India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News June 7, 2024
HYD: కాంగ్రెస్‌లోకి 10 మంది BRS ఎమ్మెల్యేలు?
లోక్‌సభ ఎన్నికల ప్రక్రియ ముగియడంతో MLAల ఫిరాయింపుల పర్వం మొదలుకానుందని తెలుస్తోంది. BRS MLAలు కాంగ్రెస్‌లోకి వెళ్లేందుకు మంతనాలు చేస్తున్నారని, ఇందులో HYD వారు ఉన్నారని సమాచారం. వచ్చే నాలుగున్నరేళ్లు సౌకర్యంగా ఉండడం, నియోజకవర్గ అభివృద్ధి కోసం కొందరు పార్టీ మారనున్నారనే చర్చ నడుస్తోంది. కాగా ఇటీవల 10మంది MLAలు కాంగ్రెస్‌లోకి వస్తారని మైనంపల్లి పేర్కొనగా ఆయన మాటలు నిజం అవుతాయో లేదో చూడాలి.
News June 7, 2024
HYD: ఆకట్టుకున్న సాంస్కృతిక ప్రదర్శనలు
HYD నాంపల్లిలోని పొట్టి శ్రీరాములు తెలుగు విశ్వవిద్యాలయంలోని డా.నందమూరి తారక రామారావు కళామందిరంలో సంస్థ అధ్యక్షురాలు డా.దేవసేన నిర్వహణలో సాంస్కృతిక సంస్థ సిద్ధేంద్ర ఆర్ట్స్ అకాడమీ 42వ వార్షికోత్సవ వేడుకలు ఘనంగా నిర్వహించారు. ఈ సందర్భంగా పలువురు అతిథులు హాజరై జ్యోతి ప్రజ్వలన చేశారు. డా.దేవసేన 42 ఏళ్లుగా సాంస్కృతిక రంగానికి నిర్విరామ సేవలను చేస్తున్నారని కొనియాడారు. ప్రదర్శనలు ఆకట్టుకున్నాయి.
News June 7, 2024
HYD: పోలీసులను చూసి పారిపోతూ వ్యక్తి మృతి
HYD తార్నాకలోని లాలాగూడ PS పరిధిలో విషాదం నెలకొంది. పోలీసులు తెలిపిన వివరాలు.. లాలాపేట్‌లో ఓ ఇంట్లో గుట్టుచప్పుడు కాకుండా ఆడుతున్న పేకాట స్థావరంపై టాస్క్‌ఫోర్స్ పోలీసులు దాడి చేశారు. దీంతో పోలీసులను చూసిన వినయ్ అనే వ్యక్తి పారిపోతూ మూడంతస్తుల బిల్డింగ్ పై నుంచి దూకి మృతిచెందాడు. అయితే టాస్క్‌ఫోర్స్ పోలీసులు కొట్టడంతో తట్టుకోలేక బిల్డింగ్ పై నుంచి దూకాడని ఆరోపిస్తూ అతడి స్నేహితులు ఆందోళనకు దిగారు.
News June 7, 2024
HYD: కొత్త క్రిమినల్‌ చట్టాలపై పోలీస్ ఉన్నతాధికారులకు వర్క్‌షాప్‌
HYDలోని రాష్ట్ర పోలీస్ అకాడమీలో జులై 1 నుంచి అమల్లోకి రానున్న కొత్త క్రిమినల్‌ చట్టాలపై పోలీస్ ఉన్నతాధికారులకు గురువారం వర్క్‌షాప్‌ నిర్వహించారు. డీజీపీ రవిగుప్తా ముఖ్యఅతిథిగా హాజరై కొత్త చట్టాలపై రూపొందించిన ‘న్యూ క్రిమినల్‌ లా బుక్స్‌’ ‘రెడీ రికనర్‌ ఆఫ్‌ న్యూ లాస్‌’ ‘న్యూ క్రిమినల్‌ లాస్‌’ అనే యాప్‌లను ఆవిష్కరించారు. కొత్త చట్టాలపై క్రిమినల్‌ లాయర్‌ ఏపీ సురేశ్‌ అవగాహన కల్పించారు.
News June 7, 2024
HYD: మీ పిల్లల దుస్తులు కుడుతున్నాం అనుకుని కుట్టాలి: కలెక్టర్
ప్రభుత్వ పాఠశాలల విద్యార్థులకు ఏడాది పాటు మన్నికగా ఉండేలా.. మీ పిల్లలకు దుస్తులు కడుతున్నాం అనుకుని కుట్టాలని HYD కలెక్టర్ అనుదీప్ దురిశెట్టి అన్నారు. ఈ మేరకు ముషీరాబాద్ రాంనగర్ మేడిబాయి బస్తీలోని మహ్మదీయ, శ్రీలక్ష్మి, శ్రీవినాయక, మల్లికార్జున సహాయక బృందాల బట్టలు కుట్టే కేంద్రాలను సందర్శించి యూనిఫామ్ కుట్టే ప్రక్రియను పరిశీలించారు. యూనిఫాం కుడుతున్న మహిళలతో మాట్లాడి పలు విషయాలు తెలుసుకున్నారు.
