India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News October 23, 2024
AISF: హైదరాబాద్ కలెక్టరేట్ ముట్టడి
పెండింగ్‌లో ఉన్న స్కాలర్‌షిప్, ఫీజు రీయింబర్స్‌మెంట్ బకాయిలను విడుదల చేయాలని, అలాగే విద్య శాఖ మంత్రి కేటాయించాలని AISF ఆధ్వర్యంలో హైదరాబాద్ కలెక్టరేట్ ముందు ధర్నా నిర్వహించారు. అనంతరం విద్యార్థి సంఘం నాయకులను పోలీసులు అరెస్టు చేసి బండ్లగూడ పోలీసు స్టేషన్‌కు తరలించారు.
News October 23, 2024
HYD: DRDOలో ఉద్యోగాలు
రక్షణ పరిశోధన, అభివృద్ధి సంస్థలో ఉద్యోగం చేయాలనుకునేవారికి శుభవార్త. HYD DRDOకు చెందిన రిసెర్చ్ సెంటర్ ఇమారత్‌లో(RCI) తాత్కాలిక పద్ధతిన ఖాళీల భర్తీ చేస్తున్నారు. SEP-27న నోటిఫికేషన్ విడుదలైంది. 30 రోజుల్లోగా దరఖాస్తు(OCT-26) చేసుకునేందుకు అవకాశం ఇచ్చారు. మొత్తం 22 పోస్టులు ఖాళీగా ఉన్నాయి. BE, B.TECH, M.TECH, MSC, PHD చేసిన వారు అర్హులు.
LINK: www.drdo.gov.in/drdo/careers
SHARE IT
News October 23, 2024
HYD: అయోధ్యలో విశ్వశాంతి మహాయాగం పోస్ట్‌పోన్ తేదీలు ఇవే..!
అయోధ్యలో శ్రీ మహానారాయణ దివ్య రుద్ర సహిత శత సహస్ర చండీ విశ్వశాంతి మహా యాగాన్ని నిర్వహిస్తున్నట్లు నిర్వహణ కమిటీ సభ్యుడు, TTD మాజీ ఈఓ LV.సుబ్రమణ్యం తెలిపిన విషయం తెలిసిందే. కాగా గతంలో ఈ యాగం NOV 2 నుంచి అని ప్రకటించగా తేదీలను పోస్ట్ పోన్ చేశారు. NOV 18 నుంచి JAN 1 వరకు నిర్వహించనున్నట్లు ప్రకటించారు. పాల్గొనే వారు తమ పేరును నమోదు చేసుకోవాలని తెలిపారు. వివరాలకు సెల్: 7780252277 సంప్రదించాలన్నారు.
News October 23, 2024
HYDలో భారీగా పెరిగిన చికెన్ ధరలు
హైదరాబాద్‌లో చికెన్ ధరలు భారీగా పెరిగాయి. సెప్టెంబర్‌‌లో స్కిన్‌లెస్ KG రూ. 200కే విక్రయించారు. గత 3 వారాలుగా మాంసం ధరలు పెరుగుతూ వచ్చాయి. బుధవారం ధరలు ఈ విధంగా ఉన్నాయి. స్కిన్ లెస్ KG రూ. 243, విత్‌ స్కిన్ KG రూ. 213గా ధర నిర్ణయించారు. రిటైల్‌లో రూ. 147, ఫాంరేటు ధర రూ. 125 ఉంది. నగరంలోని కొన్ని హోల్ సేల్ దుకాణాల్లో రూ. 5 నుంచి రూ. 15 వరకు తగ్గించి అమ్మకాలు చేస్తుంటారు.
News October 22, 2024
HYD: బాలికపై సవతి తండ్రి అత్యాచారం.. శిక్ష
గతేడాది నవంబర్‌లో 9వ తరగతి బాలికపై ఆమె సవతి తండ్రి మహమ్మద్ ఖాజా పలుమార్లు అత్యాచారం చేశాడు. దీనిపై అబ్దుల్లాపూర్‌మెట్‌ పోలీస్ స్టేషన్‌లో కేసు నమోదైంది. మంగళవారం న్యాయమూర్తి తీర్పు వెల్లడించారు. ఎల్బీనగర్‌లోని స్పెషల్ సెషన్స్ జడ్జి పోక్సో చట్టం కింద రూ. 30 వేల జరిమానా, జీవిత ఖైదు విధిస్తూ తీర్పునిచ్చారు. బాధితురాలికి నష్టపరిహారంగా రూ. 12 లక్షలు ప్రభుత్వం నుంచి అందజేయాలన్నారు.
