India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News July 24, 2024
శ్రద్ధగా చదివి ఫలితాల్లో 10 జీపీ తెచ్చుకోవాలి: కలెక్టర్
ప్రభుత్వ స్కూళ్లలోనే విద్యార్థులను చేర్పించాలని జిల్లా కలెక్టర్ మను చౌదరి పిలుపునిచ్చారు. మంగళవారం జిల్లా కలెక్టర్ కోహెడ, బెజ్జంకి మండలాల్లో ని వివిధ ప్రభుత్వ పాఠశాలలను సందర్శించిన అనంతరం చివరగా కోహెడ మండల కేంద్రంలోని జిల్లా పరిషత్ ఉన్నత పాఠశాలను సందర్శించి పదవ తరగతి విద్యార్థులతో మాట్లాడారు. పదవ తరగతి ఫలితాల్లో అందరూ శ్రద్ధగా చదివి ఫలితాల్లో 10 జీపీ తెచ్చుకోవాలని సూచించారు.
News July 24, 2024
మెదక్: రైతుల ఖాతాల్లో 237.5 కోట్లు జమ: కలెక్టర్
మెదక్ జిల్లా వ్యాప్తంగా 47,616 మంది రైతుల ఖాతాల్లో 237.5 కోట్ల రూపాయలు జమ చేసినట్లు కలెక్టర్ రాహుల్ రాజ్ తెలిపారు. జిల్లాలో 47 వేల 978 మంది రైతులకు వివిధ బ్యాంకుల ద్వారా 238.81 కోట్ల రూపాయలు విడుదలయ్యాయి. వివిధ సాంకేతిక కారణాలవల్ల 362 మంది రైతులకు సంబంధించి 1.3 కోట్ల రూపాయలు జమ కావాల్సి ఉంన్నారు. ఈ రైతులకు సంబంధించిన సరైన ఖాతా వివరాలను వ్యవసాయ శాఖ, బ్యాంకు అధికారులు సేకరిస్తారని అన్నారు.
News July 23, 2024
మాజీ ఎమ్మెల్యే శశిధర్ రెడ్డిని పరామర్శించిన మాజీ మంత్రి హరీశ్ రావు
గుండె సంబంధిత ఇబ్బందులతో నిమ్స్ ఆసుపత్రిలో చికిత్స పొందుతున్న మెదక్ మాజీ ఎమ్మెల్యే శశిధర్ రెడ్డిని మాజీ మంత్రి, ఎమ్మెల్యే హరీశ్ రావు పరామర్శించారు. శశిధర్ రెడ్డి అనారోగ్యానికి గురై ఆసుపత్రిలో చేరారు. చికిత్స అనంతరం కోలుకుంటున్నట్లు తెలిపారు. మంగళవారం సాయంత్రం ఆసుపత్రికి వెళ్లి శశిధర్ రెడ్డి యోగ క్షేమాలు ఆరా తీశారు. త్వరగా కోలుకోవాలని ఆకాంక్షించారు.
News July 23, 2024
MDK: కన్నీరు తెప్పిస్తున్న సాఫ్ట్వేర్ ఉద్యోగి సూసైడ్ నోట్
సంగారెడ్డి జిల్లా తెల్లాపూర్‌లో సాఫ్ట్వేర్ ఉద్యోగి కిరణ్ (25) ఆత్మహత్య చేసుకున్న విషయం తెలిసిందే. అతడు రాసిన సూసైడ్ నోట్ కన్నీళ్లు తెప్పిస్తోంది. ‘నా చిన్నప్పటి నుంచి అన్నీ కష్టాలే. <<13690444>>నచ్చిన చదువు చదవలేదు<<>>. నచ్చిన బట్టలు, ఇష్టమైన తిండి తినలేదు. నచ్చిన జాబ్ కూడా లేదు. నాకు ఎవరి నుంచి సపోర్ట్ లేదు. ఒక్కడినే ఇలా ఉండలేకపోతున్నాను. గుడ్‌ బై’ అంటూ మధ్యతరగతి యువత కష్టాలను లెటర్‌లో రాసి తనువు చాలించాడు.
News July 23, 2024
ఆర్టీసీతో మహిళలకు రూ.2,350 కోట్లు ఆదా!: మంత్రి పొన్నం
మహాలక్ష్మి పథకం కింద తెలంగాణలో మహిళలు 68.60 కోట్ల సార్లు ఉచితంగా బస్సుల్లో ప్రయాణించారని రవాణా శాఖ మంత్రి పొన్నం ప్రభాకర్ గౌడ్ తెలిపారు. ఫలితంగా రూ.2,350 కోట్లు ఆదా అయ్యాయని వివరించారు. తెలంగాణ రాష్ట్ర రోడ్డు రవాణా సంస్థ (టీజీఎస్‌ఆర్‌టీసీ) అధికారులు, సిబ్బందితో బస్‌భవన్‌లో సమీక్ష నిర్వహించారు. మంత్రి మాట్లాడుతూ.. ఆర్‌టీసీ సిబ్బంది కృషి, క్రమశిక్షణ, అంకితభావం వల్లే పథకం విజయవంతమైందన్నారు.
