News November 24, 2024
రచిన్ రవీంద్రను తిరిగి దక్కించుకున్న చెన్నై
ఓపెనింగ్ బ్యాటర్ రచిన్ రవీంద్రను CSK రూ.4కోట్లకు కొనుగోలు చేసింది. బేస్ ప్రైజ్ రూ.1.50 కోట్లతో వేలంలోకి వచ్చిన ఇతడి కోసం పంజాబ్, చెన్నై పోటీ పడ్డాయి. గత సీజన్లో చెన్నై తరఫున ఆడిన ఇతను 161 స్ట్రైక్ రేట్‌తో 222 పరుగులు చేశారు.
Similar News
News November 24, 2024
మా ఇల్లు బఫర్ జోన్‌లో లేదు: హైడ్రా కమిషనర్
HYD మధురానగర్‌లోని తన ఇల్లు బఫర్ జోన్‌లో లేదని, సామాజిక మాధ్యమాల్లో వస్తున్న వార్తలు అవాస్తవమని హైడ్రా కమిషనర్ రంగనాథ్ స్పష్టం చేశారు. 44ఏళ్ల కిందట తన తండ్రి నిర్మించిన ఇంట్లోనే ఉంటున్నామన్నారు. ఒకప్పటి పెద్ద చెరువునే 25 ఏళ్ల క్రితం కృష్ణకాంత్ పార్కుగా మార్చారని చెప్పారు. ఆ పార్క్‌‌కు తమ ఇంటికి మధ్య కి.మీ. దూరం ఉందని వివరించారు. చెరువు కట్ట దిగువన 10 మీటర్లు దాటితే బఫర్ జోన్ పరిధిలోకి రాదన్నారు.
News November 24, 2024
అలాంటి కాల్ వస్తే భయపడొద్దు!
అనుమానిత వస్తువుల కొరియర్ అంటూ, వీడియో కాల్ చేసి మహిళతో అసభ్యంగా ప్రవర్తించారని కేసు పెడతామని సైబర్ నేరగాళ్లు కాల్స్ చేస్తున్నట్లు AP పోలీసులు అప్రమత్తం చేస్తున్నారు. పోర్న్ సైట్లు చూస్తున్నారని, అరెస్ట్ చేయకుండా ఉండాలంటే ఫైన్ కట్టాలని కాల్ చేసి డబ్బులు దోచేస్తున్నట్లు చెబుతున్నారు. ఇలాంటి మోసాలపై 1930కి కాల్ చేయడంతో పాటు www.cybercrime.gov.inలో కంప్లైంట్ చేయాలని సూచిస్తున్నారు.
News November 24, 2024
ఆశించిన స్థాయిలో ఫలితాలు రాలేదు: శరద్ పవార్
మహారాష్ట్ర ఎన్నికల్లో మహాయుతి విజయంపై NCP(SP) చీఫ్ శరద్ పవార్ స్పందించారు. లాడ్కీ బహీణ్ పథకం, మతపరమైన విభజనలు, మహిళలు పెద్దఎత్తున పోలింగ్‌లో పాల్గొనడం ఆ కూటమి గెలుపునకు దోహదం చేసి ఉండొచ్చన్నారు. తాము గెలుపుకోసం మరింత కష్టపడాల్సిందని చెప్పారు. ఫలితాలు తాము అనుకున్నట్లు రాలేదని, వీటిపై అధ్యయనం చేసి ప్రజల్లోకి వెళ్తామని పేర్కొన్నారు.