India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News July 29, 2024
NLG: వ్యవసాయ అధికారులకు భారంగా రైతు వేదికలు!
ఉమ్మడి జిల్లాలో రైతు వేదికల నిర్వహణ వ్యవసాయ అధికారులకు భారంగా మారుతుంది. ఉమ్మడి జిల్లా వ్యాప్తంగా 73 మండలాల్లో 314 రైతు వేదికలు ఉన్నాయి. వాటికి ప్రతి నెలా రావలసిన నిధులు నిలిచిపోయాయి. వానాకాలం సీజన్ ప్రారంభం కావడంతో ఇప్పటికే వివిధ పంటల సాగులో రైతులు నిమగ్నమయ్యారు. ఈ వేదికల్లో ప్రతి మంగళవారం రైతు నేస్తం కార్యక్రమం నిర్వహిస్తున్నారు. నిధుల లేమీ కారణంగా వ్యవసాయ అధికారులు ఇబ్బందులు పడుతున్నారు.
News July 29, 2024
ముగిసిన ఉపాధ్యాయ పదోన్నతుల ప్రక్రియ
జిల్లాలో ఉపాధ్యాయ పదోన్నతుల ప్రక్రియ రెండో విడత కూడా ముగిసింది. గత నెల 20 వరకు ఉపాధ్యాయ బదిలీలు, పదోన్నతుల ప్రక్రియను పూర్తిచేసిన విషయం తెలిసిందే. అప్పట్లో ఒక్కో ఉపాధ్యాయుడు మూడు సబ్జెక్టుల్లో కూడా పదోన్నతులు పొంది ఒక్క సబ్జెక్టులోనే జాయిన్ కావడంతో మిగతా రెండు పోస్టులు ఖాళీగానే మిగిలిపోయాయి. దీంతో అధికారులు నాట్ విల్లింగ్ తో మిగిలిన పోస్టులను పదోన్నతుల ద్వారా భర్తీ చేశారు.
News July 29, 2024
511 అడుగులకు చేరిన సాగర్ నీటిమట్టం
నాగార్జున సాగర్ జలాశయానికి వరద ప్రవాహం కొనసాగుతోంది. ఇన్ ఫ్లో 54,438 వేల క్యూసెక్కులు ఉండగా.. ఔట్ ఫ్లో 6,744 క్యూసెక్కులు ఉంది. సాగర్ పూర్తిస్థాయి నీటిమట్టం 590 అడుగులకు గాను ప్రస్తుతం 511.40 అడుగులకు చేరినట్లు డ్యామ్ అధికారులు పేర్కొన్నారు. ప్రస్తుతం నీటి నిలువ 134.0598 టీఎంసీలుగా ఉంది.
News July 29, 2024
సాగర్ నీళ్లొస్తే ఫుల్ బిజీ
సాగర్‌కు వరద కొనసాగుతుండడంతో రైతుల్లో హర్షం వ్యక్తమవుతోంది. ప్రస్తుతం కురుస్తున్న వర్షాలతో వ్యవసాయ పనులు మొదలయ్యాయని సాగర్ నిండితే జోరందుకుంటాయని వారు చెబుతున్నారు. తమకు చేతినిండా పని దొరుకుతుందని రైతు కూలీలు సంతోషం వ్యక్తం చేస్తున్నారు. కాగా ఉమ్మడి నల్గొండ జిల్లాలో సాగు దాదాపు సాగర్ ఆయకట్టు కిందే ఉంది.
News July 29, 2024
నాగార్జున‌సాగర్‌కు పెరుగుతున్న వరద ప్రవాహం
నాగార్జున సాగర్ ప్రాజెక్టుకు వరద ప్రవాహం క్రమంగా పెరుగుతోంది. ప్రస్తుతం 53,774 క్యూసెక్కులు వస్తోంది. పూర్తి స్థాయి నీటిమట్టం 590 అడుగులు కాగా, ప్రస్తుతం నీటి నిల్వ 510.2 అడుగులుగా ఉంది. 312.05 టీఎంసీలకు గాను 131.01 టీఎంసీల నీరు నిల్వ ఉంది. శ్రీశైలం నిండుకుండను తలపిస్తోండగా రేపు గేట్లు అవకాశముంది. అదే జరిగితే సాగర్ త్వరలోనే నిండనుంది.
