India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News November 30, 2025
రేపటి ప్రజావాణి రద్దు: కలెక్టర్
సర్పంచ్ ఎన్నికల నేపథ్యంలో ప్రతి సోమవారం నిర్వహించే ప్రజావాణి కార్యక్రమాన్ని రేపు తాత్కాలికంగా నిలిపివేస్తున్నట్లు వరంగల్ కలెక్టర్ సత్య శారద తెలిపారు. ఎన్నికల ప్రక్రియ పూర్తయ్యే వరకు ప్రజావాణి కార్యక్రమం నిర్వహణ ఉండదని స్పష్టంచేశారు. జిల్లాలోని ప్రజలు ఈ నిర్ణయాన్ని గమనించి సహకరించాలని కలెక్టర్ కోరారు.
News November 30, 2025
పర్వతగిరి: నామినేషన్ల స్క్రూటినీ ప్రక్రియ పరిశీలన..!
స్థానిక సంస్థల ఎన్నికలకు చేపట్టిన నామినేషన్ల స్క్రూటినీ ప్రక్రియను జిల్లా ఎన్నికల సాధారణ పరిశీలకులు, రాష్ట్ర బీసీ కమిషనర్ బాలమాయ దేవి పరిశీలించారు. ఈ సందర్భంగా అభ్యర్థుల దరఖాస్తుల పరిశీలన, ఎన్నికల నిర్వహణకు సంబంధించిన ప్రక్రియ, నియమ నిబంధనలను పారదర్శకంగా చేపట్టాలని రిటర్నింగ్ అధికారులకు సూచించారు. ప్రతి దశను నిష్పక్షపాతంగా చేపట్టాలన్నారు. ఇండస్ట్రియల్ జీఎం నరసింహమూర్తి ఎంపీడీవో శంకర్ పాల్గొన్నారు.
News November 30, 2025
వరంగల్: వైన్స్ బంద్.. ఇబ్బందుల్లో మందుబాబులు..!
మద్యం దుకాణాలకు నేటితో గడువు ముగుస్తున్నందున గత మూడు రోజులుగా దుకాణాలకు ప్రభుత్వం మద్యం సరఫరాను నిలిపివేసింది. కాగా, రేపటి నుంచి కొత్త షాపులు ప్రారంభం కానుండగా, అధికశాతం షాపులు పాత అడ్డాల్లోనే ఏర్పాటు చేస్తున్నారు. స్టాక్ లేకపోవడం, నూతన షాపుల కోసం నిర్వాహకులు ఏర్పాట్లు చేసుకుంటుండటంతో జిల్లాలో వైన్ షాపులు బంద్ చేశారు. దీంతో మద్యం దొరకక మందుబాబులు విలవిల్లాడుతూ బెల్టు షాపులకు పరుగులు పెడుతున్నారు.
News November 30, 2025
వరంగల్ జిల్లా ఎన్నికల అబ్జర్వర్‌గా బాల మాయాదేవి
రెండో దఫా గ్రామ పంచాయతీ ఎన్నికల పర్యవేక్షణకు వరంగల్ జిల్లా జనరల్ అబ్జర్వర్‌గా రాష్ట్ర బీసీ సంక్షేమ కమిషనర్ బి. బాల మాయాదేవిని రాష్ట్ర ఎన్నికల సంఘం నియమించింది. ఎన్నికల నిబంధనల ఉల్లంఘనపై ఫిర్యాదులు, సమస్యలను 8712735548 సెల్‌కు తెలియజేయాలని కలెక్టర్ డా. సత్య శారద కోరారు.
News November 30, 2025
వరంగల్: రవాణా శాఖ హోంగార్డులకు వేతన వెతలు..!
వరంగల్ రవాణా శాఖలో పనిచేస్తున్న ఐదుగురు హోంగార్డులకు నాలుగు నెలలుగా వేతనాలు అందక తీవ్ర ఇబ్బందులు ఎదురవుతున్నాయి. ఇతర జిల్లాల్లో హోంగార్డులకు జీతాలు సక్రమంగా జమవుతున్నా, వరంగల్‌లో మాత్రం బకాయిలు క్లియర్ కాక అప్పులు చేస్తున్నారు. పలుమార్లు అధికారులకు విజ్ఞప్తి చేసినా స్పందన లేక నిరాశ చెందుతున్న వారు, ప్రభుత్వం జోక్యం చేసుకుని వెంటనే వేతనాలు విడుదల చేయాలని కోరుతున్నారు.
News November 30, 2025
బొబ్బరోనిపల్లి: 20 ఏళ్లుగా ఒకే కుటుంబం..!
