India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 23, 2024
కర్ణాటకలో 2 చోట్ల కాంగ్రెస్ గెలుపు, మరోచోట లీడింగ్
కర్ణాటక ఉపఎన్నికలో కాంగ్రెస్ రెండు చోట్ల విజయం సాధించింది. శిగ్గావ్లో బీజేపీ అభ్యర్థి భరత్ బొమ్మైపై కాంగ్రెస్ అభ్యర్థి యాసిర్ పఠాన్ గెలుపొందారు. మరోవైపు సందూర్లో కాంగ్రెస్ క్యాండిడేట్ అన్నపూర్ణ ఘన విజయం సాధించారు. దీనిపై ఈసీ నుంచి అధికారిక ప్రకటన రావాల్సి ఉంది. మొత్తం మూడుచోట్ల ఉపఎన్నిక జరగ్గా చన్నపట్నలోనూ కాంగ్రెస్ అభ్యర్థి యోగీశ్వర ముందంజలో ఉన్నారు.
News November 23, 2024
ప్రియాంకపై జాతీయ జనసేన అభ్యర్థి పోటీ
కేరళ వయనాడ్ ఉప ఎన్నిక ఫలితాల్లో కాంగ్రెస్ అభ్యర్థి ప్రియాంకా గాంధీ గెలుపు దిశగా సాగుతున్నారు. అయితే ఈమెపై ఓ తెలుగు వ్యక్తి జాతీయ జనసేన పార్టీ తరఫున పోటీ చేశారు. తిరుపతికి చెందిన ఆయన పేరు దుగ్గిరాల నాగేశ్వరరావు. ఈయన పార్టీకి అధ్యక్షుడు కూడా. AP ప్రత్యేక హోదా అంశాన్ని ఎవరూ పట్టించుకోవడం లేదని, జాతీయ స్థాయిలో వినిపించాలనే పోటీ చేస్తున్నానన్నారు. ఆయనకు ప్రస్తుతానికి 273 ఓట్లు వచ్చాయి.
News November 23, 2024
26న మహారాష్ట్ర సీఎంగా ఫడణవీస్ ప్రమాణం?
మహారాష్ట్ర సీఎంగా ఫడణవీస్ ఖరారైనట్లు వార్తలొస్తున్నాయి. ఆయన ఈనెల 26న ప్రమాణ స్వీకారం చేస్తారని ప్రచారం జరుగుతోంది. ఫడణవీస్ నాగ్పూర్ సౌత్ వెస్ట్ నుంచి ఆధిక్యంలో ఉండగా ఇప్పటికే ఆయన ఇంట్లో సంబరాలు మొదలయ్యాయి. ఆయనతో మహారాష్ట్ర బీజేపీ రాష్ట్రాధ్యక్షుడు చంద్రశేఖర్ తాజాగా భేటీ అయ్యారు.
News November 23, 2024
3.1 లక్షలు దాటిన ప్రియాంక మెజార్టీ
వయనాడ్లో ప్రియాంక గాంధీ మెజార్టీ 3 లక్షలు దాటింది. కాసేపటి క్రితం ఆమె 3.1 లక్షల మెజార్టీలో ఉన్నట్లు కాంగ్రెస్ వర్గాలు పేర్కొన్నాయి. తన సోదరుడు రాహుల్ ఇదే స్థానంలో గతంలో 4 లక్షల మెజార్టీ సాధించగా ఆ రికార్డును ప్రియాంక బ్రేక్ చేస్తారని హస్తం నేతలు చెబుతున్నారు.
News November 23, 2024
ఓట్లు పెరిగితే BJP+ సీట్లు పెరుగుతాయ్!
మహారాష్ట్ర ఎన్నికల్లో ఓటింగ్ పర్సంటేజీ పెరిగేకొద్దీ NDA సీట్లు పెరుగుతున్నాయి. 2019 అసెంబ్లీ ఎన్నికల్లో 61.4 ఓటింగ్ నమోదైంది. ఈసారి అది 65%కు చేరుకుంది. 2024 లోక్సభ పోలింగ్ 61%తో పోలిస్తే ఇది ఎంతో ఎక్కువ. మహారాష్ట్రలో BJP 9, శివసేన 7, NCP 1 సీటే గెలిచాయి. కాంగ్రెస్ 13, SSUBT 9, NCPSP 8 సీట్లు కైవసం చేసుకున్నాయి. ఈ లెక్కన MVAకు 153, NDAకు 126 రావాలి. అయితే ఇప్పుడు NDA 220 సీట్లు గెలిచేలా ఉంది.
News November 23, 2024
‘మెకానిక్ రాకీ’ వచ్చేది ఈ ఓటీటీలోనే!
