India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News October 30, 2024
వనపర్తి: ఎక్సైజ్ సూపరింటెండెంట్ ప్రభు వినయ్ సస్పెండ్
వనపర్తి ఎక్సైజ్ సూపరింటెండెంట్ ప్రభు వినయ్‌ను సస్పెండ్ చేస్తూ ఎక్సైజ్ కమిషనర్ శ్రీధర్ బుధవారం ఉత్తర్వులు జారీ చేశారు. వనపర్తి జిల్లా ఎక్సైజ్ సూపరింటెండెంట్‌గా విధులు నిర్వర్తిస్తున్న ప్రభు వినయ్ అవినీతి, అక్రమాలపై పూర్తి ఆధారాలతో BC పొలిటికల్ JAC ఛైర్మన్ రాచాల యుగంధర్ గౌడ్ ఎక్సైజ్ కమిషనర్, ప్రిన్సిపల్ సెక్రటరీకి ఫిర్యాదు చేశారు. ఫిర్యాదుపై విచారణ జరిపిన అధికారులు ప్రభు వినయ్‌ను సస్పెండ్ చేశారు.
News October 30, 2024
నిర్ణీత సమయంలో కులగణన పూర్తి చేస్తాం: మంత్రి జూపల్లి
కులగణనను నిర్ణీత సమయంలో పూర్తి చేస్తామని మంత్రి జూపల్లి కృష్ణారావు అన్నారు. ఈ రోజు ఆయన మీడియాతో మాట్లాడుతూ.. ఏ సామాజిక వర్గం ఎంతో నిష్పత్తి ప్రకారం వివరాలు సేకరిస్తామన్నారు. నవంబర్ 31 లోపు కులగణన చేపట్టాలని సీఎం రేవంత్ రెడ్డి ఆదేశించినట్లు తెలిపారు. కులగణన దామాషా ప్రకారమే రాజకీయ పదవులు ఉంటాయన్నారు. మూసి పరివాహక ప్రజలకు మేలు జరగడం BRS నేతలకు ఇష్టం లేదని ఆయన ఆరోపించారు.
News October 30, 2024
MBNR: కురుమూర్తి జాతరకు 179 ప్రత్యేక బస్సులు
ఉమ్మడి పాలమూరు జిల్లాలోని అతిపెద్ద జాతర, ప్రముఖ పుణ్యక్షేత్రమైన శ్రీ కురుమూర్తి స్వామి జాతరకు ఆర్టీసీ ప్రత్యేక బస్సులను నడపనుంది. నవంబర్ 7, 8, 9 తేదీల్లో మొత్తం 179 బస్సులు నడిపేందుకు ఆర్టీసీ అధికారులు నిర్ణయించారు. మహబూబ్నగర్, నాగర్ కర్నూల్, వనపర్తి, కొల్లాపూర్, గద్వాల నుంచి బస్సులు నడపనుండగా, జాతరకు వెళ్లే భక్తుల కోసం బస్టాండ్లలో ప్రత్యేక శిబిరాలను ఏర్పాటు చేస్తున్నట్లు అధికారులు తెలిపారు.
News October 30, 2024
కొడంగల్: తల్లిదండ్రులపై ప్రేమతో విగ్రహాల ఏర్పాటు
తల్లిదండ్రులకు ఒక్కపూట భోజనం పెట్టడానికి వెనకాడుతున్న ప్రస్తుత పరిస్థితుల్లో వారి విగ్రహాలను ఏర్పాటు చేసి వారిపై ఉన్న ప్రేమను చాటుకున్నారు కొడుకులు. కొడంగల్ మండలం రుద్రారం గ్రామానికి చెందిన గొల్ల బుగ్గమ్మ, లక్ష్మప్ప మృతి చెందారు. వీరికి ఐదుగురు కుమారులు ఉండగా.. అందులో తిమ్మప్ప, మల్లప్పలు తల్లిదండ్రులపై మమకారంతో తమ వ్యవసాయ పొలంలో వారి విగ్రహాలు ఏర్పాటు చేసి పూజించారు.
News October 30, 2024
MBNR: కురుమూర్తి జాతరకు 179 బస్సులు
ఉమ్మడి పాలమూరు జిల్లాలోని అతిపెద్ద జాతర, ప్రముఖ పుణ్యక్షేత్రమైన శ్రీ కురుమూర్తి స్వామి జాతరకు ఆర్టీసీ ప్రత్యేక బస్సులను నడపనుంది. నవంబర్ 7, 8, 9 తేదీల్లో మొత్తం 179 బస్సులు నడిపేందుకు ఆర్టీసీ అధికారులు నిర్ణయించారు. మహబూబ్నగర్, నాగర్ కర్నూల్, వనపర్తి, కొల్లాపూర్ బస్టాండ్లలో కురుమూర్తి జాతరకు వెళ్లే భక్తుల కోసం ప్రత్యేక శిబిరాలను ఏర్పాటు చేస్తున్నట్లు అధికారులు తెలిపారు.
