India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News October 9, 2024
MBNR: డీఎస్సీకి 1,131 మంది ఎంపిక
ఉమ్మడి పాలమూరు జిల్లాలో మొత్తం 1,131 మందితో DSC తుది జాబితాను విద్యాధికారులు ప్రకటించారు. ఎంపికైన అభ్యర్థులు నేడు LB స్టేడియంలో CM రేవంత్‌రెడ్డి చేతుల మీదుగా నియామక పత్రాలు అందుకోనున్నారు. MBNR-243, గద్వాల-172, NGKL- 285, వనపర్తి-152, NRPT-279 మంది ఎంపికయ్యారు. వారిని సీఎం సభకు తరలించేందుకు జిల్లాల వారీగా ఆర్టీసీ బస్సులు ఏర్పాటు చేశారు. దసరా సెలవుల్లోగా పాఠశాలలను కేటాయించనున్నట్లు సమాచారం.
News October 9, 2024
గురుకులాలు రద్దు చేసేందుకు కాంగ్రెస్ కుట్ర: RSP
నిరుపేద విద్యార్థుల‌కు నాణ్య‌మైన విద్య‌ను అందించేందుకు BRS ప్రభుత్వం ప్ర‌తిష్టాత్మ‌కంగా తీసుకొచ్చిన గురుకుల పాఠశాలలను రద్దు చేసేందుకు కాంగ్రెస్ ప్రభుత్వం కుట్ర చేస్తుంద‌ని BRS నేత RS ప్ర‌వీణ్ కుమార్ అన్నారు. మంగళవారం తెలంగాణ భ‌వ‌న్‌లో ఆయన మీడియాతో మాట్లాడారు. కేసీఆర్‌ ప్రభుత్వం సకల హంగులతో గురుకులాలను నిర్మించి అన్ని వర్గాల పిల్లలకు చదువుకొనే అవకాశం కల్పించిందని RSP గుర్తు చేశారు.
News October 9, 2024
ఉమ్మడి జిల్లాలో నేటి ముఖ్య వార్తలు..!!
✒పర్యాటక రంగంలో ప్రపంచస్థాయి మౌలిక వసతుల కల్పన: మంత్రి జూపల్లి
✒పెండింగ్ స్కాలర్షిప్ విడుదల చేయండి: విద్యార్థులు
✒DSC-2024 సర్టిఫికెట్ల వెరిఫికేషన్ లో అవకతవకులు.. అభ్యర్థుల ధర్నా
✒గణనీయంగా పెరిగిన BSNL.. త్వరలో 4G
✒వనపర్తి జిల్లాకు ఎల్లో అలర్ట్.. రేపు వర్షాలు
✒ఘనంగా బతుకమ్మ సంబరాలు
✒KCR హయాంలో ఒక విద్యార్థిపై రూ.55 వేలు ఖర్చు చేశాం:RSP
✒మాదక ద్రవ్యాలను అరికట్టాలి:AIYF
News October 8, 2024
బతుకమ్మ సంబరాల్లో గొడవ.. ఆర్మీ జవాన్‌పై దాడి
ఆర్మీ జవాన్‌పై కత్తితో ఓ వ్యక్తి దాడి చేయడంతో గాయపడిన ఘటన ధరూర్ (M) రేవులపల్లిలో సోమవారం రాత్రి జరిగింది. గ్రామంలోని బతుకమ్మ సంబరాలు జరుగుతుండగా.. కృష్ణ అనే వ్యక్తి సౌండ్ గట్టిగా వస్తుందని బంద్ చేయాలంటూ వాదనకు దిగాడు. వారించడానికి వెళ్లిన ఆర్మీ జవాన్‌పై కృష్ణ కత్తితో దాడి చేయగా.. జవాన్ తీవ్రంగా గాయపడడంతో ఆయనను ఆసుపత్రికి తరలించారు. దాడికి పాల్పడిన వ్యక్తిని పోలీసులు అదుపులోకి తీసుకున్నారు.
News October 8, 2024
MBNR: ‘పెండింగ్ స్కాలర్షిప్ విడుదల చేయండి’
చాలా రోజులుగా పెండింగ్‌లో ఉన్న స్కాలర్షిప్‌లను ప్రభుత్వం వెంటనే విడుదల చేయాలని ఉమ్మడి పాలమూరు జిల్లాలోని విద్యార్థులు కోరుతున్నారు. స్కాలర్షిప్ రాలేక అనేక ఇబ్బందులు పడుతున్నామని తెలిపారు. పేద, మధ్య తరగతి విద్యార్థుల చదువులు మధ్యలో ఆగిపోకుండా ఉండాలంటే సాలర్షిప్, ఫీజు రీయింబర్స్మెంట్ సకాలంలో అందించాలని చెబుతున్నారు. ఇప్పటికైనా ప్రభుత్వం, అధికారులు స్పందించి స్కాలర్‌షిప్‌లు చెల్లించాలని చెబుతున్నారు.
