India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News September 12, 2024
BREAKING.. BHPL: ఆర్టీసీ బస్సు ఢీకొని యువకుడు మృతి
ఆర్టీసీ బస్సు ఢీకొని యువకుడు మృతి చెందిన ఘటన భూపాలపల్లి జిల్లా రేగొండ మండలంలో గురువారం సాయంత్రం చోటుచేసుకుంది. స్థానికుల ప్రకారం.. కొత్తపల్లి గ్రామానికి చెందిన రవీందర్(35) రేగొండ నుంచి కొత్తపల్లికి బైకుపై వెళ్తుండగా భూపాలపల్లి నుంచి వస్తున్న RTC బస్సు ఢీకొట్టింది. దీంతో రవీందర్ అక్కడికక్కడే మృతి చెందాడు. మృతునికి భార్య, కుమారుడు, కూతురు ఉన్నారు. మరిన్ని వివరాలు తెలియాల్సి ఉంది.
News September 12, 2024
వర్గీకరణ అమలు అధ్యయన కమిటీలో సభ్యురాలిగా సీతక్క
ఎస్సీ, ఎస్టీ వర్గీకరణ అమలుపై అధ్యయనం చేయడానికి తెలంగాణ రాష్ట్ర ప్రభుత్వం నూతన కమిటీని ఏర్పాటు చేసింది. కమిటీకీ చైర్మన్‌గా మంత్రి ఉత్తమ్ కుమార్ రెడ్డి, కో-చైర్మన్‌గా మంత్రి దామోదర రాజనర్సింహ నియమితులయ్యారు. కమిటీ సభ్యులుగా ములుగు జిల్లాకు చెందిన సీతక్క, మంత్రులు దుద్దిల్ల శ్రీధర్ బాబు, పొన్నం ప్రభాకర్, ఎంపీ మల్లు రవిలు నియమాకం అయ్యారు.
News September 12, 2024
మృతి పట్ల సంతాపం వ్యక్తం చేసిన ఎమ్మెల్యేలు, ఎంపీ
సీపీఎం ప్రధాన కార్యదర్శి సీతారాం ఏచూరి మృతి పట్ల MLAలు కడియం శ్రీహరి, నాయిని రాజేందర్ రెడ్డి, వరంగల్ MP కడియం కావ్య సంతాపం వ్యక్తం చేశారు. సీపీఎం పొలిట్ బ్యూరో సభ్యుడిగా, ఆ పార్టీ ప్రధాన కార్యదర్శిగా, రాజ్యసభ మాజీ సభ్యుడిగా సీతారాం ప్రజల పక్షాన పోరాడిన గొప్ప నాయకుడని ఎంపీ వివరించారు. ఏచూరి మృతి పట్ల తీవ్ర విచారం వ్యక్తం చేస్తూ కుటుంబ సభ్యులకు ప్రగాఢ సానుభూతి తెలియజేస్తున్నామని వారు చెప్పారు.
News September 12, 2024
మైనింగ్ కార్పొరేషన్ అధికారులతో హుస్సేన్ నాయక్ సమావేశం
జాతీయ ఎస్టీ కమిషన్ సభ్యులు జాటోత్ హుస్సేన్ నాయక్ ఈరోజు ఒడిశా రాష్ట్రంలో పర్యటిస్తున్నారు. పర్యటనలో భాగంగా ఒడిస్సా రాజధాని భువనేశ్వర్‌లో ఆయన మైనింగ్ కార్పొరేషన్ లిమిటెడ్ అధికారులతో సమావేశమయ్యారు. షెడ్యూల్డ్ తెగల సమస్యలపై సమావేశం నిర్వహించి, పలు కీలక విషయాల గురించి చర్చించారు. ఆయనకు స్థానిక అధికారులు, ప్రజాప్రతినిధులు ఘనంగా స్వాగతం పలికారు.
News September 12, 2024
ఈవీఎం గోదాములను తనిఖీ చేసిన కలెక్టర్ ప్రావీణ్య
వరంగల్ ఎనుమాముల వ్యవసాయ మార్కెట్ యార్డ్‌లో ఎలక్ట్రానిక్ ఓటింగ్ మెషీన్ల(ఈవీఎంల)ను భద్రపరిచిన గోదాములను హనుమకొండ జిల్లా కలెక్టర్ పి.ప్రావీణ్య గురువారం అధికారులు, గుర్తింపు పొందిన వివిధ రాజకీయ పార్టీల ప్రతినిధుల సమక్షంలో తనిఖీ చేశారు. కేంద్ర ఎన్నికల సంఘం ఆదేశాల మేరకు ప్రతి మూడు నెలలకు ఒకసారి నిర్వహించే సాధారణ తనిఖీలలో భాగంగా ఎనుమాముల వ్యవసాయ మార్కెట్ యార్డులోని ఈవీఎం గోదాములను కలెక్టర్ పరిశీలించారు.
