News March 12, 2025
ఈ నెల 15న తణుకుకు సీఎం చంద్రబాబు
AP: ఈ నెల 15న పశ్చిమగోదావరిలోని తణుకులో సీఎం చంద్రబాబు పర్యటించనున్నారు. స్వర్ణాంధ్ర-స్వచ్ఛాంద్ర కార్యక్రమంలో భాగంగా నిర్వహించే ప్రజావేదికలో ప్రసంగిస్తారు. సింగిల్ యూజ్ ప్లాస్టిక్కు ప్రత్యామ్నాయ వస్తువుల ప్రదర్శనను ఆయన ప్రారంభిస్తారు. సీఎం రాక నేపథ్యంలో జిల్లా కలెక్టర్ నాగరాణి, ఎస్పీ అద్నాన్ నయీమ్ ఏర్పాట్లను సమీక్షించారు. పర్యటన షెడ్యూల్ ఇవాళ లేదా రేపు ఖరారు కానుంది.
Similar News
News February 23, 2026
వంటింటి చిట్కాలు
* ఫ్రిడ్జ్లో వాసన వస్తుంటే.. ఒక చిన్న కప్పులో బేకింగ్ సోడా వేసి పెడితే వాటన్నిటినీ పీల్చుకుంటుంది. * బంగాళదుంప ముక్కలను మజ్జిగలో నానబెట్టి ఫ్రై చేస్తే అతుక్కోకుండా పొడిపొడిగా వస్తాయి. * దోశలు కరకరలాడుతూ రావాలంటే మినప్పప్పు నానబెట్టేటపుడు, కందిపప్పు, స్పూను చొప్పున మెంతులు, అటుకులు వేయాలి. * ఫర్నిచర్, వంట పాత్రలపై ఉండే స్టిక్కర్లను తీయడానికి దాని మీద నూనె వేసి రుద్ది, పావుగంటయ్యాక సబ్బుతో కడగాలి.
News February 23, 2026
పెళ్లి ముసుగులో మోసం.. అమ్మాయిలూ జాగ్రత్త: సజ్జనార్
TG: HYDలో పెళ్లి పేరుతో పెరుగుతున్న మోసాలు ఆందోళన కలిగిస్తున్నాయని CP సజ్జనార్ తెలిపారు. నిశ్చితార్థమయ్యాక శారీరకంగా దగ్గరవుతున్నారని, ఆ తర్వాత భారీగా కట్నం ఇస్తేనే తాళి కడతామని డిమాండ్ చేస్తున్నారని పేర్కొన్నారు. ప్రేమ పేరుతోనే కాకుండా పెద్దలు కుదిర్చిన సంబంధాల మాటున కూడా ఇలాంటివి జరుగుతున్నాయని చెప్పారు. ఈ మోసాలపై యువతులు షీ టీమ్స్ వాట్సాప్(9490616555), డయల్ 100కి ఫిర్యాదు చేయవచ్చన్నారు.
News February 23, 2026
ఎత్తయిన ప్రదేశాల్లో తక్కువగా డయాబెటిస్ ముప్పు.. కారణమిదే
సముద్రమట్టం కంటే అధిక ఎత్తయిన ప్రదేశాల్లో నివసించే వారికి డయాబెటిస్ వచ్చే అవకాశం తక్కువగా ఉంటుందని గ్లాడ్స్టోన్ ఇన్స్టిట్యూట్స్(US) సైంటిస్టులు కనుగొన్నారు. ‘ఆ ప్రాంతాల్లో ఆక్సిజన్ స్థాయులు తక్కువగా ఉండటం వల్ల ఎర్ర రక్తకణాలు మెటబాలిక్ మోడ్లోకి మారి పెద్దమొత్తంలో గ్లూకోజ్ను గ్రహిస్తాయి. తక్కువ ఆక్సిజన్తోనే శరీరం మనుగడ సాధిస్తుంది. అలాగే రక్తంలో చక్కెర స్థాయులూ తగ్గుతాయి’ అని పేర్కొన్నారు.