దుగ్గొండి మండలం బొబ్బరోనిపల్లిలో సర్పంచ్ పదవి 20 ఏళ్లుగా ఒకే కుటుంబం చేతిలోనే కొనసాగుతోంది. 1994లో పంచాయతీ ఏర్పడిన తర్వాత 1995, 2013లో శంకేసి పద్మ, శంకేసి శోభ కమలాకర్ ఏకగ్రీవంగా గెలిచారు. 2001లో పద్మ భర్త నర్సింహాస్వామి, 2019లో కమలాకర్ విజయం సాధించారు. ఈసారి సర్పంచ్ పదవి జనరల్‌కు రావడంతో శోభ భర్త కమలాకర్ మళ్లీ బరిలోకి దిగేందుకు సిద్ధమవుతుండగా, ఫలితంపై గ్రామంలో ఆసక్తి పెరిగింది.
News November 30, 2025
WGL: ఖర్చు ఎంతైనా పర్వా నై.. ఇక బుజ్జగింపుల పర్వం..!
WGL జిల్లాలో తొలి విడత నామినేషన్ల ప్రక్రియ ముగిసింది. సర్పంచ్‌కు 656 మంది, వార్డు మెంబర్‌కు 1858 మంది అభ్యర్థులు పోటీలో ఉన్నారు. నేటి నుంచి పార్టీల్లో బుజ్జగింపుల పర్వం ప్రారంభం కానుంది. తమ పార్టీలకు చెందిన రెబల్స్‌తో పాటు స్వతంత్రుల నామినేషన్లను వెనక్కి తీసుకునేలా నేతలు ప్రయత్నాలు వేగవంతం చేస్తున్నారు. పదవుల కోసం రూ.లక్షలు ఖర్చుపెట్టి రంగంలోకి దిగిన కొందరు వెనకడుగు వేయకపోవడంతో హీట్ పెరగనుంది.
News November 30, 2025
వరంగల్ కలెక్టరేట్ హెల్ప్‌డెస్క్‌కు 5 ఫిర్యాదులు
పంచాయతీ ఎన్నికల నేపథ్యంలో వరంగల్ కలెక్టరేట్‌లో ఏర్పాటు చేసిన హెల్ప్‌డెస్క్‌కు 5 ఫిర్యాదులు వచ్చాయి. మూడు ఓటర్‌ ఐడీ సమస్యలుగా ఉండగా, వెంటనే సంబంధిత తహశీల్దార్లకు పంపించారు. మరో రెండు ఫిర్యాదులు అవుట్‌సోర్సింగ్ ఉద్యోగులవి. ఉద్యోగంలో ఉండి ఎన్నికల్లో పోటీ చేయలేరని, ముందుగా రాజీనామా తప్పనిసరి అని హెల్ప్‌డెస్క్ స్పష్టం చేసింది. నియమావళి, ఓటింగ్, అభ్యర్థిత్వంపై సందేహాలకు హెల్ప్‌డెస్క్ ప్రజలకు తెలపనుంది.
News November 30, 2025
WGL: రూ.8 లక్షలు పలికిన స్థానాలు?
WGL జిల్లా వర్ధన్నపేట మండలం రామోజీ కుమ్మరిగూడెం తండా, చంద్రు తండాలు ఏకగ్రీవాలుగా నిలిచాయి. పదవుల పంపకాలు, వాటి మూల్యాల ఒప్పందాలు సైతం ముగిశాయి. రామోజీ తండా సర్పంచ్ భూక్యా సుశీల, ఉప సర్పంచ్‌గా భూక్యా తిరుపతి కాగా, చంద్రు తండాలో సర్పంచ్‌గా భూక్యా నీలా, ఉప సర్పంచ్‌గా మాలోతు నెహ్రూలను ఎంపిక చేసుకున్నారు. గ్రామాల అభివృద్ధికి ఇద్దరు తలా రూ.8 లక్షలు ఇచ్చేలా తీర్మానం చేసుకున్నట్లు విశ్వసనీయ సమాచారం.
News November 29, 2025
వరంగల్: రేపటి నుంచి రెండో విడత నామినేషన్ల స్వీకరణ
జిల్లాలో గ్రామ పంచాయతీల రెండో విడత ఎన్నికల నామినేషన్ల స్వీకరణ ఆదివారం నుంచి డిసెంబర్ 2 వరకు కొనసాగనున్నట్లు కలెక్టర్ డాక్టర్ సత్య శారద తెలిపారు. నర్సంపేట, వరంగల్ డివిజన్ల పరిధిలోని దుగ్గొండి, నల్లబెల్లి, సంగెం, గీసుగొండ మండలాల్లోని 117 సర్పంచ్, 1,008 వార్డు స్థానాలకు నామినేషన్లు స్వీకరిస్తామని వివరించారు.
Featured News
Sorry, no posts matched your criteria.