India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 7, 2024
దూకుడుగా ఆడలేకపోయా: కోహ్లీ
రాజస్థాన్‌తో మ్యాచ్‌లో దూకుడుగా ఆడలేకపోయానని.. ఆ విషయం తనకు తెలుసని ఆర్సీబీ స్టార్ ప్లేయర్ విరాట్ కోహ్లీ అన్నారు. ‘వికెట్ కాస్త ఫ్లాట్‌గా ఉండడంతో చివరి వరకు ఆడాలని భావించా. పరిస్థితులకు అనుగుణంగా పరిణతితో ఆడా. ఇక్కడ అంత ఈజీగా పరుగులు రాబట్టలేం. ముఖ్యంగా యుజ్వేంద్ర చాహల్, రవిచంద్రన్ అశ్విన్ బౌలింగ్‌లో రన్స్ రాబట్టలేకపోయా. ఈ పిచ్‌పై 183 రన్స్ నయమేననిపించింది’ అని ఆయన పేర్కొన్నారు.
News April 7, 2024
మాధవీ లతపై మోదీ ప్రశంసలు
హైదరాబాద్ బీజేపీ ఎంపీ అభ్యర్థి మాధవీ లతపై ప్రధాని మోదీ X వేదికగా ప్రశంసల వర్షం కురిపించారు. ఆమె పాల్గొన్న ‘ఆప్ కీ అదాలత్’ <
News April 7, 2024
BREAKING: హైదరాబాద్ మెట్రో ప్రయాణికులకు షాక్
TG: మెట్రో ప్రయాణికులకు షాకింగ్ న్యూస్. రద్దీ పెరగడంతో హైదరాబాద్ మెట్రో రైల్ అధికారులు కీలక నిర్ణయం తీసుకున్నారు. రూ.59 హాలిడే కార్డుతో పాటు మెట్రో కార్డుపై ఇచ్చే 10శాతం రాయితీని రద్దు చేశారు. మరోవైపు ఎండల తీవ్రతతో మెట్రో ప్రయాణానికి డిమాండ్ పెరిగింది. రాయితీలను రద్దు చేయడంతో ప్రయాణికుల నుంచి ఆగ్రహం వ్యక్తమవుతోంది. అలాగే కోచ్‌ల సంఖ్య పెంచాలని డిమాండ్ చేస్తున్నారు.
News April 7, 2024
ప్రచారానికి దూరంగా టాలీవుడ్ హీరోలు?
ఒకప్పుడు ఎన్నికల ప్రచారంలో టాలీవుడ్ హీరోలు సందడి చేసేవారు. కానీ ఇప్పుడు ఆ పరిస్థితి లేదు. సోషల్ మీడియాలో కూడా ప్రచారం చేయడానికి ఆసక్తి చూపడం లేదు. కొంతమంది బహిరంగంగా తమ మద్దతు తెలియజేయడానికి జంకుతున్నారు. వారు సపోర్ట్ చేసిన పార్టీ కాకుండా వేరే పార్టీ అధికారంలోకి వస్తే తమ సినిమాలపై ప్రభావం పడుతుందని భయపడుతున్నట్లు తెలుస్తోంది. ఫలితాలు వచ్చిన తర్వాత కొందరు గెలిచిన పార్టీకి మద్దతిచ్చే ఛాన్స్ ఉంది.
News April 7, 2024
హీరోయిన్‌కు హత్యా బెదిరింపులు
తెలుగులో తేజ దర్శకత్వంలో ‘ధైర్యం’ సినిమాలో హీరోయిన్‌గా చేసిన రైమా సేన్.. ప్రస్తుతం ‘మా కాళి’ అనే చిత్రంలో నటిస్తున్నారు. 1946 ఆగస్టు 16న కోల్‌కతాలో జరిగిన ఓ ఘటన ఆధారంగా ఈ మూవీ తెరకెక్కుతోంది. ఇటీవల విడుదలైన ఈ సినిమా పోస్టర్ చర్చనీయాంశంగా మారింది. దీంతో ఈ సినిమా ఎందుకు ఒప్పుకున్నావని కొందరు వ్యక్తులు తనకు కాల్స్ చేసి బెదిరిస్తున్నారని రైమా సేన్ వాపోయారు. హత్యా బెదిరింపులకు పాల్పడుతున్నారన్నారు.
