India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 17, 2024
ఢిల్లీ సీఎం కేజ్రీవాల్‌పై మరో కేసు
ఢిల్లీ సీఎం అరవింద్ కేజ్రీవాల్‌పై ఈడీ మరో కొత్త కేసు ఫైల్ చేసింది. దీనిపై ఆమ్ ఆద్మీ పార్టీ ఇవాళ ఉదయం ప్రెస్ కాన్ఫరెన్స్ నిర్వహించనున్నట్లు పార్టీ వర్గాలు తెలిపాయి. అయితే ఈ కొత్త కేసుకు సంబంధించి వివరాలు తెలియాల్సి ఉంది. నిన్న మద్యం పాలసీ స్కామ్ కేసులో కేజ్రీవాల్‌కు కోర్టు బెయిల్ మంజూరు చేసిన సంగతి తెలిసిందే.
News March 17, 2024
బిడ్డకు జన్మనిచ్చిన మూసేవాలా తల్లి
దివంగత పంజాబీ సింగర్ సిద్ధూ మూసేవాలా తల్లి చరణ్ కౌర్ మరో బిడ్డకు జన్మనిచ్చారు. 58ఏళ్ల వయసులో ఆమె మగ బిడ్డకు జన్మనిచ్చారు. ఈ విషయాన్ని తండ్రి బల్కార్ సింగ్ సోషల్ మీడియా ద్వారా పంచుకున్నారు. కాగా, సిద్ధూ 2022 మేలో దారుణ హత్యకు గురైన విషయం తెలిసిందే. ఏకైక కుమారుడు మరణించడంతో ఆయన తల్లిదండ్రులు చరణ్ కౌర్(58), బాల్‌కౌర్ సింగ్(60) IVF పద్ధతిలో మరో బిడ్డకు జన్మనిచ్చారు.
News March 17, 2024
RTC ఉద్యోగులకు ప్రభుత్వం షాక్
TG: ఆర్టీసీ ఉద్యోగులకు ఇటీవల వేతనాలు పెంచిన ప్రభుత్వం HRAలో కోత విధించింది. పనిచేసే ప్రాంతాన్ని బట్టి ఇంటి అద్దె భత్యం స్లాబుల్లో మార్పులు చేసింది. దీనివల్ల GHMC పరిధిలో పనిచేసే ఉద్యోగులకు అధిక నష్టం కలగనుంది. ఇక్కడ ఇప్పటివరకు 30% ఉన్న HRAను 24శాతానికి పరిమితం చేసింది. అలాగే KNR, ఖమ్మం, MBMR, NZB, గోదావరిఖని, WGLలో పనిచేసే వారికి 17%, మిగతా జిల్లాల్లోని వారికి 13-11 శాతానికి తగ్గించింది.
News March 17, 2024
ఏపీ, తెలంగాణలో మోదీ బిజీబిజీ
తెలుగు రాష్ట్రాల్లో ప్రధాని మోదీ బిజీబిజీగా గడుపుతున్నారు. నిన్న నాగర్‌కర్నూల్‌ విజయ సంకల్ప సభలో పాల్గొన్న ఆయన రాత్రి HYDలోని రాజ్‌భవన్‌లో బస చేశారు. ఇవాళ సాయంత్రం మోదీ బేగంపేట ఎయిర్‌పోర్టు నుంచి ఏపీలోని గన్నవరం చేరుకుంటారు. అక్కడి నుంచి టీడీపీ-బీజేపీ-జనసేన చిలకలూరిపేటలో నిర్వహించే ప్రజాగళం సభకు హాజరవుతారు. తిరిగి రాత్రికి HYD చేరుకుంటారు. రేపు జగిత్యాలలో జరిగే బహిరంగ సభలో పాల్గొంటారు.
News March 17, 2024
ట్రాన్స్‌కో ఉద్యోగాలకు వయో పరిమితి పెంపు
TG: ట్రాన్స్‌కో ఉద్యోగాలకు గరిష్ఠ వయోపరిమితిని 44 ఏళ్ల నుంచి 46 ఏళ్లకు పెంచుతూ సంస్థ సీఎండీ ఉత్తర్వులు జారీ చేశారు. మరో రెండేళ్లపాటు ఈ ఉత్తర్వులు అమలులో ఉంటాయని పేర్కొన్నారు. రాష్ట్ర ప్రభుత్వ ఉద్యోగాలకు గరిష్ఠ వయోపరిమితిని 46 ఏళ్లకు పెంచుతూ ప్రభుత్వం జారీ చేసిన జీవోకు అనుగుణంగా ఈ నిర్ణయం తీసుకున్నట్లు తెలిపారు.
News March 17, 2024
RCBకి పెర్రీ కప్ అందిస్తారా?