News September 12, 2024
భద్రకాళి ఆలయంలో రూ.1,05,000లకు వేలం టెండర్
వరంగల్ నగరంలోని భద్రకాళి ఆలయంలో 5నెలలు (1-4-2024 నుంచి 10-9-2024) వరకు భక్తులు అమ్మవారికి సమర్పించిన 65 క్వింటాళ్ల ఒడి బియ్యంను బుధవారం బహిరంగ వేలం నిర్వహించినట్లు ఆలయ అధికారులు తెలిపారు. ఈ బహిరంగ వేలంలో ముగ్గురు పాటదారులు పాల్గొనగా రూ.1,05,000కు రమేశ్ హెచ్చు పాటదారుగా టెండర్ పొందారన్నారు. ఈ బహిరంగ వేలం దేవాదాయ శాఖ పరిశీలకుడు సంజీవరెడ్డి, ఈఓ శేషు భారతి, తదితరులున్నారన్నారు.
News September 12, 2024
ఏటూరునాగారంలో పులి సంచారం ఆవాస్తవం: రేంజర్ అబ్దుల్ రెహమాన్
ఏటూరునాగారంలో పులి సంచరిస్తుందని వస్తున్న వార్తలు అవాస్తవమని ఏటూరునాగారం రేంజర్ అబ్దుల్ రెహమాన్ తెలిపారు. రాంనగర్ సమీప పొలాల్లో ఓ రైతు గురువారం పులిని చూశానని చెప్పడంతో, అటవీశాఖ అధికారులు అక్కడికి వెళ్లి చూశారన్నారు. కానీ అక్కడ ఎటువంటి పులి ఆనవాళ్లు కనిపించలేదని తెలిపారు. సోషల్ మీడియాలో వదంతులు సృష్టించొద్దన్నారు. ప్రజలను భయభ్రాంతులకు గురిచేస్తే చర్యలు తీసుకుంటామని హెచ్చరించారు.
News September 12, 2024
శాసనమండలి ప్రతిపక్ష నేతగా మధుసూదనాచారి ఎన్నిక.. నేపథ్యం ఇదే
హనుమకొండ జిల్లాలోని నర్సక్కపల్లిలో 1956లో శాసనమండలి ప్రతిపక్ష నేత మధుసూదనాచారి జన్మించారు. తొలిసారిగా 1994లో శాయంపేట నుండి టీడీపీ ఎమ్మెల్యేగా సిరికొండ ఎన్నికయ్యారు. బీఆర్ఎస్ వ్యవస్థాపక సభ్యుడిగా, కేసిఆర్‌కి అత్యంత సన్నిహితమైన వ్యక్తిగా మధుసూదనాచారి ఉన్నారు. 2014లో బీఆర్ఎస్ పార్టీ నుంచి భూపాలపల్లి ఎమ్మెల్యేగా సిరికొండ ఎన్నికై తెలంగాణ తొలి స్పీకర్‌గా నియమితులయ్యారు.
News September 12, 2024
వరంగల్ మార్కెట్లో స్వల్పంగా పెరిగిన మిర్చి ధరలు
వరంగల్ ఎనుమాముల వ్యవసాయ మార్కెట్లో బుధవారంతో పోలిస్తే ఈరోజు మిర్చి ధరలు పెరిగాయి. 341 రకం మిర్చికి నిన్న రూ.15,500 ధర రాగా.. నేడు రూ.16,000కి చేరింది. తేజ మిర్చి క్వింటాకు నిన్నటిలాగే రూ.18,500 పలికింది. మరోవైపు వండర్ హాట్(WH) మిర్చి సైతం గత మూడు రోజులుగా రూ.16,000 ధర పలుకుతూ వస్తుందని వ్యాపారులు తెలిపారు.
News September 12, 2024
వరంగల్: క్వింటా పత్తి ధర రూ. 7790
వరంగల్ ఎనుమాముల వ్యవసాయ మార్కెట్లో నేడు పత్తి ధర స్వల్పంగా తగ్గింది. మార్కెట్లో సోమ, మంగళవారాలలో క్వింటా పత్తి ధర రూ.7,700 పలకగా బుధవారం రూ.7,800 అయింది. ఈరోజు రూ.10 తగ్గి, రూ.7790కి చేరింది. వర్షాకాలం నేపథ్యంలో రైతులు నాణ్యమైన సరుకులు మార్కెట్ కు తీసుకొని వచ్చి మంచి ధర పొందాలని అధికారులు సూచిస్తున్నారు. మరింత ధరలు పెరగాలని అన్నదాతలు ఆకాంక్షిస్తున్నారు.
Featured News
Sorry, no posts matched your criteria.