India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 10, 2024
ఆరిజోనా కూడా ట్రంప్ ఖాతాలోకే.. స్వింగ్ స్టేట్స్ క్లీన్స్వీప్
US ఎన్నికల ఫలితాలు పూర్తిగా వెలువడ్డాయి. చివరగా ఆరిజోనా కూడా ట్రంప్ ఖాతాలోకి వెళ్లిపోయింది. అక్కడి 11 ఎలక్టోరల్ ఓట్స్ కలుపుకుని మొత్తంగా ఆయనకు 312 ఓట్లు వచ్చాయి. స్వింగ్ స్టేట్స్ అయిన పెన్సిల్వేనియా, మిచిగాన్, నెవాడా, జార్జియా, నార్త్ కరోలినా, విస్కాన్సిన్ను ట్రంప్ క్లీన్స్వీప్ చేశారు. డెమొక్రాట్ల అభ్యర్థి కమలా హారిస్ 226 ఓట్లతో సరిపెట్టుకున్నారు. ట్రంప్కు 50.5%, కమలకు 47.9% ఓట్లు వచ్చాయి.
News November 10, 2024
ఒకే స్కూల్లో 120 మంది కవలలు
పంజాబ్లోని జలంధర్లో పోలీస్ DAV పబ్లిక్ స్కూల్కి వెళితే ఆ స్టూడెంట్స్ను చూశాక ఎవరైనా కన్ఫ్యూజ్ కావాల్సిందే. స్కూల్లో ఎక్కడ చూసినా కవలలే కనిపిస్తే కన్ఫ్యూజ్ కాకుండా ఎలా ఉంటారు మరి! ఇక్కడ 60 జతలు అంటే మొత్తం 120 మంది విద్యార్థులు కవలలే. ఇందులో ట్విన్స్(ఇద్దరు) మాత్రమే కాదు ట్రిప్లెట్స్(ముగ్గురు కవలలు) కూడా ఉన్నారు. కాగా కవల పిల్లలు పుట్టడం ప్రకృతిలో ఒక అద్భుతమని అక్కడి టీచర్లంటున్నారు.
News November 10, 2024
కార్తీక మాసం ఎఫెక్ట్.. తగ్గుతున్న చికెన్ ధరలు
తెలుగు రాష్ట్రాల్లో చికెన్ ధరలు తగ్గుముఖం పడుతున్నాయి. కార్తీక మాసం కారణంగా భక్తులు మాంసాహారానికి దూరంగా ఉండటంతో వ్యాపారులు రేట్లను తగ్గిస్తున్నారు. రెండు వారాల కింద కిలో చికెన్(స్కిన్ లెస్) రూ.270-300 ఉండగా, ప్రస్తుతం చాలా పట్టణాల్లో రూ.180-210 పలుకుతోంది. డిమాండ్ ఉన్న ప్రాంతాల్లో యథాతథంగా రేట్లు ఉన్నాయి. కాగా ఈ నెలలో మరింత తగ్గి, డిసెంబర్ నుంచి రేట్లు పెరుగుతాయని వ్యాపారులు అంటున్నారు.
News November 10, 2024
ఆ బోర్డు నాలుగు అక్షరాల క్రూరత్వం: కేంద్రమంత్రి
వక్ఫ్ బోర్డుపై కేంద్ర మంత్రి సురేశ్ గోపి తీవ్ర వ్యాఖ్యలు చేశారు. ‘అది ఒక నాలుగు ఆంగ్ల అక్షరాల ‘క్రూరత్వం” అని అన్నారు. కేరళలోని మునంబామ్లో క్రిస్టియన్లకు చెందిన 400 ఎకరాలు తమకు చెందుతాయని వక్ఫ్ బోర్డు అనడాన్ని తప్పుబట్టారు. త్వరలో వక్ఫ్ సవరణ బిల్లును పార్లమెంట్ ఆమోదిస్తుందని వెల్లడించారు. ఈ వ్యాఖ్యలపై ఇండియన్ యూనియన్ ముస్లిం లీగ్ మండిపడింది. ప్రజలను విభజించి పాలించే ప్రకటనలు మానుకోవాలంది.
News November 10, 2024
అంగన్వాడీలను GOVT ఉద్యోగులుగా పరిగణించాలి.. గుజరాత్ హైకోర్టు
అంగన్వాడీ సిబ్బందిని శాశ్వత ప్రభుత్వ ఉద్యోగులుగా పరిగణించాలని కేంద్ర, రాష్ట్ర ప్రభుత్వాలను గుజరాత్ హైకోర్టు ఆదేశించింది. నాలుగో తరగతి కాంట్రాక్టు ఉద్యోగులకు సైతం ₹15K ఇస్తుంటే అంగన్వాడీలకు ₹5-10K గౌరవ వేతనమే ఇస్తున్నారని పలువురు పిటిషన్లు దాఖలు చేశారు. దీంతో వారిని GOVTసర్వీసులోకి తీసుకుని పే స్కేల్ గురించి పేర్కొనాలని ధర్మాసనం తీర్పుఇచ్చింది. ఇది అమలైతే దేశవ్యాప్తంగా ప్రభావం చూపనుంది.
