India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News January 13, 2025
జనవరి 26 నుంచి రైతు భరోసా పథకం ప్రారంభం: పెద్దపల్లి ఎమ్మెల్యే
ఈనెల 26 నుంచి రైతు భరోసా పథకం ప్రారంభమవుతుందని పెద్దపల్లి ఎమ్మెల్యే చింతకుంట విజయ రమణా రావు తెలిపారు. భరోసా, ఇందిరమ్మ ఇళ్ల లబ్ధిదారుల ఎంపిక, ఇందిరమ్మ ఆత్మీయ భరోసా, కొత్త రేషన్ కార్డుల ప్రక్రియపై ఉమ్మడి కరీంనగర్ జిల్లాలోని సమీక్ష సమావేశంలో ఆయన పాల్గొన్నారు. కార్యక్రమంలో రాష్ట్ర మంత్రులు, ప్రభుత్వ విప్‌లు, తదితర ఎమ్మెల్యేలు, అధికారులు పాల్గొన్నారు.
News January 13, 2025
కోనరావుపేట: చిన్నారిపై వృద్ధుడి లైంగిక దాడి
కోనరావుపేట మండలం ఓ గ్రామానికి చెందిన ఓ చిన్నారిపై అదే గ్రామానికి చెందిన వృద్ధుడు లైగింక దాడికి పాల్పడ్డాడు. ఈ ఘటనలో పోలీసులు అతడిపై పోక్సో కేసు నమోదు చేసి రిమాండ్‌కు తరలించినట్లు ఎస్ఐ ప్రశాంత్ రెడ్డి తెలిపారు. గ్రామంలోని అంగన్వాడీ కేంద్రంలో ఆయాగా పనిచేస్తున్న మహిళ భర్త ఈ అఘాయిత్యానికి పాల్పడినట్లు తెలిపారు. చిన్నారి తల్లిదండ్రుల ఫిర్యాదు మేరకు కేసు నమోదు అరెస్ట్ చేసినట్లు ఎస్ఐ తెలిపారు.
News January 13, 2025
నేటి నుంచి SU పరిధిలోని కళాశాలలకు సెలవులు
సంక్రాంతి పండగ నేపథ్యంలో.. కరీంనగర్ పట్టణంలోని శాతవాహన యూనివర్సిటీ పరిధిలోని కళాశాలలకు సెలవులు ప్రకటించారు. యూనివర్సిటీ పరిధిలోని డిగ్రీ, పీజీ, బీఈడీ, ఫార్మసీ, ప్రభుత్వ, ప్రైవేట్ కళాశాలలకు నేటి నుంచి ఈ నెల 15 వరకు సంక్రాంతి సెలవులు ప్రకటించినట్లు విశ్వవిద్యాలయ రిజిస్ట్రార్ రవికుమార్ ఒక ప్రకటనలో తెలిపారు. విద్యార్థులు తిరిగి 16 నుంచి తరగతులకు హాజరు కావాలన్నారు.
News January 13, 2025
ధర్మపురి లక్ష్మీనరసింహస్వామి ఆలయ ఆదాయ వివరాలు
జగిత్యాల జిల్లాలో ప్రసిద్ధ ధర్మపురి లక్ష్మీనరసింహస్వామి ఆలయానికి ఆదివారం రూ.2,22,830 ఆదాయం సమకూరినట్లు ఆలయాధికారులు తెలిపారు. అందులో వివిధ కార్యక్రమాలు టికెట్లు అమ్మకం ద్వారా రూ.1,07,530, ప్రసాదాల అమ్మకం ద్వారా రూ.70,770, అన్నదానం రూ.44,530 వచ్చినట్లు ఆలయ కార్య నిర్వాహణాధికారి సంకటాల శ్రీనివాస్ ప్రకటన ద్వారా ప్రజలకు తెలిపారు.
News January 12, 2025
సాగర్ జి ఆత్మకథను ఆవిష్కరించడం ఆనందంగా ఉంది: సీఎం
ఉమ్మడి కరీంనగర్ జిల్లాకు చెందిన మాజీ కేంద్రమంత్రి, మహారాష్ట్ర మాజీ గవర్నర్ విద్యాసాగర్ రావు (సాగర్ జీ) ఆత్మకథను ఈరోజు సీఎం రేవంత్ రెడ్డి ఆవిష్కరించారు. సాగర్ జీ ఆత్మకథ పుస్తకం ఉనికను ఆదివారం ఆవిష్కరించారు. తెలంగాణ ఉనికిని దేశ స్థాయిలో చాటిన కొద్ది మంది ప్రముఖుల్లో CH.విద్యాసాగర్ రావు ఒకరని, ఆయన ఆత్మ కథను ఆవిష్కరించడం ఆనందంగా ఉందని సీఎం తెలిపారు.
