News June 6, 2024

వాలంటీర్ వ్యవస్థలో మార్పులు.. నిజమెంత?

image

AP: వాలంటీర్ వ్యవస్థలో కీలక మార్పులు చేయనున్నట్లు జరుగుతున్న ప్రచారంలో వాస్తవం లేదని వాలంటీర్ ఉన్నత వర్గాలు తెలిపాయి. దీనిపై తమకు ఎలాంటి అధికారిక సమాచారం లేదని, ఫేక్ వార్తలను నమ్మకండని సూచించాయి. కాగా కొత్తగా ఏర్పడబోయే ప్రభుత్వం వాలంటీర్ల నియామకంలో డిగ్రీ ఉత్తీర్ణతను ప్రామాణికంగా తీసుకొని 1994 నుంచి 2003 వరకు వయోపరిమితిగా నిర్ణయించనున్నట్లు నెట్టింట చర్చ జరుగుతోంది.

Similar News

News July 21, 2024

42 మంది మహిళల హత్య.. సీరియల్ కిల్లర్ అరెస్ట్

image

కెన్యాలోని నైరోబీలో 42 మంది మహిళలను చంపేసి శరీర భాగాలను చెత్తకుప్పలో పారేసిన సీరియల్ కిల్లర్‌ కొల్లిన్స్‌ను పోలీసులు అరెస్ట్ చేశారు. 2022 నుంచి ఈ ఏడాది జులై మధ్యలో వారిని లొంగదీసుకుని దారుణానికి పాల్పడినట్లు గుర్తించారు. మిస్ అయిన మహిళ సోదరి ఫిర్యాదుతో ఇది వెలుగులోకి వచ్చింది. పోలీస్ స్టేషన్ సమీపంలోని డంపింగ్ యార్డులోనే శరీర భాగాలను పడవేయడం గమనార్హం. DNA పరీక్షల్లో ఇద్దరి మృతదేహాలను గుర్తించారు.

News July 21, 2024

కేదార్‌నాథ్‌ యాత్రలో ప్రమాదం.. ముగ్గురి మృతి

image

ఉత్తరాఖండ్ కేదార్‌నాథ్‌ యాత్రలో ప్రమాదం చోటు చేసుకుంది. చిద్వాస వద్ద కొండచరియలు విరిగిపడిన ఘటనలో ముగ్గురు భక్తులు మరణించారు. మరో ఎనిమిది మంది గాయపడినట్లు సమాచారం. క్షతగాత్రులను ఆసుపత్రికి తరలించారు. వీరు గౌరీకుండ్ నుంచి కేదార్‌నాథ్ వెళ్తున్నట్లు తెలుస్తోంది. ఘటనపై సీఎం పుష్కర్ సింగ్ ధామీ విచారం వ్యక్తం చేశారు. గాయపడిన వారికి మెరుగైన చికిత్స అందేలా చర్యలు తీసుకోవాలని అధికారులను ఆదేశించారు.

News July 21, 2024

వందేమాతరం నినాదాలొద్దు: ఎంపీలకు సూచనలు

image

రేపటి నుంచి బడ్జెట్ సమావేశాలు ప్రారంభం కానున్న నేపథ్యంలో ఎంపీలకు రాజ్యసభ సెక్రటేరియట్ పలు సూచనలతో హ్యాండ్‌బుక్‌ను విడుదల చేసింది. సభ గౌరవాన్ని కాపాడాలని సభ్యులను అందులో కోరింది. ‘సభాపతి ఆదేశాలను విమర్శించొద్దు. సభామర్యాదను పాటించాలి. ఛైర్‌కు నమస్కరించే సంస్కృతిని కొనసాగించాలి. అభ్యంతరకరమైన భాషను నివారించాలి. సభ గంభీరత దృష్ట్యా వందేమాతరం, జైహింద్ సహా ఏ నినాదాలూ చేయొద్దు’ అని స్పష్టం చేసింది.