News June 7, 2024
HYD: వరద నీటి నివారణపై ప్రత్యేక దృష్టి: రోనాల్డ్‌ రాస్‌
గ్రేటర్‌ HYDలో వరద నీటి నివారణపై ప్రత్యేక దృష్టి సారించాలని జీహెచ్‌ఎంసీ కమిషనర్‌ రోనాల్డ్‌ రాస్‌ అధికారులను ఆదేశించారు. గురువారం శేరిలింగంపల్లి జోన్‌ మాదాపూర్‌ సర్కిల్‌లో జోనల్‌ కమిషనర్‌ స్నేహ శబరీష్‌తో కలిసి కమిషనర్‌ మాదాపూర్‌ బాటా షోరూం, యశోద దవాఖాన, శిల్పారామం తదితర ప్రాంతాల్లో వాటర్‌ స్టాగ్నేషన్‌ పాయింట్లను పరిశీలించారు. ప్రజలకు ఇబ్బందులు లేకుండా తగిన చర్యలు చేపట్టాలన్నారు.
News June 7, 2024
HYD: తెలంగాణలోనూ TDP గెలుస్తుంది: మాజీ MLA
ఆంధ్రప్రదేశ్‌ అసెంబ్లీ ఎన్నికల్లో ప్రభంజనం సృష్టించిన తెలుగుదేశం పార్టీకి తెలంగాణలోనూ పూర్వ వైభవం వస్తుందని, ఇక్కడ కూడా భవిష్యత్తులో గెలుస్తుందని టీడీపీ పొలిట్‌ బ్యూరో సభ్యుడు, షాద్‌నగర్ మాజీ MLA బక్కని నర్సింహులు ఆశాభావం వ్యక్తం చేశారు. ఏపీ అసెంబ్లీ, లోక్‌సభ ఎన్నికల్లో టీడీపీ ఘన విజయం సాధించడంతో షాద్‌నగర్‌లో గురువారం టీడీపీ నాయకులు బక్కని నర్సింహులును సన్మానించి, అభినందనలు తెలిపారు.
News June 7, 2024
HYD ప్రజలకు TGSRTC శుభవార్త
HYDలో తిరిగే ఎలక్ట్రిక్ గ్రీన్ మెట్రో లగ్జరీ AC బస్సుల నెలవారీ బస్ పాస్‌ను TGSRTC ఇక రూ.1,900కే అందించనుంది. గతంలో రూ.2,530 ఉండగా ప్రయాణికుల కోసం రూ.630 తగ్గించినట్లు MDసజ్జనార్ తెలిపారు. అంతేకాదు ఈబస్ పాస్‌తో ఈ-మెట్రో ఎక్స్‌ప్రెస్, సిటీ ఆర్డినరీ బస్సుల్లో వెళ్లొచ్చని, మెట్రో ఎక్స్‌ప్రెస్ బస్ పాస్ కలిగిన వారు రూ.20కాంబినేషన్ టికెట్ తీసుకుని గ్రీన్ మెట్రో బస్సుల్లో ఒక ట్రిప్ వెళ్లొచ్చని తెలిపారు.
News June 7, 2024
ఈ నెల 8, 9 తేదీల్లో నాంప‌ల్లికి ప్రత్యేక బ‌స్సులు
నాంప‌ల్లి ఎగ్జిబిష‌న్ గ్రౌండ్‌లో చేప ప్ర‌సాదం పంపిణీకి ఏర్పాట్లు పూర్త‌య్యాయి. ఈ నెల 8, 9 తేదీల్లో చేప ప్ర‌సాదం పంపిణీ జ‌ర‌గ‌నుంది. ఈ నేప‌థ్యంలో న‌గ‌రంలోని పలు ప్రాంతాల నుంచి నాంప‌ల్లికి ప్రత్యేక బ‌స్సులు న‌డ‌పాల‌ని టీజీఎస్‌‌ఆర్టీసీ నిర్ణ‌యించింది. ప్ర‌ధానంగా రైల్వే స్టేష‌న్లు, బ‌స్టాండ్లు, ఎయిర్‌పోర్టు నుంచి బ‌స్సులు అధిక సంఖ్య‌లో అందుబాటులో ఉండ‌నున్నాయి. SHARE IT
News June 7, 2024
HYDలో వర్షాల వేళ పాటించాల్సిన జాగ్రత్తలు
HYD, రంగారెడ్డి జిల్లాల్లో గత రెండ్రోజులుగా భారీ వర్షాలు కురుస్తున్నాయి. వరదల్లో ప్రజలు అప్రమత్తంగా ఉండాలని అధికారులు హెచ్చరిస్తున్నారు. ‘వర్షం కురుస్తున్న సమయంలో కరెంట్ స్తంభాలను తాకొద్దు. మ్యాన్‌హోల్స్‌ ఓపెన్ చేయొద్దు. వరద ఉధృతి‌లో రోడ్డు దాటే సాహసం చేయొద్దు. శిథిలావస్థ భవనాలు ఖాళీ చేయాలి.’ అని సూచించారు. ఈ ఏడాది HYDలో వేరు వేరు ఘటన(వర్షం, వరదలు)ల్లో 15 మంది చనిపోయారు. బీ కేర్ ఫుల్. SHARE IT
Featured News
Sorry, no posts matched your criteria.