విశ్వక్ సేన్ హీరోగా నటించిన ‘మెకానిక్ రాకీ’ సినిమా నిన్న థియేటర్లలో విడుదలై పాజిటివ్ టాక్ తెచ్చుకుంది. రవితేజ ముళ్లపూడి తెరకెక్కించిన ఈ సినిమా ఓటీటీ హక్కులను అమెజాన్ ప్రైమ్ వీడియో సొంతం చేసుకున్నట్లు సినీ వర్గాలు తెలిపాయి. థియేటర్ రన్ పూర్తయ్యాక ఈ మూవీ ఓటీటీలో స్ట్రీమింగ్ అయ్యే ఛాన్స్ ఉంది. మీనాక్షి చౌదరి, శ్రద్ధా శ్రీనాథ్ హీరోయిన్లుగా నటించిన ఈ సినిమాకు జేక్స్ బిజోయ్ మ్యూజిక్ అందించారు.
News November 23, 2024
సమగ్ర కుటుంబ సర్వేలో సీఎస్ శాంతికుమారి
TG: సీఎస్ శాంతికుమారి సమగ్ర కుటుంబ సర్వేలో పాల్గొని తమ కుటుంబ వివరాలు సమర్పించారు. కాగా రాష్ట్రంలో ఇప్పటికే కోటి కుటుంబాల గణన పూర్తయింది. కొన్ని జిల్లాల్లో నూటికి నూరు శాతం సర్వే పూర్తి చేశారు. నల్గొండ, జనగాం, ములుగు, మెదక్, భువనగిరి, జగిత్యాల, గద్వాల జిల్లాల్లో దాదాపు పూర్తైంది. సర్వేలో భాగంగా రాష్ట్రంలో మొత్తం 1,16,14,349 కుటుంబాలు ఉన్నట్లు ప్రభుత్వం గుర్తించింది.
News November 23, 2024
CM పోస్ట్: మెట్టు దిగని షిండే, బెట్టు వీడని బీజేపీ
మహారాష్ట్ర ఫలితాలపై దాదాపు క్లారిటీ రాగా CM పదవిపై మాత్రం సస్పెన్స్ నెలకొంది. ప్రస్తుత ముఖ్యమంత్రి ఏక్నాథ్ షిండేకే తిరిగి పదవి ఇవ్వాలని శివసేన (శిండే) డిమాండ్ చేస్తోంది. 55 స్థానాలు (2019తో పోలిస్తే 14 సీట్లు+) గెలిచిన తమ పార్టీ ప్రభుత్వంలో కింగ్ మేకర్ అని శివసైనికులు అంటున్నారు. అయితే ప్రస్తుత డిప్యూటీ సీఎం ఫడణవీస్ తదుపరి రాష్ట్ర నేతగా ఉంటారని 126 సీట్ల లీడ్లోని BJP (2019లో 105) చెబుతోంది.
News November 23, 2024
రేవంత్ ప్రచారం చేసిన అన్ని స్థానాల్లో కాంగ్రెస్ ఓడింది: బండి సంజయ్
TG: మహారాష్ట్రలో సీఎం రేవంత్ ప్రచారం చేసిన అన్ని స్థానాల్లోనూ కాంగ్రెస్ పార్టీ ఓడిపోయిందని BJP MP, కేంద్ర సహాయమంత్రి బండి సంజయ్ ఎద్దేవా చేశారు. ఆ పార్టీ ఓటమికి తెలంగాణ, కర్ణాటకలోని కాంగ్రెస్ ప్రభుత్వాల వైఖరే ప్రధాన కారణమని ఆయన ఆరోపించారు. ఇచ్చిన హామీలను అమలు చేయాలనే ఆలోచన లేకపోవడం వల్లే ఆ పార్టీకి ఓటమి ఎదురైందని ఆయన చెప్పుకొచ్చారు.
News November 23, 2024
మహారాష్ట్రలో MVAను ముంచేసిన కాంగ్రెస్
మహారాష్ట్ర ఎన్నికల్లో MVA ఘోర పరాజయంలో కాంగ్రెస్దే ఎక్కువ బాధ్యత. ఎందుకంటే 288 స్థానాలున్న ఇక్కడ హస్తం పార్టీ 101 చోట్ల పోటీచేస్తే కేవలం 22 నియోజకవర్గాల్లోనే ఆధిక్యం ప్రదర్శిస్తోంది. కూటమి గెలవాలంటే ఎక్కువ సీట్లలో పోటీచేసిన పార్టీయే మరిన్ని విజయాలు అందుకోవాలి. అలాంటిది కాంగ్రెస్ స్ట్రైక్రేట్ ఇక్కడ 22కే పరిమితమైంది. ఇక శివసేన యూబీటీ 20/95, NCP SP 12/86తో చతికిలపడ్డాయి.
Featured News
Sorry, no posts matched your criteria.