News April 7, 2024
టిల్లన్నకు రామ్ చరణ్ అభినందనలు
తాజా సెన్సేషన్ ‘టిల్లు స్క్వేర్’ మూవీ యూనిట్‌కు గ్లోబల్ స్టార్ రామ్ చరణ్ అభినందనలు తెలిపారు. ‘సిద్ధూ.. నీ అద్భుత విజయం పట్ల గర్వంగా ఉంది. హీరోయిన్ అనుపమ, దర్శకుడు మల్లిక్ రామ్, మ్యూజిక్ డైరెక్టర్లకు, నిర్మాణ సంస్థ సితార ఎంటర్టైన్మెంట్స్‌కు హృదయపూర్వక అభినందనలు’ అని పేర్కొన్నారు. అంతకుముందు యంగ్ టైగర్ ఎన్టీఆర్ ఈ మూవీ టీమ్‌ను అభినందించిన సంగతి తెలిసిందే.
News April 7, 2024
అది జనజాతర కాదు.. అబద్ధాల జాతర: కేటీఆర్
TG: కాంగ్రెస్ పార్టీ నిర్వహించింది జనజాతర కాదని.. అబద్ధాల జాతర అని మాజీ మంత్రి కేటీఆర్ విమర్శించారు. ‘6 గ్యారంటీల పేరుతో గారడీ చేశారు. నమ్మి ఓట్లేసిన 4 కోట్ల ప్రజలను నట్టేట ముంచారు. రైతుల ఆత్మహత్యలు, నేతన్నల బలవన్మరణాలకు కాంగ్రెస్ కారణమవుతోంది. అరచేతిలో వైకుంఠం చూపిస్తోంది. రుణమాఫీ, తాగు, సాగునీరు లేక ప్రజలు అల్లాడుతున్నారు. వీళ్ల ఆర్తనాదాలు వినిపించట్లేదా రాహుల్ గాంధీ’ అని ఆయన ట్వీట్ చేశారు.
News April 7, 2024
భారీగా పెరిగిన చికెన్ ధరలు
తెలుగు రాష్ట్రాల్లో చికెన్ ధరలు భారీగా పెరిగాయి. విజయవాడలో కేజీ రూ.310, హైదరాబాద్‌లో కేజీ రూ.300 ధర పలుకుతోంది. వారం క్రితం రూ.200 ఉండగా ఇప్పుడు ఏకంగా రూ.100 పెరిగి రూ.300కు చేరుకుంది. దీంతో చాలా మంది చికెన్ కొనుగోలు చేసేందుకు భయపడుతున్నారు. ఈ ధరలు చూసి మాంసాహార ప్రియులు నోరెళ్లబెడుతున్నారు. ఎండలు ముదురుతుండటంతో కోళ్లు చనిపోతున్న నేపథ్యంలో వాటి లభ్యత తక్కువగా ఉంది. దీంతో ధరలు పెరిగిపోతున్నాయి.
News April 7, 2024
మన ఆరోగ్యం మన చేతుల్లోనే
మనకు ఉన్న ఆహార అలవాట్లే మన ఆరోగ్యాన్ని ప్రభావితం చేస్తాయి. ఉరుకుల పరుగుల జీవితంలో దొరికిన కాస్త సమయంలోనే ఆరోగ్యంపై శ్రద్ధ పెట్టాలని నిపుణులు సూచిస్తున్నారు. కచ్చితమైన సమయ పాలన పాటిస్తూ పోషక విలువలతో కూడిన ఆహారాన్ని తీసుకోవడం మేలు చేస్తుందంటున్నారు. ఆరోగ్యం కోసం వ్యాయామం, తగినంత నిద్రతో పాటు చెడు అలవాట్లకు దూరంగా ఉండాలని చెబుతున్నారు. ఇవాళ ప్రపంచ ఆరోగ్య దినోత్సవం.
News April 7, 2024
టేబుల్ టాపర్‌గా RR
ఐపీఎల్ 2024లో రాజస్థాన్ రాయల్స్ అజేయంగా దూసుకెళ్తోంది. ఇప్పటివరకు ఆడిన 4 మ్యాచుల్లో నాలుగు విజయాలతో పాయింట్ల పట్టికలో తొలి స్థానంలో ఉంది. ఆ తర్వాతి స్థానాల్లో KKR, CSK ఉన్నాయి. ఇక పాయింట్ల పట్టికలో చివరి స్థానంలో ముంబై ఇండియన్స్ ఉంది. ఆడిన మూడు మ్యాచుల్లోనూ ముంబై పరాజయం పాలైంది. మరోవైపు ఆర్సీబీ 8, ఢిల్లీ 9వ స్థానాల్లో ఉన్నాయి.
Featured News
Sorry, no posts matched your criteria.