News October 8, 2024
మరికల్: రూ.11,11,111 నోట్లతో దుర్గామాత అలంకరణ
మరికల్ మండలం పెద్ద చింతకుంట గ్రామంలో దేవి శరన్నవరాత్రి ఉత్సవాలు వైభవంగా జరుగుతున్నాయి. మంగళవారం 6వ రోజు అమ్మవారిని రూ. 11,11,111 కరెన్సీ నోట్లతో మహాలక్ష్మి అలంకరణలో భక్తులకు దర్శనమిచ్చారు. అర్చకులు అమ్మవారికి ప్రత్యేక పూజలు, మంగళ హారతులు చేసి నైవేద్యం సమర్పించారు. గ్రామస్థులు దుర్గామాతను దర్శనం చేసుకొని ప్రత్యేక పూజలు చేశారు.
News October 8, 2024
ఉమ్మడి జిల్లా నేటి ఉష్ణోగ్రతలిలా…
ఉమ్మడి మహబూబ్నగర్ జిల్లా వ్యాప్తంగా మంగళవారం ఈ క్రింది విధంగా ఉష్ణోగ్రతలు నమోదయ్యాయి. అత్యధికంగా గద్వాల జిల్లా వడ్డేపల్లి లో 35.0 డిగ్రీల ఉష్ణోగ్రత నమోదయింది. వనపర్తి జిల్లా సోలిపూర్ లో 32.7 డిగ్రీలు, నారాయణపేట జిల్లా కోటకొండ లో 31.7 డిగ్రీలు, మహబూబ్నగర్ జిల్లా కొల్లూరులో 30.0 డిగ్రీలు, నాగర్ కర్నూల్ జిల్లా పద్రాలో 29.8 డిగ్రీల ఉష్ణోగ్రతలు నమోదయ్యాయి.
News October 8, 2024
MBNR: గణనీయంగా పెరిగిన BSNL.. త్వరలో 4G టవర్స్
ఉమ్మడి మహబూబ్ నగర్ జిల్లా వ్యాప్తంగా 19 లక్షల చరవాణి, 6వేల వరకు FTTH కలెక్షన్లు ఉన్నాయి. జూలైలో 11,305, ఆగస్టులో 12,718 మంది కొత్తగా BSNL సిమ్ కార్డులు కొనుగోలు చేశారు. గత 3 నెలల నుంచి ఉమ్మడి జిల్లావ్యాప్తంగా 108 ప్రాంతాల్లో 4G టవర్లు ఏర్పాటు చేశామని, ఇంకా 60 4G టవర్లు అందుబాటులో తీసుకొస్తామని డీజీఎం వెంకటేశ్వర్లు తెలిపారు.
News October 8, 2024
వనపర్తి జిల్లాకు ఎల్లో అలర్ట్
ఉమ్మడి మహబూబ్నగర్ జిల్లా వ్యాప్తంగా మరో 2 రోజులు (మంగళ,బుధవారాల్లో) ఉరుములు, మెరుపులతో కూడిన వర్షాలు కురుస్తాయని HYD వాతావరణ కేంద్రం వెల్లడించింది. వర్షాలు కురుస్తున్న నేపథ్యంలో వనపర్తి జిల్లాకు ఎల్లో అలర్ట్ జారీ చేసింది. మిగతా జిల్లాల్లో మోస్తరు వానలు పడతాయని తెలిపింది. ప్రజలు అప్రమత్తంగా ఉండాలని ఉమ్మడి జిల్లా అధికారులు సూచించారు.
News October 8, 2024
నాగర్‌కర్నూల్: విషాదం.. కరెంట్ షాక్‌తో బాలుడి మృతి
నాగర్ కర్నూల్ జిల్లా లింగాలలో తీవ్ర విషాదం నెలకొంది. విద్యుత్ షాక్‌కు గురై బాలుడు మృతిచెందాడు. స్థానికుల వివరాలు మేరకు.. లింగాలకు చెందిన అశోక్, శిరీష దంపతుల కొడుకు అభిరామ్(11 నెలలు). సోమవారం సాయంత్రం బాబు ఆడుకుంటుండగా ఇంట్లో ఉన్న బెడ్ లైట్ వైర్ తగిలి తీవ్ర అస్వస్థకు గురయ్యాడు. వెంటనే లింగాల ఆస్పత్రికి తీసుకెళ్లాడు. మెరుగైన వైద్యం కోసం అక్కడి నుంచి అచ్చంపేటకు వెళ్తుండగా మార్గం మధ్యలో మృతి చెందారు.
Featured News
Sorry, no posts matched your criteria.