News October 30, 2024
వట్టెం జవహర్ నవోదయ దరఖాస్తు నేడు LAST DATE
వట్టెంలోని జవహర్ నవోదయ విద్యాలయంలో 9, 11వ తరగతిలో ప్రవేశాల భర్తీకి ఉమ్మడి పాలమూరు జిల్లాలోని విద్యార్థుల నుంచి దరఖాస్తులను ఆహ్వానిస్తుంది. దరఖాస్తు చేసేందుకు నేడు చివరి రోజు. ప్రవేశ పరీక్షను వచ్చే ఏడాది ఫిబ్రవరి 8న నిర్వహిస్తారు. ప్రవేశ పరీక్ష ద్వారా ఎంపికైన విద్యార్థులకు ఉచిత విద్య, వసతి సౌకర్యాలు అందిస్తారు. ఆసక్తి ఉండి ఇంకా అప్లే చేసుకోని వారు ఈ అవకాశాన్ని సద్వినియోగం చేసుకోండి.
News October 30, 2024
MBNR: ఉమ్మడి జిల్లాలో DMHOల నియామకం
ఉమ్మడి మహబూబ్ నగర్ జిల్లాలో ఇంచార్జ్ DMHOలను రాష్ట్ర ప్రభుత్వం నియమిస్తూ ఉత్తర్వులు జారీ చేసింది. బదిలీ అయిన వారి స్థానంలో ఇన్‌ఛార్జి డిఎంహెచ్ఓలను నియమించింది. మహబూబ్ నగర్ డిఎంహెచ్ఓగా డా.కృష్ణకు ఇన్‌ఛార్జ్ బాధ్యతలు అప్పగించారు. గద్వాల ఇన్చార్జి DMHOగా డాక్టర్ SK సిద్దప్పను, వనపర్తి ఇన్చార్జి DMHOగా డాక్టర్ ఎ.శ్రీనివాసులును నియమించారు.
News October 30, 2024
గోపాలపేట మండలంలో భారీ మొసలి
గోపాలపేట మండలం లక్ష్మీదేవిపల్లి గ్రామ సమీపంలో ఓ రైతు పొలంలో మొసలి ప్రత్యక్షమైంది. దీంతో స్థానికులు భయాందోళనకు గురయ్యారు. గ్రామస్థులు తెలిపిన వివరాల ప్రకారం.. గ్రామ సమీపంలోని లచ్చు నాయక్ పొలంలో నిన్న సాయంత్రం పొలంలో మొసలి సంచరిస్తుండగా కొందరు స్థానికులు గమనించారు. గ్రామస్థులు వెంటనే వనపర్తి సాగర్ స్నేక్ సొసైటీకి కాల్ చేయగా వారు వచ్చి పట్టుకొని బీచుపల్లి దగ్గర కృష్ణ నదిలో వదిలినట్లు చెప్పారు.
News October 30, 2024
MBNR: కురుమూర్తి బ్రహ్మోత్సవాలకు వేళాయే..
ఉమ్మడి పాలమూరు జిల్లాలోని కురుమూర్తి స్వామి బ్రహ్మోత్సవాలు ఈనెల 31నుంచి ప్రారంభం కానున్నాయి.
›OCT 31న ఉత్సవాలు ప్రారంభం ›NOV 1న ఆవాహిత దేవతాపూజలు ›2న స్వామివారి కల్యాణం, మయూర వాహనసేవ ›3న హంసవాహన సేవ, ›4న శేషవాహన సేవ ›5న గజవాహన సేవ ›6న బంగారం ఆభరణాలతో అలంకార ఉత్సవం, అశ్వవాహన సేవ ›7న హనుమద్వాహన వాహనసేవ ›8న ఉద్దాల ఉత్సవం, ఉద్దాలకొండపై గురుడ వాహనంపై ఊరేగింపు ›18న స్వామి అలంకారం తీయడంలో ఉత్సవాల ముగింపు
News October 30, 2024
కురుమూర్తి బ్రహ్మోత్సవాలకు ఏర్పాట్లు పూర్తి
మదనాపురం ఆత్మకూర్ సమీపంలో కొండపై కురుమూర్తి స్వామి జాతర బ్రహ్మోత్సవాలు నవంబర్ మొదటి వారంలో ప్రారంభం కానున్నాయి. 2 తేదీ నుంచి 18వ తేదీ వరకు బ్రహ్మోత్సవాలు జరుగుతాయని ఈవో ముదినేశ్వర్ రెడ్డి తెలిపారు. మొదటి రోజు స్వామివారి కళ్యాణంతో ఉత్సవాలు ప్రారంభం అవుతాయి. ఉమ్మడి జిల్లా ప్రజలే కాక కర్ణాటక, ఏపీ నుంచి భక్తులు వస్తారని తెలిపారు. ఎలాంటి ఇబ్బంది లేకుండా భక్తులకు అన్ని ఏర్పాట్లను చేశామన్నారు.
Featured News
Sorry, no posts matched your criteria.