News December 31, 2024
లిక్కర్ షాపులపై CM కీలక నిర్ణయం
AP: మద్యం రిటైల్ షాపులకు ఇచ్చే మార్జిన్ను పెంచాలని సీఎం చంద్రబాబు నిర్ణయం తీసుకున్నారు. 10.5 శాతం మార్జిన్ వల్ల నష్టపోతున్నామని, పెంచాలని షాపుల యజమానులు ప్రభుత్వాన్ని కోరడంతో 14 శాతానికి పెంచాలని చంద్రబాబు నిర్ణయించారు. మరోవైపు రూ.99కి మద్యం అన్ని చోట్లా అందుబాటులో ఉండేలా చూడాలని ఆదేశించారు. ఇతర రాష్ట్రాల లిక్కర్, నకిలీ మద్యం రాకుండా చూడాలన్నారు.
Similar News
News January 14, 2025
మరికాసేపట్లో మకరజ్యోతి
మరికాసేపట్లో శబరిమలలో మకరజ్యోతి దర్శనం ఇవ్వనుంది. ఈ అద్భుత దృశ్యాన్ని చూసి తరించేందుకు అయ్యప్ప మాలధారులు, భక్తులు భారీగా శబరిమలకు చేరుకున్నారు. భక్తుల శరణుఘోషతో శబరిగిరులు మార్మోగుతున్నాయి. ఎలాంటి అవాంఛనీయ ఘటనలు చోటు చేసుకోకుండా ఆలయ అధికారులు, పోలీసులు భారీ బందోబస్తు నిర్వహించారు.
News January 14, 2025
అడిగిన ప్రతి రైతుకూ డ్రిప్ ఇరిగేషన్ పరికరాలు: సీఎం చంద్రబాబు
AP: సంక్షేమ పథకాల అమలులో మోసాలు జరగకుండా సాంకేతికతను వినియోగిస్తున్నామని సీఎం చంద్రబాబు చెప్పారు. రైతుల అభివృద్ధికి అనేక చర్యలు తీసుకుంటున్నామని తెలిపారు. అడిగిన ప్రతి ఒక్కరికీ డ్రిప్ ఇరిగేషన్ పరికరాలు అందిస్తామని, పశువులకు షెడ్లు నిర్మిస్తామని ప్రకటించారు. కిరాణా దుకాణాల ద్వారా సరకుల పంపిణీ చేపడతామన్నారు. ప్రజల ఆదాయం పెంచడం, పర్యావరణ పరిరక్షణే తన లక్ష్యమని పేర్కొన్నారు.
News January 14, 2025
సేంద్రియ సాగుకు మరింత ప్రోత్సాహం: సీఎం
AP: రాష్ట్రంలో సేంద్రియ సాగుకు తానే శ్రీకారం చుట్టానని, రానున్న రోజుల్లో మరింత ప్రోత్సహిస్తామని సీఎం చంద్రబాబు చెప్పారు. నారావారిపల్లెలో మాట్లాడుతూ ‘ప్రపంచ దేశాలన్నీ ప్రకృతి సేద్యం వైపు చూస్తున్నాయి. అలాంటి ఉత్పత్తులకు మార్కెట్లో మంచి ధర వస్తోంది. ఆరోగ్యంపై ప్రజలకు అవగాహన పెరిగింది. తినే ఆహారం ఎలాంటిదో, ఎక్కడి నుంచి వచ్చిందో తెలుసుకునే అవకాశం వచ్చింది’ అని తెలిపారు.