News July 29, 2024
డిండి జలాశయంలో తగ్గిన నీటిమట్టం
తీవ్ర వర్షాభావ పరిస్థితుల నేపథ్యంలో డిండి జలాశయంలో నీటిమట్టం తగ్గింది. జలాశయం పూర్తిస్థాయి నీటిమట్టం 36 అడుగులు కాగా ప్రస్తుతం జలాశయంలో 20.5 అడుగులు మాత్రమే నిల్వ ఉంది. జూన్ 28న జలాశయంలో 26 అడుగులు నీరు నిల్వ ఉండగా ఆయకట్టుకు నీటిని విడుదల చేసిన విషయం తెలిసిందే. వర్షాలు లేక ఎగువ ప్రాంతం నుంచి జలాశయంలోకి నీరు చేరకపోవడంతో ఆయకట్టు రైతులు ఆందోళన చెందుతున్నారు.
News July 28, 2024
NLG: బొమ్మలు చూసి ప్రయాణికుల పరుగు
NLGలోని సావర్కర్ నగర్ చౌరస్తా నుంచి రైల్వేస్టేషన్ రోడ్డు పైవంతెన సమీపంలో గుర్తు తెలియని వ్యక్తులు వస్త్ర దుకాణాల్లో అలంకారానికి వాడే బొమ్మలను పడేశారు. రాత్రి సమయంలో తెల్లగా మనుషులను పోలి ఉన్న వాటిని చూసి స్థానికులు భయపడుతున్నారు. రైలు దిగి వస్తున్న సమయంలో ఆ బొమ్మలను చూసి భయంతో పరుగులు తీశామని పలువురు ప్రయాణికులు తెలిపారు. ఈ దారిలో చెత్తాచెదారం వేస్తుండడంతో ప్రయాణికులు ఇబ్బందులు పడుతున్నారు.
News July 28, 2024
నల్గొండలో రోడ్డుప్రమాదం.. మహిళ మృతి
నల్గొండ చర్లపల్లి సప్తగిరి విల్లాస్ ఎదురుగా రోడ్డు దాటుతున్న మహిళని నల్గొండ నుంచి నార్కెట్ పల్లి వైపు వేగంగా వస్తున్న కారు ఢీ కొట్టడంతో మహిళ అక్కడికక్కడే మృతి చెందింది. ప్రమాదానికి కారణమైన కారు ఆగకుండా వెళ్లింది. దామరచర్ల మండలానికి చెందిన వీరి కుటుంబం చర్లపల్లి గ్రామంలో నివసిస్తూ రోజు వారి కూలీ పనులు చేస్తూ జీవనం సాగిస్తున్నట్లు స్థానికులు తెలిపారు.
News July 28, 2024
SRPT: పండుగకు తీసుకెళ్లి భూమి పట్టా చేయించుకున్నాడు
పండుగకు తీసుకెళ్లి తమ భూమిని
అక్రమంగా మేనల్లుడు నాగరాజు పట్టా
చేయించుకున్నారని, మద్దిరాలకు చెందిన గురువోజు సోమాచారి వెంకటమ్మ దంపతులు ఆవేదన వ్యక్తం చేశారు. సూర్యాపేట ఆర్డీవో వేణు మాధవరావుకు శనివారం ఫిర్యాదు చేశారు. తమ భూమిని ఎలాగైనా తమకు ఇప్పించాలని వేడుకుంటున్నారు.
News July 28, 2024
నాగార్జునసాగర్ ప్రాజెక్టు తాజా సమాచారం
నాగార్జున సాగర్ ప్రాజెక్టు తాజా సమాచారం ఈ విధంగా ఉంది. ఇన్ ఫ్లో: 39,338 క్యూసెక్కులు ఔట్ ఫ్లో: 6,282 క్యూసెక్కులు పూర్తిస్థాయి నీటిమట్టం 590 అడుగులు ప్రస్తుత నీటి మట్టం 509 అడుగులు పూర్తి నీటి నిల్వ సామర్థ్యం 312.50 టీఎంసీలు ప్రస్తుత నీటి నిల్వ 130.43 టీఎంసీలు
Featured News
Sorry, no posts matched your criteria.