News January 12, 2025
కొత్తకొండ: వీరభద్ర స్వామి ఆలయంలో లక్షబిల్వార్చన
హనుమకొండ జిల్లా భీమదేవరపల్లి మండలంలోని కొత్తకొండ శ్రీ వీరభద్ర స్వామి ఆలయంలో జాతర బ్రహ్మోత్సవాలు కొనసాగుతున్నాయి. ఉత్సవాల్లో భాగంగా ఆదివారం బిల్వ పత్రాలతో లక్ష బిల్వార్చన, ప్రత్యేక పూజలు ఘనంగా జరిగాయి. గణపతి పూజ, పుణ్యాహవచనం, నిత్య హోమాలు, హారతి, మంత్రపుష్పం, రుద్రాభిషేకం నిర్వహించి బిల్వార్చన చేశారు. లోక కల్యాణార్థం ప్రత్యేక పూజలు నిర్వహించినట్లు అర్చకులు తెలిపారు.
News January 12, 2025
వీరన్న జాతరలో కొత్తపల్లి రథాలు స్పెషల్
కొత్తకొండ జాతర బ్రహ్మోత్సవాలు వైభవంగా ప్రారంభమయ్యాయి. ఏటా ఉత్సవాలలో భీమదేవరపల్లి మండలం కొత్తపల్లి ఎడ్లబండ్ల రథాలు ప్రత్యేక ఆకర్షణగా నిలుస్తాయి. సంక్రాంతి రోజు ఆలయం చుట్టూ ఎడ్లబండ్లతో ప్రదక్షిణలు చేసి, భద్రకాళీ సమేత వీరభద్రస్వామిని దర్శించుకుంటారు. 57 ఏళ్ల సంప్రదాయం ఇప్పటికీ కొనసాగిస్తున్నారు. అందంగా అలంకరించిన 70 ఎడ్లబండ్ల రథాలు జాతరకు కదులుతాయి. దారివెంట రథాలు తిలకించేందుకు జనం ఆసక్తిగా చూస్తారు.
News January 12, 2025
VMWD: ఏ పుణ్యక్షేత్రానికి పోవాలన్న రాజన్నను దర్శించుకోవాల్సిందే!
దక్షిణ కాశీగా పేరుగాంచిన వేములవాడ శ్రీ రాజరాజేశ్వర ఆలయానికి ఒక ఆనవాయితీ ఉంది. ఏ పుణ్యక్షేత్రానికి పోవాలన్న ఉమ్మడి కరీంనగర్ జిల్లాలోని ప్రజలు ముందుగా రాజన్నను దర్శించుకుంటారు. కోడెను తీసుకొని గుడి చుట్టూ ప్రదక్షిణ చేయించి ప్రాంగణంలో కట్టేసి, రాజన్నను దర్శించుకోవడం వల్ల తమ ప్రయాణంలో ఎలాంటి ఇబ్బందులు లేకుండా జరుగుతుందని భక్తుల నమ్మకం.
News January 12, 2025
కరీంనగర్: సంక్రాంతికి మన జిల్లాలో సకినాలే ఫేమస్
సంక్రాంతి పండుగ అంటే ముఖ్యంగా గుర్తొచ్చేది ముగ్గులు, పతంగులు. కొన్నిచోట్ల అయితే కోళ్ల పందేలు. కానీ మన ఉమ్మడి కరీంనగర్ జిల్లాలో మాత్రం గుర్తొచ్చేది సకినాలు. అవును.. సకినాలనేవి సంక్రాంతి సమయంలో ఉమ్మడి కరీంనగర్ జిల్లాలో చాలా ఫేమస్. ప్రతి ఇంటి పిండి వంటలో ఇవి కచ్చితంగా ఉంటాయి. ఇవి లేకుండా ఓల్డ్ కరీంనగర్ జిల్లాలో పండుగనే జరగదు. మరి ఇంట్లో సకినాలు చేశారో? లేదో కామెంట్ చేయండి.
News January 12, 2025
ధర్మపురి లక్ష్మీనరసింహస్వామి ఆలయ ఆదాయ వివరాలు
జగిత్యాల జిల్లాలో సుప్రసిద్ధ ధర్మపురి లక్ష్మీనరసింహస్వామి ఆలయానికి శనివారం రూ.2,25,314 ఆదాయం సమకూరినట్లు ఆలయాధికారులు తెలిపారు. అందులో వివిధ కార్యక్రమాలు టికెట్లు అమ్మకం ద్వారా రూ.1,16,714, ప్రసాదాల అమ్మకం ద్వారా రూ.89,590, అన్నదానం రూ.19,010 వచ్చినట్లు ఆలయ కార్యనిర్వాహణాధికారి సంకటాల శ్రీనివాస్ తెలిపారు.
Featured News
Sorry, no posts matched your criteria.