News August 29, 2024
40 ఏళ్లకు శ్రీనగర్లో క్రికెట్
40 ఏళ్ల తర్వాత జమ్మూ కశ్మీర్లో టాప్ ప్లేయర్లు క్రికెట్ ఆడనున్నారు. వచ్చే నెల 20న మొదలయ్యే లెజెండ్స్ లీగ్ క్రికెట్ మ్యాచులకు జోద్ పూర్, సూరత్, జమ్మూతో పాటు శ్రీనగర్(కశ్మీర్) వేదిక కానుంది. శిఖర్ ధవన్, దినేశ్ కార్తీక్ వంటి ప్లేయర్లు ఈ టోర్నీలో ఆడనున్నారు. మొత్తం ఆరు జట్లు 25 మ్యాచులు ఆడనుండగా అక్టోబర్ 10న ఫైనల్ మ్యాచ్ శ్రీనగర్లోని భక్షి స్టేడియంలో జరగనుంది.
Similar News
News September 13, 2024
ఈ నెల 21న మోదీ-బైడెన్ భేటీ
ఈ నెల 21న క్వాడ్ సదస్సులో భాగంగా అమెరికా అధ్యక్షుడు జో బైడెన్తో ప్రధాని నరేంద్ర మోదీ భేటీ అవుతారని వైట్ హౌస్ తెలిపింది. ఈ చర్చల్లో ఆస్ట్రేలియా ప్రధాని అల్బనీస్, జపాన్ ప్రధాని కిషిదా ఫుమియో కూడా పాల్గొంటారని పేర్కొంది. నార్త్ కరోలినాలోని విల్మింగ్టన్లో జరిగే ఈ సదస్సులో క్వాడ్ ప్రాముఖ్యత, ఆరోగ్య భద్రత, సైబర్ సెక్యూరిటీ, ప్రకృతి వైపరీత్యాలపై స్పందన, సముద్ర భద్రత వంటి విషయాలపై చర్చించనున్నారు.
News September 13, 2024
పవర్ప్లేలో ‘హెడ్’ మాస్టరే..!
ఆస్ట్రేలియా విధ్వంసకర ఓపెనర్ ట్రావిస్ హెడ్ టీ20ల్లో ఆకాశమే హద్దుగా చెలరేగి ఆడుతున్నారు. ఈ ఏడాది పవర్ప్లేలో అత్యధిక పరుగులు చేసిన ఆటగాడిగా హెడ్ కొనసాగుతున్నారు. ఇప్పటివరకు ఆయన 192.32 స్ట్రైక్ రేట్తో 1,027 పరుగులు బాదారు. అతడి తర్వాత ఫిల్ సాల్ట్ (827), డుప్లెసిస్ (807), అలెక్స్ హేల్స్ (792), జేమ్స్ విన్స్ (703) ఉన్నారు. ఓవరాల్గా ఈ ఏడాది హెడ్ 181.36 స్ట్రైక్ రేట్తో 1,411 రన్స్ సాధించారు.
News September 13, 2024
నేడు పిఠాపురానికి వైఎస్ జగన్
AP: వరద బాధితులను పరామర్శించేందుకు మాజీ సీఎం వైఎస్ జగన్ ఇవాళ కాకినాడ జిల్లా పిఠాపురం రానున్నారు. నియోజకవర్గంలోని మాధవపురం, రమణక్కపేటలో ప్రజలు, రైతులతో సమావేశమవుతారు. అలాగే ఏలేరు వరద ఉద్ధృతితో అతలాకుతలమై నీటమునిగిన పొలాలను ఆయన పరిశీలిస్తారు. అనంతరం ఆయన తాడేపల్లికి చేరుకుంటారు.