News November 20, 2024
చాణక్య, పోల్‌డైరీ EXIT POLLS: బీజేపీ కూటమికి 160 సీట్లు
మహారాష్ట్రలో బీజేపీ కూటమి అధికారంలోకి వస్తుందని చాణక్య స్ట్రాటజీస్ అంచనా వేసింది. మహాయుతికి 152-160 వస్తాయంది. మ్యాజిక్ ఫిగర్‌ను దాటేస్తుందని తెలిపింది. కాంగ్రెస్ 130-138కు పరిమితం అవుతుందని తెలిపింది. ఇతరులకు 6-8 వస్తాయంది. బీజేపీ కూటమికి 122-186, కాంగ్రెస్ కూటమికి 69-121 వస్తాయని పోల్ డైరీ అంచనా వేసింది. ఇతరులు12-29 గెలుస్తారని తెలిపింది.
Similar News
News December 10, 2024
జబర్దస్త్ టు క్యాబినెట్: నాడు రోజా, నేడు నాగబాబు
AP: రాష్ట్ర క్యాబినెట్‌లో నాగబాబు చేరిక ఖాయమైంది. త్వరలోనే ఆయన బాధ్యతలు స్వీకరించనున్నారు. ఆ తర్వాత 6 నెలల్లో MLCగా ఎన్నికవ్వాల్సి ఉంటుంది. జబర్దస్త్ కామెడీ షోలో జడ్జీలుగా చేసిన రోజా, నాగబాబు వేర్వేరు ప్రభుత్వాల్లో మంత్రులుగా అవకాశం దక్కించుకున్నట్లవుతుంది. అప్పట్లో వీరి మధ్య మంచి సంబంధాలే ఉండగా తర్వాత రాజకీయంగా విభేదాలు తలెత్తిన విషయం తెలిసిందే.
News December 10, 2024
‘బిగ్‌బాస్’ నిలుపుదలకు హైకోర్టు నో
నాగార్జున హోస్ట్‌గా వ్యవహరిస్తున్న ‘బిగ్‌బాస్ రియాలిటీ షో’ ప్రసారాన్ని నిలిపేయాలని దాఖలైన పిల్‌ను హైకోర్టు కొట్టేసింది. ఆ ప్రోగ్రాం అసభ్యంగా ఉందంటూ కొన్ని ఫొటోలను చూపించి షోను ఆపేయాలంటే సాధ్యం కాదని స్పష్టం చేసింది. పిటిషనర్‌కు అశ్లీలంగా అనిపించిన సీన్లు ఇతర ప్రజలకు అసభ్యం కాకపోవచ్చంది. కేబుల్ టీవీ నియంత్రణ చట్టం ప్రకారం సంబంధింత అధికారుల ముందు పిటిషనర్ తన అభ్యంతరాలను లేవనెత్తవచ్చని పేర్కొంది.
News December 10, 2024
‘LIC బీమా సఖి’.. నెలకు రూ.7,000 స్టైఫండ్
మహిళా సాధికారిత లక్ష్యంగా LIC బీమా సఖి యోజన పథకాన్ని PM మోదీ ప్రారంభించారు. ఏడాదిలో లక్ష మందిని నియమించుకోనున్నట్లు LIC MD సిద్ధార్థ్ మహంతి ప్రకటించారు. టెన్త్ అర్హత కలిగి 18-70ఏళ్ల వయసున్న మహిళలు అర్హులు. వీరికి మూడేళ్లపాటు ఆర్థిక అంశాలు, బీమాపై శిక్షణ ఇస్తారు. తొలి ఏడాది ₹7K, రెండో ఏడాది ₹6K, మూడో ఏడాది ₹5K చొప్పున ప్రతినెలా స్టైఫండ్ అందిస్తారు. శిక్షణ తర్వాత LIC ఏజెంట్‌గా పనిచేయొచ్చు.