India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News October 30, 2024
BREAKING.. HYD: ట్రావెల్ బస్సు బీభత్సం.. GHMC ఎంప్లాయ్ మృతి
జీడిమెట్ల పోలీస్ స్టేషన్ పరిధి షాపూర్ నగర్‌లో ఈరోజు ఉదయం ప్రైవేట్ ట్రావెల్ బస్సు బీభత్సం సృష్టించింది. రోడ్ క్రాస్ చేస్తున్న వ్యక్తిని ఢీకొని చౌరస్తా నుంచి సాగర్ హోటల్ వరకు బస్సు ఈడ్చుకెళ్లింది. దీంతో సదరు వ్యక్తి అక్కడికక్కడే ప్రాణాలు విడిచాడు. మృతుడు జీహెచ్ఎంసీలో పనిచేస్తున్న హరికృష్ణగా గుర్తించారు. పోలీసులు కేసు నమోదు చేసుకొని దర్యాప్తు చేస్తున్నారు.
News October 30, 2024
ప్రజాభవన్‌లో ప్రజావాణికి 588 దరఖాస్తులు
ప్రజాభవన్‌లో మంగళవారం నిర్వహించిన ప్రజావాణిలో మొత్తం 588 దరఖాస్తులు అందాయి. మైనారిటీ వెల్ఫేర్ శాఖకు సంబంధించి 221, పంచాయతీ రాజ్, గ్రామీణాభివృద్ధి శాఖకు 98, విద్యుత్ శాఖకు 84, రెవెన్యూ పరమైన సమస్యలపై 55, ప్రవాసీ ప్రజావాణి ద్వారా 4, ఇతర శాఖలకు 126 దరఖాస్తులు అందినట్లు అధికారులు తెలిపారు. ఈ కార్యక్రమంలో రాష్ట్ర ప్రణాళికా సంఘం వైస్ ఛైర్మన్ డా.చిన్నారెడ్డి, ప్రజాపాలన ప్రత్యేకఅధికారి దివ్య పాల్గొన్నారు.
News October 30, 2024
వారిని కట్టడి చేద్దాం: HYD సీపీ సీవీ ఆనంద్
హైదరాబాద్‌లో ఎలాంటి అవాంఛనీయ ఘటనలు జరగకుండా పోలీస్ సిబ్బంది ఎప్పటికప్పుడు తగిన చర్యలు తీసుకోవాలని HYD సీపీ సీవీ ఆనంద్ ఆదేశించారు. మంగళవారం బంజరాహిల్స్‌లోని కమాండ్ కంట్రోల్ ఆఫీస్‌లో ఆయన అధికారులతో సమావేశం నిర్వహించి మాట్లాడారు. నగర పరిధిలో ఆశ్రయం లేని వ్యక్తుల్లో కొందరికి మానసిక స్థితి సరిగా లేదని, వారు మతపరమైన ప్రదేశాల వద్దకు వెళ్లి దాడులు చేస్తున్నారని, వారిని కట్టడి చేయాలన్నారు.
News October 29, 2024
HYD: ట్రాఫిక్ డీసీపీ రాహుల్ హెగ్డే కీలక వ్యాఖ్యలు
డ్రంక్ అండ్ డ్రైవ్‌పై నేడు ట్రాఫిక్ డీసీపీ రాహుల్ హెగ్డే కీలక వ్యాఖ్యలు చేశారు. నగరంలో పలు పబ్బులపై తాము నిఘా ఉంచినట్లు తెలిపారు. మైనర్లను పబ్బులోకి అనుమతించొద్దని ఆదేశించారు. పబ్బుల దగ్గర 40 శాతం స్థలం ఉండాలని సూచించారు. మద్యం తాగి వాహనాలు నడిపితే కఠిన చర్యలు తీసుకుంటామని తేల్చి చెప్పారు. ఇకపై నిత్యం డ్రంక్ అండ్ డ్రైవ్ తనిఖీలు ఉంటాయని, పట్టుబడిన వారిపై చర్యలు తీసుకుంటామని హెచ్చరించారు.
News October 29, 2024
HYD: BRS కార్యకర్తలకు KTR కీలక సూచనలు
BRS కార్యకర్తలు, సోషల్ మీడియా వారియర్స్‌కు ఆ పార్టీ వర్కింగ్ ప్రెసిడెంట్ KTR ఈరోజు HYDలో కీలక సూచనలు చేశారు. రానున్న రోజుల్లో కాంగ్రెస్, BJP, TDP వారి పెయిడ్ సోషల్ మీడియా ట్రోల్స్ BRSను టార్గెట్ చేస్తాయని వెల్లడించారు. తప్పుడు కేసులు, డీప్ ఫేక్ టెక్నాలజీతో అసత్య ప్రచారం చేస్తారని, అలాంటి వాటి పట్ల జాగ్రత్తగా ఉండాలని సూచించారు. 6 గ్యారంటీల అమలులో ఫెయిల్ అయినందుకు కాంగ్రెస్‌ను ప్రశ్నించాలన్నారు.