News July 23, 2024
సంగారెడ్డి: సాఫ్ట్వేర్ ఉద్యోగి SUICIDE
సంగారెడ్డి జిల్లాలోని తెల్లాపూర్ మున్సిపాలిటీ పరిధి విద్యుత్‌నగర్‌లో విషాద ఘటన వెలుగుచూసింది. సాఫ్ట్వేర్ ఉద్యోగి కిరణ్ (25) తన రూంలో ఉరి వేసుకుని ఆత్మహత్య చేసుకున్నాడు. స్థానికులు గమనించి పోలీసులకు సమాచారం ఇచ్చారు. ఘటనా స్థలానికి చేరుకున్న కొల్లూరు పోలీసులు మృతదేహాన్ని పరిశీలించారు. కేసు నమోదు చేసి దర్యాప్తు చేస్తున్నారు. మరిన్ని వివరాలు తెలియాల్సి ఉంది.
News July 23, 2024
SRD: రోడ్డు ప్రమాదంలో యువకుడి దుర్మరణం
మృతదేహాన్ని కారు సుమారు <<13680734>>4KM లాక్కెళ్లిన<<>> విషయం తెలిసిందే. వనపర్తి జిల్లాకు చెందిన వెంకటేశ్‌(22) HYDలో ఉంటూ LLB చేస్తున్నాడు. ఆదివారం రాత్రి జహీరాబాద్‌కు బైక్ పై వెళ్లి వస్తుండగా లింగంపల్లి శివారులో NH-65పై వెనుక నుంచి కారు ఢీకొట్టింది. అది గమనించని కారు డ్రైవర్ సుమారు 4KM లాక్కెళ్లాడు. కంకోల్‌ టోల్‌ ప్లాజా వద్ద గుర్తించగా వెంకటేశ్‌ అప్పటికే మృతి చెందాడు. ఘటనపై పోలీసులు దర్యాప్తు చేపట్టారు.
News July 23, 2024
పటాన్‌చెరు: రూ.13.83 లక్షలు కాజేసిన సైబర్ నేరస్థులు
పెట్టుబడి పెడితే లాభాలు, కమీషన్ ఇస్తామంటూ ఓ ప్రైవేటు ఉద్యోగి నుంచి సైబర్ నేరస్థులు రూ.13.83 లక్షలు కాజేసిన ఘటన పటాన్‌చెరు PS పరిధిలో జరిగింది. పోలీసులు తెలిపిన వివరాలు.. శ్రీనగర్ కాలనీకి చెందిన ఉద్యోగి వాట్సాప్‌కు జూన్ 5న ఈ మేరకు ఓ సందేశం వచ్చింది. నమ్మిన బాధితుడు పలు దఫాలుగా రూ.13.83 లక్షలు పెట్టుబడి పెట్టాడు. తర్వాత మోసపోయిన విషయాన్ని గ్రహించి పోలీసులకు ఫిర్యాదు చేశారు.
News July 23, 2024
సింగూర్‌కు కొనసాగిన 564 క్యూసెక్కుల ఇన్‌ఫ్లో
సంగాడి జిల్లాలోని సింగూర్ ప్రాజెక్టుకు స్వల్పంగా వరద నీరు చేరుతోందని ప్రాజెక్టు ఏఈ మైపాల్ రెడ్డి మంగళవారం తెలిపారు. ఎగువ ప్రాంతాల నుంచి 564 క్యూసెక్కుల ఇన్ ఫ్లో కొనసాగుతోందని, 391 క్యూసెక్కుల నీటిని దిగువకు విడుదల చేస్తున్నట్లు చెప్పారు. ఇందులో తాలేల్మకు 41 క్యూసెక్కులు, హైదరాబాద్ వాటర్ సప్లైకి 80, మిషన్ భగీరథ 70, ఆవిరిగా 200 క్యూసెక్కులు ఔట్ ఫ్లో ఉందన్నారు.
News July 23, 2024
సంగారెడ్డి: తల్లి మందలించిందని బాలిక ఆత్మహత్య
మనస్తాపంలో బాలిక(11) సూసైడ్ చేసుకున్న ఘటన మనూరు మండలం అతిమ్యాలలో జరిగింది. స్థానికులు తెలిపిన వివరాలు.. గ్రామానికి చెందిన దంపతులకు కుమార్తె, కొడుకు ఉన్నారు. సోమవారం కొడుకు బర్త్ డే కావడంతో కేక్, నిత్యావసరాలు తేవడానికి కొడుకును తీసుకొని దంపతులు ఖేడ్ వెళ్లారు. తాను వస్తానని కుమార్తె మారాం చేయడంతో వద్దని తల్లి మందలించింది. సాయంత్రం వారు ఇంటికొచ్చేసరికే దూలానికి బాలిక ఉరేసుకొని వేలాడుతూ కనిపించింది.
Featured News
Sorry, no posts matched your criteria.