WPLలో నేడు ఢిల్లీ, బెంగళూరు ఫైనల్ ఆడనున్నాయి. RCB ఆశలు ఆస్ట్రేలియన్ ఆల్‌రౌండర్ ఎలీస్ పెర్రీపైనే ఉన్నాయి. జట్టు కష్టాల్లో ఉన్న ప్రతిసారి బంతికి, బ్యాటుకు పెర్రీ పని చెప్పారు. 312 రన్స్‌తో ఆరెంజ్ క్యాప్ సాధించిన ఆమె బౌలింగ్‌లోనూ ఉత్తమ గణాంకాలు(6/15) నమోదు చేశారు. అయితే ఆమె సెకండ్ అటెంప్ట్‌లోనే ఆస్ట్రేలియాకు ODI WC, T20WC అందించారు. దీంతో రెండో WPLలో RCBకి కప్ అందిస్తారని ఫ్యాన్స్ లెక్కలేస్తున్నారు.
News March 17, 2024
ఢిల్లీకి బయల్దేరిన కేటీఆర్, హరీశ్
TG: లిక్కర్ స్కాం కేసులో అరెస్టైన కవితను కలిసేందుకు కేటీఆర్, హరీశ్ రావు, ప్రశాంత్ రెడ్డి ఢిల్లీకి బయల్దేరారు. శంషాబాద్ ఎయిర్‌పోర్టులో కొద్దిసేపటి క్రితమే ఢిల్లీ ఫ్లైట్ ఎక్కారు. వారితో పలువురు బీఆర్ఎస్ నేతలు కూడా ఉన్నారు. సాయంత్రం 6-7 గంటల మధ్య వీరు కవితతో భేటీ అవుతారు. ప్రస్తుతం ఆమె ఢిల్లీలోని ఈడీ సెంట్రల్ ఆఫీస్‌లో ఉన్నారు.
News March 17, 2024
ఆ స్కూళ్లకు సెలవులు రద్దు
AP: పదో తరగతి పరీక్షలు జరిగే పాఠశాలల్లో ఒంటిపూట బడులు నిర్వహించాలని విద్యాశాఖ నిర్ణయించింది. ఉ.9.30 గంటల నుంచి మ.12.45 గంటల వరకు పరీక్ష జరగనుంది. మ.ఒంటిగంట నుంచి సా.5 గంటల వరకు తరగతులు నిర్వహిస్తారు. ఇటీవల ఆయా స్కూళ్లకు సెలవులు ఇవ్వాలని ఉత్తర్వులు జారీ చేసిన విద్యాశాఖ తాజాగా వాటిని రద్దు చేసింది. జాతీయ, మతపరమైన సెలవు దినాల్లో మినహా మిగిలిన సెలవు రోజుల్లోనూ APR 23 వరకు ఒంటిపూట తరగతులు ఉండనున్నాయి.
News March 17, 2024
ఎన్నికలు 7 దశల్లో ఎందుకు?
దేశంలో లోక్‌సభ, 4 రాష్ట్రాల అసెంబ్లీ ఎన్నికలను 7 దశల్లో నిర్వహించనున్నారు. దేశంలోని భౌగోళిక పరిస్థితుల దృష్ట్యా అన్ని ప్రాంతాలకు ఒకేసారి చేరుకోవడం సాధ్యం కాదని, అందుకే 7దశల్లో నిర్వహించాలని నిర్ణయించినట్లు CEC రాజీవ్ కుమార్ తెలిపారు. భద్రతా దళాలపై ఉండే ఒత్తిడిని కూడా ఆలోచించాలని అన్నారు. దీంతో పాటు హోలీ, రంజాన్, రామనవమి పండుగలు ఉన్నాయని, అవన్నీ ఆలోచించే ఈ నిర్ణయం తీసుకున్నామన్నారు.
News March 17, 2024
ఇండస్ట్రీలో నిజమైన గురువు ఈయనే: పూనమ్
టాలీవుడ్ నటి పూనమ్ కౌర్ పరోక్షంగా డైరెక్టర్ త్రివిక్రమ్‌పై ట్విటర్ వేదికగా విమర్శలు చేశారు. ‘నేను ఇంతకముందే చెప్పాను. మళ్లీ చెబుతున్నా. సినీ పరిశ్రమలో గురువు అనే పదానికి నిలువెత్తు రూపం గౌరవనీయులు దాసరి నారాయణరావు గారు. ప్రతిభతో ఆయన ఆ గుర్తింపు తెచ్చుకున్నారు. ఇతరుల స్క్రిప్టులు హైజాక్ చేసినట్లు ఆ పేరును హైజాక్ చేయలేరు’ అని పేర్కొంటూ దాసరితో దిగిన ఫొటోను షేర్ చేశారు.
Featured News
Sorry, no posts matched your criteria.