News October 29, 2024
నాంపల్లి: ప్రజల కోసం సీపీఐ ఉద్యమిస్తుంది: కునంనేని
సమాజంలో అన్ని వర్గాల కోసం ఉద్యమిస్తున్నది కమ్యూనిస్టులేనని CPI రాష్ట్ర కార్యదర్శి, ఎమ్మెల్యే కూనంనేని సాంబశివరావు అన్నారు. బీసీ హక్కుల సాధన సమితి రాష్ట్ర అధ్యక్షుడు తాటిపాముల వెంకట్రాములు అధ్యక్షతన సోమవారం బషీర్‌బాగ్‌ ప్రెస్‌క్లబ్‌లో జనగణనలో కులగణనపై రాష్ట్ర సదస్సు జరిగింది. సమసమాజం కోసం కమ్యూనిస్టు పార్టీ జరిపిన వర్గపోరాటాల చైతన్యమే నేటి కుల చైతన్యానికి స్ఫూర్తి అని అన్నారు.
News October 28, 2024
కళ్లు పోతే జీవితాంతం అంధత్వమే: డా.మోదిని
దీపావళి పండుగ సందర్భంగా టపాసులు కాల్చే సమయంలో జాగ్రత్తలు తీసుకోవాలని సరోజినీ దేవి కంటి ఆసుపత్రి సూపరింటెండెంట్ డా.మోదిని పేర్కొన్నారు. పెద్దల సమక్షంలోనే చిన్నారులు టపాసులు కాల్చాలన్నారు. కళ్లు పోతే జీవితాంతం అంధత్వమే అవుతుందన్నారు. ఈనెల 30, 31, నవంబర్ 1న స్పెషల్ టీమ్‌లు నిపుణులైన వైద్యులతో సరోజినీ దేవి కంటి ఆస్పత్రిలో అందుబాటులో ఉంటాయన్నారుజ
News October 28, 2024
రంగారెడ్డి కలెక్టర్ బదిలీ.. నూతన కలెక్టర్ ఈయనే
రాష్ట్ర వ్యాప్తంగా 12 మంది ఐఏఎస్, ఐఎఫ్ఎస్ అధికారులను బదిలీ చేస్తూ ప్రభుత్వం ఉత్తర్వులు జారీ చేసింది. ఈ మేరకు RR జిల్లా కలెక్టర్‌గా పనిచేస్తున్న శశాంకను రాష్ట్ర ప్రభుత్వం బదిలీ చేసింది. ఆయన స్థానంలో నల్గొండ జిల్లా కలెక్టర్‌గా పనిచేస్తున్న నారాయణరెడ్డిని RR జిల్లా కలెక్టర్‌గా నియమిస్తూ ఉత్తర్వులు జారీ చేసింది. ఆయన 2015 బ్యాచ్‌కు చెందిన IAS అధికారి. గతంలో VKBకి కలెక్టర్‌గా చేశారు.
News October 28, 2024
ముఖ్యమంత్రి సెక్యూరిటీలో కీలక మార్పు
సీఎం రేవంత్ రెడ్డి సెక్యూరిటీలో ఉన్నతాధికారులు కీలక మార్పులు చేశారు. సీఎం నివాసం వద్ద ఆర్డ్మ్ రిజర్వ్ పోలీసులతో పటిష్ఠ భద్రత ఏర్పాటు చేశారు. తెలంగాణ రాష్ట్ర స్పెషల్ పోలీసులు(TGSP) నిరసనలు చేస్తున్న నేపథ్యంలో రాష్ట్ర ప్రభుత్వం ఈ నిర్ణయం తీసుకుంది. ప్రభుత్వ నిబంధనలను అతిక్రమించి నిరసన తెలిపిన పోలీసులను ఇప్పటికే అధికారులు సస్పెండ్ చేశారు.
News October 28, 2024
HYD: ఓ భార్య కీచక పర్వం..
డబ్బుకోసం భర్తను కిరాతకంగా హత్య చేసిన ఘటన HYD శివారు పోచారంలో జరిగింది. పోలీసుల వివరాలు.. 3 పెళ్లిళ్లైన నిందితురాలు విహారికకు వ్యాపారి బి.రమేశ్‌తో 2018లో ప్రేమ వివాహం జరిగింది. తర్వాత APకి చెందిన నిఖిల్‌తో ప్రేమలో పడింది. ఇటీవల భర్త ఆస్తి అమ్మగా రూ.8 కోట్లు వచ్చాయి. ఆ డబ్బుపై కన్నేసి, అంకుర్ అనే మరో వ్యక్తితో కలిసి ఉప్పల్‌లో హత్యచేసి కర్ణాటకలో పడేశారు. పోలీసులు విచారణ జరపగా పట్టుబడ్డారు.
Featured News
Sorry, no posts matched your criteria.