News November 10, 2024
ప్రభాస్ ‘సలార్-2’లో కొరియన్ నటుడు?
ప్రభాస్ హీరోగా తెరకెక్కనున్న ‘సలార్-2’లో కొరియన్ సూపర్ స్టార్ డాన్ లీ నటించనున్నట్లు సమాచారం. తాజాగా ఆయన ‘సలార్-2’ పోస్టర్ను ఇన్స్టాలో స్టోరీగా పెట్టుకోవడంతో ఈ మూవీలో నటించనున్నారనే చర్చ మొదలైంది. ‘ది ఔట్లాస్’, ‘ది గ్యాంగ్ స్టర్’, ‘అన్స్టాపబుల్’, ‘ఛాంపియన్’ వంటి హాలీవుడ్, కొరియన్ చిత్రాల్లో ఆయన నటించారు. అంతకుముందు స్పిరిట్లోనూ డాన్ లీ నటిస్తారనే చర్చ జరిగిన సంగతి తెలిసిందే.
News November 10, 2024
నీతులు వల్లించడం మీకే చెల్లింది: VSR
AP: వ్యక్తిత్వ హననం చేస్తూ నీతులు వల్లించడం మీకే చెల్లిందంటూ CM చంద్రబాబుపై YCP ఎంపీ విజయసాయి రెడ్డి విమర్శలు చేశారు. ‘ప్రధాని మోదీ సతీమణి గారిని బహిరంగంగానే నిందించింది ఎవరు? ప్రధాని తల్లిగారిని ప్రస్తావించింది ఎవరు? YSR కుమార్తెను వేధించేందుకు ఇంటి నుంచి వెబ్సైట్లు నడిపింది ఎవరు? వీటికన్నా ముందే సొంత మామను నగ్నంగా చిత్రీకరించింది(కార్టూన్స్ని ఉద్దేశించి) ఎవరు?’ అని నిలదీశారు.
News November 10, 2024
‘గేమ్ ఛేంజర్’ నుంచి రెండు ట్రైలర్లు?
రామ్ చరణ్ హీరోగా తెరకెక్కుతోన్న ‘గేమ్ ఛేంజర్’ మూవీ నుంచి మరో క్రేజీ న్యూస్ వైరల్ అవుతోంది. ఈ చిత్రం నుంచి రెండు ట్రైలర్లు వస్తాయని తెలుస్తోంది. ఇప్పటికే విడుదలైన టీజర్ అందరినీ ఆకట్టుకుంటోంది. టీజర్లో చరణ్ లుక్స్, తమన్ బీజీఎంకు ఫ్యాన్స్ ఫిదా అవుతున్నారు. శంకర్ దర్శకత్వం వహిస్తున్న ఈ మూవీలో హీరోయిన్గా కియారా అద్వానీ, కీలక పాత్రలో అంజలి కనిపించనున్నారు. సంక్రాంతి కానుకగా జనవరి 10న విడుదల కానుంది.
News November 10, 2024
SALT: 5 మ్యాచుల్లోనే 3 సెంచరీలు బాదేశాడు
ఇంగ్లండ్ విధ్వంసకర ఓపెనర్ ఫిల్ సాల్ట్ వెస్టిండీస్కు కొరకరాని కొయ్యగా మారారు. ఆ జట్టుపై ఆడిన 5 టీ20ల్లోనే ఏకంగా 3 సెంచరీలు బాదారు. అలాగే ఓ ఫిఫ్టీ కూడా సాధించారు. ఐదు మ్యాచుల్లో కలిపి సాల్ట్ 456 పరుగులు చేశారు. కాగా సాల్ట్ గత ఐపీఎల్ సీజన్లో కేకేఆర్ తరఫున ఆడారు. ప్రస్తుతం అతడిని ఆ జట్టు మెగా వేలానికి వదిలేసింది. వేలంలో అతడు ఎంతకు అమ్ముడుపోవచ్చో కామెంట్ చేయండి.
News November 10, 2024
పాల బకాయిలు రూ.50 కోట్లు విడుదల.. త్వరలోనే అకౌంట్లోకి
TG: విజయ డెయిరీకి పాలు విక్రయించే రైతులకు ప్రభుత్వం శుభవార్త చెప్పింది. ఓ నెల పెండింగ్ బిల్లుల చెల్లింపుల కోసం రూ.50.65 కోట్లను విడుదల చేసింది. ఈ మొత్తాన్ని వెంటనే రైతుల ఖాతాల్లో జమచేయాలని ఆదేశించింది. మరో నెల బకాయిలనూ త్వరలోనే చెల్లిస్తామని తెలిపింది. పాడి రైతుల నుంచి రోజూ 4.40లక్షల లీటర్లను విజయ డెయిరీ కొనుగోలు చేస్తోంది. నిధుల కొరత కారణంగా కొన్ని నెలలుగా చెల్లింపుల్లో ఇబ్బందులు వస్తున్నాయి.
Featured News
Sorry, no posts matched your criteria.