News November 20, 2024
Swiggy Instamartలో మోసపోయిన కస్టమర్!
Swiggy Instamartలో 400-600గ్రా. బరువున్నట్లు చూపించిన క్యాలిఫ్లవర్ను ఆర్డర్ పెడితే కేవలం 145గ్రాములే డెలివరీ అయిందని ఓ కస్టమర్ రెడ్డిట్లో పోస్టు చేశారు. తాను ఆర్డర్ పెట్టిన కూరగాయలన్నీ తక్కువ బరువున్నట్లు పేర్కొన్నారు. కస్టమర్ సపోర్ట్ను సంప్రదించగా అక్కడా సంతృప్తికరమైన స్పందన రాలేదని వాపోయారు. ఫుల్ రిఫండ్కు బదులు ₹89 ఇస్తామని చూపించిందన్నారు. దీంతో Instamartలో ఆర్డర్లు పెట్టేవారు అలర్టయ్యారు.
Similar News
News February 2, 2026
కరోండా మొక్కలతో పంటకు రక్షణ, ఆదాయం
పంట రక్షణకు నేడు ఇనుప వైర్ ఫెన్స్, కాంక్రీటు స్తంభాలు వేయడానికి చాలా ఖర్చవుతుంది. అయితే పంటకు సహజ రక్షణ కవచంలా నిలుస్తోంది ‘కరోండా’. వీటినే వాక్కాయ మొక్కలు అంటారు. ఇవి చిన్న పొద రూపంలో పెరుగుతాయి. వీటి కాండం, కొమ్మలు ముళ్లతో నిండి పంటకు సహజ రక్షణ కవచంలా నిలుస్తాయి. ఈ మొక్కలకు ఉండే కాయలతో రైతులకు అదనపు ఆదాయం కూడా లభిస్తుంది. కరోండాను ఎలా పెంచాలో తెలుసుకోవడానికి <<-se_10015>>పాడిపంట క్లిక్<<>> చేయండి.
News February 2, 2026
కరోండా(వాక్కాయ)ను ఎలా, ఎప్పుడు నాటాలి?
వర్షాకాలంలో కరోండా(వాక్కాయ)ను నాటితే బాగా పెరుగుతుంది. పొలానికి చుట్టూ ప్రతి 1 మీటరు దూరంలో ఒక మొక్క నాటాలి. మొదటి రెండేళ్లలో మొక్కలకు నీరు పోయడం, ఎరువులు వేయడం అవసరం. మూడో ఏడాది నుంచే ఇది సహజమైన జీవకంచెగా మారిపోతుంది. ఎప్పటికప్పుడు పొదలను కొంచెం కత్తిరించి సమానంగా పెంచితే కంచె మరింత బలంగా మారి పంటకు రక్షణగా నిలుస్తుంది. అలాగే ఈ వాక్కాయ పండ్లను అమ్మి రైతులు అదనపు ఆదాయాన్ని పొందవచ్చు.
News February 2, 2026
శత్రు విజయం సాధించాలంటే ఏ దీపం?
శత్రువులపై విజయం సాధించాలన్నా, ఇతరుల నుంచి వచ్చే ఒత్తిడిని అధిగమించాలన్నా మినప పిండితో చేసిన దీపాన్ని వెలిగించాలి. ఈ దీపానికి దుష్ట శక్తులను, నరదిష్టిని తొలగించే శక్తి ఉంది. కుజ దోషం లేదా జాతకంలో రాహు-కేతు ప్రభావం వల్ల కలిగే ఆటంకాలను ఇది నివారిస్తుంది. భయం, ఆందోళనలు ఉన్నవారు మినప పిండి దీపాన్ని వెలిగించడం వల్ల ధైర్యం పొందుతారు. ఇది రక్షణ కవచంలా పనిచేసి కార్యసిద్ధిని కలిగిస్తుంది.