెల్లడించింది. 1,48,881 మంది దరఖాస్తు చేసుకోగా, 1,26,068 మంది హాల్‌టికెట్లు డౌన్‌లోడ్ చేసుకున్నారని తెలిపింది. ఉదయం, మధ్యాహ్నం జరిగిన పరీక్షకు 91,463 మంది(72.55 శాతం) మంది హాజరైనట్లు పేర్కొంది. త్వరలో కీ విడుదల చేస్తామంది.
Featured News
Sorry, no posts matched your criteria.