News October 22, 2024
HYD: విమానానికి బాంబు బెదిరింపు.. శంషాబాద్‌‌లో ల్యాండింగ్
బెంగళూరు నుంచి వారణాసి వెళ్తున్న ఆకాశ ఎయిర్ లైన్స్ విమానానికి బాంబు బెదిరింపు కాల్ కలకలం రేపింది. అప్రమత్తమైన సిబ్బంది అత్యవసరంగా శంషాబాద్ విమానాశ్రయంలో ల్యాండింగ్ చేశారు. సీఐఎస్ఎఫ్ భద్రత అధికారులు, డాగ్ స్క్వాడ్, క్లూస్ టీం బృందాలు విమానంలో సోదాలు చేశాయి. చివరకు ఫేక్ కాల్ అని తేలడంతో ప్రయాణికులు ఊపిరిపీల్చుకున్నారు.
News October 22, 2024
చార్మినార్ బ్యూటిఫికేషన్ పనులకు NTPC నిధులు
చారిత్రాత్మక కట్టడం చార్మినార్ బ్యూటిఫికేషన్ పనుల నిర్వహణకై NTPC సంస్థ తమ CSRలో భాగంగా స్వచ్ఛ్ ఐకానిక్ ప్లేసేస్ ప్రాజెక్ట్ కింద GHMCతో ఒప్పందం కుదుర్చుకుంది. ఇరు సంస్థల ప్రతినిధులు MOUలపై సంతకాలు చేశారు. NTPC AGM అఖిల్ పట్నాయక్, కులీకుత్బ్‌షా అర్బన్ డెవలప్మెంట్ అథారిటీ చీఫ్ ఇంజనీర్ జి.గురువీర లు ఫైళ్ల సంతకాలు చేసి, పరస్పరం మార్చుకున్నారు. దీనికి నిధులను NTPC సంస్థ సమకూర్చనుంది.
News October 22, 2024
HYD: అధికారులతో తుమ్మల సమావేశం
మంత్రి తుమ్మల నాగేశ్వరరావు పలు ఆహార ఉత్పత్తి అధికారులతో సమావేశం అయ్యారు. తెలంగాణలో ఆయిల్ ఫామ్, వ్యవసాయ ఆహార పరిశ్రమ రంగంలో పెట్టుబడులు పెట్టడానికి తమ కంపెనీ సిద్ధంగా ఉందని, అందుకు తగిన అవకాశాలు కల్పించాలని కోరారు. దీనికి మంత్రి సానకూలంగా స్పందిస్తూ, ప్రభుత్వం తరపున అన్ని రకాల సహాయ సహకారాలు అందిస్తామని తెలియజేశారు.
News October 22, 2024
HYD: మతసామరస్యాన్ని కాపాడుకోవాలి: కూనంనేని
HYD మహానగరంలో మతసామరస్యాన్ని కాపాడుకోవాల్సిన బాధ్యత అందరిపై ఉందని సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివ రావు అన్నారు. ఇటీవల సికింద్రాబాద్ దేవాలయంలో విగ్రహం ధ్వంసం అత్యంత విచారకరమన్నారు. ఈ ఘటనపై ఇంకా ఉద్రిక్తతలు కొనసాగడం దురదృష్టకరమని పేర్కొన్నారు. మతాల మధ్య విద్వేషాలు పెరగకుండా మత పెద్దలు, మేధావులు కృషి చేయాలన్నారు.
News October 22, 2024
HYD: కాంగ్రెస్ పాలనలో రైతాంగం మోసపోతుంది: హరీశ్‌రావు
కాంగ్రెస్ పాలనలో రాష్ట్ర రైతాంగం అన్ని రకాలుగా మోసపోతున్నారాని మాజీ మంత్రి హరీశ్‌రావు అన్నారు. రైతు బంధు ఇయ్యక, రుణమాఫీ చెయ్యక, బోనస్ అందక.. చివరకు పంట కొనుగోలు కూడా చేయకపోవడం అన్నదాతకు శాపంగా మారిందని మండిపడ్డారు. వెంటనే హామీలను నిలుపుకోవాలని హరీశ్‌రావు ప్రభుత్వాన్ని డిమాండ్ చేశారు.
Featured News
Sorry, no posts matched your criteria.